سجود [بدهآ مساعدتكم ]’’!

[جاآرة الوادي’’]

السلام عليكم ورحمه الله وبركاته ,,



عندي مسكله بالجهاز .. وما في غيركم يساعدني بحلها


يا اسيادي الاعزاء هاي القصة وما فيها انو بتضل تيجيني رساله بيحكيلي مساحه القرص ممتلئه .. وبيضل


كل وقت والتاني ييجيني هل تريد تنظيف القرص .. وازا بدي انظف القرص بدي اختار شو اللي بدي اياه وشو


اللي ما بدي اياه من برامج محفوظه على هاد القرص ,, وفي برامج ما بعرف ايش هي ولا شو بتفيد ..


والبرامج اللي بعرفها وما بدي اياها ازلتها ...



وكل ما بدي انزل شي متل برامج جديدة او هيك شي ما بيرضى لإنو المساحه ممتلئه ,,,


شو الحل برأيكم ,,؟ :ShababSmile250:

[أم الوليد]

حبيبتي انقلي كل شي على الدي وبعدو فرمتي السي كلو واختاري براحتك يلي بدك خليه والي مابدي احذفيه...وهيك السي بصير تمام ...كتيرحلو اسمك سجود

[PaLeStiNe FlOwEr]

امممممم
ممكن تغيري القرص نفسوا
احنا غيرنا القرص وجبنا واحد مساحتوا أكبر
أو تحطوا قرص أخر معوا
والله هي الأشياء المبرمج بعملها لأنوا احنا مبرمج خاص اللي تولى بالموضوع
تقبلي مروري

[جاآرة الوادي’’]

حبيبتي ملك

ربي يسعدك

مهو الدي مليان .. وانا ما بعرف أفرمت للأسف ..

طيب وشو بالنسبه للرساله اللي بتيجيني؟..



.كتيرحلو اسمك سجود

ربي يسعدك ,, مقدم الاسم هههههه

[جاآرة الوادي’’]

امممممم
ممكن تغيري القرص نفسوا
احنا غيرنا القرص وجبنا واحد مساحتوا أكبر
أو تحطوا قرص أخر معوا
والله هي الأشياء المبرمج بعملها لأنوا احنا مبرمج خاص اللي تولى بالموضوع
تقبلي مروري

اها يعني القصه طويله عريضه

انا كان بدي حل سريع .. اما ازا تغيير قرص وفرمته ,, خلص خليه مليان ,, هههههههههه

[جاآرة الوادي’’]

يسلمو بليستاين ما قصرتي ^^

[PaLeStiNe FlOwEr]

اها يعني القصه طويله عريضه

انا كان بدي حل سريع .. اما ازا تغيير قرص وفرمته ,, خلص خليه مليان ,, هههههههههه

لا تستعجلي يمكن حد يجيبلك حل سريع
بس انا أعطيتك الحل الي عملنا لما صار معنا نفس ما صار عندك

يسلمو بليستاين ما قصرتي ^^
الله يسلمك سجود

[أم الوليد]

حبيبتي مابنفع تتركيه مليان هيك بخرب الجهاز وفجاة رح يوقف معك فضي شوي من الدي او جيبي هارد اضافي خارجي وانقلي عليه كل شي لتفرزي براحتك شوبدك وشو تحذفي...بس اياك حبيبتي تخليه هيك بوقف فجاة انتبهي صارت عندي باجهزة الشغل وخرب الجهاز كلو بعيد الشر عن جهازك

[جاآرة الوادي’’]

اها

يسلمو حبيبتي بلستاين ..

ربي يسعدك ما قصرتي ^^

[جاآرة الوادي’’]

اها اوك ملك

هلأ ححاول انقل من السي للدي ,,
وبشوف شو بيصير معي ..

يسلمو سلفاً ^^

[أم الوليد]

ياعمري ولو ياريت في اعملك ياه انا...

بس انتبهي لتتاكدي نقلتي احذفي فورا ...ليصير عندك محل شوي

[جاآرة الوادي’’]

اها انا كنت اقص من السي واحط بالدي

ما بعرف شو النتيجه لسى

ازا رجعتلي الرساله معناها ما في جدوى

وازا ما رجعت معناها في تقدم

يسلمو ملك حبيبتي ,,^^

[أم الوليد]

يلا بانتظار النتيجة ان شالله خير يارب

[أم الوليد]

ياويلي !!!شوصار معك حبيبتي!!!

[جاآرة الوادي’’]

هههههههههه

هلأ لأجتني الرساله

بيحكيلي بالزبط

مساحه القرص منخفضه

لتحرير مساحه القرص (c) اضغط هنا

ويوم اضغط هنآ ,, بيحكيلي اختاري البرامج اللي ما بدك اياها حتى يتم حذفهن ..

[جاآرة الوادي’’]

ويوم كبست على كلمه هنا اجاني

تنظيف القرص

يقوم "تنظيف القرص" بحساب المساحه التي ستتمكن من تحريرها على c قد تستغرق هذه العمليه بضع دقائق لتكتمل





وبعد ما حرر القرص c

اجتني الرساله التاليه .. لقد قمت بحل مشكله مساحه القرص النمنخفضه لديك بنجاح . توجد الان 92 ميغا بايت حرة متبقه على محرك الاقراص المثبت عليه ويندوز

هل تريد تحرير مساحه اضافيه الان

نعم ... لا ..؟


كبست نعم

وأجتني قائمه اضافه او ازاله البرامج

والقائمه هاي بتحتوي ع كل البرامج المثبته حاليا وبيحكيلي .. لازاله هذه البرامج انقر فوق ازاله

[شهيد]

.
.

كل هالبرم يا سجود ولا تعملي برنت سكرين واحد وتريحي حالك وتريحينا من القراية ههههههه !

طيب :

- ازا كان مشكلتك في كثرة البرامج فهذه في ايديك .. وبامكانك تخففي عدد البرامج للمهمة الك ،

اي برنامج مش عارفة لشو اكتب اسمه هون وان شاء الله ازا قدرت بقولك شو وظيفته ،

- اما اذا مشكلتك انه ما في برامج كتير بس بعطيك دايما ممتلئ فهادي من الملفات المؤقتة و الملفات الباقية

و الامور هاي وفي الها برامج كتير بتريحك منها اقواها : Ccleaner ..

و ممكن ما يجاوب الكلينر في حالة انه الامر يعني اكل كل الجهاز ، فالفرمتة افضل حل ،

شيء اخر :

حاولي تخلي دايما القرص الصلب يللي عليه الويندوز دائما خالي للبرامج وملحقات الويندوز ، وعدم وضع اي ملفات

ميديا او مثلها على القرص الصلب هادا ،

ما تنسي : سطح المكتب والمستندات من ضمن القرص الصلب المنزل عليه الويندوز ^^..

[جاآرة الوادي’’]

كل هالبرم يا سجود ولا تعملي برنت سكرين واحد وتريحي حالك وتريحينا من القراية ههههههه !

يآريت والله ,, بس برضو هاي كمان مشكله ,, لانو كبسه البرنت سكرين يوم اكبس عليها والصق بالرسام او الوورد او اي برنامج المهم ما بيلصق ,,

- ازا كان مشكلتك في كثرة البرامج فهذه في ايديك .. وبامكانك تخففي عدد البرامج للمهمة الك ،

اها عملت هيك ,, بس بدون جدوى


اي برنامج مش عارفة لشو اكتب اسمه هون وان شاء الله ازا قدرت بقولك شو وظيفته ،

اوك ما بتقصر ان شاء الله بعملهاآ

اما اذا مشكلتك انه ما في برامج كتير بس بعطيك دايما ممتلئ فهادي من الملفات المؤقتة و الملفات الباقية

و الامور هاي وفي الها برامج كتير بتريحك منها اقواها : Ccleaner ..

ايدك عليه ^^


انه الامر يعني اكل كل الجهاز
ما بظن انو لحق يوكلو كلو ,, الحمدلله لسا في بقايا بالجهاز هههههههههه


فالفرمتة افضل حل ،

ازا بدك تحكيلي اجيب متخصص فرمته او ابعتو ,, فهاد مستحيل ,, بدك ابي يوديه بدون رجعه ,, هو نفسو يصير هيك شي عشان يتخلص منو كلياً ,, فالافضل تعطيني حل سريع ^^


حاولي تخلي دايما القرص الصلب يللي عليه الويندوز دائما خالي للبرامج وملحقات الويندوز ، وعدم وضع اي ملفات

ميديا او مثلها على القرص الصلب هادا ،

اها اوك ان شاء الله بفضي وقت مخصص لتنظيف القرص وبخلي الويندوز بس فيه اما التانيات يعني انقلهن ع قرص تاني والا كيف ..؟

ما تنسي : سطح المكتب والمستندات من ضمن القرص الصلب المنزل عليه الويندوز ^^..


اهاآ اوك ,, ما بنسى ^^




يسمو شهيد .. والله ما قصرت ,, وازا صار في تحسن الك مني حلوان انت وملك :p

[شهيد]

^^

صحيح : ما تفرمتي انتي ؟

شوفي هادا الموضوع ..

http://shabab.ps/vb/showthread.php?t=107027

[جاآرة الوادي’’]

يماآ ,, أفرمت اناآ ,,

ما عمري جربت ,, بخآف يصير فيه اشي ,,

[جاآرة الوادي’’]

معناها ما الي الا ابعتلك جهازناآ تعملو ,,

شو رأيك .؟

[عين فلسطين]

شوفي حبيبتي سجود ازا مو عارفة ع البرامج شو بدك ولا ما بدك اكتبي اسماء كل البرامج اللي عندك وحطيهن

وبنشوف شو بتحتاجي وشو لا

بالنسبة للاقراص ازا بتعرفي تجيبي تقسم الاقراص بجهازك عشان نعرف وين نحكيلك تحطي اشياءاتك ^^

[شهيد]

هههههه ^^

بجوز في الـ 21000

[جاآرة الوادي’’]

هههههههه

اوكِ

بجرب وبراجعكم ^^

[السيف عدي]

ممممم الصراحة ما بعرف .. بس علبة تايد ممكن تحل القصة ؟ !! ههه

[جاآرة الوادي’’]

انا بأيد بيرسيل احسن :p

نورت حسآم ^^