المساعد الشخصي الرقمي

مشاهدة النسخة كاملة : نلتقي ..لنرتقي.. مع ..(بنت فلسطين المجروحة)


أم الوليد
02-04-2010, 09:05 AM
http://rooosana.ps/Down.php?d=Y4R4

يسعد صباحكو جميعا..هاد الجزء التاني من..لنرتقي بمنتدانا مع ...بس الي بميز هالجزء انو رح يكون لقاء مفتوح ..حوار بينا وبين الادارة العامة ..متمثلة في..

محمود- دموع الرحيل- بنت فلسطين المجروحة - إسراء الفلسطينية - القلب الطيب

رح نطرح هون اسئلة..هدفنا منها..نفهم ..نوضح..نبرر..موضوع مش واضح..قرار..مش عارفين أسبابه..

أو

اقتراح ..فكرة..شكوى...وجهة نظر

http://rooosana.ps/Down.php?d=nBYl

احنا وهم..ايد بايد...رح نلتقي هون..لنرتقي..لنصير الأفضل..أعضاء ومشرفين..

ورح نكون متفقين ..انو ارضاء الناس غاية لاتدرك..

وانو الي بعتقد بصوابو..غيري مجزم بخطأو..

http://rooosana.ps/Down.php?d=xiny

المنتدى جهد جماعي..بيت ..بشبه بيت العيلة..بضم ناس من مختلف ثقافات..كل حد الو..عادات..تقاليد..تربى بشكل مختلف..الو قناعاتو..واختلافنا بوجهة النظر..مش معناه..نزعل مع بعض..

دووووم رأيي خطأ يحتمل الصواب..ورأي غيري صواب يحتمل الخظأ..

لهيك برجو من الجميع..بس يطرح سؤال..او يقترح شي..

يكون منطقي..ومابدي ردود خارج الموضوع..او اضافات مارح تحقق الهدف..

وعلى بركة الله نبدأ..

أم الوليد
02-04-2010, 09:10 AM
أهلا وسهلا فيكي أماني..نورتي الحلقة الأولى..وبشرفني تكوني أول ضيفة ..

بشكل خاص..بشكرك جدا..لتفاعلك الطيب..وجهدك الواااضح..ونبدأ هلا..

هاي النقاط ..أثيرت من أكتر من عضو..وحابين نفهمها..

- غياب المدير(محمود) ليش..ومتى رح يرجع النا..!!بنعرف انو مشغول بإنشاء الشركة..والله يبارك الو فيها..بس من حقنا يكون معنا..يشاركنا..فهاد بيتو كمان ..


- أثير الجدل حول الرسائل الخاصة..وتبادل الايملات..بين مؤيد ومعارض..وحقيقة الأمر..انو الكم تجارب سيئة وحفاظا على صبايا المنتدى..ارجو منك توضيح الآمر للجميع..

- اختيار المشرفين..يرى البعض انو نشيط ومتفاعل جدا..ولكن ماتم اختيارو كمشرف!!على اي أساس يتم الاختيار..هل هي أقدمية!! أم نشاط أكتر..حددي المعايير..

....حبيبتي ...وكل شوي رح ارجعلك بمجموعة تانية..من النقاط الي انطرحت بأبيض وأسود...أو لنرتقي بمنتدانا مع...

وأهلا وسهلا فيكي..

أم الوليد
02-04-2010, 03:54 PM
- بتواجهك اكيد مشاكل بين الاعضاء والمشرفين..سوء تفاهم..اي مشكلة..كيف بتتصرفي!!

- شو اغرب اقتراح مر عليكي!!

- اماني..كيف بتشوفي المنتدى..كعضو عادي..مش من مكانك كإدارة للمنتدى..

sofy
02-04-2010, 06:40 PM
والله ملك في أسئلة خطرت في بالي نفس أسئلتك يلا بشوف شو الجواب عليها ...

أم الوليد
02-04-2010, 07:17 PM
بانتظارك اماني..رح نشوف سوا اجوبتها حبيبتي صوفي..

*أحلى رتآآج*
02-04-2010, 07:21 PM
كتير حلو..والأسئلة رآئعة ملك..~

بانتظآر أمآنى..~


^^

حسام المصرى
02-04-2010, 07:30 PM
قسم النواعم الخاص بالصبايا فقط .. لماذا لا يتم عمل باسورد له يكون مع الصبايا فقط ... اقتراح ناس كتير وافقت عليه وللأسف متنفذش .... ياريت الادارة تهتم باقتراحات الأعضاء طالما هناك نسبة كبيرة موافقة

sofy
02-04-2010, 08:13 PM
صحيح كلام حسام بما أنو الإدارة بتحكي إنو قسم خاص بالصبايا ليش ما ينعملو باسوورد هيك أحسن

PaLeStiNe FlOwEr
02-05-2010, 12:33 AM
طيب انتوا ضامنين انوا كل الصبايا صبايا


موضوع حلو ملك بانتظار التفاعل

أم الوليد
02-05-2010, 08:45 AM
ولسه بننتظر اماااني

بنت فلسطين المجروحة
02-05-2010, 05:09 PM
أهلا وسهلا فيكي أماني..نورتي الحلقة الأولى..وبشرفني تكوني أول ضيفة ..

بشكل خاص..بشكرك جدا..لتفاعلك الطيب..وجهدك الواااضح..ونبدأ هلا...

اهلا فيكي ،، طلعت كبش الفداء :ShababSmile108:

استعنا عالشقا بالله :ShababSmile221:

هاي النقاط ..أثيرت من أكتر من عضو..وحابين نفهمها..

ماشي الحال يلا ..


- غياب المدير(محمود) ليش..ومتى رح يرجع النا..!!بنعرف انو مشغول بإنشاء الشركة..والله يبارك الو فيها..بس من حقنا يكون معنا..يشاركنا..فهاد بيتو كمان ..

محمود بدرس بالجامعة تخصص هندسة برمجيات أظن ،، وبنفس االوقت بشتغل
يعني تخصص مش سهل ،، ووظيفة تانية وفوق هاد بهالوقت زي ماانتو عرفتوا
اسس شركته وعم بستعد للزواج ،، عقبال عند الجميع ،،

صحيح حقنا انه يكون معنا ،، لكن ظروفه كانت صعبة ،، وانا بعرف انه المنتدى عزيز عليه
وانه بعز عليه قلة مشاركته بالمنتدى ،، لكن ظروفه اجت هيك وما باليد حيلة ..

راح يرجع باخر فبراير باذن الله ،، بكون تجوز و فضيلنا :ShababSmile240:


- أثير الجدل حول الرسائل الخاصة..وتبادل الايملات..بين مؤيد ومعارض..وحقيقة الأمر..انو الكم تجارب سيئة وحفاظا على صبايا المنتدى..ارجو منك توضيح الآمر للجميع..

نمسك وحدة وحدة

الرسائل الخاصة :

استغلوها ابعض الشباب والبنات ليتابدلوا الايميلات
وبعض هالشباب استغلوا ليتلاعبوا بمشاعر البنات ،، عهوا قصص حب ومن هالحكي
وهالشي مخالف لاسلالامنا ولعالداتنا ولتقاليدنا
فلانو بتخاف عبنات المنتدى زي ما بنخاف عحالنا
منعنا هالاشي
لحتى مايكون في احتمال 1% انو ممكن صبية تستغل عواطفها وتتحول تباعا لمشاكل تانية

الايميلات :

لانو في اعضاء بنات وشباب اجو من منتديات تانية مسموح فيها الرسئل الخاصة وعندهم ايميلاات بعض

فبتلاقي مثلا عضوة ،، حبت تتعرف عبنت هان

بتروح بتطلب ايميلها ولما يتعرفوا عبعض

بتروح بتعرفها عشباب المنتدى اللي عندها وطبعا لما نعطي ايميل شب لشب

ممكن يروح يعرفه عالبنات اللي عنده

وتصير المشاكل و احتمال انو عواطف البنت تستغل زي فكرة الرسئل الخاصة

ولهيك منعت ،، خوفا عالبنات مش اكتر

،،

في سبب تاني ولو انه مش الرئيسي

انه لما الاعضاء يتعرفوا عبعض خصوصا البنات بصير كل حكيهم عالمسنجر وبنسوا المنتدى

وهاي خسارة تانية للمنتدى



- اختيار المشرفين..يرى البعض انو نشيط ومتفاعل جدا..ولكن ماتم اختيارو كمشرف!!على اي أساس يتم الاختيار..هل هي أقدمية!! أم نشاط أكتر..حددي المعايير..

بيتم على حسب عدة اشياء

تواجده الدائم بالمنتدى وتفاعله مع الاعضاء ،، هل هو ملتزم بقوانين المنتدى ام مخالف

شخصيته ،، هل هو عصبي هل هو متفاهم ، يعني صعب نحط مشرف لو عضو عصب عليه عشان حذفله موضوع او لاي سبب يصير يزعل وكرامتي ومش عارف شو وكانها قضية مصيرية ،، او انه يعمل من كل حبة قصة وحكاية ،، هيك ما بنخلص

يعني هيي عدة اشياء بتخلي الادارة تحكم عليه

....حبيبتي ...وكل شوي رح ارجعلك بمجموعة تانية..من النقاط الي انطرحت بأبيض وأسود...أو لنرتقي بمنتدانا مع...

وأهلا وسهلا فيكي.

ولا يهمك وانا هان وعلي استعداد اجاوب عكل اسئلتكم :ShababSmile116:

أم الوليد
02-05-2010, 05:19 PM
جميل جدا...اهلا وسهلا..

طيب..هلا بماانو كان في نماذج سيئة..هل هاد معناه!!

انو السيئ يعم..والطيب يخص!!

يعني يقول قائل..احنا شو ذنبنا مانتعرف عبعض!!

ليش نتحمل غلط غيرنا!!

ومش شرط لانو غلطو هم احنا نغلط!!

وكل واحد فينا مسؤول عن نفسه..!!وبتحمل مسؤولية حالو!!

وطبعابناء على كل الاراء بحكيلك هالحكي..

بنت فلسطين المجروحة
02-05-2010, 05:24 PM
- بتواجهك اكيد مشاكل بين الاعضاء والمشرفين..سوء تفاهم..اي مشكلة..كيف بتتصرفي!!.


قصدك بين عضو و مشرف ،، مش بيني وبين الاعضاء صح ؟!

اذا قصدك هيك ،، فهيك مشاكل بتصير غالبا لسوء التفاهم

فبحاول انا اوصل فكرة كل طرف للتاني وبهدي النفوس وبصلح بينهم

اما لو واحد منهم غلطان فبقله انه غلطان وانه هيك هيك الصح

وبحرص تتصافى النفوس وماحد يشيل عالتاني اشي على قد ماقدر


- شو اغرب اقتراح مر عليكي!!


اغرب اقتراح ،، ممم ،، في واله بس مش متزكرة

اعطيني وقت لاتزكر :ShababSmile239:



- اماني..كيف بتشوفي المنتدى..كعضو عادي..مش من مكانك كإدارة للمنتدى.



كعضو عادي ،، المشكلة اني يعرف كتير عن شباب فلسطين ،، يعني مش اي عضو جديد

لكن هحاول اجاوب كعضو عادي قد ما اقدر :ShababSmile256:


جوابي هو ,, هالمنتدى ،، في ناس جدا مميزين وانا بجد بحب المنتدى لانهم فيه

وبتربطني فيهم علاقة محبة واخوة ومعزة وذكريات ومشاكل وكل اشي :ShababSmile221:

ومش زي كتير منتديات كل حكيهم مجاملات بمجاملات

بالنسبة للنشاط فهوي حاليا اقل نشاط من زمان

لكن هادا صار بسبب ناس كانوا هان ،، وماعجبتهم اسلامية المنتدى او صارت مشاكل وتركوه

ولو بدكم الصراحة وانا شفت اشياء ماشفتوها :ShababSmile233:

لو خيروني بين حال المنتدى الحين وحال المنتدى زمان

راح اختار هالوقت ،، لاني بفضل المنتدى نايم مع ناس مخلصة ولا يكون قايم مع ناس بدون ضمير

طبعا مش كل من تركنا كان هيك

لكن نسبة منهم كانت هيك

وحاليا انا متفائلة انو اللي ضلوا والاعضاء الجدد معهم يتحسن حالنا

بنت فلسطين المجروحة
02-05-2010, 05:26 PM
صوفيا واحلى ريتاج و بالستاين فلور

يا هلا فيبكم

^^

*أحلى رتآآج*
02-05-2010, 05:30 PM
أجوبة كتير روعة...

يعطيك العآفية..~

(:

بنت فلسطين المجروحة
02-05-2010, 05:31 PM
قسم النواعم الخاص بالصبايا فقط .. لماذا لا يتم عمل باسورد له يكون مع الصبايا فقط ... اقتراح ناس كتير وافقت عليه وللأسف متنفذش .... ياريت الادارة تهتم باقتراحات الأعضاء طالما هناك نسبة كبيرة موافقة

اول اشي لانه مالوش داعي ،، خلص انتوا عارفين انو ممنوع عليكو

ولو حاولتوا انكو تروحوا هنك ممش هتلاقي ما يخالف الشريعة

لكن فكرة هالقسم انو خاص باهتمامات البنات بدون مخالفة لشريعتنا الاسلامية

فمالها داعي حكاية الباسورد هاي

،،

بعدين احنا بنهتم اقتراحات الاعضاء


وبننفذ اللي بنقدر عليه وبناسب المنتدى

وحتى لو اغلب الاعضاء وافقوا عليه

ماهمي اغلب الاعضاء مابعرفوا كل اشي بصير بالمنتدى

مابعرفوا شو بتصير مشاكل خلف الكواليس

ليحطوا كل الاعتبارات عند تايدهم او اعتراضهم عاقتراح او غيره

شغلة تانية ،، مش كل اقتراح بستاهل يتنفذ

يعني مع احترامي الك لما نسكر قسم النواعم

شو هالفايدة العظيمة اللي هتيجي من وراه ؟!

//

ومش اذا ما نفذنا اقتراحك معناها احنا مش مهتمين

خليك عادل شوي يا باشا :ShababSmile224:

أم الوليد
02-05-2010, 05:50 PM
طيب خلينا نكمل..

- يرى الاغلب هون..انو مافي تقدير ابدا لجهود الاعضاء..والنشيط متل الكسول!!ليش!!



- يقال انو الادارة لاتاخذ براي الاعضاء عند اتخاذها اي قرارات..ويقول اخرون انو الادارة مش موجودة اصلا!!


- حالة الركود والملل المنتشلاة هالايام!!برايك هل بتحمل الاعضاء وحدهم سببها!!ام انكو كادارة ومشرفين السبب فيها!!

PaLeStiNe FlOwEr
02-05-2010, 06:05 PM
الذين يشاهدون محتوى الموضوع الآن : 3 ( الأعضاء 2 والزوار 1)
‏PaLeStiNe FlOwEr, ‏بنت فلسطين المجروحة+


أجوبة مميزة

متابعة معكم

بنت فلسطين المجروحة
02-05-2010, 06:09 PM
جميل جدا...اهلا وسهلا..

طيب..هلا بماانو كان في نماذج سيئة..هل هاد معناه!!

انو السيئ يعم..والطيب يخص!!

يعني يقول قائل..احنا شو ذنبنا مانتعرف عبعض!!

ليش نتحمل غلط غيرنا!!

ومش شرط لانو غلطو هم احنا نغلط!!

وكل واحد فينا مسؤول عن نفسه..!!وبتحمل مسؤولية حالو!!

وطبعابناء على كل الاراء بحكيلك هالحكي..

مش حكاية السيء يعم ،، لكن اذا انتي او انت بتقدر تضمن حالك بتقدروا تضمنوا غيركم

عفكرة طول عمهم اهل الخير قلة ،، وهاي سنة من سنن الله تعالى في هذا الكون كثرة أهل الباطل والكفر وقلة أهل الحق والإيمان، قال تعالى: وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ {يوسف:103}.

هاي نقطة ،،


النقطة التانية ،، انو القضية مش قضية تحمل اغلاط

القضية قضية حفاظ على بناتنا ،، اي صحيح كل واحد بتحامل مسؤلية حاله

لكن احنا هان بنتحاسب عالغلط ،، يعني ما بننسهل الطريق وبنقول انتو مسؤولين

لا احنا مسؤولين معكم ،، لانو ساعتها ممكن يصير المنتدى

مرتع لعديمي الامانة ليتلاعبو بالبنات ويصيدووهم

طبعا انا لا اعمم ،، لكنها ممكن تصير

،،

شغلة اخيرة انو انتوو ممكن تتعرفوا عبعض هان ،، وتتواصلوا هان ،،

و تخلوا المنتدى مكان لقئاكم بدل المسنجر :ShababSmile250:


واحنا عقد مانقدر بنحاول امكانية التواصل اللي بتحتاجوها

ولهيك طلع موضوع زي ايد بايد

PaLeStiNe FlOwEr
02-05-2010, 06:37 PM
مش حكاية السيء يعم ،، لكن اذا انتي او انت بتقدر تضمن حالك بتقدروا تضمنوا غيركم

عفكرة طول عمهم اهل الخير قلة ،، وهاي سنة من سنن الله تعالى في هذا الكون كثرة أهل الباطل والكفر وقلة أهل الحق والإيمان، قال تعالى: وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ {يوسف:103}.

هاي نقطة ،،


النقطة التانية ،، انو القضية مش قضية تحمل اغلاط

القضية قضية حفاظ على بناتنا ،، اي صحيح كل واحد بتحامل مسؤلية حاله

لكن احنا هان بنتحاسب عالغلط ،، يعني ما بننسهل الطريق وبنقول انتو مسؤولين

لا احنا مسؤولين معكم ،، لانو ساعتها ممكن يصير المنتدى

مرتع لعديمي الامانة ليتلاعبو بالبنات ويصيدووهم

طبعا انا لا اعمم ،، لكنها ممكن تصير

،،

شغلة اخيرة انو انتوو ممكن تتعرفوا عبعض هان ،، وتتواصلوا هان ،،

و تخلوا المنتدى مكان لقئاكم بدل المسنجر


واحنا عقد مانقدر بنحاول امكانية التواصل اللي بتحتاجوها

ولهيك طلع موضوع زي ايد بايد

فعلا كلامك صحيح

يعني انا بفوت منتديات كتييييييييييرة وبجرب الكل

وبصراحة وبدون مجاملة اكتر منتدى حبيتوا شباب فلسطين ما في هبل ولا مسخرة

يعني انا لما سجلت هون ما كان في رسائل خاصة وما كنت أعرف اللي صار

بس المنتديات اللي فيها رسائل خاصة، كتييييير بلاقي فيها مسخرة

مع انوا أغلبها بتكون الرسائل بس بين بنت وبنت وبين شب وشب

وممنوع حد من الشباب يرسل لبنت او العكس....



وطبعا أكييييد في نفوس ضعيفة بتتأثر بسرعة بالواقع الكازب،،

فعنجد أنا بستغرب أحيانا من أشياء بشوفها وبالأصدق بنصدم،، طبعا مو بهاد المنتدى،،

حتى هالأشياء بتخليكي ما تأمني ع حد ولا على الدنيا كلها،،

بس الحمدلله لهلأ ما صار معي موقف من هالشي وان شاء الله ما بصير معي ولا مع أي بنت من بنات أمة محمد عليه السلام


بس يعني ما رح كزب أحيانا بكون حاسة انوا لازم يوجد رسائل خاصة مو بسبب الايميلات،، بسبب أحيانا بكون سوء تفاهم أو شي متل هيك فبحب الواحد يتفاهم مع الشخص بدون تجريح وبدون ما يحسس الباقي،،

شكرا على حرصكم علينا وفي ميزان حسناتكم ان شاء الله

قسامي غزة
02-05-2010, 07:16 PM
مسكينة يا اماني هروكي اسئلة
انا بدي اسال سؤال
ليش ما يكون في رسائل خاصة :ShababSmile222::ShababSmile221:

nader ~
02-05-2010, 07:33 PM
بنت فلسطين المجروحة بداية حياكم الله وبياكم وجعل الجنة مثواكم وأستعنا على الشقا بالله وحنبدء نسئل

ماهو الشعور الذي راود أحساسك عندما أصبحتـِ مشرفة؟

السؤال التاني/ماذاتعني لكـِ الحياة وياحبذا لوكانت بسطور؟

السؤال التالت/كثيراً مانواجع كل ماهو مؤلم ماشعورك عند غدر أحدى الأحباب لكم؟
أكتفي بهذا حتى لانخدش حيائكم

sofy
02-05-2010, 07:54 PM
فعلا أماني كلامك جواهر

معك حق بكل كلمة حكيتيها

ومؤيدة تماما لكل جواب جاوبتيه

يعطيكي العافية

حسام المصرى
02-05-2010, 11:53 PM
اول اشي لانه مالوش داعي ،، خلص انتوا عارفين انو ممنوع عليكو

ولو حاولتوا انكو تروحوا هنك ممش هتلاقي ما يخالف الشريعة

لكن فكرة هالقسم انو خاص باهتمامات البنات بدون مخالفة لشريعتنا الاسلامية

فمالها داعي حكاية الباسورد هاي

،،

بعدين احنا بنهتم اقتراحات الاعضاء


وبننفذ اللي بنقدر عليه وبناسب المنتدى

وحتى لو اغلب الاعضاء وافقوا عليه

ماهمي اغلب الاعضاء مابعرفوا كل اشي بصير بالمنتدى

مابعرفوا شو بتصير مشاكل خلف الكواليس

ليحطوا كل الاعتبارات عند تايدهم او اعتراضهم عاقتراح او غيره

شغلة تانية ،، مش كل اقتراح بستاهل يتنفذ

يعني مع احترامي الك لما نسكر قسم النواعم

شو هالفايدة العظيمة اللي هتيجي من وراه ؟!

//

ومش اذا ما نفذنا اقتراحك معناها احنا مش مهتمين

خليك عادل شوي يا باشا :shababsmile224:


عادل شوية .. طب أوك

بس انا اقتراحى ده وافق عليهاللى شايفينه نفذوه

بنت فلسطين المجروحة
02-06-2010, 09:27 AM
طيب خلينا نكمل..

- يرى الاغلب هون..انو مافي تقدير ابدا لجهود الاعضاء..والنشيط متل الكسول!!ليش!!
!

تقصير منا ،، لكن في جهود شخصية بتكون منا انو المميز نتابعه ،، نهديه توقيع ،، كلمة تشجيع

حقيقة قبل انا كنت احرص اعمل هيك ،، لكن حاليا وقتي ما بسمحلي بهالاشي

كل جهودي صارت بكلمة او همسة ،، لكنها حق مهم ومفروض نشتغل عهالنقطة كتير

بس ما تحكولي انو ابدا ما صار مني تقدير :ShababSmile223:


- يقال انو الادارة لاتاخذ براي الاعضاء عند اتخاذها اي قرارات..ويقول اخرون انو الادارة مش موجودة اصلا!!


هالنقطة رديت عليها في كلامي لحسام

الادارة بتاخد براي الاعضاء ،، لكن انتوا مابتعرفوا كل اشي عن المنتدى

ولا شفتوا المشاكل اللي صارت فيه ،،

احيانا من المشاكل اللي بنشوفها وبتصير ،، بجد بتمنى انو المنتدى كله يسكر او عالاقل اترك الاشراف من كتر ما بتصير مصايب :ShababSmile235:

لهيك الاقتراحات مش بتاخد اعتبار انه كل الاعضاء موافقين ،، لا لكن كمان هل هوا فعلا مهم ،، هلا راح تيجي من مشاكل وغير هيك اشياء

الادارة ،، محمود غايب لظروفه اللي حكيناها ،، البقية متواجدين ،، لكن مثلا وراح احكي عحالي

انا لما ادخل المنتدى بلاقي مية شغلة بتستناني ،، وعقد مااقدر اتابع وانفذ بعمل ،،

البارحة مثلا قعدت 7 ساعات ورا بعض اخلص امور للمنتدى وما خللصتهم كلهم لسة !!:ShababSmile235:

انا مش بتمنن بس لابينلكم شو عم بصير ،، فيمكن لهيك تحسوا انو مقصرين ،، لانو مش ملحقين :ShababSmile111:


- حالة الركود والملل المنتشلاة هالايام!!برايك هل بتحمل الاعضاء وحدهم سببها!!ام انكو كادارة ومشرفين السبب فيها!


الاتنين بتحملوا ،، والاعضاء الهم نسبة كبيرة كمان من التحمل

عملنا حملات ،، مسابقات ،، مواضيع ،، لكن تجاوب الاعضاء معدوم

نسبة كبيرة منهم ،، بس قاعدة بقسم الالعاب ،، اللي ان شاء الله هتتحدد المشاركات فيه قريب كتير :ShababSmile239:

مشرفين كمان في مشرفين مقصرين ،، وقريب راح يصير تغيير فيهم باذن الله

ادارة ،، في منها تقصير برضه ،، لكن بتمنى مع رجعة محمود يصير دور الادارة اوضح بالمنتدى

بنت فلسطين المجروحة
02-06-2010, 09:37 AM
فعلا كلامك صحيح

يعني انا بفوت منتديات كتييييييييييرة وبجرب الكل

وبصراحة وبدون مجاملة اكتر منتدى حبيتوا شباب فلسطين ما في هبل ولا مسخرة

يعني انا لما سجلت هون ما كان في رسائل خاصة وما كنت أعرف اللي صار

بس المنتديات اللي فيها رسائل خاصة، كتييييير بلاقي فيها مسخرة

مع انوا أغلبها بتكون الرسائل بس بين بنت وبنت وبين شب وشب

وممنوع حد من الشباب يرسل لبنت او العكس....



وطبعا أكييييد في نفوس ضعيفة بتتأثر بسرعة بالواقع الكازب،،

فعنجد أنا بستغرب أحيانا من أشياء بشوفها وبالأصدق بنصدم،، طبعا مو بهاد المنتدى،،

حتى هالأشياء بتخليكي ما تأمني ع حد ولا على الدنيا كلها،،

بس الحمدلله لهلأ ما صار معي موقف من هالشي وان شاء الله ما بصير معي ولا مع أي بنت من بنات أمة محمد عليه السلام


بس يعني ما رح كزب أحيانا بكون حاسة انوا لازم يوجد رسائل خاصة مو بسبب الايميلات،، بسبب أحيانا بكون سوء تفاهم أو شي متل هيك فبحب الواحد يتفاهم مع الشخص بدون تجريح وبدون ما يحسس الباقي،،

شكرا على حرصكم علينا وفي ميزان حسناتكم ان شاء الله


سوء التفاهم ،، ممكن ينحل بانك تنزلي اهدا لهالعضو ،، توقيع ،، كلمة طيبة

والمنتدى بطوله ،، مفتوح لهيك اشياء

وفي اتعس الحالات ،، ممكن تطلبي من الادارة فقسم بيني وبينك يوصل رسالتك

و احنا بنوصلها


//


هلا فيكي حبيبتي بالستاين

sofy
02-06-2010, 09:38 AM
حلووووو يا مس أماني

كلام مقنع وحميل

متابعة ..... بس نفسي أطلعلك سؤال ما تحت الأرض

مو عارفة جاي عبالي أجممك يا مس أماني

يعطيكي العافية

راكبة راسي اليوم أماني

ممممممم

بس ما بعرف ليش

بطلعلك أسئلة محرزة

بنت فلسطين المجروحة
02-06-2010, 09:40 AM
أحلا ريتاج هلا فيكي ياقمر
:ShababSmile116:

//


مسكينة يا اماني هروكي اسئلة
انا بدي اسال سؤال
ليش ما يكون في رسائل خاصة :ShababSmile222::ShababSmile221:

ههههههههههههههههه

بعين الله ،، المهم تتوضح الامور

ويطيب خاطر الاعضاء

،،

جوابي عسؤالك

عشان الاعضاء المشاغبين متلك مايبعتو رسائل:ShababSmile222:

هههههههههههههههههه

طبعا بمزح :P

ارجع ورا يما بتلاقي ردي
:ShababSmile108:

منور قسامي غزة :ShababSmile116:

بنت فلسطين المجروحة
02-06-2010, 09:45 AM
بنت فلسطين المجروحة بداية حياكم الله وبياكم وجعل الجنة مثواكم وأستعنا على الشقا بالله وحنبدء نسئل

الله يحييك اخي ،، امين جعلنا واياكم من اهل الجنة :ShababSmile240:

ماهو الشعور الذي راود أحساسك عندما أصبحتـِ مشرفة؟

الصراحة شعور ديق لاني مجربة فمنتديات قبل ،،

وعارفة انه هم ومسؤلية ،، ولما سلموني اشراف عام

صار الهم همين :ShababSmile235:،، لانو المسؤولية اكبر

باقي الاسئلة مااظن الها علاقة بالموضوع

هالموضوع اداري بحت صح ؟!

اذا لأ برجع ارد عليك

معلش لالحق اجاوب عالبقية:ShababSmile256:

بنت فلسطين المجروحة
02-06-2010, 09:46 AM
فعلا أماني كلامك جواهر

معك حق بكل كلمة حكيتيها

ومؤيدة تماما لكل جواب جاوبتيه

يعطيكي العافية

الله يسعدك

المهم تكون وضحت الامور :ShababSmile233:

بنت فلسطين المجروحة
02-06-2010, 09:47 AM
عادل شوية .. طب أوك

بس انا اقتراحى ده وافق عليهاللى شايفينه نفذوه

اه ييااخي عارفة انه وافقوا عليه

بس ارجع اقرا ردي

وارجع اقرا اللي لونته بالاحمر


منور حسام

بنت فلسطين المجروحة
02-06-2010, 09:49 AM
حلووووو يا مس أماني

كلام مقنع وحميل

متابعة ..... بس نفسي أطلعلك سؤال ما تحت الأرض

مو عارفة جاي عبالي أجممك يا مس أماني

يعطيكي العافية

راكبة راسي اليوم أماني

ممممممم

بس ما بعرف ليش

بطلعلك أسئلة محرزة


هههههههههههههههههههههه


لا ولليش يختي:ShababSmile108:

خليكي مرتاحة

مش معقول يعني مصرة تعبي حالك

خليكي مرتاحة ههههههههههههههههههه:ShababSmile221:

بنت فلسطين المجروحة
02-06-2010, 09:51 AM
الذين يشاهدون محتوى الموضوع الآن : 2 ( الأعضاء 2 والزوار 0)
‏بنت فلسطين المجروحة, ‏حورية فلسطين+

أهلا بالقلق كله :icon11:

sofy
02-06-2010, 10:10 AM
هههههههههههههههههههههه


لا ولليش يختي:shababsmile108:

خليكي مرتاحة

مش معقول يعني مصرة تعبي حالك

خليكي مرتاحة ههههههههههههههههههه:shababsmile221:



هههههه

لا يا مس أموووووون

ولوووووو لعيونك هوا تعبكم راحــــــــــــــــــــــــــــــــ ــــــــــــة


وليش مو معئــــــــــــــــــــول

أنا فاضيتلكم وخلصت إمتحاناتي بالجامعة قاعدتلكم بالمنتدى اليـــــــــــــــــــــــــوم

راجعتلك بلأسئلة

متغلبة بأسئلتي يعني لسا بعدني ما سئلت

كل شوي رح أطلعلك بسؤال

لعيــــــــــــــــــــــــــــــــ ــــــــــــــــــــــــــونك

أم الوليد
02-06-2010, 12:47 PM
جميل جدا لحد هون..

- في اشيا بسيطة النا كاعضاء فينا نعملها ..ليش مابتخلونا نساويها..

مثلا تغير اسم الضيف بعنوان!!..مثلا..حذف موضوع كررتو بالغلط..(يعني امور بسيطة..ليش مافينا نعملها)!!!


- في احد اجوبتك..ذكرتي ممكن تتعرفو عبعض هون..بدل المسنجرّّ!!!وضحي لنا كيف!!والدردشة ممنوعة!!

- اختارلي خمس اعضاء بنات..وخمس شباب..وخمس مشرفين ومشرفات..وجهي الهم رسالة(شكر- عتب- ...الخ)

- طاقم الاشراف الحالي..في احد اجوبتك ذكرتي..في تغييرات رح تم فيه.شو رايك بانتخابات ديمقراطية !!
اي انو يتم اختيار المشرفين بالانتخاب.!!ومن خلال طرح اسماء المرشحين!!من قبلكم!!


لحد هون بكفي..لحد مايجي قسامي ومعو باقي النقاط السودا..اهلاوسهلا فيكي امونه..

قسامي غزة
02-06-2010, 01:05 PM
الله يعينك اماني
ومتابع معكم

قسامي غزة
02-06-2010, 01:05 PM
الله يعينك اماني
ومتابع معكم

أم الوليد
02-06-2010, 01:06 PM
اصدك متابعين معك!

*أحلى رتآآج*
02-06-2010, 06:50 PM
يعطيكـ العآفية أمآني...

متآبعين معكـ....

بنت فلسطين المجروحة
02-06-2010, 08:29 PM
جميل جدا لحد هون..

- في اشيا بسيطة النا كاعضاء فينا نعملها ..ليش مابتخلونا نساويها..

مثلا تغير اسم الضيف بعنوان!!..مثلا..حذف موضوع كررتو بالغلط..(يعني امور بسيطة..ليش مافينا نعملها)!!!


هاي ماخطرت ببالي ابدا ،، بنطلبها من محمود وان شاء الله ينفذها

- في احد اجوبتك..ذكرتي ممكن تتعرفو عبعض هون..بدل المسنجرّّ!!!وضحي لنا كيف!!والدردشة ممنوعة!!


يعني مش ممكن نحطط مواضيع تعريفية ،، زي المسابقات الاسئلة العامة النقاشات مهاي كلها تعريفية

بعدين حتى الدردشة بحدود مقبولة ،، بس مو الاقي 10 ردود ورا بعض دردشة تكونوا غيرتوا مسار الموضوع نهائيا !

- اختارلي خمس اعضاء بنات..وخمس شباب..وخمس مشرفين ومشرفات..وجهي الهم رسالة(شكر- عتب- ...الخ)

حورية فلسطين // المنتدى اشتاقلك واشتاق لتواجدك ،، ياريت ترجعي متل ما كنتي

مآهيناز و أمل وكل اهل الوطن العربي // بتمنى صدقا تعرفوا انو محبتكم بقلوبنا زي محبة اي فلسطيني

لا نميزهم عنكم ولا نفضلهم عليكم

اسراء الفلسطينية // حبيبتي الغالية ،، عمود واساس للمنتدى ،، من غيرها المنتدى ما بيسوى ربي يسعدها ويجزيها عنا خير الجزاء

ليال & سويت سول // تركتينا ومابعرف شو الذنب اللي عمله شباب فلسطين بحقك ،، حبيناك وبنتمنى ترجعييلنا

فلسطينية والراس مرفوع // مممم بتمنى ترجعي وردة اللي حبيتها وعرفتها زمان :(

ملك // بشكرك على تعاونك معنا ،، مستشارتي الغالية

،،

شباب

ابو مجاهد & شهيد غزة & ياسين // الله اكرم المنتدى بناس طيبة متلكم ربي لا يحرمنا منكم يارب

ويديم المحبة بينا وبينكم

اياااد // اشتقنا لتواجدك معنا ،، لمواضيعك وخناقاتك ولزعلك

قسامي غزة // ربي يديمك النا اخ طيب ^^ ومشرف حريص عقسمه ،، كتير انبسطت لما رجع للاشراف

المهندس // قلم جديد معنا لكن يبدو انه مميز ،، بتمنى انك تضل معنا منورنا

أبو نور & جرح بملامح انسان // هي رسالة عتب بس مش راح اقدر احكي هان

- طاقم الاشراف الحالي..في احد اجوبتك ذكرتي..في تغييرات رح تم فيه.شو رايك بانتخابات ديمقراطية !!
اي انو يتم اختيار المشرفين بالانتخاب.!!ومن خلال طرح اسماء المرشحين!!من قبلكم!!

ما خطرت ببالي هالفكرة ،، بس اظن ما هتنفع لانو اعدا المشرفين مش كتار يعني اللي بنرشحهم عالاغلب كلهم هيتعينوا



لحد هون بكفي..لحد مايجي قسامي ومعو باقي النقاط السودا..اهلاوسهلا فيكي امونه..



اهلين فيكي وفي قسامي وفي النقاط السودا ههههههههههههه


اله يعيني يما شفتها لستة طويلة :ShababSmile235:

بنت فلسطين المجروحة
02-06-2010, 08:34 PM
منورين الجميع

^^

بنت فلسطين المجروحة
02-06-2010, 08:34 PM
منورين الجميع

^^

sofy
02-06-2010, 10:31 PM
1... على اي اساس يتم اختيار الأعضاء المميزين ....؟؟

مو لازم يكون في تميز بين الأعضاء النشيطين والغائبين والرجووع بعد فترة والتعريف بهم بحيث أنو الكل يعرف تميز كل عضووو

وبنفس الوئت هل بتعتبري هاد حافز من المحفزات اللي ممكن يمشي عليها كل عضو بحيث يسعى وراء التميز ؟؟؟

sofy
02-06-2010, 10:32 PM
2.ما هو المعنى الحقيقي للاشراف - المراقبة ؟

ما هو شعورك كمشرفة أولا وكمراقبة ثانيا وكعضوة متل كل الأعضاء ...؟


3..العواطف ومهمة (المشرف - المراقب) الاساسية ...


4.تعارض الموضوع مع رأي (المشرف - المراقب)...


5.. ما معنى حرية التعبير بالنسبة لك ....؟


6..كيفية التعامل بيننا بالنسبة لك ...؟


إلى هنا أكتفي بهذا القدر من الأسئلة إلى غد إنشاءالله تحياتي

اسد 22
02-07-2010, 06:14 PM
بالنسبة لمنع تبادل الرسائل مع احترامي غير مقتنع بجواب بنت فلسطين المجروحة

بقصد انو التقوى هي التي تحمي ويمكن للعضو ان يتحصن بها وهي التي تمنعوا من الوقوع في المخالف للشرع

تقي والعضو الغير تقي لا يمكن منعه ولكن بنفس الوقت بأمكان العضو في حالة وصول له رسالة غير مرغوبه

بها اخبار الادارة وبعدين الادارة تتصرف معاه

حسام المصرى
02-08-2010, 12:04 AM
لحد امتى اقتراحات بعض الأعضاء لا تقبل الا بالفرض مع الدارة بالرغم أنها مثل فى بعض الأحيان ضرورة ونسبة كبيرة من الأعضاء توافق عليها ؟؟

لماذا الادارة تمنح الاشراف لأشخاص يسبون فى الغير ولا رادع لهم .. فهذا يسئ للاشراف .. ولو مش عارفه اسمه انا ممكن أقولك مين المشرف ده ؟؟

sofy
02-08-2010, 07:27 AM
لحد امتى اقتراحات بعض الأعضاء لا تقبل الا بالفرض مع الدارة بالرغم أنها مثل فى بعض الأحيان ضرورة ونسبة كبيرة من الأعضاء توافق عليها ؟؟

لماذا الادارة تمنح الاشراف لأشخاص يسبون فى الغير ولا رادع لهم .. فهذا يسئ للاشراف .. ولو مش عارفه اسمه انا ممكن أقولك مين المشرف ده ؟؟


أسفة على تدخلي ..

أوبس يا أخ حسام مين من المشرفين سب عليك ....؟

صلي عنبي يا أخ حسام بس بعتئد إنو مواضيعك السياسية يا أخ حسام هي ادت إلى ذلك

بس أعتقد أنو ما حدا من المشرفين تعرض إليك بالشتم يا أخ حسام

ولكن النقاشات الحادة في مواضيعك السياسية لا تخلق من النقاش إلا الفتنة يا أخ حسام

وبنفس الوقت يشتد النقاش من الأطراف حتى يصبح نوع من المهزلة وعدم التحكم في النقاش بين الأعضاء

مما يؤدي إلى سوء الفعم بالمشرف أو العضوو

أسفة على تدخلي بس بنشوف مس أماني شو جاوابها.....

sofy
02-08-2010, 07:43 AM
مرحبا مرة تانية

أنا يا مس أماني لاحظت من مبارح أنو تم تغير ما بعرف شو بتسموه Toolbar

أوكي هاد ال عليه MMS ...

هلا أنا أول ما دخلت على المنتدى هوووون صلاة النبي الكل مشاءالله رحب فيا أوكي

بس كنت ملاحظة في كل ترحيب ( ممنوع وضع صور للنساء ) وصراحة وبدوون كزب ضلت في بالي هالكلمة

أوكي ..

أنا الي بدي أوصلو بكلامي أنو

لماذا يتم وضع صور نساء في ال MMS وصور غير لا ترضي الإسلام كعامة ..؟

أنتي متخيلة مس أماني في صور وإعذورني على جرأتي ( بس في شب وبنت تحت المطر ) لا تواخزوني على هالحكي

صحيح إحنا صرنا متعودين على هيك منازر ولله الحمد من المجتمع الي عايشين فيه

وبعدين كل عضوو بحط صور متل هيك شوفي كم واحد إطلع عالصوورة وأخد زنب والي حط الصورة من الأصل في ال MMS

أخد زنب كل واحد إطلع ..

وهكذا الحال بالنسبة للصور الأخرى طبعا مو كل الصور .. بس أنا ما حبيت أشووف المنتدى بهاي الصووورة

ولو إني ما بحب هالمنتدى كان ضليت ساكتة يا مس أماني

ويمكن تحكي أووووه موضوع بسيط كتير ليش عم تحكيه ...؟؟ بس عند الله كبير طبعا

لأنو نهي عن المنكر وأمر بالمعروووف

وهاد أحسن لكل عضووو ومشرف في المنتدى أنو يكسب الحسنات أفضل ما يكسب الذنوووب

سامحيني إزا كان في بكلامي شوية تجريح وأعتذر على إطالتي في الحديث ..

nader ~
02-08-2010, 09:40 AM
وين وصلتو مع أماني؟

PaLeSt!Ne SouL
02-08-2010, 01:45 PM
الله يعينك اماني

أم الوليد
02-10-2010, 09:11 AM
بانتظار رد اماني!

حسام المصرى
02-10-2010, 03:35 PM
منتظرين الرد فعلا .. ياريت حد ينبها من خلال الاهداءات .. أصله للأسف مفيش رسائل زوار

الطالب المجتهد
02-10-2010, 03:40 PM
بانتظار اختنا بنت فلسطين المجروحة

أم الوليد
02-11-2010, 04:04 PM
-بطئ المنتدى!
-الخلل في النظام!!كثرت الشكوى لكن لاحل سوى الانتظار!!بدا الاعضاء يضجروا!!

- بانتظار اماني للتعليق

حسام المصرى
02-11-2010, 05:57 PM
ويبقى السؤال .. أين امانى .. الاستفسارات متلاحقة .. وأمانى غير موجودة .. لتعين نائبا إذن لكى يرد

أم الوليد
02-11-2010, 06:05 PM
رح يتم ياحسام..ان شاء الله..والغايب عذرو معو..

قسامي غزة
02-11-2010, 06:17 PM
انا راح ابعت الها رسالة
اشوف شو مالها

أم الوليد
02-11-2010, 06:19 PM
قسامي خلي (اسراء الفلسطينية) تكمل هي مشرف عام كمان واكيد رح نلائي جواب عندها.

اسد 22
02-11-2010, 08:40 PM
بأنتظار ................................... ................................... ................................... ..............

بنت فلسطين المجروحة
02-11-2010, 10:02 PM
أجيت !!

عذرا لكن لظروف

وهيني موجودة ..

بنت فلسطين المجروحة
02-11-2010, 10:02 PM
أجيت !!

عذرا لكن لظروف

وهيني موجودة ..

بنت فلسطين المجروحة
02-11-2010, 10:12 PM
1... على اي اساس يتم اختيار الأعضاء المميزين ....؟؟

بشكل رئيسي على حسب جهودهم بالمنتدى ،، ومن ثم مواقف وتصرفهم فيها و اخلاصهم للمنتدى


مو لازم يكون في تميز بين الأعضاء النشيطين والغائبين والرجووع بعد فترة والتعريف بهم بحيث أنو الكل يعرف تميز كل عضووو


لا ما بظن بنحتاج نعملها كل فترة ،، وبظني اللي بكون مميز بتكون مشاركاته وتفاعله مع الاعضاء هوي اللي خلاه مميز ومعروف ،، مش تكريم الادارة اللي بعرف الاعضاء فيه (غالبا) والشغلة التانية ـ،، تكريم الادارة بكون بغاية التشجيع مش التعريف

وبنفس الوئت هل بتعتبري هاد حافز من المحفزات اللي ممكن يمشي عليها كل عضو بحيث يسعى وراء التميز ؟؟؟

هالسؤال حاسسته شخصي اكتر من كونه اداري ،، القصد انه برايي انا لا مش محفزة للتميز

لانو لو حد هدفه الشهرة والتميز ،، فتكريم الادارة مش هوي الوسيلة ،، لأ لكن جهوده وعطائه،، لانه عطائه هوي اللي هياثر في غيره ،، لكن تكريم الادارة اله او تعريفهم فيه ،، هيثير حافز للبعض لعدة ايام ويختفي

لكن عطائه هوي المؤشر البارز لتميزه

بنت فلسطين المجروحة
02-11-2010, 10:24 PM
2.ما هو المعنى الحقيقي للاشراف - المراقبة ؟

مسؤولية وأمانة


ما هو شعورك كمشرفة أولا وكمراقبة ثانيا وكعضوة متل كل الأعضاء ...؟


ما بتفرق بايي اشي ،، بس من ناحية انو بصير فيها مسؤلية ،، هم المراقبة وهم تنشيط المنتدى وهم تطوير المنتدى ،، الخ ..


3..العواطف ومهمة (المشرف - المراقب) الاساسية ...


المشرف الناجح هوي اللي مابخلي عواطفه تتحكم بقراراته ،، والانسان بالاخير بخطئ لكن على قد مايقدر يعمل هيك ..


4.تعارض الموضوع مع رأي (المشرف - المراقب)...


المشرف بتحكم لقوانين المنتدى ،، رايه بيحتفظ فيه لنفسه ،، ومابيفرضه عالاخرين بس لانه هالشيء ضد ارائه

5.. ما معنى حرية التعبير بالنسبة لك ....؟


قول الحق لغاية الاصلاح ،، مش لنشر الكائبة والبلبلة والمشاكل ،، كما يقال " قل خيراً أو اصمت"

6..كيفية التعامل بيننا بالنسبة لك ...؟


ممم مافهمت سؤالك ،، ارجعي وضحي الي لو سمحتي ياصوفيا :ShababSmile233:

إلى هنا أكتفي بهذا القدر من الأسئلة إلى غد إن شاءالله تحيتي



مية هلا فيكي ،، بس انتبهي عكتابة ان شاء الله ،،

بنت فلسطين المجروحة
02-11-2010, 10:44 PM
بالنسبة لمنع تبادل الرسائل مع احترامي غير مقتنع بجواب بنت فلسطين المجروحة

بقصد انو التقوى هي التي تحمي ويمكن للعضو ان يتحصن بها وهي التي تمنعوا من الوقوع في المخالف للشرع

تقي والعضو الغير تقي لا يمكن منعه ولكن بنفس الوقت بأمكان العضو في حالة وصول له رسالة غير مرغوبه

بها اخبار الادارة وبعدين الادارة تتصرف معاه

اهلا اسد ،،

صحيح كلامك التقوى مهمة ،، لكن في اسباب بتعينك عالخير وفي اسباب بتعينك عالشر

زي بكتير ندوات بتلاقي بشددوا على انو نحرص عشغل اوقات فراغنا ؟ ليش ؟ لانو الفراغ ممكن يكون مدعاة للغلط ،، حتى لو التقوى موجودة ،، وبرضو عنفس النطلق رسولنا امر الشباب بالصيام اذا ماكانو قادرين يتزوجوا ،، مع انو التقوى موجودة عندهم ،، وقيس على نفس النمط ،، المغزى انو التقوى مش كفاية ..

وكمان لما يكون الامر ميسر غير لما يكون الامر صعب

والاشي الاخيير واللي باكد عليه 100% انو البنت سهل ينضحك عليها خصوصا وهي مراهقة ،، الا اللي بحميهم ربي ..

بنت فلسطين المجروحة
02-11-2010, 10:54 PM
لحد امتى اقتراحات بعض الأعضاء لا تقبل الا بالفرض مع الدارة بالرغم أنها مثل فى بعض الأحيان ضرورة ونسبة كبيرة من الأعضاء توافق عليها ؟؟
زي ايش مثلا ،، ياريت ما تعمم لانه كلامك مش صحيح

اذا عقضية الرسائل ،، فانا وضحتها ،، ومابظنها ضرورة

واذا بتحكي من منطلق انك عضو ف انا كنت عضوة زي زيكم قبل

ومن غير رسايل خاصة ولا بطيخ

الي كتير مواضيع كان لا باس بيها وبنيت علاقات بكتير اعضاء

ومااحتجت الها ،، فليش هي ضرورة الكم مش قادرين تمشو حالكم من غيرها ؟!!

الشغلة التانية واللي قلتها قبل ،، انو هاي جابت مشاكل احنا في غنى عنها ،، وضررها اكتر من نفعها

وماهي بالشيء الضروري زي ماانتا مصورها يا سيد حسام ،، ويارريت ما تعمم قواعد من موقفين صاروا معك

لماذا الادارة تمنح الاشراف لأشخاص يسبون فى الغير ولا رادع لهم .. فهذا يسئ للاشراف .. ولو مش عارفه اسمه انا ممكن أقولك مين المشرف ده ؟؟

يااخي الله يهديك انتا ما مليت من هالحكاية ،، المشرف اللي عم بتزاوود عليه

في مية واحد هان يشهد بحسن اخلاقه ،، وغير هيك اذا المنتدى تحسن عن قبل

فاله فضل كبير وكبير كتير كمان فيه ،،ومع هيك لما غلط عسيادتك الكريمة

اعتذرلك قدام الكل ونبهته الادارة ،، وهادا العقاب اللي شافته الادارة مناسب

مش لازم يكون العقاب عهواك ،، لحتى يعجبك ياحسام

ولو بدنا نعاقب بمثل ما طلبت ،، فهتكون انتا اول المعاقبين ،، لانو مشاكلك من اول مااجيت كتيرة

PaLeStiNe FlOwEr
02-11-2010, 10:57 PM
الذين يشاهدون محتوى الموضوع الآن : 4 ( الأعضاء 2 والزوار 2)
‏PaLeStiNe FlOwEr, ‏بنت فلسطين المجروحة+


والله مستحية من نفسي ما قدرت أسئلك سؤال

كان نفسي أسئلك سؤال صعب أصعب من أسئلة التوجيهي بس ما زبط الموضوع

المهم اني متابعة للموضوع أول بأول

بنت فلسطين المجروحة
02-11-2010, 11:30 PM
مرحبا مرة تانية

أنا يا مس أماني لاحظت من مبارح أنو تم تغير ما بعرف شو بتسموه Toolbar

أوكي هاد ال عليه MMS ...

هلا أنا أول ما دخلت على المنتدى هوووون صلاة النبي الكل مشاءالله رحب فيا أوكي

بس كنت ملاحظة في كل ترحيب ( ممنوع وضع صور للنساء ) وصراحة وبدوون كزب ضلت في بالي هالكلمة

أوكي ..

أنا الي بدي أوصلو بكلامي أنو

لماذا يتم وضع صور نساء في ال MMS وصور غير لا ترضي الإسلام كعامة ..؟

أنتي متخيلة مس أماني في صور وإعذورني على جرأتي ( بس في شب وبنت تحت المطر ) لا تواخزوني على هالحكي

صحيح إحنا صرنا متعودين على هيك منازر ولله الحمد من المجتمع الي عايشين فيه

وبعدين كل عضوو بحط صور متل هيك شوفي كم واحد إطلع عالصوورة وأخد زنب والي حط الصورة من الأصل في ال MMS

أخد زنب كل واحد إطلع ..

وهكذا الحال بالنسبة للصور الأخرى طبعا مو كل الصور .. بس أنا ما حبيت أشووف المنتدى بهاي الصووورة

ولو إني ما بحب هالمنتدى كان ضليت ساكتة يا مس أماني

ويمكن تحكي أووووه موضوع بسيط كتير ليش عم تحكيه ...؟؟ بس عند الله كبير طبعا

لأنو نهي عن المنكر وأمر بالمعروووف

وهاد أحسن لكل عضووو ومشرف في المنتدى أنو يكسب الحسنات أفضل ما يكسب الذنوووب

سامحيني إزا كان في بكلامي شوية تجريح وأعتذر على إطالتي في الحديث ..

لا ولا يهمك عندك حق الله يسعدك

بس محمود كان بجدد اشياء بالمنتدى

ومعهن نزلواهدول ال MMS بصورة تلقائية

وفصلت الكهرباء عند محمود وقتها وما عدلهن

لهيك سبب ليس الا

وانا للامانة حاولت ادخل احذفهن ،، لكنها ما زبطت معي للاسف

مية هلا فيكي

وماتسكتي ابدا عن االحق:ShababSmile116:

بنت فلسطين المجروحة
02-11-2010, 11:49 PM
-بطئ المنتدى!
-الخلل في النظام!!كثرت الشكوى لكن لاحل سوى الانتظار!!بدا الاعضاء يضجروا!!

- بانتظار اماني للتعليق

بطئ المنتدى من زمان ماعانينا من هالمشكلة ؟

فاي خلل في النظام ؟؟

عفكرة هالمشكلة صارت ومحمود بزبط المنتدى فاعذرونا !!

عفكرة انا ضد نشر السلبية

زي الاعضاء زهقوا ،،وهق طفش وهالحكي

لانو اللي مش طفشان هيطفش من هالحكي

طبعا الحكي مش الك لكن بشكل عام لفتت انتباهي هالشغلة

بنت فلسطين المجروحة
02-11-2010, 11:53 PM
الذين يشاهدون محتوى الموضوع الآن : 4 ( الأعضاء 2 والزوار 2)
‏PaLeStiNe FlOwEr, ‏بنت فلسطين المجروحة+


والله مستحية من نفسي ما قدرت أسئلك سؤال

كان نفسي أسئلك سؤال صعب أصعب من أسئلة التوجيهي بس ما زبط الموضوع

المهم اني متابعة للموضوع أول بأول

ههههههههههههههه

ليش ولي :(

لكون في حرب معك

عفكر ةانا مو ناسية الموضوع اللي بينا

لكن ظروفي مبهدلة هاليومين

وردة الك :ShababSmile182:

حسام المصرى
02-12-2010, 01:43 AM
زي ايش مثلا ،، ياريت ما تعمم لانه كلامك مش صحيح

اذا عقضية الرسائل ،، فانا وضحتها ،، ومابظنها ضرورة

واذا بتحكي من منطلق انك عضو ف انا كنت عضوة زي زيكم قبل

ومن غير رسايل خاصة ولا بطيخ

الي كتير مواضيع كان لا باس بيها وبنيت علاقات بكتير اعضاء

ومااحتجت الها ،، فليش هي ضرورة الكم مش قادرين تمشو حالكم من غيرها ؟!!

الشغلة التانية واللي قلتها قبل ،، انو هاي جابت مشاكل احنا في غنى عنها ،، وضررها اكتر من نفعها

وماهي بالشيء الضروري زي ماانتا مصورها يا سيد حسام ،، ويارريت ما تعمم قواعد من موقفين صاروا معك

أنا نزلت 3 اقتراحات وطلب .. التلات اقتراحات محدش نفذ منهم حاجة برغم تأييد البعض .. والطلب اترفض .. وهو اللقب لأانه لازم مسابقات .. وبصراحة أنا من كتر المسابقات مش عارف أشارك فى انهى مسابقة عشان آخد اللقب اللى انا عايزه مع ان منتديات بالهبل . اللقب مش محتاج كل الروتين ده .. المنتدى ساعات بيفكرنى بالمصالح الحكومية اللى فى البلاد العرببية والروتين ......



يااخي الله يهديك انتا ما مليت من هالحكاية ،، المشرف اللي عم بتزاوود عليه

في مية واحد هان يشهد بحسن اخلاقه ،، وغير هيك اذا المنتدى تحسن عن قبل

فاله فضل كبير وكبير كتير كمان فيه ،،ومع هيك لما غلط عسيادتك الكريمة

اعتذرلك قدام الكل ونبهته الادارة ،، وهادا العقاب اللي شافته الادارة مناسب

مش لازم يكون العقاب عهواك ،، لحتى يعجبك ياحسام

ولو بدنا نعاقب بمثل ما طلبت ،، فهتكون انتا اول المعاقبين ،، لانو مشاكلك من اول مااجيت كتيرة


أنا مشاكلى كتيرة .. انا الحمد لله ولا شتمت واحد مثلما هو سب .. هو أها الصراحة ان أشهد انه بيخدم المنتدى كتير اوى .. لكن برده فى أى منتدى تانى الاساءة الى أحد الاعضاء شخصيا بطريقة مثل التى حدثت .. تساوى حظر فورى .. ووالله العظيم بتحصل فى كل المنتديات ان شا الله لو المدير العام شتم حد .... على العموم براحتكم

وأتحداكى تثبتى أنى شتمت حد على المنتدى او أخليت بشروطه .. لأستحق العقاب ...


سؤالى لكى .. مفيش امكانية ان الادارة يكون رئيسها شاب فى المقام الأول لأان قرارتهم حاسمة أكثر من ذلك .. معظم المنتديات الناجحة ادارتها دائما تكون للرجال .. فياريت الأخ محمود ييجى بسرعة عشان يقدر يتابع المشاكل .. أو يتم تعيين حد يقدر يساعدكم .. بدل المشاكل اللى بالهبل دى ....

بنت فلسطين المجروحة
02-12-2010, 09:39 AM
لا انتا شتمت وعملت مشاكل ،،

بالنسبة لشاب وبنت ،، فان شاء الله يرجع محمود

لأنه فعلا حاسم اكتر منا ^^

لكن احنا عم نعمل جهدنا ،، وللان ما حد طلع علينا حكاية شب وبنت غيرك

مش عارفة شو راي باقي الاعضاء

اسد 22
02-12-2010, 10:55 AM
اقتنعت

مشكورة على الاجابة

حسام المصرى
02-12-2010, 12:11 PM
لا انتا شتمت وعملت مشاكل ،،

بالنسبة لشاب وبنت ،، فان شاء الله يرجع محمود

لأنه فعلا حاسم اكتر منا ^^

لكن احنا عم نعمل جهدنا ،، وللان ما حد طلع علينا حكاية شب وبنت غيرك

مش عارفة شو راي باقي الاعضاء


ياريت يرجع محمود فعلا ..... وبعدين انتى بتقولى حاجات عجيبة .. هو الواحد عشان يقول وجهة نظره لازم كذا واحد يقولها معاه .. ايه المبدأ الغريب .. بعدين فى مقولة بتقول " كما انا متميز فلا يوجد منى سواى "

انا على فكرة مردتش أقول اسم اللى شتمنى لان دى اخلاقى . لكن انتى وبدون دليل بتقولى انى شتمت وعملت مشاكل .ز مع ان سبب المشاكل دى انتم .. لازم الادارة تكون حيادية وتحترم وجهات نظر الآخرين حتى لو كانت متعارضه معهم .. هكذا تعلمت .... ويبدو ان هذه النقطة هى سبب المشاكل التى تتحدثين عنها .. ولكن أرجوكى لا تقولى وأمام الجميع انى شتمت .

بنت فلسطين المجروحة
02-12-2010, 04:06 PM
اسد اهلا فيك أخي

،،

حسام لا انا مابحكي عارائك ،، هاي اشي خاص بيك

الك كذا رد غلطت عالجزائريين وانا كذا رد عدلتلك مع اني نبهتك مليون مرة بهالموضوع ،،

اما كلامك عن راي الغريب ،، لا مش هيك قصدي انا

قصدي انو في اعضاء كتير هان بعرفوه وبشهدوله بحسن الخلق

انتا بدك تحكم من موقف ،، فحكمك اكيد غلط

والدليل انه اعتذرلك

sofy
02-12-2010, 04:16 PM
عفوا مس أماني

بس ليش أنتبه ... عفوا يعني كانت صيغة الأسئلة محرجة .. ولا ما عجبووكي ..ما فهمت

وضحلي إزا سمحتي شان أنتبه ..

وسوري يعني إزا دايئتك أسئلتي ...

بس منو بئصدي دايئ حدا ... وبلأخص حضرتك ... يا مس أماني

أم الوليد
02-12-2010, 05:16 PM
حبيبتي اماني الله يعطيكي الف عااااااااااافية بتحبي نكمل معك..!!

او نستضيف دموع الرحيل..او أسراء!!

- احكيلنا خبر جديد عن المنتدى..ولاول مرة !

-قيل..ليش مافي جلسات منتظمة او لقاءات بين الادارة والاعضاء!!لتشوف اقترحاتهم..مشاكلهم..شكواهم..وجهات نظرهم!!

-يرى البعض انو الادارة لاتاخذ الاقتراحات على محمل الجد!!واذا رفضتها..لاتعطي مبرر!!

-يرى البعض الاخر..انو التغييرات والتجديدات تحدث في فترات بعييييييييييييييييييدة جدا!!

اسمحيلي ..هاي بعض النقاط من لنرتقي بمنتدانا مع(أعضاءنا ومشرفينا) ..

بنت فلسطين المجروحة
02-12-2010, 07:00 PM
عفوا مس أماني

بس ليش أنتبه ... عفوا يعني كانت صيغة الأسئلة محرجة .. ولا ما عجبووكي ..ما فهمت

وضحلي إزا سمحتي شان أنتبه ..

وسوري يعني إزا دايئتك أسئلتي ...

بس منو بئصدي دايئ حدا ... وبلأخص حضرتك ... يا مس أماني

هههههههههههههههههههههه

لا ولي قصدي عكلمة ان شاء الله

كنتي كاتباها انشاء و بصير معناها تاني

عسل صوفيا:ShababSmile229:

بنت فلسطين المجروحة
02-12-2010, 07:09 PM
حبيبتي اماني الله يعطيكي الف عااااااااااافية بتحبي نكمل معك..!!

او نستضيف دموع الرحيل..او أسراء!!.

ماعندي مانع تستضيفو غيري :ShababSmile250:

حتى كل الادارة تتكلم ..

- احكيلنا خبر جديد عن المنتدى..ولاول مرة !


هممم عم نحضر لمسابقة لأول مرة تنعمل ،، وقريب هتبدأ ،، وان شاء الله يتفاعل معها الاعضاء

-قيل..ليش مافي جلسات منتظمة او لقاءات بين الادارة والاعضاء!!لتشوف اقترحاتهم..مشاكلهم..شكواهم..وجهات نظرهم!!

احنا ما عنا جلسات منظمة لانو للاعضاء عاملين قسم اقتراحات وشكاوي ،، واللي بباله شكوى او اقتراح بروح بحطهم هناك ،، وللمشرفين عندهم قسم المشرفين ليعرضوا كل ماحبو يطلبوه او يقترحوه


-يرى البعض انو الادارة لاتاخذ الاقتراحات على محمل الجد!!واذا رفضتها..لاتعطي مبرر!!


زي ما حكيت قبل ،، احنا مش كل اشي بنقدر ننفذه بعض الاشياء اللي بمنعنا عن تنفيذها هوي محمود ،، اللي وعدنا بعودة قريبة ..

اما الرفض فدائما بكون في مبرر ،، زي شو رفضنا ومااعطينا مبرر ،، الا اذا القصد انو المبرر غير مقنع
فهادا وارد الحدوث ..

-يرى البعض الاخر..انو التغييرات والتجديدات تحدث في فترات بعييييييييييييييييييدة جدا!!


برضو الجواب نفس الاشي ،، التحديثات بايد محمود ،، وهو بالوقت الماضي كان ينفذ كل ماسمحله الوقت

اسمحيلي ..هاي بعض النقاط من لنرتقي بمنتدانا مع(أعضاءنا ومشرفينا) .


ولا يهمك ،، هياته الخير هيعم :ShababSmile221:


منورة ملوكة :ShababSmile116:

أم الوليد
02-12-2010, 07:16 PM
منورة اماني..

يعطيكي الف عااااااااااااااااااافية


ننوه للجميع انو الموضوع طرح..لفهم وجهة نظر الادارة..للاجابة عن تساؤلاتكم..اقتراحاتكم..آرائكم..فارج و تجنب الحدة والتعصب..في طرح المشاركات..

- يرى البعض..انو الكثير من الاعضاء يتواجدو فقط لقسم الترفيه..كيف ممكن الحد من هالموضوع من قبل الادارة!!

- يقال انو الادارة غائبة..بعض المشرفين..المدير..والمنتدى يحتاج لتواجد اكثر..هل يرجع لقله عدد المشرفين!!اواذا كانت القلة السبب!!لم لايتم زياده عددهم!!

-كثر وجود المخالفات ..والاعضاء المخالفين..سواء بتوقيع..أو رد او غيرو..وجهي كلمه للجميع..

-من حق الأعضاء أن يتيم تقييمهم حسب نوعية مشاركاتهم (لا حسب كميتها)، بعد عدد معين من المشاركات يصبح العضو مميز او مثالي..مع انو يمكن بثير مشاكل..او متغيب او ...الخ...

اسمحيلي بحاول اصيغهم بطريقة افضل..بس حريصة انو انقلهم كويس..وبدات اخد من النقاط الي في ابيض واسود..

حسام المصرى
02-12-2010, 07:53 PM
اسد اهلا فيك أخي

،،

حسام لا انا مابحكي عارائك ،، هاي اشي خاص بيك

الك كذا رد غلطت عالجزائريين وانا كذا رد عدلتلك مع اني نبهتك مليون مرة بهالموضوع ،،

اما كلامك عن راي الغريب ،، لا مش هيك قصدي انا

قصدي انو في اعضاء كتير هان بعرفوه وبشهدوله بحسن الخلق

انتا بدك تحكم من موقف ،، فحكمك اكيد غلط

والدليل انه اعتذرلك

أنا مغلطش فى الجزائرييين أنا اتكلمت عن اخلاق اللعيبة .. وده شئ عادى جدا لكن انا مغلطش فى حد على المنتدى .. وبعدين برده ناس على المنتدى اتكلموا عن اخلاق اللعيبة بتوعهم .. اشمعنى أنا بس اللى ملاحظه كلامى ... والصراحة انتى منبهتنيش ولا مرتين من المليون اللى بتتكلمة عنهم دول ...

أعضاء كتير يشهدوله ده شئ يخصهم .. لكن فى قوانين على المنتدى تمنع اللى حصل منه حتى لو اعتذر .. مع انى نفسى أعرف فين الاعتذار اللى وصلنى .. هتيلى نصه لأنى بصراحة مش فاكر ؟أى اعتذار منه .... على العموم ياريت يكون فىه حيادية وتطبيق للقوانين .. اللى يغلط فى عضو بالطريقة بتاعته كان واجب حظر فورى .. اقرى الشروط .. أو على الأقل ياخد مخالفة .. مهو مش كل واحد يشتم على مزاجه ويعتذر والموضوع يعدى كده بالساهل .. لازم يكون فيه رادع

عبد الصمد الراوي
02-12-2010, 08:11 PM
سؤال لبنت فلسطين ..


لماذا انتم هنا ؟؟؟


ههههههههههههههههه


لا لا بصراحة اكثر شيء يعجبك بمنتدى شباب فلسطين ..


ويا رب الادارة ما تتأخر في الدعم الفني .. والله مقدر الزخم بس يا ريت تفضونا بسرعة هههههههههههههههه





ويا رب ما تكوني انزعجتي من السؤال والكلام .. اخت بعتز فيها والله

عبد الصمد الراوي
02-12-2010, 08:12 PM
سؤال لبنت فلسطين ..


لماذا انتم هنا ؟؟؟


ههههههههههههههههه


لا لا بصراحة اكثر شيء يعجبك بمنتدى شباب فلسطين ..


ويا رب الادارة ما تتأخر في الدعم الفني .. والله مقدر الزخم بس يا ريت تفضونا بسرعة هههههههههههههههه





ويا رب ما تكوني انزعجتي من السؤال والكلام .. اخت بعتز فيها والله

أم الوليد
02-13-2010, 05:55 PM
بانتظارك اماني

sofy
02-15-2010, 06:52 PM
هههههههههههههههههههههه

لا ولي قصدي عكلمة ان شاء الله

كنتي كاتباها انشاء و بصير معناها تاني

عسل صوفيا:shababsmile229:


يييييييييييييييه ....؟؟؟ عنجد كيف بحكي معك هيك بأسلووب زناخة أنا ...؟؟ عنجد هلا إنتبهت للحكي

آه إضحكي بصحلك ... ( ما أنا فيا هيل حاليا ما بعرف متى برووح هالهبل ) إلو مدة وأنا مزاجي معكر

لا والله خلص بنتبه المرة الجاية وهاد وأنا عم إكتب بسرعة ...

أنا شوية بدقر على كل كلمة خلص تاني مرة بنتبه

إمسحيها بوجهي مس أماني

بالمناسبة

( أنا بناديكي" مس " لأني بعرف شعوورك لما وحدة من الطالبات تناديكي بإسمك فبتدايئي أكيد

بتصيري تحكي أنا ( مس ) ليش ينادوني بإسمي وعئبال ( ما تصيري أكبر دكتورة )

أعتبريني طالبة من طالباتك المهيصات


طيب سؤال غبي ...

هلا وحدة من طالباتك مزاجها معكر وحكتلك عدليلي مزاجي شو بتعملي ؟؟

بعرف أنو مو بصلب الموضووع بس حابة أتزانخ شوي بدي أسمع الإجابة ... والله مو عارفة شو مالي اليوم

حتى في البيت ضاربة ..

بستنى الإجابة ..

بعرف بعرف بعرف سؤال غبي

إتحمليني يا مستي

بنت فلسطين المجروحة
02-15-2010, 06:57 PM
منورة اماني..

يعطيكي الف عااااااااااااااااااافية

النور نورك

ربنا يعافيكي


ننوه للجميع انو الموضوع طرح..لفهم وجهة نظر الادارة..للاجابة عن تساؤلاتكم..اقتراحاتكم..آرائكم..فارج و تجنب الحدة والتعصب..في طرح المشاركات..

:ShababSmile240:

- يرى البعض..انو الكثير من الاعضاء يتواجدو فقط لقسم الترفيه..كيف ممكن الحد من هالموضوع من قبل الادارة!!

الحل زمان كان انو تسكر القسم ،، وبيني وبينك انا مع حذفه ،، لانه فش حتى في فايدة هادا غير كوميات المخالفات اللي بتصير فيه ،، قسم آفة من كل الجهات

الادارة حاولت تحد من هالموضوع ،، بانو تحدد المشاركات 20 مشاركة كل 36 ساعة

وانا نشغلهم بالمسابقات والحملاات ،، بس للاسف التاثير مش كتير كبير ..!

- يقال انو الادارة غائبة..بعض المشرفين..المدير..والمنتدى يحتاج لتواجد اكثر..هل يرجع لقله عدد المشرفين!!اواذا كانت القلة السبب!!لم لايتم زياده عددهم!!

ما هوي مافي حد يمسك ،، مين عنا عضو ثقة وبخبرة فامور الدعم الفني ؟!

للاسف في عجز ،، بالنسبة للمشرفين لربما لقدام شوي هينغيروا او يتققلصو

لكن المشكلة انو كمان النشيطين مش كتار

لربما من فترة بسطيةبدينا نشوف نشاطات جديدة ،، هدول اكيد عين الادارة عليهم ،، لنشوف هل هم وؤهلين لهالشيئ او لأ ،،


-كثر وجود المخالفات ..والاعضاء المخالفين..سواء بتوقيع..أو رد او غيرو..وجهي كلمه للجميع..


بصراحة هاي قناعتي انها بتعود عضمير الانسان ومحاسبته لنفسه

يعني لو بدنا نطلع عتوقيع مخالف ،، طيب ماهوي غير المخالفة ،، الانسان محاسب ،،

يعني انا لو حطيت صورة مخالفة ،، وشافها 10 غيري منا باخد اثم هدول وال10 بتجر 10 لتصر الاف مالفة

وغير انو استصغار الذنب يضاعف اثمه ،،

يعني ما بظن العاقل برضاها عنفسه

وحتى الردود ،، ليش اخلي اللي قدامي يفقد احترامه الي ولربما ييكرهني ؟!

شو الفايدة يعني ؟! فرد عضلات ولا مشاكل ،،، مابعرف والله !


-من حق الأعضاء أن يتيم تقييمهم حسب نوعية مشاركاتهم (لا حسب كميتها)، بعد عدد معين من المشاركات يصبح العضو مميز او مثالي..مع انو يمكن بثير مشاكل..او متغيب او ...الخ...


من ناحية الرتب قصدك ،، هاي بتكون مستحيلة ،شوفي كم عضو بالمنتدى وكم مشاركة
مين بدو يتابع كل هالردود ويقيم ،،هالمسالة نعجز عن انو نعملها ،، عفكرة هي اشي مش مهم من منظرو الادارة ،، يعني انا عندكم مثال ،، صرت مشرفة عامة وانا مشاركاتي 5000 او اكثر بشوي
وفي غيري مروا فوق ال10 الاف وماصلحهم حتى يصيروا مشرفين

فاللي بدي اقولوا ،، حتى بالنسبة للتكريمات والترقيات وغيره ،، رقم المشاركة هو اخر اشي ممكن نطلع عليه

اسمحيلي بحاول اصيغهم بطريقة افضل..بس حريصة انو انقلهم كويس..وبدات اخد من النقاط الي في ابيض واسود..


ولا يهمك البيت بيتك

نفسي تحطو محمود هان :ShababSmile222:

تيشوف اللي بشوفه :ShababSmile221:

أم الوليد
02-15-2010, 07:00 PM
بدك الصراحة وانا نفسي كمااااااااااان يكون هون..

بنت فلسطين المجروحة
02-15-2010, 07:05 PM
أنا مغلطش فى الجزائرييين أنا اتكلمت عن اخلاق اللعيبة .. وده شئ عادى جدا لكن انا مغلطش فى حد على المنتدى .. وبعدين برده ناس على المنتدى اتكلموا عن اخلاق اللعيبة بتوعهم .. اشمعنى أنا بس اللى ملاحظه كلامى ... والصراحة انتى منبهتنيش ولا مرتين من المليون اللى بتتكلمة عنهم دول ...

أعضاء كتير يشهدوله ده شئ يخصهم .. لكن فى قوانين على المنتدى تمنع اللى حصل منه حتى لو اعتذر .. مع انى نفسى أعرف فين الاعتذار اللى وصلنى .. هتيلى نصه لأنى بصراحة مش فاكر ؟أى اعتذار منه .... على العموم ياريت يكون فىه حيادية وتطبيق للقوانين .. اللى يغلط فى عضو بالطريقة بتاعته كان واجب حظر فورى .. اقرى الشروط .. أو على الأقل ياخد مخالفة .. مهو مش كل واحد يشتم على مزاجه ويعتذر والموضوع يعدى كده بالساهل .. لازم يكون فيه رادع

يااخي الله يهديك ،، انا يعني شو هستفيد لما اتبلى عليك

انا بنفس مسحتلك كذا رد وعدلت كذا رد غلطت فيهم

والمشرف اللي اعتذرلك ،،اعتذرلك بنفس الموضوع اللي غلط فيه عليك ؟


اما عالحيادية ،، فهاد ظنك انت فينا لكنك مابتعرفنا ،، وانا حاولت كزا مرة اورجيك انو لأ

لكن محاولاتي باءت بالفشل كما هوي الظااهر

العقاب مش انتا اللي بتحدده ،، احنا اللي بنحدده

وحكيتلك لو بدنا نحظر ،، كان انتا كمان كنت معهم عاخطائك

لكن هان سياسة المنتدى انو احنا مش في حرب

يعني لو صار سوء تفاهم بنلجا للتنبيه والعتاب والصلحة

تكرار الخطا والعناد عليه بخلينا ساعتها نلجا لوسائل عقاب اعلى

زي المخالفة والحظر المؤقت واخيرا الحظر النهائي

،،

احنا هان اخوة يا حسام ،،

بنت فلسطين المجروحة
02-15-2010, 07:10 PM
سؤال لبنت فلسطين ..

اتفضل ،، مية هلا بعبد الصمد ،، اشتقنالك يادكتور :ShababSmile240:


لماذا انتم هنا ؟؟؟


ههههههههههههههههه


بدفع غرامة الاشراف العام :ShababSmile221:

لا لا بصراحة اكثر شيء يعجبك بمنتدى شباب فلسطين ..


الجو الاسري ،، الاعضاء ،، بعضهم والله بسوا الدنيا ،، حتى المشاكل بحبها لانها اكشن ههههههههههههه ولان بحب المشاكل :ShababSmile221:

ويا رب الادارة ما تتأخر في الدعم الفني .. والله مقدر الزخم بس يا ريت تفضونا بسرعة هههههههههههههههه





ويا رب ما تكوني انزعجتي من السؤال والكلام .. اخت بعتز فيها والله

انا حاولت اشوف مشكلتك يا عبد الصمد ،، بس للاسف مش عارفة شو الغلط اللي صاير
حتى حل الدمج مش بايدي ،، ان شاء الله تنحل معك أخي

وانتا اخ عزيز يا دكتونا وبعتز فيك ،، ربي يوفقك بدراستك يارب


منور

^^

بنت فلسطين المجروحة
02-15-2010, 07:16 PM
يييييييييييييييه ....؟؟؟ عنجد كيف بحكي معك هيك بأسلووب زناخة أنا ...؟؟ عنجد هلا إنتبهت للحكي

آه إضحكي بصحلك ... ( ما أنا فيا هيل حاليا ما بعرف متى برووح هالهبل ) إلو مدة وأنا مزاجي معكر

لا والله خلص بنتبه المرة الجاية وهاد وأنا عم إكتب بسرعة ...

أنا شوية بدقر على كل كلمة خلص تاني مرة بنتبه

إمسحيها بوجهي مس أماني

بالمناسبة

( أنا بناديكي" مس " لأني بعرف شعوورك لما وحدة من الطالبات تناديكي بإسمك فبتدايئي أكيد

بتصيري تحكي أنا ( مس ) ليش ينادوني بإسمي وعئبال ( ما تصيري أكبر دكتورة )

أعتبريني طالبة من طالباتك المهيصات


طيب سؤال غبي ...

هلا وحدة من طالباتك مزاجها معكر وحكتلك عدليلي مزاجي شو بتعملي ؟؟

بعرف أنو مو بصلب الموضووع بس حابة أتزانخ شوي بدي أسمع الإجابة ... والله مو عارفة شو مالي اليوم

حتى في البيت ضاربة ..

بستنى الإجابة ..

بعرف بعرف بعرف سؤال غبي

إتحمليني يا مستي


ههههههههههههههههههههههههههههههههههه هههههه
ههههههههههههههههههههههههههههههههههه هههههه

مالك يابنتي هههههههههههههههه

الله يصلح حالك ويبعد عنك الهبل :ShababSmile221:

الله يسعدك عحكاية المس هههههههههههههههههههه

طيب بماانو سؤالك هيك مصيري :ShababSmile221:

فانا لو بنت قالتلي هيك

هقلها ببساطة

بعدللك مزاجك باني اعطيكي صفر بكويز او بواجب ههههههههههههههههههههههههههههه

انا لئيمة مع البنات :ShababSmile221:ما بحب الحال المايل :ShababSmile108:

اما لو تعبانة او اشي بقلها تروح او بعطيها بندول ،، او لو متدايقة او خايفة من المادة بشجعها

اونة يعني خايفة عليهم ههههههههههههههههههه

في بنت بتقلي اليوم ماشاء الله دايرة بالك علينا :ShababSmile221:


ان شاء الله تكون ارتاحت نفسيتك بعد الجواب ويكون هالجواب شافي ههههههههههههههههههههههههههههههههههه هههههههههههههههههههههه

بنت فلسطين المجروحة
02-15-2010, 07:19 PM
بدك الصراحة وانا نفسي كمااااااااااان يكون هون..

انا كنت هقول حطوه

بس لسة عريس المان :ShababSmile221:

sofy
02-15-2010, 07:26 PM
ههههههههههههههههههههههههههههههههههه هههههه
ههههههههههههههههههههههههههههههههههه هههههه

مالك يابنتي هههههههههههههههه

الله يصلح حالك ويبعد عنك الهبل :shababsmile221:

الله يسعدك عحكاية المس هههههههههههههههههههه

طيب بماانو سؤالك هيك مصيري :shababsmile221:

فانا لو بنت قالتلي هيك

هقلها ببساطة

بعدللك مزاجك باني اعطيكي صفر بكويز او بواجب ههههههههههههههههههههههههههههه

انا لئيمة مع البنات :shababsmile221:ما بحب الحال المايل :shababsmile108:

اما لو تعبانة او اشي بقلها تروح او بعطيها بندول ،، او لو متدايقة او خايفة من المادة بشجعها

اونة يعني خايفة عليهم ههههههههههههههههههه

في بنت بتقلي اليوم ماشاء الله دايرة بالك علينا :shababsmile221:


ان شاء الله تكون ارتاحت نفسيتك بعد الجواب ويكون هالجواب شافي ههههههههههههههههههههههههههههههههههه هههههههههههههههههههههه

ييييييييييييييييييييييه عليكي .... وليش يا مستي ...؟؟؟؟؟؟

شو دخل الكويز والواجب ... ههههه الله ياخد شيطانك .... لا لا لا حرام يا مستي المفرووض بدوون ما

تحكيلها أعطيطها علامة تحت الصفر .....!!!

بس بتعرفي بتعجبني انو الواحد يكووون لـــــــــئيم ....أفارم عليكي ...يا مستي

بس إتحملي الي رح يجيكي من دعوات وكره من البنات ...

وبالنسبة للبنت إسألني عاملة حالها يعني البنت ( يعني معاكي ومنتبهبة ) حركات

بس يا ريت جرب شرحك ( شان أوريكي مين صوفـــــــــــــــــــــــي ) مو تهديد ئصدي شطارة إحممم

هههههههه بتخوت

لا لا إقتنعت بإجابتك والله بتشرح وبتخلي الواحد ياخد صفر على الماشي


جدعة جدعة يا مستي

أكيد بتحكي عني مجنونة

يلا بحئلك

يعطيكي العافية بس لسا في أسئلة لعيونك يا مستي

sofy
02-15-2010, 07:31 PM
هههههههههههههه ههههه

آه بالمناسبة أرتاحت نفسيتي وصرت أحسن إجابتك خلت نفسيتي منيحة هههههههههه مع الصفر

بدي بندوووول أنا وحدة من طالباتك .. يا مستي

لا والله جد إنك كيوت وعسل والله والي ما بحبك من الطالبات هدووووول هبلات والله

مشاءالله عنك

يعطيكي العافية يا عسل يا مستي

أم الوليد
02-16-2010, 07:44 AM
الله يعطيها العافية اماني..معلش هانت .قربنا نخلص..(جاري النسخ من هون وهون)

- تحدثتوا في الفترة الاخيرة...عن انو من صلاحيات المشرفين..ارسال رسالة خاصة للعضو لاعلامو بسبب الحذف!!لكن لم يتم تطبيق الفكرة!!لم!!تحدث كثيرون..عن انه لايوجد مبررات للحذف!!


- قيل ..عدم توضيح المبادىء التي يقوم عليها المنتدى للاعضاء الجدد بشكل مباشر وسريع..تؤدي لكثرة الوقوع بالمخالفات !!


-لايوجد تقييم للمنتدى من قبل الادارة..لمعرفة آراء الأعضاء..هل يكفي قسم الاقتراحات والشكاوى للالمام بكل مايخص المنتدى!!

عاشق فلسطين المجنون
02-16-2010, 09:48 AM
الله يعينك اختي بنت فلسطين المجروحة.

شكراً اختي ام وليد على الموضوع.

إيمـان
02-16-2010, 06:13 PM
الى الامام

بنت فلسطين المجروحة
02-18-2010, 08:38 AM
صوفيا والبقية منورين

الله يعطيها العافية اماني..معلش هانت .قربنا نخلص..(جاري النسخ من هون وهون)

الله كريم

- تحدثتوا في الفترة الاخيرة...عن انو من صلاحيات المشرفين..ارسال رسالة خاصة للعضو لاعلامو بسبب الحذف!!لكن لم يتم تطبيق الفكرة!!لم!!تحدث كثيرون..عن انه لايوجد مبررات للحذف!!

الاساس انها مطبقة وبتوصل رسائل لهيك انعدمت مواضيع وين راح موضوعي

بس حاليا تفاجات من عضو بحكي انه ماوصله اشي ،، لهيك بدنا نشوف محمود


- قيل ..عدم توضيح المبادىء التي يقوم عليها المنتدى للاعضاء الجدد بشكل مباشر وسريع..تؤدي لكثرة الوقوع بالمخالفات !!

صحيح ،، لكن قبل ما يبدا تسجيل الدخول بتطلع لستة ببعض قوانين المنتدى

وغير هيك بكل قسم في قوانين مثبتة فوق

ومع هيك كان احد طلباتنا ينحطط توقيع تلقائي للاعضاء الجدد فيه القوانين ،، بس ماحدث التنفيذ الى الان للاسف

-لايوجد تقييم للمنتدى من قبل الادارة..لمعرفة آراء الأعضاء..هل يكفي قسم الاقتراحات والشكاوى للالمام بكل مايخص المنتدى!!

بظن بكفي ،، شو الزيادة المطلوبة ،، اللي معترض عاشي اوو حابب اشي بروح هناك

او قصدك استفتاء يعني ؟!

أم الوليد
02-18-2010, 09:11 AM
هلا بالنور كلو..اها استفتاء عام ياقمر..شوهالغيبة!!

بدك الصراحة انا تعبت عنك..يعطيكي الف عاااااااااااااااااااافية..

بس نرتاح شوي انتي وانا ..برجع تاني افتحو

sofy
02-18-2010, 10:01 AM
بالفعل يعطيكي العافية مس أماني ماننحرم من طلتك

أم الوليد
02-18-2010, 07:00 PM
هلا بصوفي نورتي

لالا-فلسطين 48
02-22-2010, 07:43 PM
عنجد ملك روعة...

ان شالله هالمواضيع بترجع لنشاطها اكتر واكتر لانها عنجد بتوفر كتير مشاكل وسوء تفاهم ممكن يصير وبتخلي كل اشي يقرب من الوضوحوالصراحة (ما بدنا نحكي بتخليه واضحوصريح عالاخر)....

اسئلتك قوية ملك بس خففي من غلك شوي عاماني، اماني الله يكون بعونك يا رب، بس ادارة وبدكوت تحملوا، بس كمان ما شالله عنك انتي التانية مش اقل قوة ما بنخاف عليكي،اجوبتك قوية......

واجا دوري اخيرا بعد غياب ونية اني اشارك بهالنوع من المواضيع لاني كنت بحلم من زمان انه تنشئ ولو معملتهاش ملك كان اللي نوايا اني اعملها واشتغل عليها بس ليصير عندي وقت لانها بدها متابعة كبييييييييييرة!


سؤالي لالك يا اماني، يمكن مش يكون موجه لالك بشكل شخصي بس هاي حالات عشتها من قبل الادارة والمشرفين.

انا معك انو لكل اشي في حدود، وزي ما في للارض حدود كمان في للمشاركات والردودحدود، بس سؤالي ليش خاصية الحذف بتتمارس بشكل كبير من قبل المشرفين، حنى اني للحظات صرت اتخيلها هواية محببة عندالمشرفين...

والمشكلة بينعطى نفس المبرر في كل مرة، قال شو ممنوع الدردشة، دوختوني بكلمة دردشة وصرت حس هالكلمة وحش كاسر ممنوع نشملو ريحة في المنتدى، لدرجة انو من كتر ما بتشددوا عليها صرتوا تطبقوها بمفهوم خاطئ وبدكتاتورية كمان، لما اشوف مبرر لحذف من هالنوع بحس حالي عايشة بدولة مع حكم ملكي مستبد......

يعني ازا طلعنا عن الموضوع نتفة زغيرة، وما بقصد بطلعنا عن الموضوع انو رحنا فتحنا مجال تاني للحديث، القصد كل القصة انو استفسرنا بطريقة حلوة وظريفة عن شغلة ووجهنا سؤال لصاحب الموضوع، بتعتبروها "دردشة" وخروج عن الموضوع بتروحوا حاذفين الرد طوالي.....

مش اساس التفاعل باي مجتمع واساس الحوار والاتصال بين اي شخصين اخد وعطا من قبل التنين، والا بتفضلوا اني يكون الاتصال احادي الاتجاه ويقتصر بالرد "حلو ....يعطيك العافية...... تحياتي....." وبس بدون اي اضافات.... اصلا هيك بفقد المنتدى حيويته!


ومبدئيا هاد الاشي الل كتسر مزعجني بالفترات السابقة، المفروض انو يكون للمشرف قدرة على وزن المواقف ويقرر بكل موقف بناء على حالة الموقف بشكل فردي وبس ،ومش ياخد قاعدة عامة ويطبقها بشكل مبالغ فيو عكل اشي!

بتمنى ما كون تقلت ولا طولت...

تحياتي..
لالا-فلسطين 48.

أم الوليد
02-22-2010, 08:40 PM
بننتظر اماني عن جديد للتعليق

إيمـان
02-22-2010, 10:15 PM
امممممم بنستنا

أم الوليد
02-23-2010, 01:21 PM
مو انا هالمرة..اماني..طلعلك حد غيري..بننتظرك