من حكى مش عيب!!! [الأرشيف] - منتديات شباب فلسطين

مشاهدة النسخة كاملة : من حكى مش عيب!!!

أم الوليد

12-17-2009, 02:19 PM

مسا الخير جميعا:

في شغلة بسمعها هاليومين كتير بكل جلسة او نقاش بكون فيه:

البنت بس يزيد وزنها شوي بتضل تعاقب حالها وتعمل دايت طووووول السنة عشان مايطلع كرش!!!

بينما الافندي الرجال...بكون كرشو متر ادامو وبنحكو(الرجال مابعيبو شي)!!!!

ياحرام اا شعرها للبنت مش مفرود ومش ناعم بتطلع عينها لتفردو عشان مايحكو شعرها أجعد!!!

بينما الباشا بكون أصلع أصلا (والعذر موجود مابعيبو شي)!!!

والمصيبة الكبرى انو بعيش دانجون وبعرفلي بدل الوحدة عشرة !!!
وهي لو سألت عزميل الها ادام الناس بالشغل بنحكى ابصر شو في بينهم!!!

وطبعا الرجال مابعيبو شي!!!

من حكى مابعيبو!!!؟.؟!!!
بعيبو ونص وتلات أرباع كمان!!!

صحيح مش هو أساس الاختيار الشكل الكرش او الشعر هاي اشيا خلقة الله ...بس الموضوع هون انو كيف يعني الزلمة مابعيبو شي !!!!والبنت ياااااااااحرام اي شي بعيبها!!!

فهمتو علي!!! بنتظر اسمع رأيكو!!!والموضوع مش انو العيب في مين!!!الموضوع انو ليش المجتمع بحط هالعبأ عضهر البنت والرجال الي مفروض يكون هو هيك!!! ببساطة مابعيبو شي!!!:ShababSmile235:

Arabian girl

12-17-2009, 02:27 PM

الي رجعه

limar

12-17-2009, 03:06 PM

هههههههه

قمع شو بدنا نحكي بس

دموع الغربة واشواق العودة

12-17-2009, 04:17 PM

مين حكى مش عيب ..مين حكى مش عيب ..
اسمحيلي ارتب افكاري وارجعلك
جزاك الله الف خير ام الوليد
..^.^..

اسد 22

12-17-2009, 04:24 PM

ههههههههههههههههههههههههههههههههههه ههههههههههه :ShababSmile221:

PaLeSt!Ne SouL

12-17-2009, 07:00 PM

مين قال الرجل ما بيعيبوا شي

في متل و لا ما بعرف شو

بيقول

ما بعيب الرجل إلا جيبته

هههه

راجعة ^^

.. ليآل ~

12-18-2009, 01:21 AM

أم الوليد

12-19-2009, 01:58 PM

مممممممممممم شرفتو كلكو ..بسٍ بصراحة مالئيت الجواب الشافي لهلا!!!!

اسد 22

12-20-2009, 12:11 PM

مش فاهم شي فهمت انو في القصة كرش

هادي

12-20-2009, 01:03 PM

.. ملك ..
هلأ بالنسبة للكرش والصلع .. ما بينفع نقارن بين الرجل والمرأة،
المرأة مقرونة بالجمال، والرجل مقرون بالوسامة .. يعني من البديهي إنو المرأة تهتم بجمالها أكتر من الرجل .. (هاد ما دخلو بنظرة المجتمع).
أما لما تسأل عن زميلها بالعمل، (بتصور ما فيها عيب)، بس ما بيمنع إنو دايماً في نفسيات مريضه بتفسر أي شي زي ما بدها.
(صورة أعم)
مجتمعنا الشرقي يخاف على الأنثى ويحاول الحفاظ عليها قدر المستطاع (بتصور ما في مشكله)، بالتالي فإن حرية المرأة لا تقارن بحرية الرجل.

.:.!دموع الرحيل!.:.

12-20-2009, 01:27 PM

هههههههههههه يقطع شرك عالطريقة بالحكي ..

ضحكتيني .. الله يسعدك

..

المهم تقريبا كلآمي متل كلام أمجد ..

مش مسألة الشاب ما بعيبو شي ..

بس الجمآل مطلوب للمرأة

والوسآمة والطلة الحلوة والشخصية مطلوبة للرجل

حتى لو مـآ كان هالجمال الزايد ..

ولو انه برأيي كمـان مطلوبين بالمرأه ..

يعني المحصلة انه كله بكمل بعضه ..

..

هي شوي أمور صارت تقليدية أكتر ما هي حقيقية ..

لكن الأمر في منه .. يعني عالأقل فينا نحكي

الجمآل مهم للمرأة أكثر من الرجل ..

..

ولو انه حقيقة الجمال جمال الروح ..

وجمال خارجي بدون بطآنة صالحه ..

يعني حياة تعيسة .. ودمآر للطرفين ..

..

بس بأيدك 100 % لمسألة انه الانخراط بجو الإختلاط

للشاب شي عآدي والمصآحبة ..

اما عالبنت فهو عيب ..

الله يكون بالعون

وبالعكس بيعتبرو اذا الشاب ما عنده تجارب يعني هو ضعيف وما عنده شخصية ..

بس كمـان حكي أمجد في وجهة نظر

انه مجتمعنا الشرقي عندو ميول للمحافظة عالبنت ..

والله يستر ما نكون بلشنا نفقد هالصفة كمـان !

..

يعني بنهآية المطاف ، القصة بدها حسن تدبير ..

ونظرة عقلآنية .. وصائبة وحسن إختيار ..

بدون النظر للظآهر ..

يعطيك ِ العافيه ملوك

هادي

12-20-2009, 02:30 PM

:ShababSmile250:

والله مابعرف شو أحكي

بس الي بدو يرضى يعيش بمجتمعات متخلفه بدو يتحمل !!

هادي ضريبه الجهل الي بتدفعها المرأة مقابل حياتها في مجتمعات ذكوريه بحته:ShababSmile108:

الله يعين

على العافيه

مش ممكن مس ليال!!!!

:ShababSmile256:
بصراحة انصدمت!!
من شو بتشكي مجتمعاتنا؟!
هادي الكلمة (مجتمع ذكوري) صرت أسمعها كتير..
لا ولسه (المساواة بين الرجل والمرأة)!!!
وللعلم مجتمعنا وخاصةً (الفلسطيني) فيه شراكة بين الرجل والمرأة بكل المجالات..
(كلمة مجتمع ذكوري) كأنها المرأة مسحوقة!!
المرأة بفلسطين .. حملت السلاح، وأسست جمعيات، ووصلت لمراكز حساسة، وبتسوء سياره .. عندنا منتخب نسوي لكرة القدم!!! الخ ..
طيب بلاش هاي .. شوفي كيف المرأة الغربيه في الإنفتاح اللا محدود حتلائي إنو إحنا بألف خير .. بس يا ريت نحافظ على مجتمعاتنا زي ما هيه .. ونئدر ناخد من التطور والحضارة والإنفتاح من غير ما نتغير إحنا..

أم الوليد

12-20-2009, 03:07 PM

الله ينور عليكو أمجد ودموع الرحيل بتفق معكو

القصد انو الرجال مش كامل الأوصاف وانو البنت هي المطالبة تكون جميلة ورشيقة ومثقفة وبتشتغل وزوء وكل شي 10 في واحد

بينما سعادة الباشا ولاعبالو بفكر مجرد انو هو ذكر خلص هاد جواز مرور الو ...بخلي يتصرف متل مابدو بلا رقيب ولاحسيب

يمكن المجتمع متل ماحكيتو بحافظ على البنت ..بس انا بشوف انو بضغط عليها او خانقها كتيييييييييير اكترمن حفاظو عليها!!!

وانو البنت والشب الهم حقوق وعليهم مسؤوليات بالتساوي( بس مش البنت غلطتها تحت المجهر هاد اذ سميناه غلط!!!) وهو ذنبو مغفور كونو ذكر فقط!!!!

بالنهاية لكل منا عيوب ومزايا ...آدم وحواء علاقة ابدية تعددت أشكالها...

اجمل احساس

12-20-2009, 10:46 PM

انا برأيي انو النظرات بتختلف ملك يعني الشاب اذا كان بكرش او اصلع او او او وبنفس الوقت كان معو شهادة عالية ومستوى مادي كويس اتوقع برضو البنت في هادا الزمن ما رح ترضى فيه لانها الها نظرة لشكلو الخارجي يعني بيضل الشكل الخارجي الو دورو ولا شو رايك ؟:ShababSmile221:
مش معنى كلامي اني ما بهتم بالامور الداخلية للبني ادم لا بالعكس يمكن انا صحباتي بيعانو مني لاني بدخل في اعماق الشخصية للشخص من كتر ما بحب احلل وافهم روح الانسان نفسها

اما بالنسبة انو ليش الخنقة للبنت اكتر من ناحية الشكل برأيي انو البنت بفطرتها ما بتحب تسمع كلمة تدايقها انو انتي مو حلوة او ناصحة او او او

فبتصير تهتم بشكلها الخارجي بحكم فطرتها وبعدين البنت اصلا شو ما كانت بتضل حلوة :ShababSmile116: يعني ناصحة شعرها قصير طويل بضل حلوة هههه

بس برضو الشاب لو كان بكرش او اصلع مثلا ما فينا نعيب فيه لانو هاي الامور سطحية وما الها منطق ناخد على اساسو الحكم خلص بيضل الو هيبتو رجوليتو مستواه التعليمي مادياتو طموحاتو لو عندو كل هالإيجابيات معلش الشكل من ربنا

كلامي ما في اي تحيز والله بالعكس ، يعطيكي العافية ملوكة

أم الوليد

12-21-2009, 03:30 PM

ياحبيبة ملوكة انتي نورتي...والله يبعتلك ابن الحلال الي يسعدك ويستاهلك