مشكلتي مع الشغلات البناتية !!

[نور الهدى]

السلام عليكم يا بنات

اعتقد انه هاي اول مرة احط فيها موضوع بقسم النواعم :ShababSmile221:

و انا عندي مشكلة اكتشفتها بعد ما انعزمت لخطوبة صاحبتي الله يتمملها على خير ^^

المشكلة هي انه انا دفشة نوعا ما

يعني ما بهتم كتير بشغلات البنات .. يعني الموضة و المكياجات و الاكسسوارات و هاي الاشياء

يوم السبت لما رحت لخطوبة صديقتي بالعافية تلقيت لبس يلبق للحفلة .. و بالعافية رضيت احط شوية مساحيق على وجهي

و طبعا مش انا اللي حطيتهم .. اختي الي مكيجتني .. لانه ما بعرف احط غير الكحل ههههههه

والله بقرف من المكياج .. بحسه ينتقص من الجمال الطبيعي و كمان بحسه خداع !!

ما عندي مكياج خاص فيني .. اخواتي هني اللي بشتروا

اما انا فكل ما فكرت اشتري شي بقول انه في اشياء اهم من هالتفاهة .. بستخسر احط مصاري في مجرد مكياج

هاد في ما يخص المكياج

اما الفساتين - فساتين اعراس و سهرات - فما عندي اصلا .. ليش ؟؟ لانه ما فكرت اشتري

فلوسي وين بتروح ؟؟

باشياء تانية .. اختي بتحكيلي : اهتمي بنفسك شوي .. مصاريكي ما بتروح غير بالكتب !!

فعلا هو هيك .. و اظن انه الشغلة فيها مبالغة من جانبي

بس راسي معبى باشيااااء تانية

معيش وقت لنفسي ..

بالعافية اقعد ارتاح بالاجازات .. لما ما بكون عندي دراسة ..

كتير مرات حاولت اغير نفسي شوي .. بس طبعي الدفش بيغلب علي ههههه

ما تفكروا انه انا وحشة و شعري بالبيت منكوش و بخوف هههههههه

لالا مش هيك

بس بحس حالي مختلفة عن البنات يعني .. حتى بالتفكير !!

//

مثلا يوم السبت لما رحت صديقاتي اتفاجأوا .. :ShababSmile229:

طيب انا شو بدي اعمل ؟؟

امي ابدا ما بتحكيلي عن هاي الاشياء .. اصلا ازا شافتني اهتميت بمظهري بزيادة تقعد تتمسخر علي :ShababSmile223:

و كمان بستحي قدام بابا انه اظهر قدامه بشي تسريحات و هيك اشياء

فهمتوا علي

انا مش متعودة ابدا

مين فيكو مرت بهيك حالة ؟؟

و كيف ممكن اتغير .. ؟؟

انا ما بدي صير زي البنات التوتي فروتي اللي ببكوا ازا انكسرلهن ظفر !!

و كمان ما بدي ضل دفشة هيك على طول !!

[Arabian girl]

السلام عليكم
اول شي بدي احكي حلو كتير انك بتهتمي بالكتب وبالقراءة وانوثة البنت مو بالميك اب والفساتين والسطحية
يعني بتقدري تكوني بكامل انوثتك بس بتقرأي ومثقفة يعني بنات مو شرط سطحيين
والسطحية بشعه بالنسبة الي .
وبالنسبة كيف بدك تتغيري اهم شي صحتك يعني ازا كان وزنك زيادة بتنحفي ازا كان عندك متلا حبوب بتتخلصي منهم
هادا بالنسبة شكليا
اما بالنشبة للشخصية هو مو مبين عليكي دفشة هههه
يعني انا مو حاسيتك دفشة :ShababSmile222:
بس متلا ازا بدك تغيري شي بالنسبة لشخصيتك اكتبي نقاط بهالاشيا
وضلك لمدة اسبوع اسبوعين مغيرة
يعني متلا مشيتك بدك تغيريها وهي كتير مهمة بالنسبة للكل مو بس البنات
بتحاولي تغيرها اسبوع وبعدين بتصير مشيتك هيك متلا
يعني هادي النقاط بتغيريهم خلال الاسبوعين وان شاء الله بصيرو متل عادة او جزء منك ^^
وممكن لمسة بسيطة بتعطي انوثة للبنت
يعني مو شرط تبالغي متلا تحكي ميك اب كتير او اكسسوارات كتيرة او باف عشرة متر لفوق
ممكن مسكارة خفيفة و تربطي شعرك بطريقة حلو او متلا كيرلي او تكويه
مع سنسال او حلق نعومين
هادا بالحفلات
اما بالبيت ازا بتستحي من باباكي تعملي قدامي تسريحة
فما في داعي تعملي
بس ممكن تزبطي شعرك بطريقة نعومة وبس
وتوتة توتة خلصت الحتوتة :ShababSmile240:
حاسة حالي صرت سطحية وانا بحكي عن اللبس وهالاشيا :ShababSmile221:
منورة حبيبتي

[.:.!دموع الرحيل!.:.]

هههههههههه

انا كنت متلك ..

كنت ما اعرف شو يعني مكياج الا بالمناسبات ومش انا الي احطو ..

وستايلي كان واحد وهو سبور !!

حتى جلابيبي كانت كلها سبور ..

والبوتات .. والجزادين .. وكل شي سبور حتى الالوان مش بناتية ..

استحلي البناتي بس لما اجي اشتري بجيب شي سبور ,,

لحد ما مليت من حالي :ShababSmile108:

وبعدين يعني ! نفسي البس سكربينه مش بوت

وامسك جزدان رسمي مش سبور !

وشوي شوي

صرت مثلا اجيب جزدان شوي رسمي ..

وسكربينة بدل البوت ..

واقرا عن الخلطآت ..

وهل صارت عشقي الخلطات :ShababSmile116:

والاعتناء بالشعر والبشرة

وغراضي صار فيها قسم كتير بناتي ..

يعني ما ستغنيت نهائيا عن السبور

لأني بحبو :ShababSmile240:

وهيني هلأ متل ما حكتلك رح ادخل دورة تجميل ..

لأنه البنت حلو كتير تكون بتعرف بهالامور

بس يكون استعمالها ضمن الحدود ..

يمكن لأنه نحن ما كتير منستعمل هالاشيا

مثلا ما في مكياج وقت نضهر ..

وحجاب والخ ..

فكـان اهتمامنا بهالامور قليل

وهالشي طبيعي ..

بس كمـان بالمقابل

في اوقات بتضطري تكون فيها

قمة بمعرفة هيك أمور !

ولكل شي اله وقته ..

يعني حبيبتي ... انتي بدك تساعدي حالك ..

ابدا المكياج ما بيعني انه الطبيعي مش أحلى

لا نحن دايما عالطبيعه

بس في اوقات الزينة بتكون ضرورية

متل ما انتي مرت عليكي حفلة رفيقتك من كم يوم

يعني الحفلة الجاي لازم تكوني انتي الي تعملي مكياج لغيرك

مش انتي ينعملك :ShababSmile222:

وهيك شوي شوي بصير عندك اطلاع ..

وكمان محبة ضمن الحدود والمطلوب لهالامور ..

ومش أكتر من المطلوب !


ابقي طمنينا :ShababSmile221:

سنيوريتا :ShababSmile224:

[بنت فلسطين المجروحة]

:ShababSmile221:

زكرتني بالذي مضى

عفكرة انتي احسن مني

انا زمان كنت دفشة قولا وفعلا وشعري منكوش ههههههههههههههه :ShababSmile221:

وكنت اكره المكياج واشوف كل هالحكي هبل ..

المسالة مسالة تعود يا نور

ابدا اشتري لنفسك ادوات المكياج الخاصة فيكي

ومش لازم تشتري مجموعة كاملة

اشتري كحل ومسكرا مثلا

بعدين ايدك بتاخد عالشغلة :ShababSmile221:

بالنسبة للفاساتين

اذا صارتلك مناسبة ،، ساعتها روحي واشتري فستان او شي

هاي مش تفاهة الا اذا صارت عادة وادمان ومصدر قلق

لكن الاهتمام بالنفس شيء طيب ،، ومن سنن النبي


وان كان عانك تمكيجي حالك

فتعلمي فخواتك :ShababSmile221:

ولو انك انتي بالذات قمر ما شاء الله عليكي

بجد ومابجامل والله !

ومابشوفك بتحتجي هالمكياج الخطير

يعني كحل وبلاشر ومشي حالك :ShababSmile221:

جمالك رباني :ShababSmile116:


//


بالنسبة للدراسة والتعب،، لا باس لو اقتطعتي يوم بالشهر عالاقل تعملي هالحكي

ترفيه عن نفسك وتغيير جو وكمان بترجعي مشتاقة لكتبك :ShababSmile116:


اما امك فعادي حبيبتي ماما هيك كانت تحكي ،، بس عادي تعودت :ShababSmile221:

حتى بابا واخواني كنت مستحية اول مرة يشوفوني ،، وبابا لما شافني مدحني فخجلت بزيادة

لكن بعدين تعودت :ShababSmile221:

[.:.!دموع الرحيل!.:.]

انا زمان كنت دفشة قولا وفعلا وشعري منكوش ههههههههههههههه

ههههههههههههههههههههههه

ارجعي حطي زيت زيتون ولي :p

هههههههههه

حبيبتي امونه

[نور الهدى]

ههههههههه

والله طمنتوني ^^

اماني ولي عم بتخيلك بشعرك المنكوش ههههههههه

والله ضحكتيني

حسستيني اني مش لحالي بهالدنيا ههههههه

راجعة ارد عليكم وحدة وحدة

[إسراء الفلسطينية]

يييي ههههههههههههههههههههههههه

لييش حسستوني اني فايتة مكان للبنات الدفشين :ShababSmile221:

لا بمزح هاا هههههههههههههه :ShababSmile221:

بس انا الصراحة ما مارة عليّ هل حالة

بعتقد انو هل شي بيرجع لطبيعة البنت .. وكيف نشأتها .. وشو إهتمامها ..

انا العكس تماما .. بتذّكر لما كنت صغيرة .. كان لازم دايما كل اشيائي يكون باللون الزهري ..

وحتى لبسي .. وإكسسواراتي .. من انا وصغيرة بهتم بهل اشيا ..

بس عنجد ما بعرف كيف صرت هيك !

يعني انا اكبر وحدة بالبيت .. وما كان عندي مثلا اخت أكبر مني آخد منها عادات ..

ما بعرف .. هيك مني لحالي .. لقيت حالي بهتم بهل اشيا ..

..

بس صدقيني مشكلتك .. مش هل مشكلة الكبيرة ..

انتي بس حاولي تغلبي على اللي بتحبيه ..

يعني إن كان عندك مناسبة .. ويكون معك مصاري

اشتري فيهن قستان مثلا .. مع سكربينة واكسسوارت ..

وحتلاقي انو لحالك صرتي تزبطي بحـآلك ..

وشوي شوي .. بتصيري من اللبس .. تكفّي حلا اللبسة بتسريحة لشعرك وشوية مكياج

الا ليكون لكل بنت إمــآلة للزينة .. والاشيا البناتية ..

حتى لو كانت قليلة .. متل ما هيي عندك

بس الا لتتغلبي ع هل وضع ..

وهاي قدآمك نانا وامون .. اعترفولك بعضمة لسانهن :ShababSmile221:

::

موضوعك عنجد حلوو

ذكرتيني بالذي مضى :ShababSmile221:

[sofy]

ههههه

حبيبتي مو معناتو لما الوحدة ما تحط مكياج معناتو هيا دفشه أو من هاد الحكي

عفكرة أنا ما بحط على وجهي إلا الكحلة بس ورووج للشفايف ومسكارة بس ... بس مو معناتو أني أصنف

حالي من البنات الدفشين .. خلص أنا مقتنعة بحالي وبمظهري الخارجي للوجه .. وأكيد ما تفكري أنو لما الوحدة

تحط مكياج هيا ناعمة ويالله ياناس ونعومة وبتخاف على حالها ... لا لا تفكري هيك أبدا .. شيلي تفكير الدفاشة

من بالك .. عادي أسمعي وطنشي .. وعيشي حياتك ...بلا مكياج بلا هم .. بجي وئت إنت بتقتنعي وبتصيري

تحطي مكياج لحالك .. بعدين حلاة الصبية بشكلها الطبيعي مو بمكياجها ...

بس بتصدئي ولا مرة فكرت إني أنا دفشة هههههه


زكرتيني بعرس أختي هههههه رحنا عصالون وخلص إخواتي خلصوا لبس ومكياج وشعر ...وكل شي

وأنا بعدني بفكر ( يا ربي أحط ولا بطلع شكلي مخبص ) يومها جننتهم ههههه المهم حطيت مسكرة

وكحلة وهيك شي بسيط عشفايف .. المهم روجنا من الصالون على القاعة عطووول والتأخر كان مني أنا

حتى بتزكر ماما بهدلتني يومها ههههه أيام

وبالنسبة لإمك .. عادي بطلع هيك حكي من الأم والأب .. أنو شي طبيعي .. أنا كنت مسافرة ئبل يومين

أنا وأختي لحالنا .. المهم رجعتلهم بلوك جديد .. فلما شافوني .. أنو مو مصدئين أنو صوفي تعمل في حالها

هيك ... يعني صبغتلي شعري خصل تلجي .. وبالعكس باب كيف عليا أنو تغير في المظهر وتغير للنفسية

والله يا نور هاد الحكي مبارح أنو باب ضل يسمعني حكي .. حتى متت من الخجل ..والكل في البيت

مو معناتو هاد الحكي أنو أنا ما بهتم بحالي .. بس المكياج مو كل شي عند الصبية ..

فلا تفكري هيك تفكير أبدا ...

عيـــــــــــــــــــــــــــــــــ ـــــــــــــــــــشي حيـــــــــــــــــــــاتك

شيلي هالتفكير من بالك حبيبتي

[PaLeStiNe FlOwEr]

ههههههههههه

ضحكتوني

يا نور الشغلة مو بالمكياج

أهم شي اللبس يكون أنيق وشوية اكسسوار

وعقل البنت يكون تمام التمام وقتها ما في داعي للمكياج

أنا ما بحط مكياج بالمرة بس أحيانا وقت الحفلات

حتى بتزكر يوم عرس عمي ماما حطتلي الكحل وما زبط لأني ما عرفت أفتح عيني كويس كنت خايفة كتير وقتها

ويوم حفلة التوجيهي تبعتي خليت وحدة من صاحباتي تعملي اياه

اوكي لو حطيت ممكن يزبط بس برضوا رح يطلع مخبص

الواحد لازم يهتم بحالو بلبسوا شعروا وأكسسواروا وأناقتوا بس المكياج مو أساسي


أخخخخ

زكرتيني بكرة حفلة صاحبتي ومو عارفة شو ألبس

[نور الهدى]

السلام عليكم
اول شي بدي احكي حلو كتير انك بتهتمي بالكتب وبالقراءة وانوثة البنت مو بالميك اب والفساتين والسطحية
يعني بتقدري تكوني بكامل انوثتك بس بتقرأي ومثقفة يعني بنات مو شرط سطحيين
والسطحية بشعه بالنسبة الي .
وبالنسبة كيف بدك تتغيري اهم شي صحتك يعني ازا كان وزنك زيادة بتنحفي ازا كان عندك متلا حبوب بتتخلصي منهم
هادا بالنسبة شكليا
اما بالنشبة للشخصية هو مو مبين عليكي دفشة هههه
يعني انا مو حاسيتك دفشة :ShababSmile222:
بس متلا ازا بدك تغيري شي بالنسبة لشخصيتك اكتبي نقاط بهالاشيا
وضلك لمدة اسبوع اسبوعين مغيرة
يعني متلا مشيتك بدك تغيريها وهي كتير مهمة بالنسبة للكل مو بس البنات
بتحاولي تغيرها اسبوع وبعدين بتصير مشيتك هيك متلا
يعني هادي النقاط بتغيريهم خلال الاسبوعين وان شاء الله بصيرو متل عادة او جزء منك ^^
وممكن لمسة بسيطة بتعطي انوثة للبنت
يعني مو شرط تبالغي متلا تحكي ميك اب كتير او اكسسوارات كتيرة او باف عشرة متر لفوق
ممكن مسكارة خفيفة و تربطي شعرك بطريقة حلو او متلا كيرلي او تكويه
مع سنسال او حلق نعومين
هادا بالحفلات
اما بالبيت ازا بتستحي من باباكي تعملي قدامي تسريحة
فما في داعي تعملي
بس ممكن تزبطي شعرك بطريقة نعومة وبس
وتوتة توتة خلصت الحتوتة :ShababSmile240:
حاسة حالي صرت سطحية وانا بحكي عن اللبس وهالاشيا :ShababSmile221:
منورة حبيبتي

يا عربية ما قلت انه الانوثة بس بالاشياء السطحية .. و طبعا الثقافة ما بتنقص من انوثة البنت بشيء

بس اللي قصدته هو انه ما عندي ميول لهالاشياء اساسا .. و ما بعرف استعملها

//

بالنسبة للوزن

قلبتي علي المواجع

نفسي وزني يزيد ولو 5 كيلو هههههههههه

عم حاول زيده :ShababSmile221:


اشكرك كتير ع النصائح ..

و اكيد رح احاول اطبقها ^^

[rawaa]

هههههههههه
انا وين فتت

لاانا مش هيك
من انا زغيره بحب احط مكياج وزبط حالي كانت لمى ماما تطلع بروح على غرفتها وباخد الحمره وبحط وبعدين بمسحها يعني انا مش ن الناس اللي بحطو كتيير ميك اب بس بحب زبط حالي ومابطلع غير وانا مشيكه على الاخر
بس بوئت الافراح بحط ميك اب كتير وبروح على الصالون
بس بحس انو هيك حلو البنت تهتم بحالها شو اسمك بنت مابحكيلك حطي كيلو مكياج بس اقلها حطي كحل ومسكره واحمر خدود وروج هيك بكفي والبس لبس متل البنات انا برضو بحب السبورت بس مش باي مكان بلبسو
موفقه حبيبتي

[نور الهدى]

يعني حبيبتي ... انتي بدك تساعدي حالك ..

ابدا المكياج ما بيعني انه الطبيعي مش أحلى

لا نحن دايما عالطبيعه

بس في اوقات الزينة بتكون ضرورية

متل ما انتي مرت عليكي حفلة رفيقتك من كم يوم

يعني الحفلة الجاي لازم تكوني انتي الي تعملي مكياج لغيرك

مش انتي ينعملك :ShababSmile222:

وهيك شوي شوي بصير عندك اطلاع ..

وكمان محبة ضمن الحدود والمطلوب لهالامور ..

ومش أكتر من المطلوب !


ابقي طمنينا :ShababSmile221:

سنيوريتا :ShababSmile224:


اهلين دموع ..

شوفي انا هيك كنت ما بلبس غير الـ converses و شوزات سبور مع اني بكره الرياضة

هلأ تغيرت هههههه

الحمد لله

هلأ اللي بقصده من الموضوع و متل ما فهمتك ع المسنجر انه انا بس نفسي اقلل من نسبة الدفاشة

لانه بجد عندي بزيادة ههههههه

هو انا ازا غيرت من نفسي شوي مش بقصد انه اطلع برة هيك .. بس زي ما حكيتي يكون في معرفة بهيك امور

والله انا جهولة بهالمواضيع تقولي شب !!

//

عموما حبيبتي انا بستنى تخلصي الدورة عشان تعلميني

و يمكن انزل لبيروت و اخد دورة عندك :ShababSmile221:

[نور الهدى]

:ShababSmile221:

زكرتني بالذي مضى

عفكرة انتي احسن مني

انا زمان كنت دفشة قولا وفعلا وشعري منكوش ههههههههههههههه :ShababSmile221:

وكنت اكره المكياج واشوف كل هالحكي هبل ..

المسالة مسالة تعود يا نور

ابدا اشتري لنفسك ادوات المكياج الخاصة فيكي

ومش لازم تشتري مجموعة كاملة

اشتري كحل ومسكرا مثلا

بعدين ايدك بتاخد عالشغلة :ShababSmile221:

بالنسبة للفاساتين

اذا صارتلك مناسبة ،، ساعتها روحي واشتري فستان او شي

هاي مش تفاهة الا اذا صارت عادة وادمان ومصدر قلق

لكن الاهتمام بالنفس شيء طيب ،، ومن سنن النبي


وان كان عانك تمكيجي حالك

فتعلمي فخواتك :ShababSmile221:

ولو انك انتي بالذات قمر ما شاء الله عليكي

بجد ومابجامل والله !

ومابشوفك بتحتجي هالمكياج الخطير

يعني كحل وبلاشر ومشي حالك :ShababSmile221:

جمالك رباني :ShababSmile116:


//


بالنسبة للدراسة والتعب،، لا باس لو اقتطعتي يوم بالشهر عالاقل تعملي هالحكي

ترفيه عن نفسك وتغيير جو وكمان بترجعي مشتاقة لكتبك :ShababSmile116:


اما امك فعادي حبيبتي ماما هيك كانت تحكي ،، بس عادي تعودت :ShababSmile221:

حتى بابا واخواني كنت مستحية اول مرة يشوفوني ،، وبابا لما شافني مدحني فخجلت بزيادة

لكن بعدين تعودت :ShababSmile221:

:ShababSmile229:

الله يجبر بخاطرك امونتي

و بصراحة اجملتي

عموما انا بستنى الشهر الجاي ان شاء الله و رح ابلش اشتري شوية شغلات من اللي حكيني :ShababSmile221:

اصله مصروف هالشهر خلص

و ان شاء الله بطبق نصائحك

<<< ابقي خليني اشوفك بشعرك المنكوش هههههههه

[أمل]

:ShababSmile221:

هلا بدي اطلع

بكرة إن شاء الله ارجع و ارد لك خبر يا نوغ:ShababSmile221:

[نور الهدى]

:ShababSmile221:

هلا بدي اطلع

بكرة إن شاء الله ارجع و ارد لك خبر يا نوغ:ShababSmile221:

طيب

بس معلومة زيادة البنت كانت مغربية و حكتلي انه بلبسوا قفطان

و انا ما عندي هيك لبس

رحت شفت صديقة الي في آخر لحظة مشان تعيرني واحد

عطتني 3 و حكتلي اختار

التنين اللي عجبوني طلعوا قصار علي :s

و اللي ما عجبني لانه احمر و انا بكره الاحمر .. طلع طويل بس عريض كتير !!

تعرفي ساعتها تمنيت لو اني شب ههههههههه

[نور الهدى]

يييي ههههههههههههههههههههههههه

لييش حسستوني اني فايتة مكان للبنات الدفشين :shababsmile221:

لا بمزح هاا هههههههههههههه :shababsmile221:

بس انا الصراحة ما مارة عليّ هل حالة

بعتقد انو هل شي بيرجع لطبيعة البنت .. وكيف نشأتها .. وشو إهتمامها ..

انا العكس تماما .. بتذّكر لما كنت صغيرة .. كان لازم دايما كل اشيائي يكون باللون الزهري ..

وحتى لبسي .. وإكسسواراتي .. من انا وصغيرة بهتم بهل اشيا ..

بس عنجد ما بعرف كيف صرت هيك !

يعني انا اكبر وحدة بالبيت .. وما كان عندي مثلا اخت أكبر مني آخد منها عادات ..

ما بعرف .. هيك مني لحالي .. لقيت حالي بهتم بهل اشيا ..

..

بس صدقيني مشكلتك .. مش هل مشكلة الكبيرة ..

انتي بس حاولي تغلبي على اللي بتحبيه ..

يعني إن كان عندك مناسبة .. ويكون معك مصاري

اشتري فيهن قستان مثلا .. مع سكربينة واكسسوارت ..

وحتلاقي انو لحالك صرتي تزبطي بحـآلك ..

وشوي شوي .. بتصيري من اللبس .. تكفّي حلا اللبسة بتسريحة لشعرك وشوية مكياج

الا ليكون لكل بنت إمــآلة للزينة .. والاشيا البناتية ..

حتى لو كانت قليلة .. متل ما هيي عندك

بس الا لتتغلبي ع هل وضع ..

وهاي قدآمك نانا وامون .. اعترفولك بعضمة لسانهن :shababsmile221:

::

موضوعك عنجد حلوو

ذكرتيني بالذي مضى :shababsmile221:

اي الذي مضى يا اسراء ما انتي ما مريتي بحالة الدفاشة هاي ههههههههه

بس الا ما تمري فيها هههههههه

لما تتجوزي و يصير عندك اولاد و يبطل في عندك وقت لنفسك ههههههههههههههه

بمزح حبيبتي

والله انا اكبر اخواتي و انا الوحيدة اللي هيك

يعني اللي اصغر مني مهتمين بشياكتهم هههههههه

بصير اتعلم منهم

عموما انا حطبق نصائحك بس الشغلة بدها وقت شوية

اشكرك حبيبتي على اهتمامك ^^

ابقي زورينا كل يوم

[نور الهدى]

ههههه

حبيبتي مو معناتو لما الوحدة ما تحط مكياج معناتو هيا دفشه أو من هاد الحكي

عفكرة أنا ما بحط على وجهي إلا الكحلة بس ورووج للشفايف ومسكارة بس ... بس مو معناتو أني أصنف

حالي من البنات الدفشين .. خلص أنا مقتنعة بحالي وبمظهري الخارجي للوجه .. وأكيد ما تفكري أنو لما الوحدة

تحط مكياج هيا ناعمة ويالله ياناس ونعومة وبتخاف على حالها ... لا لا تفكري هيك أبدا .. شيلي تفكير الدفاشة

من بالك .. عادي أسمعي وطنشي .. وعيشي حياتك ...بلا مكياج بلا هم .. بجي وئت إنت بتقتنعي وبتصيري

تحطي مكياج لحالك .. بعدين حلاة الصبية بشكلها الطبيعي مو بمكياجها ...

بس بتصدئي ولا مرة فكرت إني أنا دفشة هههههه


كحل و مسكارا و روج و بتقولي بس ؟؟

ههههههه

ليش شو ضايل كمان ؟؟


شوفي متل ما قلت من قبل مش المكياج هو المشكلة الاساسية .. بس طبعي بشكل عام مختلف جدا عن طبع البنات العاديين

في اللبس في الاهتمامات في كل شي

بكونوا خواتي يتابعوا شي برنامج من البرامج هاي تعون النسوان باجي انا و بحط على الجزيرة هههههه

فهمتي قصدي

الاهتمام شبه منعدم و اظن هون المشكلة

زكرتيني بعرس أختي هههههه رحنا عصالون وخلص إخواتي خلصوا لبس ومكياج وشعر ...وكل شي

وأنا بعدني بفكر ( يا ربي أحط ولا بطلع شكلي مخبص ) يومها جننتهم ههههه المهم حطيت مسكرة

وكحلة وهيك شي بسيط عشفايف .. المهم روجنا من الصالون على القاعة عطووول والتأخر كان مني أنا

حتى بتزكر ماما بهدلتني يومها ههههه أيام

وبالنسبة لإمك .. عادي بطلع هيك حكي من الأم والأب .. أنو شي طبيعي .. أنا كنت مسافرة ئبل يومين

أنا وأختي لحالنا .. المهم رجعتلهم بلوك جديد .. فلما شافوني .. أنو مو مصدئين أنو صوفي تعمل في حالها

هيك ... يعني صبغتلي شعري خصل تلجي .. وبالعكس باب كيف عليا أنو تغير في المظهر وتغير للنفسية

والله يا نور هاد الحكي مبارح أنو باب ضل يسمعني حكي .. حتى متت من الخجل ..والكل في البيت

مو معناتو هاد الحكي أنو أنا ما بهتم بحالي .. بس المكياج مو كل شي عند الصبية ..

فلا تفكري هيك تفكير أبدا ...

عيـــــــــــــــــــــــــــــــــ ـــــــــــــــــــشي حيـــــــــــــــــــــاتك

شيلي هالتفكير من بالك حبيبتي

ايه قبل سنتين كمان رحت لعرس خالتي و ما لبست اي شي مميز

ضليت بملابس البيت و قضيت العرس كله مع الجليات هههههههههه

بس استمتعت بالعرس و اتسليت و هيك ههههه

بس امي بهدلتني :(

اجمالا .. رح احاول اطبق نصائحكم ^^

[a7la sereen]

مرحبا نور

انا قريت ردود الصبايا ان والله استفدت

انا ما بحب احط مكياج بس بحبو من بعيد لبعيد

انا بلبس سبور بس شوفي في سبور بناتي كتير حلو

متلا في بوات متل " الحفايات " ما بعرف اذا هيك بتحكيلهم

اذا يعني ما بتلبسي كعب بتقدري تلبسي حفايات الي هم متل تاعين الباليه .. مو بالزبط يعني ههه

بس حلوين كتير ونعومين وبناتي كتير ومريحات بنفس الوقت

بس يعني ما فهمت شو قصدك انك دفشة هع هع

لانو بعرف انو الدفاشه في الكلام او في التصرفات

متلا يعني المهم تكوني مرتبه والالوان الي بتلبسيها متناسقة

محجبه صح ؟؟ ممكن تلبسي الشاله ع لون الشوز وتحطي اكسسوارات بسيطة خاتم او اسوارة او سنسال

بتلبسي جلباب ولا عبايه ولا ما بناطيل ؟

بحس اذا كانت الالوان متناسقة بتكوني طالعه حلوة ..

وكمان يعني اذا بتحبي تكوني كمان امورة في البيت ومرتبه اشتري بلايز الوانهم مفرفحة وفاتحة وفيهم حركات

اذا شعراتك نيقرو . سحبيهم وسشوريهم .. اصبغيهم اذا بتحبي الصبغة . حطي ع شعراتك اكسسوار صغير في البيت او نبدانه البسي حلق واكسسوارات
حتى لما بدك تتطلعي ع صاحبتك متلا البسي هاي الاشياء بتحسي انك بنوته كيوت وحطي مناقير اذا ما بتتدايقي منهم

وصدقيني لما تكوني تدرسي وتزهقي قومي بدلي اواعيكي او تقفي قدام المرايه وتزبطي شعراتك وتحطي شويه مكياج

بتفتح نفسك ع الدراسه .. بالنسبه الي لما بدي ادرس بكون ع اخر طراز ومأنتكة ومزبطة هههه

استغربت من حالي هههه انا ما بشتري لبسي زوقي مو كتير حلو بس يعني بقدر اعطيكي نصائح بيطلع مني ههههه

وربنا يوفقك وتصيري انيقة وتبطلي دفشة ههه

واحكيلنا شو بيصير معك

سي يآ

[نور الهدى]

ههههههههههه

ضحكتوني

يا نور الشغلة مو بالمكياج

أهم شي اللبس يكون أنيق وشوية اكسسوار

وعقل البنت يكون تمام التمام وقتها ما في داعي للمكياج

أنا ما بحط مكياج بالمرة بس أحيانا وقت الحفلات

حتى بتزكر يوم عرس عمي ماما حطتلي الكحل وما زبط لأني ما عرفت أفتح عيني كويس كنت خايفة كتير وقتها

ويوم حفلة التوجيهي تبعتي خليت وحدة من صاحباتي تعملي اياه

اوكي لو حطيت ممكن يزبط بس برضوا رح يطلع مخبص

الواحد لازم يهتم بحالو بلبسوا شعروا وأكسسواروا وأناقتوا بس المكياج مو أساسي


أخخخخ

زكرتيني بكرة حفلة صاحبتي ومو عارفة شو ألبس

مثل ما حكيت من قبل المشكلة مش بالميك اب .. انا حطيته كمثال لانه البنات عادة بجبوا هاي الشغلات

المشكلة في الطبع بشكل عام ^^

ههههههههه

ذكرتيني بحالي مرة قلت لحالي يا بنت جربي حطي شوية ميك اب و شوفي شو بيطلع معك

النتيجة كانت مروعة .. طلع شي بضحك ههههههههه

عموما انا بستنى مصروفي الشهر الجاي .. رح شوف شو بصير معي

ازا ربنا هداني رح اشتري شغلات بناتية

//

اه صحيح خبرينا شو صار معك بحفلة رفيقتك :ShababSmile338:

[بنت فلسطين المجروحة]

الذين يشاهدون محتوى الموضوع الآن : 2 ( الأعضاء 2 والزوار 0)
‏بنت فلسطين المجروحة, ‏.!. وردة الأقصى .!.+


اجتك خبيرة التجميل ندشدش

رضاؤكم يهمنا :icon11:

[.!. وردة الأقصى .!.]

الذين يشاهدون محتوى الموضوع الآن : 2 ( الأعضاء 2 والزوار 0)
‏بنت فلسطين المجروحة, ‏.!. وردة الأقصى .!.+


اجتك خبيرة التجميل ندشدش

رضاؤكم يهمنا :icon11:


ههههههههههههههههههه

بصراحه الصبايا ماخلو شي حكو كل شي :ShababSmile221:

اناا بئى يانور عكسك تماماً

فلوسي كلها رايحه عالـ ( الاواعي + المكياج + الشنط + الشوزات )

مممم صحيح الميك اب مو كلشي

بكفي تكوني انيقة واواعيكي مرتبة وشعرك مرتب

بالاول كان الميك اب كلشي بحياتي

وكنت احطو تئيل تئيل رسمة عيون وحواجب واحمر خدود وروج

بس هلأ خففت كتيير صار اهتمامي اكتر شي بالشوزات والشنط

تخيلي حتى الكحل بطلت احطه صرت احط ماسكارا وروج زهري فاتح بس :ShababSmile221:

متل ما انتهي معي الموضوع حاولي انتي تبلشي فيه :ShababSmile240:

يعني الميك اب يكون حسب الطلعه

ازا رايحة زيارة او دوام يكون خفيف

اما لو رايحه عرس حاولي تئلي شوي

الفساتين كمان ضرورية للمناسبات

اختي اللي اصغر مني كانت متلك عفكرة

بس فجآة صارت تطلع فيي شو بعمل وتعمل متلي

وانا صرت كل مابشتري شي اشتريلها معي نفس اللي اشتريتو

هلأ صارت بتنافسني :ShababSmile221:

ازا انتي مقتنعة بهالاشياء ,, راح تتغيري ان شاء الله :ShababSmile240:

زكرتيني متفئة مع صحباتي نطلع السوق :ShababSmile221:

[نابلسية كححح]

صلاة النبي

كل وحده ردت موضوع تعبير

هههههههههه

خلص

لا تعليق بعد كل هالحكي

[نور الهدى]

ههههههههههههههههههه

بصراحه الصبايا ماخلو شي حكو كل شي :ShababSmile221:

اناا بئى يانور عكسك تماماً

فلوسي كلها رايحه عالـ ( الاواعي + المكياج + الشنط + الشوزات )

مممم صحيح الميك اب مو كلشي

بكفي تكوني انيقة واواعيكي مرتبة وشعرك مرتب

بالاول كان الميك اب كلشي بحياتي

وكنت احطو تئيل تئيل رسمة عيون وحواجب واحمر خدود وروج

بس هلأ خففت كتيير صار اهتمامي اكتر شي بالشوزات والشنط

تخيلي حتى الكحل بطلت احطه صرت احط ماسكارا وروج زهري فاتح بس :ShababSmile221:



اه بس ههههههههههههه

و لك هاد بالنسبة الي تقيل

هو شوفي صحيح متل ما قلتي الميك اب مش مهم .. فانا شغلي ع التغيير حعتبر انه ما بيشمل الميك اب هههههههه

خلينا في الاشياء التانية احسن ^^

يعني الميك اب يكون حسب الطلعه

ازا رايحة زيارة او دوام يكون خفيف

اما لو رايحه عرس حاولي تئلي شوي

الفساتين كمان ضرورية للمناسبات

مممم

لما بطلع برة ما بحط شي .. خط احمر هاد بالنسبة الي هههههههه

اكره ما علي المكياج الثقيل ... ما بعرف ما بتحمله ما بخلي الملامح الحقيقية تبين يعني

فهمتي علي

لذلك رح احصر شغلي ع الخفيف شو رايك ههههههههه

الفساتين بدهم مصاري ..ممم هلأ انا بازمة مالية رح اصبر شوي

اختي اللي اصغر مني كانت متلك عفكرة

بس فجآة صارت تطلع فيي شو بعمل وتعمل متلي

وانا صرت كل مابشتري شي اشتريلها معي نفس اللي اشتريتو

هلأ صارت بتنافسني

ازا انتي مقتنعة بهالاشياء ,, راح تتغيري ان شاء الله

زكرتيني متفئة مع صحباتي نطلع السوق

ههههههههه

طيب حبيبتي تروحي و ترجعي بالسلامة

و شوي شوي على مصرياتك .. :ShababSmile224:

[sofy]

كحل و مسكارا و روج و بتقولي بس ؟؟

ههههههه

ليش شو ضايل كمان ؟؟


شوفي متل ما قلت من قبل مش المكياج هو المشكلة الاساسية .. بس طبعي بشكل عام مختلف جدا عن طبع البنات العاديين

في اللبس في الاهتمامات في كل شي

بكونوا خواتي يتابعوا شي برنامج من البرامج هاي تعون النسوان باجي انا و بحط على الجزيرة هههههه

فهمتي قصدي

الاهتمام شبه منعدم و اظن هون المشكلة



ايه قبل سنتين كمان رحت لعرس خالتي و ما لبست اي شي مميز

ضليت بملابس البيت و قضيت العرس كله مع الجليات هههههههههه

بس استمتعت بالعرس و اتسليت و هيك ههههه

بس امي بهدلتني :(

اجمالا .. رح احاول اطبق نصائحكم ^^





ههههههه على الجزيرة الرياضية ....؟؟؟؟ههههههههه بتخوت

والله صدقا يا نووور إنت مكبرة الموووضووع يا حلوووة ... بس خلص إنت حطي في بالك شي

معين بدك تطبئيه وخلص ... يعني حلوووة إهتماماتك .. مو لهدرجة شاذة عن الصبايا

يعني في ناس هيك وفي هيك ... بس عفكرة المسكرة والروووج والكحلة .. هاد ولا شي ..يا نوور

هاد مو مكياج هههههه هاد هيك مقبلات هههههه بس

موفئة حبيبتي

[أمل]

امممم نور البنات ما قصرو بالجواب

وصراحة مش عارفة كيف فيدك

هو صراحة انا كمان مابحب الميك آب خاصة أحمرالشفاه مقزز:ShababSmile225:

الي بستعملو كلها شوية كحل ع مسكرا ع شوية fond de teint و بزبط وضعي هاد لو كان شي عائلي

ولو كنت مدعوة لعرس أو هيك حفلة خارجية فما بتعب حالي بروح للكوافير و هي بتزبطلي الوضع كيف ما بدي

بالنسبة لكيف تتعودي عالاهتمام بهيك شغلات

فراح احكيلك شو بعمل

أنا مخصصة بغرفتي مجموعة شغلات ،، مثلا أول شي المراهم فبستعمل nivea soin de jour

بعد كل وضوء باجي حط منو وقبل النوم شوية كريمات كمان لليدين والرجلين:ShababSmile221:

هاد حالي طوال الايام بس بالويك اند بخصص وقت معين أحط فيه ماسك لوجهي وكمان لشعري و باخد دش فرش هههه:ShababSmile221:

يعني يا نور فيكي تحطي programme سهل و بسيط حتى تتعودي بالأول

وبالنسبة للميك آب فهو ضروري تتعلمي عشان لما تتجوزي ما يطفش الراجل:ShababSmile221: ههه بمزح و الله إني متاكدة إنك مو محتاجة لشي قمر ما شاء الله ^^

بس برضو انا الي موقف منو ما بنصح باستعمالو كثير لأنو كثرتو مع الوقت بتخلي الوجه مثل حراشف السمك:ShababSmile235:

يعني اتعلمي شوي اساسيات و طنشي:ShababSmile108:

