موضوع قلق!!

[أم الوليد]

يسعد مساكو جميعا..

صارت معي شغلة مبارح..خلتني اوقف وفكر..

لاي حد بنسدا العلاقات الي بنعملها عالنت!!وبنتوسع فيها!!

لاي مدى..ممكن توصل !!حتى بينا كبنات!!

مبارح بحكي مع بنت بعرفها من منتدى ابل..وبنحكي الو..طبعا كان بدها هيك لتتاكد انو بنت انا!!

كانو صعب!!عالولد يدبر شي بنت!!لحد مايوصل للبنت نفسها!!

المهم تفاجات انها بعتتلي صور خطوبتها!!!

طب مش ممكن كون شب!!والي حكت معها..اختي..قريبتي..اي حد!!

كيف بسهولة هيك بصير!!

كيف بنوثق هيك!!

يعني حلو نتعرف عبعض!!ونحكي بعض!!بس لدرجة نتبادل صورنا!!

مممممممممم..ماعرفت شو احكي!!بس الموضوع شغلني جدا!!

يعني لازم الحذر والحرص بهيك!!

انتو شو رايكو!!

[sofy]

أكيد رأي من رأيك بس مو لازم نتوسع كتير بعلاقاتنا خاصة لما تكون عن طريق النت ولازم بنفس الوقت إنكون حذرين بطريئة التعامل مع هدول الناس لأنو أساسا إحنا ما بنعرفهم بس بيني وبينك خليها على الله في ناس ما بتفكر بعقلها ...تحياتي لألك يا عسل

[rawaa]

انا بشوف انو هي اكيد وثقت فيكي وماعرفتك لمدة قصيرة لهيك اتصرفت بهاي الطريقة لانو مش معقول حدا يعمل هيك
واللة وبعدين انا صار معي موضوع عن طريق النت غير حياتي كلها بس مش كل الناس متل بعض لازم الواحد يدير بالو الدنيا ماصار فيها امان

[PaLeSt!Ne SouL]

اممم

أنا ما بثق بالناس بدون تفكير بحياتي العادية

كيف بالنت

بس ما بسئ الظن بأي شخص و أغلب اللي بكلمهم ع الماسنجر صحباتي بالجامعة

و تنيتن( ما بعرفهم شخصيا) بثق فيهم كتير

بس مستحيل ابعت صور لأي حد حتى لصحباتي بالجامعة

ما بعرف مين ممكن يشوفهم بالغلط طبعا!!

و لكن في صور لنشطات بالجامعة كنت طاهرة فيها مو مهم ببعتها أما خطوبة و صور زي هيك أبدا ما بفكر مجرد تفكير بهيك شي

و هدول ناس عقلهم ع قدهم

يعطيكي العافية ام الوليد

ما ننحرم مواضيعك الحلوة

[.. ليآل ~]

بتعرفي ملك في مقوله بتئول [ نحن نثق بمن لانعرفهم في أغلب الأحيان لأننا لم نجرب خيانتهم لنــآ ]

انا بعد مافتت المنتدى وصار عندي صديقات على النت

بلشت آآمن بهالمقوله

صحيح لآزم الواحد يكون حريص مايوصل الحرص الزايد لدرجه الشك

::

طرح مميز حبيبتي

ماتحرمينــآ

[أم الوليد]

أكيد رأي من رأيك بس مو لازم نتوسع كتير بعلاقاتنا خاصة لما تكون عن طريق النت ولازم بنفس الوقت إنكون حذرين بطريئة التعامل مع هدول الناس لأنو أساسا إحنا ما بنعرفهم بس بيني وبينك خليها على الله في ناس ما بتفكر بعقلها ...تحياتي لألك يا عسل

:ShababSmile240: هي تصرفت بطيب نية بعرف..بس ممكن لو كنت شب..اتصرف بطريقة تااااااانية تمام..لهيك ننتبه يابنات:ShababSmile116:

[أم الوليد]

انا بشوف انو هي اكيد وثقت فيكي وماعرفتك لمدة قصيرة لهيك اتصرفت بهاي الطريقة لانو مش معقول حدا يعمل هيك
واللة وبعدين انا صار معي موضوع عن طريق النت غير حياتي كلها بس مش كل الناس متل بعض لازم الواحد يدير بالو الدنيا ماصار فيها امان

ممممممممم..يمكن صح بعد مدة..بس ماتوصل لدرجة الصور..وهاي مش اول بنت!المصيبة بدون مااطلب!!
لازم ندير بالنا صبايا ..نورتي ياسكره:ShababSmile116:

[أم الوليد]

اممم

أنا ما بثق بالناس بدون تفكير بحياتي العادية

كيف بالنت

بس ما بسئ الظن بأي شخص و أغلب اللي بكلمهم ع الماسنجر صحباتي بالجامعة

و تنيتن( ما بعرفهم شخصيا) بثق فيهم كتير

بس مستحيل ابعت صور لأي حد حتى لصحباتي بالجامعة

ما بعرف مين ممكن يشوفهم بالغلط طبعا!!

و لكن في صور لنشطات بالجامعة كنت طاهرة فيها مو مهم ببعتها أما خطوبة و صور زي هيك أبدا ما بفكر مجرد تفكير بهيك شي

و هدول ناس عقلهم ع قدهم

يعطيكي العافية ام الوليد

ما ننحرم مواضيعك الحلوة

شوفي انا من ناحية ثقة لاعندي ثقة بناس..بس مش لدرجة ابعت صوري..افرضي هي صحبتي وكويسة..طيب شافها حد بالغلط!!خرب الجهاز!!انا مثلا صور تخرجي كانت عالجهاز..وخرب..صارت المشكلة بطلت قادرة ودي لصيانة..ولاحتى اصلحو!!فاضطريت جيب مهندس لعندي واعد معو ادامي يصلحو..بس ماااااااابنضمن!!يسلملي الفهمان انا:ShababSmile116:

[أم الوليد]

بتعرفي ملك في مقوله بتئول [ نحن نثق بمن لانعرفهم في أغلب الأحيان لأننا لم نجرب خيانتهم لنــآ ]

انا بعد مافتت المنتدى وصار عندي صديقات على النت

بلشت آآمن بهالمقوله

صحيح لآزم الواحد يكون حريص مايوصل الحرص الزايد لدرجه الشك

::

طرح مميز حبيبتي

ماتحرمينــآ

هلا لول..مقولتك هاي.. انا بعمل فيها احيانا..بس....اعرفيهم اه..واحكيهم ممكن..بس صور..لالالالا..مابنعرف لوين بتوصل!!وياما بنت انقلبت حياتهم ..بهيك سبب!!..يعني المطلوب وعي..حذر..عقل..وبس!!

[عازفة الاحزان]

ممكن لتتاكد انك بنت تفرجيكك صورتها
بس مو انو تحتفظي فيها
طبعا هاد الشي بيعتمد على الطرفين
اولا الصدق وتانيا الامانه الشخصيه
وانا الصراحه ما بعطي ثقتي بسرعه لاي حد

بالتوفيق للجميع

[اجمل احساس]

انا ما بحب اتصور اصلا هههه

بصراحة ما بحب اعمل علاقات عالنت مع ناس ما بعرفهم من قبل،

لانو بيضل في نوع من الشك عندي وما بحس بثقة كاملة يعني ما برتاح بالحكي ما بعرف يمكن هاي جزء من شخصيتي اني ما برتاح لحدا بسرعة لازم اخد شوية وقت

المهم هلأ هاي البنت تصرفت بطريقة غلط وما عندها وعي مبين ، وهاي الشغلة بتترتب عليها شغلات كتيرة متل انها مو خرج يُعتمد عليها او تتحمل مسؤولية حالها

انا مش ضد انو الشخص يحكي ويكون اجتماعي بس خلص في حدود بالتعامل يعني خطوط حمرا ما لازم حدا يتعداها حتى يقدر يحافظ على حالو وما يتعب بحياتو لقدام

عندي حكي كتير بخصوص هالموضوع بس خلص وجعتلك راسك ملك بكفي هيك ،

دمتي بحفظ الرحمن

[أم الوليد]

انا ما بحب اتصور اصلا هههه

بصراحة ما بحب اعمل علاقات عالنت مع ناس ما بعرفهم من قبل،

لانو بيضل في نوع من الشك عندي وما بحس بثقة كاملة يعني ما برتاح بالحكي ما بعرف يمكن هاي جزء من شخصيتي اني ما برتاح لحدا بسرعة لازم اخد شوية وقت

المهم هلأ هاي البنت تصرفت بطريقة غلط وما عندها وعي مبين ، وهاي الشغلة بتترتب عليها شغلات كتيرة متل انها مو خرج يُعتمد عليها او تتحمل مسؤولية حالها

انا مش ضد انو الشخص يحكي ويكون اجتماعي بس خلص في حدود بالتعامل يعني خطوط حمرا ما لازم حدا يتعداها حتى يقدر يحافظ على حالو وما يتعب بحياتو لقدام

عندي حكي كتير بخصوص هالموضوع بس خلص وجعتلك راسك ملك بكفي هيك ،

دمتي بحفظ الرحمن

بالعكس حبيبتي..انا مبسوطة فيكي..وحابةاسمع كل الي عندك ..خدي راحتك..:ShababSmile240: