ماهوشعورك عندما لا يتم الرد على مواضيعك؟؟؟ بصراحة

[محبة الأقصى]

السلام عليكم ورحمة الله
كيف الحال ياحلويييييين؟؟؟؟؟؟؟

ماهوشعورك عندما لا يتم الرد على مواضيعك؟؟


بكل صراحة هناك الكثير من الكتاب في المنتديات يضعون نصب اعينهم الردود التي يعلق فيها على مواضيعهم ونوعية هذه الردود وهل هي مدح وثناء ام رد على الموضوع ومخالفة لوجهة النظر؟ وهذا النوع تجده بمجرد عدم وجود ردود على موضوعه يبتعد عن المنتدى بغير رجعه وسبب ذلك عدم وجود تشجيع لكتاباته.

وهناك نوع آخر لا يهتم بالردود وهو النوع الذي اسميه ( اكتب وامشي ) وهذا النوع لا يهتم بالردود وقد تجده قد كتب موضوع ويوجد رد عليه ولا ينتبه للرد الا بعد فترة طويلة وبالصدفة.

والنوع الاخير هو النوع الذي يهتم بعدد زوار الموضوع اكثر من الردود, فيقيم نفسه بانه احسن اختيار عنوان الموضوع والموضوع نفسه اذا كان هناك بعض الردود.

والسؤل الذي يطرح نفسه , ما هو شعورك عندمالا يتم الرد على مواضيعك؟ هل تفتر مشاركاتك ام انك تسعى للافضل, أم انك تبحث عن منتدى اخر تجد فيه المدح والثناء....والاعضاء اللي مايردو عالموضوع ما هو السبب اللي يخليه يتحاشى موضوع معين ومايرد عليه؟؟؟؟



أرجوا الاجابة بكل صراحة !!!

[عاشقة الليل]

شكرا الك اخت عاشقة على هاد الموضوع
انا عني ما بغير المنتدى وبحاول اثبت حالي
يعني اكيد لما ما حد يرد بكون الخطأ في موضوعي نفسو
ف بحاول انو الاقي الخطأ سواء كان بالعنوان او الكلمات او الموضوع نفسو واصلحو
وخاصة انو انا من النوع اللي بيحب يثبت نفسو وبيحب يتحدى الفشل او عدم القبول

[محبة الأقصى]

شكرا عاشقة الليل على مشاركتك
وأحيي فيك ثقتك بنفسك

[فداء فلسطين]

بصراحه اختي موضوعك كتير حلو
اما انا عن نفسي ممكن ازا ما حد رد على موضوعي
اضور على الغلط فيه مو انو اترك المنتدى كلو والمفروض انو اضور
على الموضيع اللي بتلفت انتباه الاعضاء واكيد العنوان بساعد
وشغلت انو اكتب موضوع وامشي ههههه انو شو جاي يزيد مشاركات
ازا انا شو بدي بالمنتدى ؟؟ لانو بصراحه المنتديات اكيد مو انو بس حتى اعرض
اشي كتبته وانسى او احط خبر واطنش ؟؟ المنتدى كمان على شان اتعرف على اصدقاء
واخد راي الغير بالشي اللي كتبته ..........
واللي بهتم بعدد الزوار اكيد ما رح يستفيد أشي لانو شو فرفو راي اللي دخل على موضوعو؟؟؟
بركي انو كان سلبي ؟؟!! واسفه على شان طولت ردي

وشكرا عاشقة الاقصى على الموضوع

[محبة الأقصى]

شكرا الك فداء فلسطين
ردك جميل ومقنع

[ثوره]

انا شخصيا غضبت وكتبت موضوع اعاتب به اعضاء المنتدى لانهم لا يدخلون الى قسم اخبار فلسطين ولا يعلقون على اي موضوع الا بعض الاخوه رغم ان القسم مهم لكل عضو نظرا لانه ينقل اخبار فلسطين اول باول ويحاول الاخوان جاهدين توفير هذه الاخبار وباسرع وقت ورغم ذلك فلن نتوقف وسنستمر بالكتابه به.رغم ان جميع اعضاء هذا القسم بالذات يشاركون بجميع الاقسام بالكتابه وفي الردود.

[محبة الأقصى]

والله معك حق اخت ثورة
منتدى الاخبار الفلسطينية مشاركاتو كتير ضعيفة
وان شاء الله كل الاعضاء رح يسيرو يشاركو في هادا القسم لانوقضيتنا الفلسطينية بتهمنا كلنا

[ديما الحب]

مرحبا عاشقة الاقصى كيفك
انا بنسبة الي لا اهتم كثيرة لردود ولكن اشعر اني غريبة جدا (كان زمان ) احببت المواضيع وشاركت فيه
واثبت نفسي حتى وصلت الي القمة وبنصحكم كلكم انو ما تزعلوا ولا تتركوا المنتدى اصبروا وشوفوا كيف راح تثبتوا حالكم يسلموووووووووووووووووووووووو

[Abu Shadi]

انا شخص وعضو كأي عضو تاني هون
وانا بتقدري تعديني من المؤسسين في هالمنتدي ومحمود بعرف
وغير هيك وجاهتني هذه المرحله اني ما القي ردود علي مواضيع كنت اتألم بعض الشئ ولكن كنت اطنش
عارفه ليه لاني ما كنت احط مواضيع بغرض اني القي ردود او زيارات بل العكس
كنت احط الموضوع لغرض اني افيد عن من يبحثون عن تلك المواضيع
مش بس للاعضاء حتي للضيوف الي بيدخلو وبلاقو موضوعه ببحثو عنو بكون هذا خير اعملتو الهم
صحيح انهم ما بشاركو ولكن راح تلقيهم مره ومرتين دخلو علي الموقع وشاركو فيه وبهيك بكون انا فدتهم
وفدت نفسي وفدت موقعي واسرتي واكيد الكل بأيدني بهيك اشي
ولكن انا الصراحه كنت ازعل لمن ما القي ردود علي مواضيعي ولكن فيما بعد رأيت ان الاعضاء قد اعجبو بشخصيتي عن طريق مواضيعي فأصبح كل موضوع اضعه يقرأونه لكي يعرفو ماذا وضع ابن فلسطين
وهذه تحيتي الك خيتي عاشقة الاقصي
ومرسي الك علي الموضوع الرائع
ومرسي علي كل الاعضاء الي شاركو في هالموضوع وفي المنتدي كله
وهذه تحيتي الكم جميعا....

[ابوسامر]

الامر عادى من حق كل عضو يقرا الموضوع يقول رايه واللى ما بيعجبه الموضوع ممكن ما برد لان مابدو يجرح صاحب الموضوع بس لازم يوجهله نقد بناءوبدون زعل

[محبة الأقصى]

مشكورين ديما الحب وابن فلسطين وابو سامر على المشاركة الطيبة

[jikoo]

شعوووور محبط وإحباط كتير

هههههههههه

[محبة الأقصى]

شكرا الك اخ جيكوووو على رأيك الصريح

[بياع القلوب]

اختي العزيزة عاشقة الاقصى
الموضوع الي طرحتيه موضوع مهم جدا
ومن خلاله سيتم فتح شغلات كتير وعرض الاسباب
والي تتمثل بالتالي:
يا اختي الكريمه انا ما راح ابعد كتير
في احد اقسام المنتديات وبدون تسميه لانه بيعرف نفسه
كنت ادخل وارد على جميع الموضوعات واضع رأيي
الي هو حقي في حرية التعبير
وكنت اجد هجوم مش طبيعي من احد الاعضاء الي بعدها
اخذ وسام الشرف وصار مشرف
ومفكر حاله عمل انجاز وانا الي كنت مشعلل القسم
لانه لما كنت احط رد الكل كان ييجي ويعلق على ردي سواء بالايجاب
او بالسلب والآن بعد ما بطلت ادخل هالقسم الي صار حضرته مشرف عليه
لانه شغلته انه يتخانق مع الناس ومش قادر يفهم انه كل واحد حر برأيه
بدو يمشي رأيه على الأعضاء وهو خسر بالآخر
لاني انا وجميع اصدقائي بطلنا ندخل هالقسم وصارت مشاركات هادا القسم صفر
وهلا ممكن تروحي وتعرفي انا عن اي قسم بتكلم لانه صار المشرف يحكي ويرد على حاله
وهو بيستحق هالشي
مع انه للاسف المنتدى مهم جدا لكن هو خربه انه صار مشرف عليه وصار لا يشرفنا
انه ندخله ونتعامل مع هالاشكال لانه انا مش ممكن اسمح لواحد متله انه يتحكم
برأيي ويلغي ويضيف ع مزاجه فتركتله القسم ينام فيه ع راحته ويكلم حاله كمان
انا صريح جدا على فكره واحيانا الكلام الصريح بيزعل الناس
لانه الصراحه في زماننا عيب لازم نكزب ونتجمل ونجامل العالم الي ما بيستاهلو
ولازم تكوني عارفه انه
احيانا عدم الرد على موضوع بيكون مقصود مش صدفة
والقصد انه يظهرو الك انه موضوعاتك ما الها قيمه
وانا بعني كلامي تماما لانه احيانا بعض الخلافات
في المنتدى بين الاعضاء ممكن تخلي مجموعة كبيره منهم يقاطعو موضوعاتك
او يحاربوها حتى لو اضفت لعبه
وهادا صار معي
انا اضفت في منتدايا موضوع بعنوان هام وفيه القوانين الي واجب على الاعضاء
العمل بها داخل القسم تبعي ومع ذلك تجاهلوه وبعدهم بيخبصو وبلغي بعض المواضيع
لانها مكرره ومش بس هيك انا مره اضفت لعبه اسمها السنافر وانا برأيي اللعبه جميله
ومستواها افضل من العاب كتير مطروحه
ومع ذلك بعض الاعضاء بيحاولو دايما انها ترجع للصفحات الاخيره بس لانها باسمي
وبيطلعو العاب سخيفه
وانا بقصد بكلامي ناس معينين
وفعلا اصبحت مقل جدا بوضع الموضوعات
وحضوري قليل جدا بدخل على القسم مشان بس اتابع الموضوعات المطروحه
وارد عليها جميعها واقوم باللازم وبطلع
لانه المنتدى صار ممل جدا بالنسبه الي
عموما انا طولت بالحديث بس انت طلبتي رأينا
وانا مش متحامل على حدا بس الخطأ من الاداره مش من الاعضاء
وبدون تعليق!!!!!!!!
تحياتي ..اخوكم بياع القلوب

[رفعت]

يسلمو بياع على صراحتك

وكلامك بالمعنى في منه في كثير اعضاء بقصد يتاجهلون المواضيع

المهم السؤال كان عن الشعور مش عن الاسباب

طبعا انا برايي اذا موضوعي ما لفت انتباه الاعضاء ما ازعل اذا ارتمى على الهامش وما حدا عبرو

لانه ما بيصير افرض مواضيعي على الاعضاء اذا مش حابينه

علشان هيك ما بهتم وبحاول ارتقي بمواضيعي اكثر

يسلمو اختي على طرح الموضوع الرائع

[محبة الأقصى]

يسلمو بياع على الرد وعلى صراحتك
منيح انك فشيت خلئك وحكيت عن المضايئك


شكرا رفعت على الرد الطيب يا طيب

[قمر الخليل]

بصراحة بيجيني احباط لو حد ما رد على مواضيعي لاني بحس انو ولا حد عجبو الموضوع

وانا بضل كل فترة وفترة ارد على كل الاعشاء الي بمرو على مواضيعي ودايما بشكرهم وببعتلهم اهداءات

يمكن هادا المنتدى اكتر منتدى استمريت فيه لانو كل الاعضاء مناح والكل بشارك وبرد عالمواضيع فكتير اتشجعت واستمريت معكم

كمان لانو محمود كتييييييييير منيح وما بقصر والله معانا الله يخليلنا اياه

تحياتي

[بيسان الفارس]

بصراحة اشعر بان الموضوع الذي كتبتة ليس مهم
ولكن دائما اكتب لاني احس بالراحة عندما اكتب حتى لو لم يتم الرداختكم الاجئة ولاء

[محبة الأقصى]

يمكن هادا المنتدى اكتر منتدى استمريت فيه لانو كل الاعضاء مناح والكل بشارك وبرد عالمواضيع فكتير اتشجعت واستمريت معكم
شكرا قمر الخليل هاي شهادة بنعتز فيها


بيسان شكرا الك حبيبتي على ردك الصريح

[محبة الأقصى]

طيب انا ما حدا سألني عن شعوري ؟؟؟؟؟؟؟؟

خلص بحكي من غير ماحدا يسألني
انا اول ماتعرفت على عالم النتديات كنت كتير اهتم بالردود
وازعل ازا ما حدا رد على موضوعي واحيانا اترك المنتدى
بس هلأ ما بهتم وخصوصا انو الواحد بسعى لرضا ربو مش لثناء الناس عليه

[aBo SaLeeM]

عادي

[محبة الأقصى]

شكرا الك ابو سليم على صراحتك

[عاشق البندقية]

والله يا ...اخت...عاشقه الاقصى ازا الواحد خاشش عالمنتدى بس ياخد رصيد ممكن؟!!!!
بس انا من جهتي والله اني بهتم بمواضيع اخوتي بالمنتدى اكتر من مواضيعي. ههههههههههههه.
حتى انو مواضيعي اصلا قليله نوعا ما.
سلامات.مشكوره عالموضوع اختي...

[محبة الأقصى]

هههههههههههههه

مشكور اخي ع الرد

[زهرة المدائن]

اولا شكرا على الموضوع الجميل والصريح بنفس الوقت
بالنسبة الي وبكل صراحة سعيدة بتواجدي بهذا المنتدى وبكل معلومة مفيدة تتواجد فيه من خلال الاعضاء
وابحث دوما عن المواضيع المفيدة للاعضاء.وليس للمدح
ولكن ربما الانسان احيانا يحتاج للدعم من خلال الكلمات.ولكن في نفس الوقت علينا ان نضع الاعذار للجميع

شكرا

[محبة الأقصى]

اخــتــي زهــرة المـــدائـــن
اهلا وسهلا فيكي بين اخوانك واخواتك بالمنتدى وان شاء الله تفيدي وتستفيدي معانا

ومشكورة اختي على المشاركة الجميلة