لحظة من فضلك: لا تكن من المتنمرين!!

[هادي]

http://files.shabab.ps/vb/images_cash/up13/100801154309TS7b.jpg

التنمر صفة غير مستحبة في التعامل الأنساني، وهي تعني الإرهاب والشراسة والعنف الممارس ضد من هم أقل منا بمستوى معين .
والتنمر هو إيذاء للآخر لغاية التلذذ، أو إثبات الذات، وهو في كل أحواله (ضعف في شخصية المتنمر).
وللتنمر حالات عديدة وأشكال .. فهو موجود بين الأطفال وبين النساء وبين الرجال،
لكن أبشع حالات التنمر هي التي تكون مصحوبة بالإبتزاز، كتنمر المدير في العمل على الموظف الأقل منه درجةً، والمتنمر على عكس ما يسعى إليه، هو دائماً غير مرغوب به، بسبب تسلطه وغطرسته.
والمصيبة أن المتنمر يعتبر نفسه شخصية مثالية، ولهذا جميع من حوله يخشاه أو يتلاشاه.
فلو كنت أو كنتي من المتنمرين، يا ريت تراجع أو تراجعي نفسك!!
طبيعتنا أجمل من كل الأقنعة ..

[أم الوليد]

بعتقد انو هاي نتيجة خلل بالتربية ، انو تعود ياخد كل شي بدو ياه، بغض النظر عن الطريقة، وانو اهلو بكونو ليرضو ويسكتو ساهمو بهيك، عموما ياسيدي الفاضل ...موضوع مش بطال:ShababSmile222:

[PaLeStiNe FlOwEr]

موضوع حلو أمجد

يعطيك العافية

[هادي]

بلستاين فلور .. تسلمي كلك زوء:ShababSmile240:
ملك بس ما أكون دايئتك في الموضوع (أيتها المتنمرة):ShababSmile222:

[أم الوليد]

ممممممممممم.....اه زعلت:ShababSmile222:...( اصلا ملك ومتنمرة مابتركب عبعض:ShababSmile235:!!! هاد ملك وهيك !!!:ShababSmile223:

[كريستيانو رونالد]

يسلمووو على موضوعك يا حلووو

[.. ليآل ~]

معك حق

بس اول مره اعرف انو هيك اسمها هاي الصفه

الصراحه في وحده من قرايبي بالفعل هيك

والسبب انها اسم الله شاطره بالمدرسه كتير

واهلها بيدللوها كتير وبينفذوا كل طلباتها لحد ما وصلت لمرحله صعبه كتير

بتجمع بين شوفه الحال والابتزاز

الله بعين

بس شو الحل برأيك ؟؟ لأنو صفه متل هاي مابتظهر الا بس الواحد يبلش يكبر شوي ،، وبيكون صعب تغيروا !!

[لالا-فلسطين 48]

معني المصطلح مش جديد علي بس المصطلح نفسو جديد (تنمر)!!!

والله انو هالتنمر ظاهرة متشرشة بمجتمعاتنا ماشاء الله، وبالزبط زي ما انت حكيت، انو شو مكان المظهر والاسلب للتنمر بالنهاية برجع لضعف في الشخصية، او لحاجةى شديدة لسد فجوة معينة، وبالزات عند الناس اللي بيتمارس ضدهم التنمر، بمارسوه على غيرهم!

بس لا اعتقد انو مراجعة الذات هو مرآة بامكانها ان تعكس ازا ما تواجدت صفة كهذه في شخصيتنا او لا، كما ليس باعتقادي ان مراجعة الذات كفيلة بان تضع حدا لصفة من هذا النوع، بل بنظري العملية مركبة اكثر ن ذلك!

لفتة حلوة منك، يعطيك العافية...


تحياتي لالك..
لالا-فلسطين 48.

[هادي]

معك حق

بس اول مره اعرف انو هيك اسمها هاي الصفه

الصراحه في وحده من قرايبي بالفعل هيك

والسبب انها اسم الله شاطره بالمدرسه كتير

واهلها بيدللوها كتير وبينفذوا كل طلباتها لحد ما وصلت لمرحله صعبه كتير

بتجمع بين شوفه الحال والابتزاز

الله بعين

بس شو الحل برأيك ؟؟ لأنو صفه متل هاي مابتظهر الا بس الواحد يبلش يكبر شوي ،، وبيكون صعب تغيروا !!
أكيد الحل واحد من تنين... عدم ابداء اهتماك لتلك الشخصية. في حالة التنمر. أو معاملتها بالمثل. كوسيلة للعلاج فقط... مش تعجبك الشخلة ةتتنمري عطول...

:ShababSmile240:

[.. ليآل ~]

ممممم

هي الصراحه بتتعامل من الكل بشكل عادي

بس في بيت اهلها الها معامله خاصه كتير

وللأسف أهلها بدأو يدايئوا منها بجد

وبنفس الوئت مش عارفين يتصرفوا

الله يعينهم ،، هادي ضريبه الدلال الزايد

اما حكايه المعامله بالمثل هادي أنا برفضها

خصوصاً انو البنت بعمر زغير

منور امجد

[هادي]

يسلمووو على موضوعك يا حلووو

يحلّي أيامك .. كريستيانو!!

[هادي]

معك حق

بس اول مره اعرف انو هيك اسمها هاي الصفه

الصراحه في وحده من قرايبي بالفعل هيك

والسبب انها اسم الله شاطره بالمدرسه كتير

واهلها بيدللوها كتير وبينفذوا كل طلباتها لحد ما وصلت لمرحله صعبه كتير

بتجمع بين شوفه الحال والابتزاز

الله بعين

بس شو الحل برأيك ؟؟ لأنو صفه متل هاي مابتظهر الا بس الواحد يبلش يكبر شوي ،، وبيكون صعب تغيروا !!

يسلمو مس ليال ..
الحل بسيط جداً:
هو أن يعرف المتنمر أن هذه الصفه موجوده بشخصيته، وأنها السبب في أن من حوله يتلاشون الاحتكاك به، (فلا احد يحب أن يكون غير مرغوب به).
الأسلوب: (مباشر أو غير مباشر)، فمن الممكن أن نتحدث أمام المتنمر عن شخص آخر به صفة التنمر (شخصية وهمية)، لنظهر له أن المتنمر غير مرغوب به اجتماعياً، وأن حديثنا معه لا يتعدى المجاملة (أو في مجال العمل فقط)، والأسلوب الآخر هو المباشر: أن مصراحة المتنمر بوجود هذه الصفة السيئة لديه، وبأننا لن نحتمل المزيد من التنمر..
(ويا ريتت أكون فدتك مس ليال)

[عين فلسطين]

موضوع رائع امجد بيك كالعادة

التنمر صفة بتطلع كتير من نتيجة ترباية الاهل
الاهل اللي بيستخدمو الضرب بتربايتهم
هم بكونو عنيفين مع اولادهم اولادهم بروحو يفشو خلقهم بولاد الناس
السبب والغلط الاكبر للاهل
هاي وجهة نطري

[هادي]

معني المصطلح مش جديد علي بس المصطلح نفسو جديد (تنمر)!!!

والله انو هالتنمر ظاهرة متشرشة بمجتمعاتنا ماشاء الله، وبالزبط زي ما انت حكيت، انو شو مكان المظهر والاسلب للتنمر بالنهاية برجع لضعف في الشخصية، او لحاجةى شديدة لسد فجوة معينة، وبالزات عند الناس اللي بيتمارس ضدهم التنمر، بمارسوه على غيرهم!

بس لا اعتقد انو مراجعة الذات هو مرآة بامكانها ان تعكس ازا ما تواجدت صفة كهذه في شخصيتنا او لا، كما ليس باعتقادي ان مراجعة الذات كفيلة بان تضع حدا لصفة من هذا النوع، بل بنظري العملية مركبة اكثر ن ذلك!

لفتة حلوة منك، يعطيك العافية...


تحياتي لالك..
لالا-فلسطين 48.

يسلمو لا لا ..
ممكن في من كلامك ..
بأن أعلم أن هذه الصفه موجوده لدي، ولا أغيرها خشية نقصان مكانتي، أو لأني سعيد بممارسة التنمر على الآخرين، أو لأني أتعرض للتنمر في مكان آخر، وأقوم بتفريغ طاقتي السلبية بالتنمر على شخص آخر. وفي كل الحالات السابقة أنا أعلم ما أنا عليه.
(بل الإنسان على نفسه بصيره ولو ألقى معاذيره)
باختصار التنمر ليس سلوك فطري، هو إضافة سيئة للإنسان (أي مرض نفسي) .



:ShababSmile240:

[هادي]

موضوع رائع امجد بيك كالعادة

التنمر صفة بتطلع كتير من نتيجة ترباية الاهل
الاهل اللي بيستخدمو الضرب بتربايتهم
هم بكونو عنيفين مع اولادهم اولادهم بروحو يفشو خلقهم بولاد الناس
السبب والغلط الاكبر للاهل
هاي وجهة نطري

يسلمو عين فلسطين
أكيد في حالة زي هيك رح تكون وردة الفعل سلبية .. (كلام سليم)


:ShababSmile240: