احكي أًخر اتصال وصلك علىــ الجوالــ ،

[عـــــبدالله .. ~]

بسم الله ابدأ انا واحد اتصل فيني بدو يحكي مع امو وهو كان مستعجل طبعاً هو اتصل بالغلط ،


لما قال وين امي بسرعة بسرعة وكان مستعجل قتلو انا مش امك اول ما سمع هيك سبني ،


وسكر التلفون بوجهي ، هس بدي اياكو انتوا ياشباب وصبايا المنتدى تحكوا انتو اخر اتصال حكيتو .

[صدى الحب]

اها فكرة حلوة ...

انا اخر اتصال وصلني من صاحبيتي تسألني اذا في دوام اليوم بالجامعة والا لاء
وحكتلها لاء ... لانو اليوم كان تعليق بسبب ذكرى استشهاد القائد ابو عمار ... الله يرحمه


شكرا الك اخي ع مشاركاتك الحلوة والرائعة
ما تحرمنا ^,*

[.: بو جاسم :.]

فكرة حلوووة

آخر اتصال من صديقي عبدالرحمن ... عن الاوضاع المدرسية وتحليل المدرسين .... والواجبات واوضاع بقية الاصدقاء

[لالا-فلسطين 48]

اخر اتصال كان عتلفوني من اختي،رن التلفون وانا بنص المحاضرة وكنت ناسية احطو صامت، كانت بدها اياني امكر عليها وانا مروحة من التعليم (هاد الحكي كان في اخر محاضرة عالساعة 4)، بس المحاضرة اللي قبلها عالساعة 2 صاحبتي اللي قاعدة حدي بقاعة المحاضرات اتصلت عتلفوني خصوصي لانها عرفت اني مش حاطتو صامت وعلشان تحرجني قدام المحاضر (لانو المحاضرة كانت مملة عالاخر اليوم وكنا بحاجة لاشي يطلعنا من الجو!!!)، تاني مرة حاولت ترن عتلفوني مزبطتش معها لاني حولتو لصامت!!!!!

اخ عبد الله يعطيك العافية.. فكرة حلوة واحلى اشي اللي اتصلك عاساس انك امو بكرا برجع يحكي معك عاساس انك ستو (هههههههه)!!!!!

تحياتي..
لالا-فلسطين 48.

[همسة العشاق~]

فكرة حلوة

اخر اتصال متل صدى

كان من صاحبيتي بتحكيلي ما في دوام بالجامعه عشان ذكرى استشهاد القائد ابو عمار ^^

[أم الوليد]

كان ابل شوي من ربع ساعة لتحديد ميتنج مع مهندس المغرب الساعة 6 ان شالله (شغل ْ شغل)

[همسة العشاق~]

اخر اتصال من اختي المتزوجة اتصلت علي بتحكيلي شو بتعملي قلتلها ولا شي قاعدة حكتلي حضرتي مهرجان اكبر توب فلسطيني بالعالم حكتلها هيني بحضر حكتلي طيب’’’ حكتلها بدك تيجي علينا حكتلي ما بعرف مش اكيد عمي طلع بالسيارة حكتلي وين ثائر (اخي ) حكتلها بالمهرجان بعمل بمقابلة وبصور...بس

[[ Islam ]]

اتصل علي أخوي بس ما رديت عليه !

[صدى الحب]

اخر اتصال من بنت خالتي .. بتسألني ازا امها اجت علينا والا لاء

حكتلها لاء ^^

[عـــــبدالله .. ~]

هههههههههههه والله الاتصلات كلها الي انتو حكيتوها حلوة بجد كتير .

[limar]

اخر اتصال كان من صاحبتي امل

بتطمن علي

[Maram .. ~]

آخر إتصآل .. كآن من صآحبتي سوسن

بتحكيلي ليش غبتي عن المدرسة ,, حكيتلها مريضهـ عندي زكآم و حرارهـ ,, و سألتها عن إمتحآن الريآضيآت .. حكتلي خبصت فيهـ كان كتير صعب ,, و زكرتني إنو حضرتي نآسيهـ كتآب الأحيآء بالصف و علينآ إمتحآن يوم الأحد :s ,, فإتفقنآ إنهآ حتمر علي بكرا الصبح تعطيني يآهـ ,,

:)

فكرهـ حلوهـ ,,

ثآنكس ^^

[صدى الحب]

ما عليكي شر مرام ^^

اخر اتصال كان من زوج اختي .. حكالي نحسبهم بالغدا اليوم لانهم بدهم يتغدوا عنا ^,^

[عـــــبدالله .. ~]

ههههههههه حلوين كتير ^^



اما انا فأنا الي اتصلت بصديقي عبدالرحمن بقلو يازلمة شو علينا امتحانات عشني غبت


بقلي و انا شو عرفني قتلو منا غبت قلي حتى انا كمان غبت فسلمت عليه وبس ،



انا كتير بتجيني مكالمات خطأ عشان رقمي حلو كتير احكيلكو اياه ههههههههههههه :ShababSmile240:


:ShababSmile240:

[Maram .. ~]

آخر اتصآل لكان لصحبيتي فروحة مبارح الصبح

سألتها رح تركبي الباص مع لولو

حكتلي لا رح أركب الباص تبعنا

حكيتلها طيب الباص لسا ما مر علي خايفة ما يكون جاي

صارت تحكيلي لا استني عدو بيجي ,,

:)

بالآخر إجآ :p

[ميس مسلمه]

اخر اتصال كان من ماما الصبح كانت عاوزانى انزل السبت عشان تحط فيه حاجه لانها صعب تطلع احنا ساكين فى الدور السادس

[عـــــبدالله .. ~]

اما انا اخر اتصال كان من اخوي بقلي انت وين قتلو بالبيت لانو هو كان بالحديقة ال جنب بيتنا عنجد


:ShababSmile221: {حديقة جنب بيتنا} هي مش جنب بيتنا يعني قريبه كثير لاء بعيده شوية وبس هههه :ShababSmile240:

[صدى الحب]

اخر اتصال كان من صاحبتي .. وانا بالجامعة اتصلت عليا
وحكتلي تعالي عندي انا بالعلوم

ورحت ^^

[Maram .. ~]

آخر اتصـآل كـآن من أخوي بحكيلي انو ع البحر ,, حكيتلو استأزن من بابا بلاش تاكل بهدلة :>