زواج تقليدي // زواج غير تقليدي ؟؟

[السيف عدي]

مساء الخير ..


كيفكم ^^ .. الجو عنا هاليومين بقطر غير شكل .. عجيب ^^ ..


المهم يا اعزائي ..


خدو هاي ..


هل برايكم الزواج التقليدي أنجح من الزواج غير التقليدي ؟؟ ..


هل الزواج التقليدي اقل ضررا على الشاب والفتاة ويغنيهما عن الدخول في متاهات لا اول لها ولا اخر ؟


هل الشباب وتحت عنوان الزواج غير التقليدي .. يستغلون عاطفة الفتيات ؟؟

[PaLeStiNe FlOwEr]

هل برايكم الزواج التقليدي أنجح من الزواج غير التقليدي ؟؟ ..
برأيي انا بعتقد التقليدي أفضل بكتير من غيره

هل الزواج التقليدي اقل ضررا على الشاب والفتاة ويغنيهما عن الدخول في متاهات لا اول لها ولا اخر ؟
أكيييييييد

هل الشباب وتحت عنوان الزواج غير التقليدي .. يستغلون عاطفة الفتيات ؟؟
اللي بشوفوا اه بستغلوا


انا بفضل الزواج التقليدي عن غيروا أول شي هو أضمن

وكمان بكره بعد الزواج لما يصير بيناتهم مشاكل رح يصير يعايرها انوا حكت معوا قبل الزواج وأشياء كتيييرة كمان

يمكن مو الكل هيك بس هيك رأيي وهاد اعتقادي

موضوع رائع أخي

شكرا

[haya-jor]

هلا اخ حسام مشكور على الموضوع ...

انا من رأي .. الزواج غير التلقيدي افضل ... لحتى يكون في مسؤلة اختيار لكلا الطرفين .. ويكون في اقتناع كامل ومطلق

[§عاشقة غزة§]

الصراحة النقاش بها الموضوع بيطول..
ويمكن الصفحات ما تكفي..:ShababSmile116:
وممكن يتفرع لعدة نقاط ممهمة..
لكن راح اقتصر ع الاسئلة..


هل برايكم الزواج التقليدي أنجح من الزواج غير التقليدي ؟؟ ..
في كلا الحالتين ممكن ينجح وممكن لا..هذا يتوقف على الطرفين..
بس انا اشوف الزواج التقليدي يكون اكثر مبني ع الالفة والتعود..
والقرار يكون فيه للاهل اكثر من الشخص المعني بالامر..
نحنا بنسميه الزواج المرتب ..
لانه يكون باتفاق بين العلتين قبل ما يكون قرار المعنيين بالامر..
وممكن ينجح وممكن لا مثل ما ذكرت
اما الغير التقليدي يكون في تواصل عاطفي..فكري..وتقافي..
اختيار الشخص بملأ ارادته..
يعني كلا الطرفين مسؤول عن نجاحه او فشله..
والزواج الغير التقليدي يعطي نكهة خاصة للحياة الزوجية ..
حتى لو قصر عمره..

هل الشباب وتحت عنوان الزواج غير التقليدي .. يستغلون عاطفة الفتيات ؟؟
هاي على حسب اخلاق وتربية الشاب..
بس الصراحة احيانا بتعجب لشباب الذين يستغلون الفتيات..
وينسون ان هذا الكائن الا وهو المرأة..
يمكن ات تكون أمه واخته..وووووو....

أجمل تحية لك عدي على مواضيعك المميزة
http://files.shabab.ps/vb/images_cash/up13/100801154907vTXp.gif

[اجمل احساس]

انا برأيي انو الزواج سواء كان تقليدي او غير تقليدي بيكون حسب عقلية وظروف الطرفين وفهم كل واحد منهم للتاني يعني ما دخل تقليدي او لا لانو فترة بسيطة وبيصير روتين اتوقع للطرفين الا بشطارتهم طبعا :ShababSmile250:

اما بالنسبة لاقل ضررا على الطرفين : لو كانت علاقتهم مبينة على الحب والصراحة والثقة ما حيكون في ضرر عليهم لانهم حيكونوا روح وحدة بجسدين


اما استغلال الشباب لعاطفة البنات : بسمع كتير بنات بيحكو ارتحت لفلان او استلطفت فلان عاد لما بسمع القصص يادوب بيكونوا عارفين بعض من فترة لا تُذكر بنجن وقتها ،، المهم في منو هالحكي بس كمان اتوقع انو لازم البنت تكون واعية وفهمانة اكتر لحتى تعرف مصلحتها وتعرف انو مو كل اشي بيتصدق في اشخاص مو شاطرين الا بالحكي وتسطير الكلام

وما بدنا نحط الحق على الشباب انهم بيستغلو البنات لانو في العكس كمان ولو انو الغالبية بتكون منهم ههه

النقاش يطول ونفسي احكي كمان بس خلص وجعتلك راسك حسام بكفي هيك واسفة عالإطالة

يعطيك العافية يارب ،، الله يحميك

[السيف عدي]

هل برايكم الزواج التقليدي أنجح من الزواج غير التقليدي ؟؟ ..
برأيي انا بعتقد التقليدي أفضل بكتير من غيره

هل الزواج التقليدي اقل ضررا على الشاب والفتاة ويغنيهما عن الدخول في متاهات لا اول لها ولا اخر ؟
أكيييييييد

هل الشباب وتحت عنوان الزواج غير التقليدي .. يستغلون عاطفة الفتيات ؟؟
اللي بشوفوا اه بستغلوا


انا بفضل الزواج التقليدي عن غيروا أول شي هو أضمن

وكمان بكره بعد الزواج لما يصير بيناتهم مشاكل رح يصير يعايرها انوا حكت معوا قبل الزواج وأشياء كتيييرة كمان

يمكن مو الكل هيك بس هيك رأيي وهاد اعتقادي

موضوع رائع أخي

شكرا

تسلمي فلور ع المرور والمشاركة .. منورة ..

[أنين]

بالنسبة مين أنجح ,.

ممكن التنين يكونوا ناجحين ., يعني مش شرط يكون غير تقليدي او تقليدي لحتى ينجح

والبنسبة للضرر ., هاد شي بتوقف ع المجتمع الي هما في أولاً وتانياً عليهم

يعني كمان مابنقدر نخصص حاله عن حاله

ولآخر نقطه هاي انا ببصم عليها بالعشره :ShababSmile250:

الخلاصه ., برأي الزواج التقليدي أفضل بكثير للطرفين

[السيف عدي]

بالنسبة مين أنجح ,.

ممكن التنين يكونوا ناجحين ., يعني مش شرط يكون غير تقليدي او تقليدي لحتى ينجح

والبنسبة للضرر ., هاد شي بتوقف ع المجتمع الي هما في أولاً وتانياً عليهم

يعني كمان مابنقدر نخصص حاله عن حاله

ولآخر نقطه هاي انا ببصم عليها بالعشره :shababsmile250:

الخلاصه ., برأي الزواج التقليدي أفضل بكثير للطرفين

أنين هون .. وسع .. وسع..

نورتو .. بس ليه ما استرسلتي .. ..

[limar]

ما بعرف
عئدني هالموضوع
كنت ضد فكرة الزواج التقليدي
ازا بحب شخص بتنازل عن كتير امور مشانو
حتى بالخلافات الي ممكن تنشا بين اي زوجين
بس بالزواج التقليدي الحب ما بعرف ازا ممكن يجي
لو اجى بيجي من العشرة وبعد فترة طويلة يمكن
اما وئت الخلافات ما بعتئد ممكن يكون في تنازلات
بس يمكن خوف على مشاعر البنت من الشباب الي ما بتخاف الله بكون التقليدي احسن احيانا
بس مو كل الشباب متل بعضها
ما بعرف بالنسبة الي اي طريئة احسن