مثلا انا ما بحط و لا إشي بوجهي مسألة الميك آب او حتى الكحل ما بحطو بالطلعات هاي شغلة عندي محسوم امرها و راضية عنها كمان :)

بس مرات بنحتاج تغيير ففيكي تلعبيبوجهك بالبيت هههه

بالنسبة للثياب

فهاي ضروري تهتمي فيها زي ماحكيتي نحنا طول الوقت برا لابسين جلباب

يعني الواحد بدو يتمنزر ع نفسو شوي:ShababSmile229:

هاي الشغلة الي فالحة فيها أنا :ShababSmile229:

فمثلا كل مرة فشهر لو صحلي بطلع اشتري اغراض جديدة مش ضروري تكون غالية بس بتمشي الحال

مثلا الجينز والبنتاكور والديباردون و الجيب و الشورت القصير يعني اشيا فريش بالصيف :ShababSmile116:

و بالشتا كمان تغيري استايل الجاكيت و manteau و الجينز بيضل لابق حتى لهالفصل...

و فش داعي تستحي بالبيت انتي بس تتعودي و بيصير الامر عادي:ShababSmile233:

اه بدي احكي لك شغلة بالنسبة للخلطات وهيك امور بنصحك النت مش مضمون لتصيري وحش بعد شي جلطة قصدي خلطة :ShababSmile221:

لو بدك شي مضمون فيكي تتباعي الدكتور عبدالباسط محمدالسيد ع قناة بداية أو موقعو الشخصي يعني هيك نص ساعة مش كثير

امممم شو تاني يا نور يلا بس افتكر شي تاني راح احكيلك ياه

و بعدين برجع ارد ع عرس صاحبتك المغربية هاي قصة لحالها:ShababSmile221:

آآخ تعبت :ShababSmile221:

[نور الهدى]

مقبلاات

ههههههههههههه

اخ يا بطني

الله يسعدك صوفيا

[نور الهدى]

امل و البنات

برب

راجعة ارد عليكم ^^

[PaLeStiNe FlOwEr]

اه صحيح خبرينا شو صار معك بحفلة رفيقتك

الحمدلله كانت تمام التمام

واطلعت زي العسل فيها،،

مع العلم كنت حاطة بس كحل وحومرة خفيفة لدرجة انوا ما كانت باينه

بس سبحان الله البنات كانوا مكيجات ع الاخر وما كانوا كتييير نايس كل ملامحهم الحلوة راحت وبينوا اكبر من عمرهم بكتييييييييييييير

والله اهم شي اللبس وطريقة الشعر

ومع ذلك ما كنت مشترية شي جديد وما رحت ع الصالون كلوا من البيت

والسشوار والحركة اللي عملتها بشعري كانوا نايس

فكان غنى جدا عن المكياج

[نور الهدى]

مرحبا نور

انا قريت ردود الصبايا ان والله استفدت

انا ما بحب احط مكياج بس بحبو من بعيد لبعيد

انا بلبس سبور بس شوفي في سبور بناتي كتير حلو

متلا في بوات متل " الحفايات " ما بعرف اذا هيك بتحكيلهم

اذا يعني ما بتلبسي كعب بتقدري تلبسي حفايات الي هم متل تاعين الباليه .. مو بالزبط يعني ههه

بس حلوين كتير ونعومين وبناتي كتير ومريحات بنفس الوقت

بس يعني ما فهمت شو قصدك انك دفشة هع هع

لانو بعرف انو الدفاشه في الكلام او في التصرفات

متلا يعني المهم تكوني مرتبه والالوان الي بتلبسيها متناسقة

محجبه صح ؟؟ ممكن تلبسي الشاله ع لون الشوز وتحطي اكسسوارات بسيطة خاتم او اسوارة او سنسال

بتلبسي جلباب ولا عبايه ولا ما بناطيل ؟

بحس اذا كانت الالوان متناسقة بتكوني طالعه حلوة ..

وكمان يعني اذا بتحبي تكوني كمان امورة في البيت ومرتبه اشتري بلايز الوانهم مفرفحة وفاتحة وفيهم حركات

اذا شعراتك نيقرو . سحبيهم وسشوريهم .. اصبغيهم اذا بتحبي الصبغة . حطي ع شعراتك اكسسوار صغير في البيت او نبدانه البسي حلق واكسسوارات
حتى لما بدك تتطلعي ع صاحبتك متلا البسي هاي الاشياء بتحسي انك بنوته كيوت وحطي مناقير اذا ما بتتدايقي منهم

وصدقيني لما تكوني تدرسي وتزهقي قومي بدلي اواعيكي او تقفي قدام المرايه وتزبطي شعراتك وتحطي شويه مكياج

بتفتح نفسك ع الدراسه .. بالنسبه الي لما بدي ادرس بكون ع اخر طراز ومأنتكة ومزبطة هههه

استغربت من حالي هههه انا ما بشتري لبسي زوقي مو كتير حلو بس يعني بقدر اعطيكي نصائح بيطلع مني ههههه

وربنا يوفقك وتصيري انيقة وتبطلي دفشة ههه

واحكيلنا شو بيصير معك

سي يآ


والله شوفي مشكلتي مش بلبسي لبرة البيت .. بلبس جلباب و بمشي حالي و مبسوطة فيه

انا بس مشكلتي للبيت و للمناسبات .. ما بفهم شي بهاي الشغلات

شعراتي الحمد لله مناح بس ما بفهم بالتسريحات هههههه

بس والله في كتير كلمات ما فهمتهم

نيقرو .. حفايات .. مناقير ..

صحيح ما بلبس الكعب .. ما بعرف امشي ساعتها هههههههه

بعدين ما بحب الصوت اللي بطلعو :/

بالنسبة لباقي النصائح ان شاء الله جاري العمل بها ^^

يسلموا كتير على مرورك حبيبتي

ما بعرف ليش حسيتك تعبتي بهالرد ههههههه