مؤتمر الاجابة الصريحة من كل فتاة وشاب .. أرجوا التثبيت

[atallah97]

بسم الله الرحمن الرحيم
والحمد لله الذي أنعم علينا بنعمة الاسلام والتي لا يشعر بها الا من سافر الى الخارج وشاهد امة الكفر ومعابدها خصوصا بلاد الهند التي عشت فيها اربعة أعوام.. اما بعد

لا اريد اناعرض ما يجيش بخاطري حين ارى بعض الفتيات في شارع الرمال بغزة وهن يتشبهن بالموضة الغربية وباختصار والكل يعلم ماذا اقصد واي لباس اقصد (بلوزة بودي وبنطالون بالكرتة والشعر المنفول او اقل من ذلك وعامة اللبس الذي يكسم ويفصل الجسم ويظهر محاسن الفتاة)

السؤال (وأرجو المشاركة من كل شاب وفتاة)

لماذا تخرج هذه الفتاة بهذا المظهر وماذا يعبر ذلك واين الخلل ومن يتحمل المسؤولية؟

أتمنى من الجميع المشاركة لنتمكن من طرح السؤال الثاني
مع تحيات اخوكم ابوصلاح من فلسطين ويعمل في الرمال

[سارة]

والله الشي بيعود لكل انسان او فهمه للانفتاح
بس للاسف احنا العرب عنا تقليد طائش بلا فهم
متال : انو اخذنا من الغرب كل شي ضد الدين والشريعه او تركنا حب العمل او العلم
او هذا مو بس عندك بغزه للاسف بكل الدول العربيه

[jikoo]

لا تعليق

كل واحد بعمل حسب أصلو ..

[جومانا]

اولا اخي موضوعك كتير رائع
طرح فكرة البنات اللي ساكنين بالرمال في غزة
اعتقد انه السبب في هدا كله تربية الاهل اذا كان الاهل مش مربيين اولادهم بشكل سليم فطبيعي يتركوهم هيك من غير اي توجيه الهم
انا من سكان غزة وشفت بنات الرمال
والله يهديهم ما بنحكي اكتر من هيك

[بياع القلوب]

الاصل هو البيت
اذا كانت التربيه مش مزبوطه اكيد راح تشوف اكتر من هيك
الله يستر عليهم

[طالب الامريكية]

]السبب واضح
و هو غريزة البنات الى بتدفعها لأغراء الشباب
و لو الدنيا ما فيها شباب ما بتشوف هالاشكال ماشية بالشارع

[ديما الحب]

اول شي بدي احكيه انو البس بدول على العقل كل ما كان ناقص اللبس بكون ايضا العقل ناقص
تاني شي زي ما ذكروا الاخوان انو احنا عم ناخد بس السلبي ونترك الايجابي واذا لاحظنا انو كل شي عم يعملوا من دينا متل العلم النظام النظافة وغيروا من اشياء لماذا ؟؟؟؟؟
لماذا نترك لهم الايجابي ونأخذ السلبي

لانا بصراحة ناقصيني طبعا ما بحكي الكل انا بقصد الي ماخدين السلبي

موضوع حلو ويسلموووووووووووووو

[ثوره]

انا لست مع طالب الامريكيه بكلامه بس مع ديما الحب بكلامها اما بالنسبه لتعليقي فهو كل واحد على دينو الله يعينو.هذه اشياء ترجع لكل شخص واعتقد ان هذه الفتيات وغيرهن لديهم اهل وهناك من هو مسوؤل عنهم لذلك تقع المسؤوليه الاولى عليه

[ديما الحب]

شكرا الك ثورة
بدي احكيلك معلومة حرام تحكي كل واحد على دينوا الله يعينوا حرام
يسلموووووووووووووو

[atallah97]

السلام عليكم ورحمة الله وبركاته
أولا: اشكر الجميع على المرور الطيب واتمنى من الجميع المشاركة بشكل اوسع
ثانيا: أتمنى من الجميع الاجتهاد للاجابة على السؤال بكل محاوره ونقاطه

اختي العزيزة بنت الوطن جعلك الله ذخرا للاسلام والوطن، فأنا لا أعني ولا أقصد بنات الرمال فقط اي اهل الرمال، فأنا أعني جميع البنات في وطننا الحبيب اولا لكي نخرج بهذا الموضوع إلى الوطن العربي والمسلم ثانيا.
وأكرر بأن كل شخص يدلو بدلوه ويعبر عن وجهة نظره من مدى فهمه للإسلام

هلموا وانشروا هذا الموضوع للمشاركة لنتمكن من طرح السؤال الثاني
وكل حرف تطبعه فيه خير للاسلام بشكل عام فبخن بخن على عداد الحسنات الي يخصك

مع تحيات اخوكم ابوصلاح من فلسطين

[حبر]

كل انسان بتأثر وبيأثر في البيئة التي يعيش بها

واللبس اله اثر

في غزة كتيير بنشوف بنات متحررات
في اللبس طبعا ما بتلاقيه في خانيونس او جباليا

كل بيئة الها نمط في المعيشة

مش كل بنت متحررة يعني أخقلاقها سيئة والعكس

في بنات بلبسو متحرر على اساس انو هاد تقدم

ومنهم على اساس اغراء

ومنهم على اساس البيئة الي عاشوا فيها

ومنهم بيلبس جلباب على اساس البيءة الي عاشوف فيها

ومنهم على اساس دين

ومنهم غصب عنهم

وهيك البشر متنوع



وبالاخر الله يهدي الجميع


بدون تجريح لأخر

متل ما شفت بعض الاعضاء بيقولو كل ما نقص اللبس بينقص العقل والعكس

بنقول الله يهدي الجميع

وبلاش هجوم على بنات غزة بالذات

كل منطقة الله بليها بعلل

والله يهدي الجميع

تحياتي

أختكم

حبـــر

[jikoo]

كفيتي وعفيتي والله يا اخت حبر

[atallah97]

السلام عليكم ورحمة الله وبركاته
الاخت حبر بارك الله فيك على هيك مشاركة وسوف أتحفظ على التعليقات الان لأنني سوف أقوم بتلخيص جميع الاراء ونناقش ما هو مفيد لمثل هذه الظاهرة.

ولكن أكرر مرة أخرى إن الموضوع لا يستهدف بنات غزة او بنات الرمال فقط ولا أعني منطقة الرمال، إنني أعني جميع البنات في قطاع غزة أولا وسوف ننقل الموضوع بعد آرائنا وسوف نطرح السؤال على بنات وشباب الوطن العربي المسلم.

مرة أخرى أنا كاتب الموضوع لا أقصد أي تجريح لأي بنت مسلمة اي كان منطقة سكناها ولكن نتناول الموضوع بشكل عام لنقاش ظاهرة ربما تكون تعني لكل شخص بمعنى مختلف كما وصفت الاخت حبر، وأنا حينما ذكرت مثال لبعض البنات في حي الرمال في غزة ذلك لا يعني ان ما رأيت من البنات من سكان حي الرمال او غزة فكثير من بنت الجنوب أو الشمال يتواجدون في غزة إما لوظيفة او لدراسة جامعية

وبارك الله فيكم جميعاً