انا عندي مشكلة // الخجـل !

[ما الحل ؟]

السلام عليكم ورحمة الله وبركاته

http://files.shabab.ps/vb/images_cash/up12/1007300558347Sej.jpg

http://www.shabab.ps/vb/images/icons/Shabab15.gif

شباب فلسطين



انا حابب اعرض عليكم مشكلة كتير بتواجهني



اللي هي قصة الخجل



في كتير مواطن ما ستحمل حالي بين الناس فبخجل بدون اسباب مقنعة



فبسبب لي احراج بين الناس



هل في حلول عملية

http://www.shabab.ps/vb/images/icons/Shabab15.gif

http://rooosana.ps/store/6/10_01_17-19_34_48-jjMe@0.png

وشكراً

[sofy]

والله يا أخ بدك تسيطر على حالك في هيك مواقف لازم تبرمج عئلك وتحكي لحالك أنا ما بخجل عيدها حوالي 40 مرة وهيا برمجة العقل وطبعا هاد الجكي منفذ في السعودية على أي شي صعب على الإنسان أو أي نشكلة بتواجة هاد الشخص
وبإرادة منك وتصميم بتئدر تتغلب عحالك أن شاءالله بإنتظار رد الأعضاء وإنشاءالله يفيدوك أكتر تحياتي...

[نور الهدى]

سبق و حطيت بالمنتدى مشكلة واجهتني هي نفس مشكلتك ..

و الحمد لله قدرت اتخطاها

كيف ؟؟

المواجهة !!

انه اتجرأ احكي قدام الناس .. رح تحمر و تصفر و يصيروا يسألوك ليش احمريت .. لكن ضلك ثابت !!

جبل ما يهزك ريح

الشعلة بدها اصرار و عزيمة .. و في لحظة تفكيرك بالهروب من الموقف اياك تستسلم

ضلك فيه و واجه حالك .. خلي نفسك تحمر مش مشكلة .. رح تدايق كتير بالبداية .. لكن شوي شوي رح تنسى احراجك و تلاقي حالك طبيعي

تجرأ و احكي مع ناس ما بتعرفهم .. مثلا اسأل عن الساعة .. عن عنوان .. اي شي

التواصل مع الناس حيخليك اجتماعي اكتر

و بالتالي خجلك حيقل .. و بتصير خجول بشكل طبيعي ^^

ربنا يعينك :)

[أبومجاهد]

صحيح كلام الاخت نور الهدي

انا كتير بتصير معي ولحتى الآن

مثــــلا ً : الاخ شهيد غزة لما رحنا ع الاخ خالد مع الشباب تقول باخة عليه حية ما حكى شي

طول الوقت وهو حاطط صامت ههههههـ ... بقول معقول هادا شهيد ابو البرم للي عنا في المنتدى

ولحتى الواحد يتخلص من هيك صفة لازم يحاول انو تصير عندو جرأة اكثر في الحكي والترجل

صحيح بكون محرج اولها لكن يحاول اكثر من مرة وان شاء الله ما بصير إلا كل خيـــــر

وكمان بقلك اكثر ناس معرضة للاصابة بمرض القلب هم اكثر الناس خجلا ً

انا من بعد ما قرأت هالمعلومة بطلت اخجل كتير .. ^^

والحالة النفسية للواحد إلها دور كمان

علشان هيك انا بحكي عن تجربة

لما الواحد يتوتر والتوتر هادا ناتج عن الخجل ووجه الواحد يصير بالالوان.:ShababSmile221:

الواحد يبدأ ياخد نفس عميـــــــــــــــــــــق ويكتمه للحظات ويخرجو ببطئ وهدوء شديد

ع مرتين تلاتة بتخرج من حالة التوتر و الخجل

وان شاء الله تجد حل نهائي للقصة هذه

في امــــان الله

[نبراس الحياة]

والله أنا كمان بى نفس الصفة بس مش خجل فقط
خجل بغباء وجنون يعنى:ShababSmile225:
يعنى ممكن يمنعنى من أشياء ضرورية كتير ولو حكيت عالمواقف هتستغربوا كتير
فصراحة مارح أقدر أفيدكم لأنى أنا أريد حل أيضاً:ShababSmile224:
بس حلوة بعض الردود عجبتنى كتير يعنى
موضوع وفكرة راااااااااائعة جدااااا
جزاكم الله خيرا

[PaLeSt!Ne SouL]

أنا كنت خجولة بشكل مش طبيعي

كانت علامات النشاط بأول سنة بالجامعة صفر لاني بخجل حتى أجاوب

بس و الله الدنيا بتعلم

حاول إنك تحكي مع الناس و مرة عن مرة رح تتغير

و إذا حد من أصحابك إجتماعي كتير و كتير حكي لزق فيه " زي صحبيتي"

و كل ما يتعرف ع حد رح تتعرف عليه إنت

يمكن تصير تحكي أكتر منو و إجتماعي أكتر


بالإضافة لكل الكلام اللي حكوه ^^

[شهيد]

الاخ شهيد غزة لما رحنا ع الاخ خالد مع الشباب تقول باخة عليه حية ما حكى شي

طول الوقت وهو حاطط صامت ههههههـ ... بقول معقول هادا شهيد ابو البرم للي عنا في المنتدى


اهين عمي .. :d

امممم شوف اخي الفاضل :

الخجل يأتي من مضاعفات التوتر ، و الارتبآك ، وهذا كآن يقولنا استاذ الله يوفقه : انه الخجل والتوتر

والحيرة كلهم طاقة زائدة في الجسم ، تأتي نتيجة اضطرابات و مستجدات لا يكن مخطط إلها ..

فلذلك اول شيء عليك تعود نفسك على الامور الفجائية ، وتحاول قد المستطاع تمسك اعصابك

ونحاول ايضا ان ترمي بنفسك في اماكن تحدي ، واماكن اختار ،

اول مرة حتنحرج وثاني مرة كذلك لكن بعدين حتاخد على الوضع ^^..

ايضا بدك يكون عندك قناعة وثقة في نفسك و اعتزاز لأنه اذا انت نفسك قللت من شأنك طبيعي

تشعر انه الكل أيضا ينظرون إليك نظرة الضعيف القليل الشيء ..

ايضا تستشير بعض معلميك في هذا الامر وتطلب مساعدتهم !

وتبني نفسك بذاتك ^^

[*أحلى رتآآج*]

والله كل الكلآم الي حكوه صحيح..~

لازم تحاول انك تصير اجتماعي وتبطل تخجل..


فى أمآن الله..~

[بقـ..ــايـ..ـا إنسـ..ـانـ]

والله يا اخ ما الحل او يا اخت ما الحل ..

انا متلك واقع بهالمشكلة فا خلينا نشوف الحل سوا ..

يعيطكم العافية جميعا ..

[§عاشقة غزة§]

اخي هاي شي بيحصل غالبا مع الجميع في بادئ الامر
لكن درجات..وانا بتفق مع الاخت نور الهدى في حكيها
كمان في شغلة ونحنا بندرس في المؤسسة لفرنساوي
كانو بيدونا دروس في كيفية التغلب ع الخجل وستريس
وكثير نااجحة الطريقة الصراحة
اديني مهلة بس اطلع الدروس واترجملك بعض النصاح ان شاء الله
تقبل مرورري
تحياتي لك

[اسد 22]

اخي مشكلتك حلها سهل بنسبة لي عمري قريب ل19 سنة صدقني 17 سنة في البيت غير اجتماعي

وفي هذا السن من غير خجل وأول مرة أجرأ اواجه الناس احكي لما تتاح الفرصة واحياناً أخطأ واجاوب

على غير الموضوع ولكن ما اخاف لأني بدي اتعلم ومن جهلنا نخطأ ومن أخطائنا نتعلم فواجهت اكبر مني ب15

و10 سنين واكون مستمع بشكل كبير مع اني بعرفش اسكت
حتى اتعلم كيفية الكلام وقد يكون السبب هو عدم مخالطة الناس

هو سبب الخجل وهيني بحكي وبناقش من أول ما انطلقت لللحياة حتى لو أخطأت لازم تتشجع

بالمجاملة بالتوفيق إن شاء الله

[بنت فلسطين المجروحة]

حيا الله كل من رد وشارك فالموضوع

وان شاء الله صاحبـ/ـة المشكلة يكون/تكون استفاد/ت

//

عاشقة غزة احنا بانتظار نصائحك علنا نستفيد منها !

[Arabian girl]

امم بعتقد ازا بدك تتحطى مرحلة الخجل ممكن تعمل تمرينات قدام المرآة
وهادي الطريقة مثبتة علميا
يعني متلا ازا بدك تحكي قدام مجموعه من الناس فبالاول احكي اللي بدك تحكيه قدامهم قدام المرآة
ومرة ع مرة بتزيد ثقتك بحالك وبقل خجلك
وان شاء الله اكون افدتك :)

[قاهر الصعاب]

الاخ ما الحل ، اذا كان عندك خجل زائد وشديد فهذا يطلق عليه مرض الرهاب الاجتماعي phopia > وله اعراض مثل تعرق الايادي والجبين
زيادة ضربات القلب
رعشة في الجسم
الاحساس بالسقوط عن مواجهة الناس
غصة الحلق
احمرار الوجه
وغيرها ، والمرض ليس صعب مع الارادة والعلاج المناسب .
ونريد ان نعرف هل الخجل عندك منذ الصغر ؟
هل عانيت مشاكل اسرية ؟
على كل حال نصائح الاخوة مفيدة جدا وعليك بزيادة ثقتك بنفسك والرمجة اللغوية العصبية هامة جدا بان تردد عبارات ايجابية عن نفسك ؟
اذا اردت المزيد من المساعدة ووضحت عن حالك فانا مستعد لاعطاءك المزيد ؟
ولكني اتمنى ان يكون خجل بسيط ويزول بالمواجهة والخلطة مع الناس والتدريب مثلا امام مرءاة ، والاستماع لتسجيل صوتك مهم .

اسال الله العظيم رب العرش العظيم ان يشفيكم

[نور الهدى]

شو صار مع صاحب المشكلة ؟؟

[دمع المطر]

اكيد استفاد من ردك يا نور الهدى ، لانه حكيك كتير منطقي ، انا استفدت من حكيك لاني بواجه هادي المشكلة قدام الناس الاكبر مني لما يكونوا مجتمعين ، اما اللي بجيلي وأدي عادي وحكيي ما في اكتر منه