شباب فلسطين // بين مصر والجزائر ؟!

[بنت فلسطين المجروحة]

السلام عليكم ورحمة الله وبركاته ..


كيفكم ياطيبيين ؟!

انا هكتب هاالموضوع عالسريع لأني بصراحة ظروفي صعبة و مش راح اقدر اعطي وقت كتير لهالموضوع

فاعذرونا للعجلة ..

//


اول شي خليني احكيلكم شو صار معي

طبعا اكيد عرفتوا الفضايح اللي صارت من وخلال المبارة اللي بين مصر والجزائر

واكيد شفتو انفعال الناس المصريين مع منتخبهم والجزائيين مع منتخبهم

وهادا نوع من التعصب القبلي ،، يعني اشي نوعا ما طبيعي ولو انه خطأ وخطأ كبير

واكيد شفتوا انها وصلت لينعمل مجموعات (الجروبات) اللي عالفيس بوك

جروب نكره الجزائرييين اولاد الفرنسيين :ShababSmile235:

و جروب نكره الفراعنة ولا مش عارفة شو :ShababSmile225:

لسة هادا كله راح نتحمل ونقول من تضخيم الاعلام زادت الحساسية

اما المش معقول :ShababSmile225:

والذي لايصدق :ShababSmile225:

اني اشوف هيك تخلف في شباب فلسطين :ShababSmile235:

انا فعلا انصدمت .. واتمنى هادا يكون بس هان مش عالواقع :ShababSmile235:


انو عفوا انتا فلسطيني تيجي تحكي الجزائريين كسروا رؤوس المصريين

او الجزائريين مابستاهلوا الفوز لانهم بربرييين

انو عفوا ؟؟؟ نعم ؟؟؟ شو في؟؟

يعني تعالوا نحلل سوا :

اللي بحكي مثلا انو الجزائريين كسروا رؤوس المصريين وانهم بستاهلوا القتل ومش عارفة شو

يعني بجد انا لما شفت واحد من الاعضاء هييك حاكي تنحت :ShababSmile225:

انو عفوا ..

1. لما الجزائر غلبت مصر فمبارة .. مباراة ياعالم .. هل معناها انو سبقت المصر فتحرير الاقصى ؟؟

2. قمة التخلف اني اشوف الجزائر كسرت مصر في مبارة لانو عفوا المقياس تافه ..

شوفوا المصرييين الهم الاسبقية في كتير مجالات .. بالعكس ظروف المصريين بشكل عام واليي بعانوه من واقع حكومة مخزية .. طلع منهم مبدعين مش موجودين على مستوى العالم العربي.. والجزائر كمان فيها علماء وعباقرة .. لا نقلل من مكانة اي من الطرفين


فاي نصر انتا او انتي بتحكو عنو ؟؟

واللي بيجي يحطلك سبب خطير ..

انو مش قليل الللي عملوه فغزة ؟؟

هدول اقل مايقال عنهم واعذروني عهالكلمة انه تفكيرهم سطحي ومحدود!!

انو شو دخل هاي بهاي

عفوا ليش الجزائر كانت عدت الجيوش والمساعدات ومصر منعتها عغزة

ماكلهم حكومات وركزوا عحكومات فالهوا سوا ..

ولا هتقولوا انو والله الشعب المصري ماثار عحسني مبارك عشان غزة

ما تطلع عحالك انتا وانتي .. كان الاولى انتا تثور عالبلد اللي انتا عايش فيها عشان بلدك فلسطين

واذا بدنا نحاسب الشعوب عحكامها .. فالاولى نحاسب نفسنا عرئيس دولتنا المصون محمود عباس


//


هادا كلو بغض النظر انو العقلاء مفروض يهدو الوضع بين اخوانهم المصريين والجزائريين مش يزيدوها اشتعالا..

وبغض النظر انو كل هالهبل اللي صار والتعصب والضرب ووو ضد الاسلام..


يااخي عفوا انتا او هييي عشو مبسوطين

انو فازت الجزائر هذا ليش بالانجاز العظيم .. مش تقليل من شان الجزائر ولكن تقليل من شان كرة القدم


ونفس الحال للي كارهين الجزائر

بجد شو هالهبل حد يفهمني ؟؟



واللي عم بحكي هالكلام بدون حساب

ناسيين انو بينا ناس جزائريين ومصرييين من خيرة الناس ولا نزكي على الله أحدا..

عيب عليكم وعلينا كلنا و همي بينكم حاملين همكم تسيؤا الهم هيك ..

وماتحكولي احنا مو قصدنا كلهم ،، لما تعمم فانتا قصدك الكل ..لكن خصص ماحد بقلك انتا غلطان

ياريت يكون الوعي عنا اكبر

وفش داعي لرمي الكلام بدون مانوزنه

وخلونا نرتقي باخلاقنا وافكارنا

واذا اتنافسنا يكون تنافسنا لخير الامة

مش لكرة بتجري واحنا بنلحقها!!


اكيد هالكلام مش صادر من الجميع

لكن نسبة مش بسيطة بدها توعية

وعسى كلامي يكون اله صدى في عقلي وعقولكم



مع تحيتي

بنت فلسطين

[بنت فلسطين المجروحة]

مثبت بعد اذن المشرفات

[همسة العشاق~]

كلامك مزبوط 100%


شباب فلسطين عجبو في بعض


وما خلو ستر مغطى


وهاد الشي ما بصير

لانو بالنهاية احنا هون اخوة ,,,وما بصير نتهاوش ونتنازع ع كوورة

ويعطيك العافية

ما قصرتي

[bEnOoO]

بتعرفي شو الحل ياينت فلسطين


تعالي انا و ياكي نصنع اكم من قنبلة د'رية و نفجرها في الكرة الارضية

و هيك بلا امة بلا بطيخ

فكرة حلوة



اسفة عالتنكيت بس بدي الطف الجو و كمان هلا مش في حالة تفكير حاطة دماغي اوف لاين

راجعة للحكي الجدي اكيد

تزعليش حالك و تتنكديش

سيا سويتي

[عين فلسطين]

انا معك عجينة بكل شي حكيتيه
هاد تخلف وتعصب اللي نهى عنهم الدين
الناس تابعو هالمباراة عاساس انو نتيجتها تحصيل حاصل
كل هاد كوم وتحريق الاعلام كوم تاني
يعني لما تحرق العلم بتصير زلمه بتكبر عينك صحابك؟؟ بالعكس ما رح يصيبك غير الذل ولمن ترجع بعد فترة تفكر باللي عملتو اكيد رح تندم كانو بهالمباراة اجى حد ونومك بالمغناطيس لانو اللي كانو يتصرفو ما كانو بعقلهم

بنت فلسطين يعطيكي العافية بكل كلمة حكيتيها
ويا ماهي ولا بينو لا تردو ع حد واللي بغلط بالجزائر او مصر امسحوها بوجهي لانو ما بيستحق انو ذرة منكو تزعل عشانو

[عين فلسطين]

الذين يشاهدون محتوى الموضوع الآن : 6 ( الأعضاء 5 والزوار 1) ‏عين فلسطين (http://shabab.ps/vb/member.php?u=17341), ‏♥Farfo0osha♥ (http://shabab.ps/vb/member.php?u=19254), ‏مآهينآز (http://shabab.ps/vb/member.php?u=20544)+, ‏bEnOoO (http://shabab.ps/vb/member.php?u=18140)

[إيمـان]

http://files.shabab.ps/vb/images_cash/up12/100730111819XTw2.gif


مصــــ.,,ـــر ♥ ♥ ♥ ♥ آلجــــزآآئـــــــ.,,.,ـــر.

آمــــ.,ــــه وآآحــــــده..شعرهـــآ..الاســـلامـ ـ..
منهجهآآ..القـــ.,.,ــرآآن..
http://www.moqatel.com/openshare/Behoth/Dwal-Modn1/Egypt/Egypt02.htm_asc002.GIF


http://files.shabab.ps/vb/images_cash/up12/100730111820Suol.png


..:ShababSmile223:

عنجد آن القلب ليحزن,,,

شعب مصر شعب عظيم..قلبوهم..خآآليه من السوآآد..وزي محكيتي..والشعب المصري مآلو دخل يلي بصير بغزهـ..هآآد..بقضآآء الله وقدره..وطبعآآآ,,السبب..آسرآآئيل..فب دآآل نحقد على المصرين..:ShababSmile239:
وندعي عليهم..ندعي على آسرآآئيل يلي آخدوو ..بلدنآآ..:ShababSmile223:..وفرقونآ آآآ,,وغربونآآآ..
بعيد هآي سخآآفه..وتفآهه ..نتفرق.على ..مبـــآآرهــ.مآآسوت شي..لا حررت فلسطين ولا فكت حصآآر غزه

:ShababSmile223:

بل النسبه ل..الجزآآئر..شعب الجزآآئر..مآآلو مثيل..طيب وشهم..بل النسبه...لزمن الفرنسين..هآآدول مآفي عقول عندهم..لانو زمن الفرنسين رآآح..ونفس الشي..المبآآرهــ..مآآسوت شي..لآ..حررت فلسطين ولا رجعت الشهدآآء..ولا حررت الاســرى..فقط لتآآهل..على كآآس العآآآلم ..بصرآآحه سخآآفه..

آن شآآآء الله تبعد عنآآ..هل العنصـ.,,.ــريه..ونرجع آمــه وحدهــ

دمتي..بآآلف خير..بنت فلسطين :ShababSmile229:

[شهيد]

مش مستاهل الموضوع تبع مصر والجزائر رد واحد منا والله يا كرام ^^..

[Arabian girl]

معك حق 100 %
وانا بعترف اني حكيت بهادا الموضوع بالمنتدى
بس هادا كان لانو في اكتر من عضو حكي عن الموضوع كانو اعداء وهيك
فهادا اللي استفزني

بس المصريين والجزائريين انا بشوفهم شعوب اسلامية عربية منا وفينا
واللي عملو هاد الشغب همة فئة صغيرة جدا ما بتمثل هادي الشعوب الكبيرة

الحكي اللي حكيتي عن جد رائع
وانا معك بكل كلمة حكيتيها
يعطيك العافية عجينتي :)

[مآهينآز]

وَعليكِ مِن اٌلله سّلآمه ورحمتهُ وخير غفرانه إن شاء الله

بوركتِ يا أمانى ولكِ مِن الخير أطناناً إن شاء الله

أتفق معكِ بِكُل حرف ولا مجال للزيادة إطلاقاً

شُكراً بحجم غضبى مِما ألت إليه أمورنا وقد تعدى حدود المعقول :(

:



مش مستاهل الموضوع تبع مصر والجزائر رد واحد منا والله يا كرام ^^..



لا مستاهل جداً يا شهيد

كلنا جزء من الأمة شِئنا ام أبينا

وقبل ما نكون جزء مِن الأمة العربية إحنا جزء من الأسّلآم

( .. إنما المؤمنون أخوة فاصلحوا بين أخويكم واتقوا الله لعلكم ترحمون ..)

السكوت أفضل فى حالة واحدة بس يا محمود ، فى حالة عدم الخير

إذا مش هنكلم بالخير فالصمت أجدى

وعنه صلى الله عليه وسلم [ لِـ تقل خيراً او لـ تصمت ]

ثُم إذا أتيح لك المجال فلابد من ان تكون للكلمة قائلاً

المؤمن القوى يا محمود أحب إلى الله من المؤمن الضعيف

لو كل إنسان أرتئ انه لا يتكلم بالخير ، ويؤثر الصمت بالتالى

لن يحدث صلح بين الأخوة ورُبما يتطور الأمر إلى حرب

أنا لا أهول الأمور والله ،

ولكننا نحتاج إلى دأب الصدع وليس زيادة الحدة والتوتر

وإلا سنقتل بعضنا بعض ،

أيُرضيكم يا أمة محمد :ShababSmile223: هُناك خلل

وهناك أفراد أخطأوا ، وأمة بالكامل ستتحمل نتيجة أخطائهم :ShababSmile223:

إن لم نتكلم الأن بالخير ونصلح بين الأخوة ، فسنبكى كُلنا غداً :ShababSmile223:

:(

[شهيد]

والله يا ماهيناز هالتعب والضجة والبلبلة يللي صايرة ما في داعي لنزيد اشتعال النار

انا قصدي الموضوع بسيط ومش مستاهل انه تصير بينا خصومات وحروب زي ما قالوا في الجزيرة حرب

حداس والغبراء و بطلها عنترة يللي رجع وحط القول و قصص

يعني شفنا قبل اكم من يوم - سبحان الله - انه فرنسا اتأهلت ع المنديال بهدف خطأ و اللاعب تيري هنري

اعترف بهيك موضوع انه لمس الكرة في يده و على الرغم من هادا ما صار بلبلة و معارك وحروب و شتائم وو

بعدين انا قصدت في مش مستاهل المباراة فقط

مش ما بعد المباراة من تبادل الشتائم بين البلدين

وطبيعي الواحد يدافع عن بلده

انا شايف النار مولعة من اول يوم

ولا اظن لو واحد حكى كلمة وردينا عليه ورجع رد و ردينا حنطل بفائدة تذكر غير انه راح نفسد علاقاتنا بسبب

امور تافهة زي الكورة ..

انا معاك .. يوم ما واحد يتعدى حدوده و شيء طبيعي الواحد بيعز عليه بلده راح يدافع وما بلومك انت لكن انا بتكلم بصورة

عامة انه يللي صار مهزلة عربية ونكسة جديدة تضاف لسجل العرب الأسود المعتم الذي لا نقطية بياض فيه !.

[بقـ..ــايـ..ـا إنسـ..ـانـ]

فضحونا !

[جاآرة الوادي’’]

فضحونا !

فعلاً شي بخزي ’’!

[مآهينآز]

مُتفقين يا شهيد ’’ اللى حصل مهزلة بكل المقاييس

لكن مش المفروض اننا نسيبها تزيد وتتطور

الإعلام بيزودها بشكل مُستفز ، وبالتالى بينعكس على المُشاهد

أياً ما كانت جنسيته - بيتفاعل ضد الطرف اللى هو اصلاً مشحون منه مُسبقاً

سواء اعتبرناه شحن نفسى بناءاً على انه جهل او اياً ما كان

كل اللى بقصده انو دور كل مُسلم ، عربى

حتى لو كان فى المنتديات وخلافه يحاول دأب الصدع ، بالكلمة الطيبة

باللين بين الطرفين -

الشعوب أفراد ، لو العلاقة الأخوية أنتعشت مِن جديد بين الأفراد

حتى لو نسبة منهم [ هترجع المية لـ مجاريها ]

وهنا دور اى شخص انه يطيب النفوس للجانبين ، والكلمة الطيبة صدقة ،

اى شعب فيه الصالح والطالح

جعلنا الله واياكم من الصالحين دوماً إن شاء الله ^^

والله يبارك فيكم جميعاً ، ويصلح احوالنا ’^

[مآهينآز]

لو سمحتوا يا جماعة ’’ الكلمة الطيبة صدقة :)

ممنوع اى ردود فيها سخرية او إهانة ، او كلمة تُثير النفس

لأى مِن الطرفين ..

[شهيد]

عليك نور ..

جبتيها من مختصرها : يعملوا على لم الجرح ، مش يزيدوا نزيفه !!

ربنا يصلح الحال ^^

[اجمل احساس]

عجينة حكت ايلي كان نفسي احكيه بالحرف فعلا كفت ووفت

وربنا يصلح حال امتنا ويهدي البال

[.:(خالد):.]

بس تتعلم تحكي باحترام وبدون سب

تعال ناقش


الادارة

[PaLeSt!Ne SouL]

لكن ما زعلتوش لما طنطاوي حرقه الله اطلع قرار بمنع لبس الحجاااااب في المدارس الحكومية
وين الاسلام
اكبر شيخ في حكومة مصر صار زنوي وخمرجي



بس يكون عنا نص علمه بنحكي عليه !!

و ما بيجوز تحكي عن أي واحد مسلم هيك

هاد قذف و هاد حرااااام

يا ريت تتعدل المشاركة..

[اسد 22]

مشكورة على الموضوع


اسمحي لي ان اضيف هذه الكلمات
أبناء الإسلام، يا أمة محمد ..
احذروا هذه الوسائل الإعلامية الدنيئة التي تقتات على ضعف الأمة، والتي توجه أبناءها لما يضرهم .

يا أمة محمد أفيقي من الغفلة قبل فوات الأوان فوالله الحشود مستعدة لأكل قصعة المسلمين، ولكنا غثاء كغثاء السيل، تجمعنا الطبلة وتفرقنا العصا .

اليهود يحشدون الحشود لهدم الأقصى وبناء الهيكل المزعوم تمهيداً لاستقبال المسيح، والنصارى يحتلون العراق ويبيدون خضراء المسلمين في كل مكان تمهيداً لنزول المسيح، والمسلمون في التيه، غائبون في جب اللهو واللعب .


والعجب العجاب أن مقدرات المسلمين الاقتصادية سواء في مصر أو الجزائر ستضيع تحت أقدام لاعبي كرة القدم في حالة فوز هذا الفريق أو ذاك، في وقت يحتاج فيه الكثير من شباب البلدين لما تقوم به حاجاته الضرورية من مأكل وملبس ومنكح، فبالله عليكم، أيهدر مال المسلمين في هذه التفاهات في وقت لو تم استثمار نفس الأموال في بناء مصانع أو إيجاد فرص عمل لكفى آلاف الشباب من البلدين مئونة العيش طوال الحياة .


والأعجب أن غالبية الدول العربية لا تتخطى الدور الأول في نهائيات كأس العالم المزعوم، فنحن نتحارب فيما بيننا لنصل لهذه النهائيات التي ندرك يقيناً أن شبابنا سيلاقي الهزيمة النكراء تلو الهزيمة أمام من تقدموا في هذه الصنعة بفضل احتلالهم لبلادنا وبعثرة ما سلبوه جبراً من مقدراتنا .


على حكومات البلدين أن تأخذ على أيدي الإعلام الهابط الذي أثار الفتنة والفرقة التي تستوجب علينا غضب الرب، هذا الإعلام الهابط الذي لا يسر به إلا كل حاقد، ولا يحتضنه إلا كل خائن، والأيدي الخفية تشير إلى نفسها، وارجعوا إلى تصريحات الإعلام اليهودي لتعرفوا المراد .


يا أمة الإسلام ...

يا شعب مصر الحبيب ...

يا شعب الجزائر الحبيب:

اتقوا الله في أنفسكم ولا تتعرضوا لما يسخط الرب، اعتصموا بحبل الله جميعا ولا تفرقوا ...

فتفرقكم يسخط ربكم ويفرح عدوكم، ويحزن والله له قلب من يحبكم .


والله المستعان وعليه التكلان وهو حسبنا ونعم الوكيل .

[.:(خالد):.]

طزين ثلاتة فيكي يا ستي الادارة
انا محترم وبحكي باحترام اكتر منك
وخلي مصر تنفعك
وان شاء الله بتنحشري معهم في جهنم الكبرى

[السيف عدي]

انا شخصيا لسة مقتنع في راي .. وعند كلامي اللي قلته .. وبخالفك في الراي تماما ..

الجزائرين كسرو راس المصريين .. اه كسرو راسهم ..

حرب غزة الها علاقة بالموضوع .. نعم الها علاقة .. بغض النظر الجزائر حررت الاقصى او لا ..

.. هاد مش موضوعنا ..

انتي الك نظرتك وانا الي نظرتي .. عموما..كل الكلام اللي قلته قبل أنا مقتنع فيه تماما ..

وما حكيته بطيش او من غير ..

وعي متل ما قلتي .. والحمد لله مش محتاج من اي حدا انو يوعيني .. !!.. وتفكيري مش سطحي !! ..

الشيء بالشيء يذكر .. ( جارة الوادي ) في موضوع رياضي كبرت الخط وقالتلي بالخط الاحمر

بعدين معك يا حسام وبلشت تهدد وازا بتعيدها ما راح يصير خير ..

هو طبعا كلام بضحك بس معلش مين انتي !!

ازا حابة تعطيني انذار او اي شي تاني .. اوكيه مش غلط .. انتي حرة ..

بس ما تحكي معي بهاللهجة ..

والحمد لله انا واثق تماما من قدرتي على التميز .. سواء هون او في اي منتدى آخر ..

[.:(خالد):.]

سكروا الموضوع احسن
لانه مصر مش مستاهلة نحكي فيها هي والخزي الي فيه

[بقـ..ــايـ..ـا إنسـ..ـانـ]

اممم

ردي كان طبيعي ليه انحذف !

[مآهينآز]

طيب ’’

بالأحمر وبالخط العريض كمان

طول ما أنا مُشرفة على القسم ده يا حسام مش هسمح لأى حد مهما كان مين

انو يطاول على اى بلد عربية ، سواء مصر او الجزائر او غيرهم

وقسماً بالله ان كل حرف اضيف بالمنتدى فى اى قسم إن كان

وفيه إهانة ’’ انا بعرف تمام المعرفة كيف ارد عليه بالحجج والبراهين

بس فى ناس اقل من ان الأنسان يتحاور معهم

لأنهم اصلاً دينياً وسياسياً غالباً فارغين

على كل حال يا أخ خالد ، انا ما شفت مشاركتك ’

كُنت أتمنى اشوفها للعلم بالشيئ

بس لا تحسبوه شراً ، بل هو خير إن شاء الله

رغم انى على ثقة ان الأدارة ردها موضح كان فيها ايه ..؟!

واخيراً للجميع

فى قسم فى اخر المُنتدى اسمه بينى وبينك : تقدروا تضيفوا موضوع لحظرى

وده شيئ يرضينى جداً ، بل مُرحب بيه

ومن ثم تقدروا تكتبوا ما بدا لكم ’’ لكن طول ما انا مُشرفة هنا

مش هسمح إطلاقاً

وقد أعذر من أنذر

[أمل]

اعذروني بس بدي احكيلكم

روحو و تابعو الكواليس و ابحثو و شوفو المصايب الي بتحاك من ورا هالموضوع

يعني قال انو مصر مش مستاهلة كإنو بقية الشعوب و نعم هي

يا عالم اصحو و لا تخلو يتلعب بدماغكو اكثر من هيك

لو كان حكومات مصر تواطئت مرة ففيه غيرها تواطئت مليون مرة

بس كون مصر اجت ع الحدود مع غزة هاد الي خلا الكل يهب فيها

يا ترى لو كانت مصر في نفس موقع غزة كان باقي الدول تهافتو على مساعدتها

خلينا نحكي بعقل و بيكفي مهاترات ترمى هنا و هناك

و قال يعني بدنا نسترجع فلسطين

لما نسترجع عقولنا الي علقت بس بالسب و الشتم و توجيها الاصابع للغير دون الاعتراف من باقي الاطراف بمصايبها في احتضار الامة ممكن نسترجع شي

و الامر صار تافه كثير يعني مصر صارت القشة الي بنعلق عليها اخفاقنا.

الواحد صار يشعر بالعار من هالامة

حسبنا الله و نعم الوكيل

المؤامرات بتحاك و قال يعني نحنا محققين انجازات الفاتح في بلاد الاندلس بحتة بلاسيك

[مآهينآز]

اممم

ردي كان طبيعي ليه انحذف !

لأن الموضوع لتهدئة النفوس يا محمد

مش لأننا نولعها ، لما تحكى فضحونا من الطبيعى انه عبارة عن تأجيج للنفوس

من الطرفين ، كل فرد هيدخل يحكى ، ان الطرف الأخر هو اللى بدأ

انا كتبت رد بس علشان ارد على ردك ،

ومن بعد أذنك هحذفه

لنقل خيراً ، او لنصمت !

[بقـ..ــايـ..ـا إنسـ..ـانـ]

اوكي صار خير مع انو كلمة فضحتونا ردي طبيعي !

الله يعينا احذفي كل الردور ^^

يعطيكٍ العافية ^^

[السيف عدي]

طيب ’’

بالأحمر وبالخط العريض كمان

طول ما أنا مُشرفة على القسم ده يا حسام مش هسمح لأى حد مهما كان مين

انو يطاول على اى بلد عربية ، سواء مصر او الجزائر او غيرهم

وقسماً بالله ان كل حرف اضيف بالمنتدى فى اى قسم إن كان

وفيه إهانة ’’ انا بعرف تمام المعرفة كيف ارد عليه بالحجج والبراهين

بس فى ناس اقل من ان الأنسان يتحاور لأنهم اصلاً دينياً وسياسياً غالباً فارغين

على كل حال يا أخ خالد ، انا ما شفت مشاركتك ’ كُنت أتمنى اشوفها للعلم بالشيئ

بس لا تحسبوه شراً ، بل هو خير إن شاء الله

رغم انى على ثقة ان الأدارة ردها موضح كان فى ايه ..؟!

واخيراً للجميع

فى قسم فى اخر المُنتدى اسمه بينى وبينك : تقدروا تضيفوا موضوع لحظرى

وده شيئ يرضينى جداً ، بل مُرحب بيه

ومن ثم تقدروا تكتبوا ما بدا لكم ’’ لكن طول ما انا مُشرفة هنا

مش هسمح إطلاقاً

وقد أعذر من أنذر



حلقة مفرغة !! .. انتي شايفة اني انسان اقل من انو يتحاور معي سياسيا وثقافيا !!

وانا شايف انك مش من مستواي الفكري ولا ولا ولا .. علشان تتهجمي علي اصلا !! وتنذريني !!

يعني بالمختصر كل واحد قاعد في برجه العاجي ومش مستعد يتحاور مع التاني !! ..

في هاي الحالة كل واحد راح يضل معتقد انو الافضل ويتعالى على التانين ..

عموما بضل كل انسان حر في رايو ..

[شهيد]

ماهيناز

اغلق الموضوع لو تكرمت ~

وخلي كل واحد على قناعته

ربنا يكرمكـ

[مآهينآز]

واللى عندو رأي شخصى فيه

يتفضل يكتبوا فى قسم بينى وبينك

[أبومجاهد]

طزين ثلاتة فيكي يا ستي الادارة
انا محترم وبحكي باحترام اكتر منك
وخلي مصر تنفعك
وان شاء الله بتنحشري معهم في جهنم الكبرى

:ShababSmile225: :ShababSmile225:

اسكت اسكت عيب الكلام للي بتحكي يا خالد

مالك انت صاير تخبص كتير

انت خليت فيها احترام

:@

[أبومجاهد]

والله العظيم كل واحد بتجادل في تفاهات مثل هذه

و بتطاول على اخوانه بكون انسان ما بستاهل الاحترام ولا التقدير

وياريت تغلقوا الموضوع على البدري

قبل ما اطير ركب في القصة :@

[إسراء الفلسطينية]

الموضوع صار فيه حساسية أكتر من اللزوم ..

وللأسف.. آداب الحوار من بعض الأعضاء اختفت بهل موضوع ..

لذلك الموضوع :: مغلق ::