المساعد الشخصي الرقمي

مشاهدة النسخة كاملة : وضاعت اسرارنا تحت مسمي الصداقة


فتاة طموحة
02-10-2010, 09:15 PM
السلام عليكم ورحمة الله وبركاته

وضاعت اسرارنا تحت مسمي الصداقة

صديقي أغلي ما أملك ,, أبوح له بأسراري
لا أستطيع أن أكبت مافي نفسي دون أن أبوح لك ما يجول بخاطري
أريد منك مشاركت في همي وحزني ,,في فرحي وأبتسامي
أريدك أن تستقبل أسراري,, وترمي بها في بئر,, فقط أنت فقط من يعلم ما به
أليك أسراري,,
,
,
,
,
وضاعت الاسرار في مسمي الصداقة

صدمة,,
أري أسراري تنتقل بين ألسنة الجميع,,
ألم اعطيك ثقتي,,

أقنعة,,
هل أصبحت الصداقة القناع الوحيد لكشف الاسرار؟
هل يجب أن أكون حريصة مع أصدقائي؟
فمن أضع ثقتي؟
هل أنعدم مايسمي الصداقة؟؟
سأتوقف هنا... وأترك لكم حرية النقاش

تحيااتي

rawaa
02-10-2010, 10:36 PM
صعب كتير هالايام تثقي بحدا بسهوله
لازم يكون الواحد حزر كتير بالتعامل مع اناس ومايعمل صداقات كتير لانو كترتهم بتجيب المشاكل والحكي الكتير
شوفيلك كم شخص ترتاحي معهم وواثقه منهم وياريت تكوني بتعرفهم من زمان والك ثقه فيهم والبائي خليكي معهم مجرد سلام وغير هيك نوو هاد رايي

مزاجـيـــ♥ـــة
02-11-2010, 12:36 AM
هل أصبحت الصداقة القناع الوحيد لكشف الاسرار؟
والله بأيامنا هاي كول اشي جائز بس برضو مو الكل
هل يجب أن أكون حريصة مع أصدقائي؟
صريحه اه بس ما تكوني مدلوئه وكل الاسرار المهمه والمو مهمه عندهم } هاد لازم من باب الحدر يعني
فمن أضع ثقتي؟
بس بنفسك وبس
هل أنعدم مايسمي الصداقة؟؟

لا اكيد والدنيا لسه { بخير } بس خلص محد عاد بيتأمن بهيي الايام !


والله موضوع حلوو للنقاش

ومتل ما حكيت انو الدنيا لسه بخير بس برضو نحنا لازم يكون النا خصوصيه محد يعرفها غيرنا

لانو الزمن ما الو امان

ويعتيك الف عافيه { موضوع حلوو للنقاش !

عاشق فلسطين المجنون
02-11-2010, 08:41 AM
الواحد بكون عندو اصحاب (اصحاب بعرفهم من زمان،،اصحاب جدد) فالشخص اكيد بكون واثق في أصحابو اللي بعرفهم من زمان اكثر من اصحابو الجدد،،و بحكي اسرارو للي بيثق فيه.

هاد رأيي.

مشكورة على الموضوع أختي

فتاة طموحة
02-21-2010, 12:13 PM
صعب كتير هالايام تثقي بحدا بسهوله
لازم يكون الواحد حزر كتير بالتعامل مع اناس ومايعمل صداقات كتير لانو كترتهم بتجيب المشاكل والحكي الكتير
شوفيلك كم شخص ترتاحي معهم وواثقه منهم وياريت تكوني بتعرفهم من زمان والك ثقه فيهم والبائي خليكي معهم مجرد سلام وغير هيك نوو هاد رايي
للأسف كلامك صحيح غاليتي
انعدمة الثقة الي جملة من الاشياء والقيم الجميلة
التي تجمع بين البشر
هي أسألة تفرض نفسها بألحال
لماذا؟
ما الذي تغير؟
هل الزمن ؟
ام نحن من تغير؟
اقف في ذهول لانني لغاية الان لا املك ايجابة شافية
تعطي لي مبررات لما وصلنا اليه
سأتوقف هنا...لأقول
وربما قد اهول الامر
الخوف مما هو اتي......
اسفة لتأخري في الرد عليك غاليتي
اسعدني ردك وتواجدك العبق الذي عطرتي به متصفحي
اتمني ان لاتكون هذه المصافحة الاولي والاخيرة لك في مواضيعي
ودي وعطر وردي

فتاة طموحة
02-21-2010, 12:23 PM
هل أصبحت الصداقة القناع الوحيد لكشف الاسرار؟

والله بأيامنا هاي كول اشي جائز بس برضو مو الكل
هل يجب أن أكون حريصة مع أصدقائي؟
صريحه اه بس ما تكوني مدلوئه وكل الاسرار المهمه والمو مهمه عندهم } هاد لازم من باب الحدر يعني
فمن أضع ثقتي؟
بس بنفسك وبس

هل أنعدم مايسمي الصداقة؟؟

لا اكيد والدنيا لسه { بخير } بس خلص محد عاد بيتأمن بهيي الايام !


والله موضوع حلوو للنقاش

ومتل ما حكيت انو الدنيا لسه بخير بس برضو نحنا لازم يكون النا خصوصيه محد يعرفها غيرنا

لانو الزمن ما الو امان


ويعتيك الف عافيه { موضوع حلوو للنقاش !

للأمانة استوقفتني جملة
((لانو الزمن ما الو امان))
برأيك الزمن الي ما الو امان ولا الانسان هو الذي لايؤتمن
صعب قول هذا ولكن كلامك فيه بعد كبير من الصحة
.......
متأسفة غاليتي لتأخري في الرد
جزيل شكري لكرم تواجدك الطيب الذي انرتي به متصقحي
اتمني ان لا احرم منه
وافر ودي وعطر وردي

فتاة طموحة
02-21-2010, 12:27 PM
الواحد بكون عندو اصحاب (اصحاب بعرفهم من زمان،،اصحاب جدد) فالشخص اكيد بكون واثق في أصحابو اللي بعرفهم من زمان اكثر من اصحابو الجدد،،و بحكي اسرارو للي بيثق فيه.

هاد رأيي.

مشكورة على الموضوع أختي
سرني رأيك اخي (عاشق فلسطين)
واسعدني عبق تواجدك
الذي عطرتم به متصفحي
لك مني اجمل التحاايا
وللمرة المليون اسفة لأتأخري في الرد
عليكم

sofy
02-21-2010, 12:31 PM
منورة بيبي عطوووول

المهم

في هاد الزمن بالزات .. مافي صداقة أبدا .. ونادرا ماتلائي هيك سواليف

للأسف .. ( لأنو الناس صلاة النبي صاروا تحت ما يسمى اللهم نفسي ) ومافي صاحب إلا وبيعملك مشكلة من خيانة

وطعن بالظهلر وكذب .. شو أجكي لأحكي

بس العتب على الي بصاحبهم للأسف .. الناس عدارة .. يعني ممكن نحكي الصداقة وسواليفها هاد زمان وبس ..

هلا نادر تلائي شخص عنجد بيحترم معنى الصداقة وشو بتحمل من معاني

بس جد على ئد ما أنا عتبانة على ناس كتار .. والله .. بس العتب على الي بيعطيهم وجه ..

وطبعا هاد الحكي ما بينطبق على كل الناس ..

بدي أحكي أكتر وأكتلر .. بس بلاش طول عليكي .. لأني لو أنفتحت بالحكي مارح أخلص

بصير بدي من يوئفني عن الحكي

إمممممممم

آخخخخخخخخخخ من الناس

طب أعطينا رأيك يا عسل إنت ...

ويعطيكي العافية حبيبتي موضووع منرفز صراحة

sofy
02-21-2010, 12:44 PM
وشغلة كمان .. سوري يعني هلا بدي طووول ....

هلا مو كل الناس هيك يعني حرام هلا أصلا على مستوى ناس مصاحبيتهم من زمان ..( يعني الرووح بالروح فرضا )

عملولك مية سلافو وسلافة من غدر وكزب وكل شي سيء.. صعب تسامحي هيك شاكلة .. عنجد بحكي

حتى لو إلك فترة معاهم

أحكيلك موقف صار معي

هلا أنا السنة الي فاتت كانت أول دخلتي بالجامعة

مر هيك شي شهر أو شهرين

فطلعتلي صبية عاملة سلافة غير شكل

..المهم

أنا كنت مع جررووب وكان في بنتن معي وحدة منهم جابت شي مو منيح ( شغلة ) مو لازم تنجاب عجامعة

تاني يووووم غنكشفت البنت شو جايبة .. ما لئيتهم إلا وبيحكولي ليش تفسدي علينا وبتبلووا عليا

( هاد يا حبيبتي على مستوى ناس ما بتعرفيهم أبدا وعملوا فيكي هيك ) عنجد عجبوا بالحكي عليا

...

بس بتعرفي شغلى بين الحق وبين مين الفساد .. ولحد هلا والله يا عسل .. عم يطلبوا بس إني سامحهم

بس أنا ألبي ما بيئدر يجفى على حدا من جواتي سامحتهم بس ما بضهرلهم شان ما أعطيهم عين

بعرف هاي حركات مدرسة ومسخرة

بس العتب غليهم ..

هلا الي بدي وصلوا هووون

سواء صاحب بعيد ولا ئريب .. جديد ومن هاي السواليف .. كلهم متل بعض

بس أكيد مو الكل هيك

وبس

ههههههههه بعرف طولت عليكي

وخلص جد يعطيكي العافية حبيبتي

فتاة طموحة
02-21-2010, 12:49 PM
منورة بيبي عطوووول
بوجودك غاليتي

المهم

في هاد الزمن بالزات .. مافي صداقة أبدا .. ونادرا ماتلائي هيك سواليف

للأسف .. ( لأنو الناس صلاة النبي صاروا تحت ما يسمى اللهم نفسي ) ومافي صاحب إلا وبيعملك مشكلة من خيانة

وطعن بالظهلر وكذب .. شو أجكي لأحكي

بس العتب على الي بصاحبهم للأسف .. الناس عدارة .. يعني ممكن نحكي الصداقة وسواليفها هاد زمان وبس ..

هلا نادر تلائي شخص عنجد بيحترم معنى الصداقة وشو بتحمل من معاني

بس جد على ئد ما أنا عتبانة على ناس كتار .. والله .. بس العتب على الي بيعطيهم وجه ..

وطبعا هاد الحكي ما بينطبق على كل الناس ..

بدي أحكي أكتر وأكتلر

.. بس بلاش طول عليكي .. لأني لو أنفتحت بالحكي مارح أخلص

بصير بدي من يوئفني عن الحكي
طولي مثل ما تريدين
ولا واحد يقولك وقفي
هي مساحة حرة للنقاش والكل حر فيما يقول
فلا تقلقلي غاليتي
احكي مثل ما تريدن

إمممممممم

آخخخخخخخخخخ من الناس

طب أعطينا رأيك يا عسل إنت ...
رأي غاليتي ان المسألة خطيرةبما كان ربما قد يقول البعض اني اهول الامر
ولكن هي خطير جدا فعلا يجب ان تفرد لها مساحة كبيرة للنقاش
لان الامر صعب ان تكوني محاطة بأناس يمكن ان يغدرو بك في أي لحظة
والاخطر ان تكون حريضة في كل شئ ممن لايجب ان تحترسي منهم فما بالك بمن هم اغرب عليك
هذا ليس تشائم
ولكن ان يقال لك لا تثقي في اي احد؟
او من النادر وجود صداقة حقيقة بما في الكلمة من معني
فهذا يجعلني اخاف مما هو اتي
...


ويعطيكي العافية حبيبتي موضووع منرفز صراحة


أسفة غاليتي علي الموضوع الذي فتح عليك باب ربما تحاولين جاهدة ان تغلقيها
ولكن وجب ان نضع النقاط علي الحروف
برأيك
أين تكمن المشكلة؟
وهل الحيطة والحرص الشديد هما الحل برأيك؟؟
صدقا غاليتي اسعدني تواجدك
واتمني ان احرم منه
باقة ياسمين الي قلبك

اسد 22
02-21-2010, 01:01 PM
هل أصبحت الصداقة القناع الوحيد لكشف الاسرار؟
الكلام الذي يخرج يصبح امانة وليس سر

من الطرائف المضحكة التي قرأتها من سب الحاج واتي به إلى الحجاج وقال للحجاج هذا سر بيني وبينك على ان لا تخبر احداً

فضحك واخرجه


هل يجب أن أكون حريصة مع أصدقائي؟

نعم بكل تأكيد هذه السنوات سنوات خدعات

وبسبب انتشار الفضائيات وابتعادنا عن سيرة الحبيب وسنته

وكتاب الله اصبحنا نعيش بلا مبالة
فمن أضع ثقتي؟

بمن جربته لفترة طويلة وتكون صاحبة اخلاق حميدة

بحيث تراكٍ لا تقبل ان تبتعد عنكٍ

هل أنعدم مايسمي الصداقة؟؟

الصداقة صعب ان تتحقق بسهولة والان مرة اخرى اقول هي سنوات خدعات يصدق الكاذب ويكذب الصادق ويؤتمن الخائن
ويظهر التافه في امر العامة فلذلك يجب ان نكون حذرين واحياناً نريد

ان نخرج ما بداخلنا لنرتاح ولنستشير ولكن قد نتفاجئ من خانني مرة

لن اجربه مرة اخرى موضوع جميل شكراً لكٍ

sofy
02-21-2010, 01:09 PM
أسفة غاليتي علي الموضوع الذي فتح عليك باب ربما تحاولين جاهدة ان تغلقيها
ولكن وجب ان نضع النقاط علي الحروف
برأيك
أين تكمن المشكلة؟
وهل الحيطة والحرص الشديد هما الحل برأيك؟؟
صدقا غاليتي اسعدني تواجدك
واتمني ان احرم منه
باقة ياسمين الي قلبك




أووووووووووووه يا حلووووة حكياتك حلووووووين مشاءالله عنك تعبير رائع باللغة العربية

بتعرفي بعرف أنو مو بصلب المووضووع بس إنعدمت اللغة العربية بحياتنا .. عنجد بحب الحكي الحلووو والمعبر باللغة العربية

صلاة النبي عليكي .. حبيبتي إنت الله يسعدك

المهم

هلا والله مو عارفة وين بالزبط المشكلة ( بس يمكن إنعدمت الثقة بين الناس هلأيام ) ممكن يكووون

سببب واحد من أسباب كثيرة .. ولكن عن نفسي ..والله مشكلتي أنو الصداقة كل شي بحياتي

أثق بالناس لدرجة إني بحب أساعد أي شخص ( يعني فاهمة عليا مؤمنة تمام بوجود الصداقة )

يعني بحب هاد الشخص وبلأخر بكتشف أنها وحدة ما بتستاهل حتى أحكي معها ..


بس في أسباب كتيرة .. بس مو ئادرة أفكر هلا ..


هل الحيطة والحرص الشديد هما الحل ؟


إممممممم

لأ ما بعتئد يعني ما بتوصل لهدرجة .. بس بعض الأحيان واجب نستعملخم

يعني من الأول أدرسي هالشخص منيح إزا حبيبتي تصاحبيه فهاد مبتغاكي .. بس يا ترى هوا ببادلك نفس الشعووور

ماهاد شي بحير كمان ولل شو رأيك ...؟؟


وبعدين التأسف ما بحبو يا بنت .. على شوو بتتأسفي .. بالعكس هاد مووضوووع لازم يتناقش

بس ماحدا فاضي .. ومهم بالمجتمع .. وأنا والله أسعد لأنك طرحتي هيك مووضووع والله


حبيبتي إنت منوووررررة عطووووووووووووووووووووول هالمنتدى يا عسل

فتاة طموحة
02-21-2010, 01:26 PM
هل أصبحت الصداقة القناع الوحيد لكشف الاسرار؟
الكلام الذي يخرج يصبح امانة وليس سر

من الطرائف المضحكة التي قرأتها من سب الحاج واتي به إلى الحجاج وقال للحجاج هذا سر بيني وبينك على ان لا تخبر احداً

فضحك واخرجه


هل يجب أن أكون حريصة مع أصدقائي؟

نعم بكل تأكيد هذه السنوات سنوات خدعات

وبسبب انتشار الفضائيات وابتعادنا عن سيرة الحبيب وسنته

وكتاب الله اصبحنا نعيش بلا مبالة
فمن أضع ثقتي؟

بمن جربته لفترة طويلة وتكون صاحبة اخلاق حميدة

بحيث تراكٍ لا تقبل ان تبتعد عنكٍ

هل أنعدم مايسمي الصداقة؟؟

الصداقة صعب ان تتحقق بسهولة والان مرة اخرى اقول هي سنوات خدعات يصدق الكاذب ويكذب الصادق ويؤتمن الخائن
ويظهر التافه في امر العامة فلذلك يجب ان نكون حذرين واحياناً نريد

ان نخرج ما بداخلنا لنرتاح ولنستشير ولكن قد نتفاجئ من خانني مرة

لن اجربه مرة اخرى موضوع جميل شكراً لكٍ
صدقا اهنئك اخي (اسد) علي الرد المتميز
اجبت وباسلوب سلس ناقشة
فلم تترك لي ما اقول سوي شئ
واحد وربما قد توافقني الرأي
هذا مرض اصاب هذا الزمن الردي الذي انقلبت فيه الموازين راسا علي عقب
برايك ؟
فيمن يكمن الداء؟
واين يوجد الدواء؟
ام اننا الداء والدواء؟؟
جزيل شكري لكرم تواجدك الطيب
لك مني اجمل التحااايا

اسد 22
02-21-2010, 01:33 PM
الداء هو

بأننا جعلنا للشيطان سبيلاً هو يوسوس ونحن نعمل

القرآن الكريم هو الشفاء

{ وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ }
{ وَإِذَا مَرِضْتُ فَهُوَ يَشْفِينِ }
{ قُلْ هُوَ لِلَّذِينَ آمَنُوا هُدًى وَشِفَاء }

فقط هو الحل لأنه يغلق ابواب الشيطان والاستجابة لأمر الله سبحانه ان نتخذه عدواً
وليس خليلاً اي صديقاً

فتاة طموحة
02-21-2010, 01:45 PM
أووووووووووووه يا حلووووة حكياتك حلووووووين مشاءالله عنك تعبير رائع باللغة العربية
الله يخليك غاليتي كلماتك اخجلت تواضعي

بتعرفي بعرف أنو مو بصلب المووضووع بس إنعدمت اللغة العربية بحياتنا .. عنجد بحب الحكي الحلووو والمعبر باللغة العربية
صدقتي غاليتي وهذا الي جانب الكثير من الاشياء الجميلة التي
طمسة في زوايا هذا الزمن الردئ

صلاة النبي عليكي .. حبيبتي إنت الله يسعدك
صلاوات الله وسلامه عليه
الله يسعدك غاليتي


المهم

هلا والله مو عارفة وين بالزبط المشكلة ( بس يمكن إنعدمت الثقة بين الناس هلأيام ) ممكن يكووون

سببب واحد من أسباب كثيرة .. ولكن عن نفسي ..والله مشكلتي أنو الصداقة كل شي بحياتي

أثق بالناس لدرجة إني بحب أساعد أي شخص ( يعني فاهمة عليا مؤمنة تمام بوجود الصداقة )

يعني بحب هاد الشخص وبلأخر بكتشف أنها وحدة ما بتستاهل حتى أحكي معها ..

بس في أسباب كتيرة .. بس مو ئادرة أفكر هلا ..


هل الحيطة والحرص الشديد هما الحل ؟


إممممممم

لأ ما بعتئد يعني ما بتوصل لهدرجة .. بس بعض الأحيان واجب نستعملخم

يعني من الأول أدرسي هالشخص منيح إزا حبيبتي تصاحبيه فهاد مبتغاكي .. بس يا ترى هوا ببادلك نفس الشعووور

ماهاد شي بحير كمان ولل شو رأيك ...؟؟


وبعدين التأسف ما بحبو يا بنت .. على شوو بتتأسفي .. بالعكس هاد مووضوووع لازم يتناقش

بس ماحدا فاضي .. ومهم بالمجتمع .. وأنا والله أسعد لأنك طرحتي هيك مووضووع والله


حبيبتي إنت منوووررررة عطووووووووووووووووووووول هالمنتدى يا عسل
استوقفتني هذه العبار
((بس ما احد فاضي))
تقلبات هذا الزمن المتماوج
جعل من النفس البشرية تؤثر المصلحة الخاصة
هذا ليس عيب ولكن المبالغة في الشئ يكون خطير
ربما انا احلم بمجتمع افلاطوني لا يتحقق الي في عالم الخيال
لكن كخطوة اولي يجب ان تترسخ لدينا المفاهيم البسيطة او العام لجملة من الاشياء في مقدمتها
الصداقة((الحقيقة))
والتي نجهلها جملة وتفصيلا
بهذا فقط تكون لنا خطوة نحو التغيير
برأيك هل ما وصلنا أليه مرضي؟

sofy
02-21-2010, 01:53 PM
استوقفتني هذه العبار
((بس ما احد فاضي))
تقلبات هذا الزمن المتماوج
جعل من النفس البشرية تؤثر المصلحة الخاصة
هذا ليس عيب ولكن المبالغة في الشئ يكون خطير
ربما انا احلم بمجتمع افلاطوني لا يتحقق الي في عالم الخيال
لكن كخطوة اولي يجب ان تترسخ لدينا المفاهيم البسيطة او العام لجملة من الاشياء في مقدمتها
الصداقة((الحقيقة))
والتي نجهلها جملة وتفصيلا
بهذا فقط تكون لنا خطوة نحو التغيير
برأيك هل ما وصلنا أليه مرضي؟




إمممممممممممم


لأ طبعا غير مرضي

هيا الناس بترضى بحق وباطل يا أختي الكريمة


يعني لو أنا راضية ما كان حكيت الي بألبي ولسا ما خلصت هاد شي بسيط من الي جواتي


غير مرضي .. لأنو الناس بتفكر بمصالحها وبس

غير مرضي لأنو الناس ما عاد آمنت بشي أسمو صداقة

غير مرضي .. لأنو الناس نسيت الله وكيف ضمير أي شخص بيئدر يغدر بصاحبو المقؤب

في شغلات كتير لا ترضى بها نفسي


بلأخص في هاد الزمن الله يصلح الناس ويهديهم

آخخخخخخخخ عنجد الناس


إن الله يغير ولا يتغير

فتاة طموحة
02-21-2010, 01:57 PM
الداء هو

بأننا جعلنا للشيطان سبيلاً هو يوسوس ونحن نعمل

القرآن الكريم هو الشفاء

{ وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ }
{ وَإِذَا مَرِضْتُ فَهُوَ يَشْفِينِ }
{ قُلْ هُوَ لِلَّذِينَ آمَنُوا هُدًى وَشِفَاء }

فقط هو الحل لأنه يغلق ابواب الشيطان والاستجابة لأمر الله سبحانه ان نتخذه عدواً
وليس خليلاً اي صديقاً
صدقت أخي(أسد)
الشيطان هو الداء
ولكن النفس البشرية التي لها ما لها من مكامن
تجعل وبطريقة ما لشيطان منافذ ليستفحل ويتوغل منها
ومنه فالمرض يكون بداية منا
للامانة اخي اسعدني مجري النقاش معكم
والذي يفتح امامي في كل مرة جوانب مضلمة تسلطون الضوء عليها
شكري وتقديري
لك مني اجمل التحااايا

فتاة طموحة
02-21-2010, 02:08 PM
إمممممممممممم


لأ طبعا غير مرضي

هيا الناس بترضى بحق وباطل يا أختي الكريمة


يعني لو أنا راضية ما كان حكيت الي بألبي ولسا ما خلصت هاد شي بسيط من الي جواتي


غير مرضي .. لأنو الناس بتفكر بمصالحها وبس

غير مرضي لأنو الناس ما عاد آمنت بشي أسمو صداقة

غير مرضي .. لأنو الناس نسيت الله وكيف ضمير أي شخص بيئدر يغدر بصاحبو المقؤب

في شغلات كتير لا ترضى بها نفسي


بلأخص في هاد الزمن الله يصلح الناس ويهديهم

آخخخخخخخخ عنجد الناس


إن الله يغير ولا يتغير
ووواووو رد متميز
والحقيقة متوقع ربما الموضوع استفز فيك الكثير من الاشياء
وكما يقال القطرة التي افاضة الكاس
وانا اتاسف لذالك صدقا
في الحقيقة ما اردته من خلال الطرح هذا
هو ان لا نرضي باشياء علي انها مسلمات هذا العصر
فأذا قيل لي لا تثقي بأحد فهذا لايؤسفني
وانما يقهرني ويحزنني
لان الاسف اصبح عندي نوع من انواع الرضا
كأن اتقبل الاشياء بحجة ان الزمن اصبح هكذا
فأكون وبطريقة ماطرف ومشاركة في كل شئ
....
وكما قلتي الله يغير ولايتغير
أسأل الله ان يصلح امورنا ويوفقنا وايام لما فيه الخير
وان يجمع بيننا
متابعتك القيمة اسعدتني
وتواجدك شرف لي
بكل لغات العالم اشكرك علي التواجد
واتمني ان لا احرم منه
باقة ياسمين الي قلب النقي

sofy
02-21-2010, 02:19 PM
ووواووو رد متميز
والحقيقة متوقع ربما الموضوع استفز فيك الكثير من الاشياء
وكما يقال القطرة التي افاضة الكاس
وانا اتاسف لذالك صدقا
في الحقيقة ما اردته من خلال الطرح هذا
هو ان لا نرضي باشياء علي انها مسلمات هذا العصر
فأذا قيل لي لا تثقي بأحد فهذا لايؤسفني
وانما يقهرني ويحزنني
لان الاسف اصبح عندي نوع من انواع الرضا
كأن اتقبل الاشياء بحجة ان الزمن اصبح هكذا
فأكون وبطريقة ماطرف ومشاركة في كل شئ
....
وكما قلتي الله يغير ولايتغير
أسأل الله ان يصلح امورنا ويوفقنا وايام لما فيه الخير
وان يجمع بيننا
متابعتك القيمة اسعدتني
وتواجدك شرف لي
بكل لغات العالم اشكرك علي التواجد
واتمني ان لا احرم منه
باقة ياسمين الي قلب النقي


ههههههههههههههه


حبيبتي إنت


هوا نرفزني وبس


حسيت حالي أدخل جوات الاب كمان شوي وأنا أكتب ههههههههههههههههه

وأكيد حيكووون رد سلبي لأنك كنت متوقعة من الكثير الرد بشكل سلبي لأنو موضووع لا يحتمل أن نسكت عنه

وبنفس الوئت هوا مشكلة في المجتمع وأعمل جاهدة على هيك شي ..

عنك حل ...؟؟

ما بعتئد في حلووول لهيك مشاكل إلا اللجوء إلى الله

والله يهدي الكل

بس طلب


أنا حابة كتير أكتب باللغة العربية .. وخاصة ما يخص الإحساس

عنجد أنا حابة أكتب وما بعرف عبر .. مشاءالله عنك

ماننحرم هالطلة البهية

عطوووول منورة حبيبتي

وبالعكس موضوعك جميل بس أنا أنفتحت مرة وحدة بالحكي لأني جد أتعرضت لمواقف

كتيرة والله .. هلا كيف بدي أسكت .. ههههههههههه

تحملي يا ئمر

هههههه