بوقالات جزائرية

[MISSOZO92]

البوقالة رقم 1 :
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .


البوقالة 2 :
نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .


البوقالة 3 :
يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .


البوقالة 4 :
النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .


البوقالة 5 :
جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .


البوقالة 6 :
الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .



البوقالة 7 :
اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .


البوقالة 8 :
لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .


البوقالة 9 :
فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .



البوقالة 10 :
علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .

[دمعة قدسية]

مشكورة أختي على البوقالات
بصح كون غير ترجميهم بلهجات المشرق الإسلامي
على حساب الشوفة ما يفهموك غير الأعضاء الجزائريين

[MISSOZO92]

الله غالب هذا ما حلبت البقرة و أنت على حساب الشوفة فهمتي
أنت من الجزائر

[بنت فلسطين المجروحة]

بوقالات يعني امثال ؟؟

[MISSOZO92]

تحيتي لك حنونتي "حبيبتي"

في قديم الزمان اقتسم سكان العاصمة الجزائر المكان

فاصبح للرجل الشارع و للمراة السطح.

وبما ان كل البيوت متراصة سمح ذلك للنسوة بالانتقال عند بعضهن البعض

و اثناء اجتماعهن كانت البوقالات سيدة الجلسة

حيث تنوي الواحدة بينها و بين نفسها ان تهدي البوقالة لأحدهم

و يقال أنها كثيرا ما كانت " أي البوقالة " تعبر عن حالة صاحبتها.



أما فائدتها فكانت حينها السلوة الوحيدة لنساء العاصمة.وكن يقضين سهرة لرمضان بعدصلاة التراويح

**



فالبوقالة من التقاليد العريقة في العاصمة الجزائرية

حيث كان النسوة يتفنن في ابتكار الحكم

" على الطريقة الجزائرية "

[MISSOZO92]

*اعطاك الزين و طباعك الحنة كحل العين واتاك .. و ردة في الجنينة في يد اللي حذاك يحفضك ربي من لعوينة ويخليلك الي بغاك .

*غرست و ردة في محبس كبرت و دارت الشوك و اش اداني نمسها حتى و ليت مهلوك .

*شعري كحل و عينيا شهل .. فيا ليل و نهار و ما تمل قلتلو يا جميل يا ولد فلان اذا عينك فيا ارواح خبر والديا

*علاش قالو العين الكحلة ما تفناش قلتلهم اللى نحبها مازال ماجاتش

ليل كامل وانا عند باب دارهم انوح حشمتك ياسيدي عيسى وياسيدى نوح اعطوني بنتكم وخليني نروح

*الناس تنده بالرجال و الوالي ... انا ننده بربي العالي .. اذا حبيتوا ديروا بحالي

*حبيبك حبوا و السر اللي بيناتكم خبيه .. و اذا حبك حبو اكثر و اكثر اذا نساك لا تسال عليه ...

*طلعت للجنان وفرشت زربية لبست القطيفة وغطيت رجليا ودرت قرطاس ذهب حتى لوذنيا افرحي يا حبيبي ولى ليا نستشفى فى العدو كيما استشفى فيا

*انتيا نجمة ضوات ليلا من تحت السحاب تلالا كي شفتك وحدت الله ما خلق يا مولايا قلتلك تحبني قلتي لا لا

*شفت ثلاث بنات في وسط الدار الأولى قالت زهري محبوب و الثانية قالت زهري مكتوب و الثالثة جميلة قالت زهري مع المحبوب انا خيرت دعوة الخير تشفع فيا و تنحيلي الذنوب

*على النبي صليت و على صاحبوا رضيت .. و عيطت يا خالقي يا مغيث كل مغياث .. يا خالق كل شيء دايراتك مفتاح كل خير.. ديرلي يا ربي في الدنيا خير

*انت خمرية والناس تشوف فيك زهوانية وانت فى روحك برانية وتقولي نبغي اللي ليحوس بيا

*قلبي في نار الغرام مكوي .. يا يما شوفي ما صر بيا ذاك الزين اسلبني الحاجب و العين راني شادة فيه ليوم الدين

*قولو اللي ذاق صبرو يشد في حبال الرجاء و علاش يتنكد ياك ربي العالي ما يضيع حد .

*رونت الحنة بالزهر و المسك و العنب بخور ولقيت كفي للتمر و خرجت البدر ادور..اقعد و استقيم الزهور اللي كانت تحت البحور

*ماني طبسى نتكسر ماني وردة تذبال راني خاتم دهب ولويزة في يد سيد الرجال

*فاطمة ياكحلة العيون وين ما تكوني نرسك مرسول آدا سكنتي البحر نرسك عوامة وأدا أنت في السما نرسك حمامة وأنت شابة ما نديك غير إنا


*يا مولاة ذاك الجنان عينيك و حواجبك نيلة قلبي حصل عندك و ماصبتلوا حيلة




*هبطت البحر و صبت ثلاث خطاب واحد فارس الفرسان و الثانى كاشف الأحلام يتمتاك ترحلي معاه



*غرست شجرة الرمان واسقينها حتى نورت وجابت الثمار وادعيت ربى إنشاء الله يجمعني بالحبيب في وسط النهار




*إذا داركم بالسلوم نطلعها و إذا بنتكم حجبانة نعطيكم لوامحها و إذا عذبتونى روحو شوفو خاتمي في صبعها









*قلبي معمر ودمى سابل أنت حبيبي مرة تغرب ومرة تشرق شكي تلك للعالي وإذا اكتبتلى تكون حلالي




يانجمة النجوم راكى ضاوية في السماء ورايح يجى وليد الحلال اللي يخرجك من لهموم ويسقيك بالماء




*نسول عليك يا لحبيب والسوال خير من ألف هدية ساعة على ساعة نتفكر الزمان و نقول إنشاء الله يعيا ويولى ليا




*يالاله من لا والى يا عرجون الدوالي سبع أيام و سبع ليالي ما ذقت نعمة و حاجة ما تحلالى ما عرفت إذا من الغرام و الا من هبالي

[§عاشقة غزة§]

البوقالة رقم 1 :
حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .

بوقالات او امثال جميلة
تحمل بين طياتها مفاهيم أجمل
ومعاني رائعة
يعطيك الف عافية
http://files.shabab.ps/vb/images_cash/up13/1008011526472mjy.gif

[MISSOZO92]

مشكورة حبيبتي على مرورك

[السيف عدي]

رائع .. وبكفي انها من الجزائر ..

يسلمو اديكي مس .. ما ننحرم من طلتك ..

[مآهينآز]

يعطيكِ الف عافية حبيبتى

ما فهمت أغلبهم للأسف

بس شكلهم حلوين ’’ ما داموا مِن ايديكِ

يعيشوا يا قمرة :)

[دمعة قدسية]

رائع .. وبكفي انها من الجزائر ..

يسلمو اديكي مس .. ما ننحرم من طلتك ..
الله يعزك يا أخي وبارك الله فيك على هذا الرد :ShababSmile240::ShababSmile240::Sh ababSmile240:

[دمعة قدسية]

الله غالب هذا ما حلبت البقرة و أنت على حساب الشوفة فهمتي
أنت من الجزائر
إيه فهمتهم مليح أنا من الرشق الجزايري والله يعطيك الصحة هاذي عفسة مليحة باش تعود اللهجة الجزايرية مفهومة عند إخوانا في المشرق الاسلامي والخليج العربي حنا نفهموهم وهوما لالا:ShababSmile111:

[MISSOZO92]

هاديك هي أختي لازم يتعلموا اللهجة الجزائرية

[لالا-فلسطين 48]

يعطيكي العافية اختي على البقولات (بس شو يعني باقولات، خلص منعطيها معنى امتال ولو انها مرتبطة بالحضارة الجزائرية هالكلمة زي ما حكيتي!)

بس يعني اللهجة الشامية بحسها من اكتر اللهجات مفهومة، انا شخصيا ما بفهم اللهجة المغربية والجزائرية، بس بحاول افهمها وبحب افهمها واحكي زيها، بس ما بطلع معي اشي، بحس التركي اسهل منها! يعني مش لانو احنا ما بدنا نفهمكم، بس والله اللهجة صهبة! والخليجية صعبة كمان علي بس الطف شوي!

يسلمووووو ايديكي، وتعيشي وتجبيلنا بقولات، عفكرة بقولاتك كتيييير حلوين!


تحياتي..
لالا-فلسطين 48.

[فتاة طموحة]

البوقالة 3 :
يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .


يخا كاين بوقالات وأنا حتي دوكا بأش عرفت
وهادي نويتها عليك
يعطيك الصحة

[MISSOZO92]

HECHAMTINI
:ShababSmile229:
:ShababSmile229:
:ShababSmile229:
:ShababSmile229: