المساعد الشخصي الرقمي

مشاهدة النسخة كاملة : ممكن أي واحد فينا يروح لطبيب نفسي

حنين04
11-02-2009, 02:24 PM
اذا ضاقت الدنيا بوجوهنا......

حسيت حالك محروم من أي حد تلجأله تفضفضله عن همومك وهمومنا هالأيام كتيره....



اذا حسيت حالك وحيد بهالدنيا والدنيا من حواليك بتلوطش فيك واحد رايح وواحد جاي والكل بجلد فيك وانت ساكت لأنه ما بايدك تعمل ولا شي......



اذا خفت تحكي لأصحابك ويفضحوك في لحظه غدر(هذا اذا كان الك أصحاب)
اذا خفت تحكي لأهلك اللي من لحمك ودمك ويبهدلوك هذا صح وهذا غلط وانت عارف حالك غلطان بس بدك حد يمسك بايدك ويدلك وين الصح بدون شوشره وبهدله.....




بعد كل هالأسباب يعني اذا ما لقيت الشخص اللي بحكي عنه بييجي سؤالي:





ممكن تلجأ لطبيب نفسي تحكيله عن همومك؟؟؟؟




عن جد حابه أعرف ردودكم يعني عنا الطبيب النفسي مرتبط بالجنون ونظرة المجتمع اله كتير ظالمه مقارنه بالمجتمعات الغربيه.......



عن جد حابه أعرف ردودكم









هل أنتم مع:ShababSmile240:أم ضد:ShababSmile239:



مع ذكر الأسباب
limar
11-02-2009, 02:26 PM
انا مع وبشدة كمان
عين فلسطين
11-02-2009, 08:12 PM
انا مع
لانو انا متاكدة بعد القسم هداك اللي بيقسمو انو كل شي رح يضل سر رح يضل سر
وبرضو بفش اللي جواتي
PaLeSt!Ne SouL
11-03-2009, 05:52 AM
انا مع
لانو انا متاكدة بعد القسم هداك اللي بيقسمو انو كل شي رح يضل سر رح يضل سر
وبرضو بفش اللي جواتي

القصة مش إنو يفشي السر و لا يحتفظ فيه
المشكلة بنظرة المجتمع لهاد الشخص إنو بروح ع طبيب نفسي يعني مجنون عنده خلل بمخه

هاد الشي طبعا سئ بس كتير بخلي الناس ما يروحوا و آخرتهم رح ينجنوا فعلا أو يعملوا شي بحالهم
حنين04
11-03-2009, 08:50 PM
عن جد حاسه حالي رح أنفجر وما في حدا أحكيله وأضمن يضل سر.....


كتير أشياء بتضايقني وما بلاقي حدا أفشله خلقي





بس بضل نظره المجتمع المتخلفه


الحل أنه ننفجر مش مشكله لأنه نظرة المجتمع عمرها ما بتتغير:ShababSmile233:
إيمـان
11-03-2009, 09:55 PM
ممكن تلجأ لطبيب نفسي تحكيله عن همومك؟؟؟؟




انا عليه عندي حاله نفسيه..لما آعصب ولا آزعــل..ولا اتضايق من اي شي ... ممكن اتهبل ممكن اجنن الناس ممكن ابكي وهاد اكتر شي بصير معي ممكن اضحك وهاد عنجد حاله نفسيه وفي الامتحانات اشي تاني ههههههههههههه اشويه واكل اصابعييي هههههههه والمشكله انا مابخبي اشي في قلبي على الساني بحكيه انا بصراحه مو شايفه عيب الواحد يروح على معالج نفسي لانو الحياه صعبه وكلها هموم ومصايب الله يبعد عنا الهموم اجمعين ...

تسلم العسل ....
نسيم الخلد
11-03-2009, 11:23 PM
القصة مش إنو يفشي السر و لا يحتفظ فيه
المشكلة بنظرة المجتمع لهاد الشخص إنو بروح ع طبيب نفسي يعني مجنون عنده خلل بمخه

هاد الشي طبعا سئ بس كتير بخلي الناس ما يروحوا و آخرتهم رح ينجنوا فعلا أو يعملوا شي بحالهم

كلام سليم جدا

حتى في من اصدقائه لمن يتخانقه معه بيصيروا يعايروه ويحكوله يا مجنون
ع اقل شي بيصيروا يعايروه
فكيف لو عرف المجتمع
ههههههههههههههههههههه
رح تبقى فضيحته بجلاجل
ويمكن تنزل بالجرايد



دمتم بخير
قاهر الصعاب
11-12-2009, 01:06 PM
الاخت الكريمة المشكلة عندنا نحن المجتمع العربي النظرة السلبية للطب النفسي اما عند الغرب فهم يراجعون الاطباء النفسيين اكثر من باقي الاطباء .
والنفس البشرية تمرض كما يمرض الجسد كذلك فان معظم الامراض سببها نفسي.
والمشكلة عندنا انه حتى المثقفين والمتعلمين يقولون ان مريض الاكتئاب او القلق مجنون ( يعني نحن شعب متخلف)، طيب ليش الغرب ما بخجلوا يراجعو الطبيب النفسي مع انهم اكثر حضارة وتقدما منا ، اما نحن العرب مع ضعفنا فنخجل من الذهاب للطبيب.

يعني اذا مشكتك يا اختي هموم ومشاكل متراكمة بامكانك زيارة مركز ارشادي أو الاتصال بارقام المساعدة النفسية وهي كثيرة .
دموع الغربة واشواق العودة
11-13-2009, 05:34 PM
هههههه هداك اليوم كنت بحكي لماما بدي اروح ع طبيب نفسي ..انا مع ..مش عيب الواحد يلجأ لدكتور نفسي ومش بس للحالات هاي ..في حالات كتير غير هيك ..بتحتاج انسان صاحب عقل وخبرة وعيي بالاسباب الي وصلتك لهاي المرحلة الي خلتك تيجي لعندو ..انو يفهمك ويمكن بمجرد ما يحكيلك كلمتين تحس حالك با احسن حال لانو انت عارف وضامن انو لمن تطلع من عندو رح تكون منيح ..الضغوطات الي بنتعرضلها في الحياة ..والحيادية والصدمات وممكن الناس لمن تسمع انو احنا بنروح ع طبيب نفسي بيفكرو ..واااااو هاد عندو مشكلة كبيرة او مجنون او حلات نفسية وا اكتآب او ..او ..او .. ومابيفكرو انو المشكلة ممكن تكون بسيطة جدا وحلها سهل ..انا مؤيدة انو الواحد يروح طبيب نفسي بس ..انا عن حالي بخبي عن الناس ومابحكي الا للمقربين كتييير زي صحباتي ....انا لسا ماحكيت كل اشي عندي راااجعة .......موضوع راااائع وفكرة جديدة ومفيدة ..منووورة ياعسل
.:.!دموع الرحيل!.:.
11-13-2009, 07:19 PM
فعلا نظرة المجتمع للشخص الي بيرتآد العيادآت النفسيه

ظآلمه ..

مـع أنـه برأيي شي طبيعي ..

يعني يمكن الناس الي مش مرضى نفسيا بالدنيآ قلال هههههههه

ووين الغلط لمآ الوآحد يحتآج لطبيب نفسـي ..

في أشخاص ما عندهآ قدرة وطآقة تتحمل الأزمآت

بتقوم بتتأثر نفسيا ..

وهالشي مش عيب ..

..

انا مع الفكرة لمآ يستدعي الأمر ..

والوآحد يكب كلآم الناس ورآ ضهره

لأنه الناس شو مآ عمل الوآحد رح تضل تحكي ..

يشوف مصلحته وبـس ..

ومع ذلك الله لا يحوجنآ ..

مع التنويه إلى أنـه القرآن والإسلآم أكبر عيآدة نفسيه

لكن لا مآنع من الاستعآنه بالعلم كمـان ..

يعطيك ِ العافيه حبيبتي ، اشتقتلك :)
السيف عدي
11-13-2009, 07:22 PM
ازا الواحد مجنون ممكن يروح مش غلط .. ^_^
.. ليآل ~
11-13-2009, 07:33 PM
لسه بدنا فت عدس زي مابيئولوا مشن نئدر نفهم ونستوعب الدور المهم الي بيئدموا الطب النفسي للمجتمع

ومتلا ما ئالت دموع الرحيل ،،، ئلال الي بالدنيا مش محتاجين طبيب نفسي

ضغوط الحياه والكبت الي بنعاني منو ،، والخوف من الفضفضه والحكي كلو بيسبب ازمات نفسيه تجاوزها صعب

//

الي بيحتاج دكتور نفسي يروح ،،، ويتمرد على عادات المجتمع ويكب ور ضهرو

الناس لو شو ماصار بيضلهم يحكوا

|:

يسلمو حبيبتي ،،
حنين04
11-14-2009, 03:28 PM
شكرا لجميع ردودكم


بدي أضيف أنه الطبيب النفسي عنه حياديه وهدا أهم شي يعني رح يحكيلك شو غلطك ويبينلك وين الصح عشان تعمله يعني لو حكيت لحدا من أهلك عن غلطه غلطتها وندمان عليها وبدك تخلص منها بشكل نهائي للأسف ما رح يفهموك ورح يبلشو بالواحد بهادل لو حكيت لحدا من أصحابك المقربين يمكن كمان ما يفهموك وتتغير نظرتهم الك ويمكن اذا كانو مش كتير مخلصين يمكن بالعربي " يعزرو عليك"




لهيك أحسن حل بدل ما تتضايق كتير وتحس حالك رح تنفجر"لا قدر الله"


تروح لطبيب نفسي


ولا شو؟؟؟؟:ShababSmile240: