المساعد الشخصي الرقمي

مشاهدة النسخة كاملة : ماذا لو كنت أنت (أبو أحمد)؟؟ أو أنتِ (أم أحمد)!!

هادي
10-29-2009, 04:38 PM
http://files.shabab.ps/store/1/091029125727SYFy.jpg


(للموت مكان فوق الأرض)
أناسٌ يُقتلون كل لحظة .. لكنهم لا يُدفنون ... (أبو أحمد): أبٌ لأربعة أطفال .. شبلٌ وثلاث زهرات، يسترق قوت أطفاله من دمه ، يعمل (حمالاً) في سوق الخضار المركزي، عبر عشر سنواتٍ مضت، استطاع أبو أحمد أن يبني له بيتاً بسيط (غرفتان) يلتصق بهما مطبخٌ صغير، وحمّامٌ أصغر، كان ذلك على مساحة لا تزيد عن الثلاثمائة متر، ورثها عن والده المرحوم، بجانب ما يُسمى (بموستوطنة كريات أربع غرب الخليل).
كباقي الكادحين يعود أبو أحمد متأخراً لمنزله، يتغلب على جسده المُرهق ليداعب أطفاله برهةً ويقتات بما قسّم الله، وما أن يًصلي صلاة العشاء، حتى يغط في نومه من شدة التعب.

(أبو أحمد، زوجته وأطفاله، لا حق لهم في التواجد على هامش الحياة)!!!!
الساعة الثانية بعد منتصف الليل، أبو أحمد وعائلته، يفيقون من نومهم مفزوعين على صوت ضرباتٍ شديدة على بابا منزلهم الهش .. ويتبعها@_@صوت ينطق بلهجة مكسره: إفتح الباب.. جيش الدفاع الإسرائيلي...، يفتح أبو أحمد الباب (تحت صرخات التهديد بهدم المنزل على من بداخله)، وتنهال عليه شتائم الصهاينة، قبل أن يتدخل ضابط القوة ليأمرهم بالسكوت، ـأبو أحمد يتنفس الصعداء، هناك من يريد أن يتحدث معهـ ـ!! ويبادر الضابط بالحديث الممزوج بلكنة الاستهزاء: أمامك نصف ساعة لإخلاء منزلك قبل الهدم.. وكل من يعارض سيُعتقل، أبو أحمد يحرك لسانه بصعوبه من شدة هول الصدمة: لدي أطفال في الداخل!!! يجيبه الضابط بكل سخرية: مضت دقيقين من النصف ساعة.. هيا تحرك ..
(أبو أحمد) بين دموع زوجته وأطفاله، وبين تهديد السلاح، يحاول إخراج ما أمكنه من متاع بيته، وفي تلك اللحظات سمع أبو أحمد صرخات جيرانه .. (الله أكبر...)، فعرف أنهم هبّوا لنجدته... وما هي إلا لحظات حتى سمع أزيز رصاص متواصل (كانت تلك تغطية من الجنود لدخول الآلية التي ستهدم بيته)، وسارع الجنود لتقييد أبو أحمد ووضعه مع زوجته وأطفاله بعيداً عن بيته ...
هُدم بيت أبو أحمد.. لكن قبل الهدم ، مرات الآلية الضخمة على ما استطاع أبو أحمد إخراجه من بيته ( في أقل من النص ساعة)...

(ما يُدمي الدمع)
إن هناك المئات من أبو أحمد، تسلموا قرارات بالهدم، قد يبيتون الليلة تحت سقوف بيوتهم .. وغداً مع أبو أحمد ..
في كل فلسطين .. هناك معركة على الأرض .. كل ساعةٍ لا تخلو من هدم منزلٍ، أو إقتلاع شجرة، أو قتل فلسطيني...
أم الوليد
10-29-2009, 04:45 PM
مممممممممم لومافكرنا انو حنكون مكانهم مش حنعمل شي ببساطة:ShababSmile223:...دوم لازم نفكر بغيرنا لانو صحيح هلا مش ام احمد بس بكره بجوز اكون...وبعدين معك:ShababSmile250:...موااااااضيعك رائعة وانسانية جدا...:ShababSmile240: والله هاد حال كتير ناس مش بس ابوأحمد ومرتو...وابومحمود وأبو علي وأبو فارس ...الله يخلصنا من هالاحتلال ويعوضهم قصور في الجنة:ShababSmile240:
عين فلسطين
10-29-2009, 05:25 PM
يعطيك العافيه امجد

انا متاكده انو الكل فكر بابو احمد وام احمد لكن شو قدامنا غير النضال
الدعاء سلاحنا ما قدمنا غير ندعيلهم
هادي
10-31-2009, 10:59 AM
مممممممممم لومافكرنا انو حنكون مكانهم مش حنعمل شي ببساطة:shababsmile223:...دوم لازم نفكر بغيرنا لانو صحيح هلا مش ام احمد بس بكره بجوز اكون...وبعدين معك:shababsmile250:...موااااااضيعك رائعة وانسانية جدا...:shababsmile240: والله هاد حال كتير ناس مش بس ابوأحمد ومرتو...وابومحمود وأبو علي وأبو فارس ...الله يخلصنا من هالاحتلال ويعوضهم قصور في الجنة:shababsmile240:


.. تسلمي أم الوليد .. (مش حنعمل شي)، بس عالأقل بنحاول نعيش مشاعر إنسان تُدمر حياته أمام عينيه، (يكفي أن نعيش تلك الحالة، لنعرف مدى المعاناة التي يعيشها المئات من أبو أحمد)، فكل العالم ضج من تهديد ات الصهاينة في القدس، ولا يوم يخلو من هدم منازل منازل للفلسطينيين!! (وخاصةً في القدس): ما يُسمى بمحكمة العدل الصهيونية تُقدم للفلسطيني خيارين: إما أن يهدم هوَ منزله ويدفع غرامة ثلاثين ألف شيكل، أو تقوم آليات الجيش بهدم منزله منزله ويدفع غرامه سبعين ألف شيكل...
هادي
10-31-2009, 11:05 AM
يعطيك العافيه امجد

انا متاكده انو الكل فكر بابو احمد وام احمد لكن شو قدامنا غير النضال
الدعاء سلاحنا ما قدمنا غير ندعيلهم
يسلمو عين:
مجرد تفكيرنا بأبو أحمد وأم أحمد ودعائنا لهم، يعني أننا ننتظر اللحظة التي نقدم فيها كل ما نستطيعه لهم .. (التعبئة الثقافية ـ التحريض ـ أهم أسباب النهوض)
( وحرض المسلمين)


:ShababSmile240:
Arabian girl
10-31-2009, 12:05 PM
الي رجعه :)
هادي
10-31-2009, 12:53 PM
الي رجعه :)
وأنا كمان إلي ...

:ShababSmile250:
ولو برضو (نورتي) شيفرة موريس:ShababSmile233:
أم الوليد
10-31-2009, 01:26 PM
.. تسلمي أم الوليد .. (مش حنعمل شي)، بس عالأقل بنحاول نعيش مشاعر إنسان تُدمر حياته أمام عينيه، (يكفي أن نعيش تلك الحالة، لنعرف مدى المعاناة التي يعيشها المئات من أبو أحمد)، فكل العالم ضج من تهديد ات الصهاينة في القدس، ولا يوم يخلو من هدم منازل منازل للفلسطينيين!! (وخاصةً في القدس): ما يُسمى بمحكمة العدل الصهيونية تُقدم للفلسطيني خيارين: إما أن يهدم هوَ منزله ويدفع غرامة ثلاثين ألف شيكل، أو تقوم آليات الجيش بهدم منزله منزله ويدفع غرامه سبعين ألف شيكل...

هاد قصدي أمجد...انو لو ماسمعنا قصتهم ...مش حنعمل شي...ولازم نسمع ونتابع كمان...وحتى الواحد يحس بنعمه ربو كمان عليه...الله يعينهم ويصبرهم
هادي
10-31-2009, 01:32 PM
هاد قصدي أمجد...انو لو ماسمعنا قصتهم ...مش حنعمل شي...ولازم نسمع ونتابع كمان...وحتى الواحد يحس بنعمه ربو كمان عليه...الله يعينهم ويصبرهم

صحيح ملك .. نورتي ..

:ShababSmile240:
عفواً الشف ملك:ShababSmile240:
مآهينآز
10-31-2009, 03:25 PM
مممم

أمجد لآ مكان هُنا لِكلمة [ لو ] ..

غالباً ما أعتدنا أن نضع أنفسنا مكان الأخرون >> خاصة أصحاب المِحن والشدائِد

لِنُلآمس مُعاناتهم ونَحمد اٌللهُ على حالنا ، ونحاول مُساعدتهم بِقدر الامكان

..

لَكِن فى حالة ابو أحمد ، وأم أحمد >> وأمثالهم ,,

اعتقد ان كلمة لو ...... !!!

ستجعلنا نتخيل ماذا كُنا سنفعل فى ذات الموقف ,,

وَليسّ هُناك إلا خيارين ..

والخيارين .. اسوأ مِن بعض !!

..

هُناك مِئات مِن أبو احمد وأم أحمد .. والكُل يعرف ذلك !!

نريد ان نستبدل [ لو ] بـ [ لـ ]

نُريد أن نبنى امة لـ ابو احمد وام احمد

نُريد ان نبنى امة تخلو مِما تعرض له ابو احمد وام احمد

..

اٌلدعاء سّلآح ..!!

نعم ولكن الدعاء وحده لن يبنى الامة التى نُريدها ، نحن وعائلة أحمد ،

..

أمجد ,, نصُ جميل

دُمت ودام قلمك يُسطر واقع نأمل ان يكون للأفضل يوماً

إحترامى :)
أم الوليد
10-31-2009, 03:29 PM
صحيح ملك .. نورتي ..

:ShababSmile240:
عفواً الشف ملك:ShababSmile240:

:ShababSmile240:انت الوحيد الي رفعت معنوياتي واعتمدتني شيف..لهيك الك طلب من عندي كيكة لآي مناسبة عندك ..:ShababSmile250:ومجانا :ShababSmile250:
هادي
10-31-2009, 04:17 PM
مممم

أمجد لآ مكان هُنا لِكلمة [ لو ] ..

غالباً ما أعتدنا أن نضع أنفسنا مكان الأخرون >> خاصة أصحاب المِحن والشدائِد

لِنُلآمس مُعاناتهم ونَحمد اٌللهُ على حالنا ، ونحاول مُساعدتهم بِقدر الامكان

..

لَكِن فى حالة ابو أحمد ، وأم أحمد >> وأمثالهم ,,

اعتقد ان كلمة لو ...... !!!

ستجعلنا نتخيل ماذا كُنا سنفعل فى ذات الموقف ,,

وَليسّ هُناك إلا خيارين ..

والخيارين .. اسوأ مِن بعض !!

..

هُناك مِئات مِن أبو احمد وأم أحمد .. والكُل يعرف ذلك !!

نريد ان نستبدل [ لو ] بـ [ لـ ]

نُريد أن نبنى امة لـ ابو احمد وام احمد

نُريد ان نبنى امة تخلو مِما تعرض له ابو احمد وام احمد

..

اٌلدعاء سّلآح ..!!

نعم ولكن الدعاء وحده لن يبنى الامة التى نُريدها ، نحن وعائلة أحمد ،

..

أمجد ,, نصُ جميل

دُمت ودام قلمك يُسطر واقع نأمل ان يكون للأفضل يوماً

إحترامى :)
يا سلام عليكي ماهيناز ..
بصراحه (ومع الأسف) لساتنا ما وصلنا لما بعد الشعور بالآخر، لهيك كان هدفي محاولة التسلسل لمشاعر القاريء، حتى يتسائل مع ذاته ( ماذا لو كنت أنا أبو أحمد)!!
لأن الخبر أو الأمر بعمل ما، لا يكون ذا جدوى إن لم يتفجر عن قناعه ذاتيه وبدافع ذاتي، هلأ ما شا الله عليكي إنتي تجاوزتي هاي المرحله .. ويا ريت الكل يكون متلك .. مرورك فعلاً رائع

:ShababSmile240:
أم الوليد
10-31-2009, 04:18 PM
أمجد مش بس هون بدي همتك بقضية الأسرى
هادي
10-31-2009, 04:26 PM
:ShababSmile240:انت الوحيد الي رفعت معنوياتي واعتمدتني شيف..لهيك الك طلب من عندي كيكة لآي مناسبة عندك ..:ShababSmile250:ومجانا :ShababSmile250:
أنا ما جاملتك .. حئيئي .. لوحه فنيه .. خاصة الكريما الزرئا والشوكلاته الصدف ..
بس حرام عليكي .. يعني بنضل نشوف صور .. صور .. راعي مشاعرنا شوي .. يعني إللي بينمو أفقياً بيكون بحب هاي الشغلات

:ShababSmile250:
كيكة بمناسبة ممممممممممممممم مممممم ممممممم مممممم
أهه .. بمناسبة إنو أرب شهر تنين:ShababSmile240:
Arabian girl
10-31-2009, 04:31 PM
حسبي الله ونعم الوكيل
معك حق في كتير من ابو احمد
وانا بعرف قصة صارت مع احد اقاربي
راحت زوجة خالي عشان تزور اهلها بفلسطين ومرة وهمو بالبيت (بيت اهلها )اجو اليهود ليهدمو البيت واولادها الزغار جوا
اخلو البيت وهي ما بتعرف انو بدهم يهدمو لسة وكانو الزغار نايميين واجو اليهود بدهم يهدمو البيت فهيي انصدمت و حكت لليهود انهم جوا وبدها تروح تجيبهم (للزغار )
بس همو حكو خليهم وكانو حيهدمو البيت فوقهم و هيي ما ردت ودخلت طلعتهم بعدين هدمو البيت

فهادي هي الحال
وما فينا نحكي غير حسبي الله ونعم الوكيل
يعطيك العافية امجد :)
أم الوليد
10-31-2009, 04:33 PM
انا الي بدي منك معناها قرب ميلادي بشهر 11 بدي تصميم مميز يليق بعيد ملك...خلص تكرم عطيني تاريخ ميلادك لفكرلك بشي مميز من هلا...وبصورها الك تكرم عيونك ..

سلامة قيمتك أمجد(لاتنمو أفقياولاشي) سحبتو بس عشان خاطرك
هادي
11-01-2009, 04:34 PM
حسبي الله ونعم الوكيل
معك حق في كتير من ابو احمد
وانا بعرف قصة صارت مع احد اقاربي
راحت زوجة خالي عشان تزور اهلها بفلسطين ومرة وهمو بالبيت (بيت اهلها )اجو اليهود ليهدمو البيت واولادها الزغار جوا
اخلو البيت وهي ما بتعرف انو بدهم يهدمو لسة وكانو الزغار نايميين واجو اليهود بدهم يهدمو البيت فهيي انصدمت و حكت لليهود انهم جوا وبدها تروح تجيبهم (للزغار )
بس همو حكو خليهم وكانو حيهدمو البيت فوقهم و هيي ما ردت ودخلت طلعتهم بعدين هدمو البيت

فهادي هي الحال
وما فينا نحكي غير حسبي الله ونعم الوكيل
يعطيك العافية امجد :)
نورتي عربيه ..
اليهود ما فيهم غير الحقد والنقمه على الآخر، والله بيتفننوا في تعذيب الفلسطينيين ..
وزي ما حكيتي حسبنا الله ونعم الوكيل
هادي
11-01-2009, 04:43 PM
انا الي بدي منك معناها قرب ميلادي بشهر 11 بدي تصميم مميز يليق بعيد ملك...خلص تكرم عطيني تاريخ ميلادك لفكرلك بشي مميز من هلا...وبصورها الك تكرم عيونك ..

سلامة قيمتك أمجد(لاتنمو أفقياولاشي) سحبتو بس عشان خاطرك
ما تئلئي (أصلاً أنا حبيت أمزح بس)!! كمـــــــــــااااان تصميم .. هالمره تأكدت إنك بتستغليني

:ShababSmile222: العمر كلو ملك .. بيكفي وجودك معنا .. (أحسن من ألف كيكه):ShababSmile250:
إنتي اعملي كيكتك وصوريها .. واحنا بنحكيلك .. كل عام وانتي بألف خير...
أم الوليد
11-02-2009, 07:23 AM
ما تئلئي (أصلاً أنا حبيت أمزح بس)!! كمـــــــــــااااان تصميم .. هالمره تأكدت إنك بتستغليني

:ShababSmile222: العمر كلو ملك .. بيكفي وجودك معنا .. (أحسن من ألف كيكه):ShababSmile250:
إنتي اعملي كيكتك وصوريها .. واحنا بنحكيلك .. كل عام وانتي بألف خير...

ااااااااااااااااااااااها انا الي بستغلك:ShababSmile229:....له له له :ShababSmile223:...مابستاهل كيكة:ShababSmile111:
هادي
11-04-2009, 12:15 PM
ااااااااااااااااااااااها انا الي بستغلك:ShababSmile229:....له له له :ShababSmile223:...مابستاهل كيكة:ShababSmile111:
إنتي عارفه إني بمزح .. ولو ملك أحلى تصميم

:ShababSmile240:
دمعة نصر
11-04-2009, 12:37 PM
السلام عليكم
لا يسعني أن أقول غير حسبي الله ونعم الوكيل
اسد 22
11-04-2009, 12:50 PM
حسبنا الله ونعم الوكيل


إن مع العسر يسرا

ربنا يعوض ابو احمد وام احمد قصر في الجنة امين



ويصبرهم
هادي
11-04-2009, 01:00 PM
دمعة نصر
أسد
:ShababSmile240:
نورتو
دموع الغربة واشواق العودة
11-04-2009, 04:04 PM
بس لو افهم لمتى واحنا على هالحال ..لمتى والله الناس تعبت ..بمجرد قراءة هالكلام قلوبنا صارت تنزف الم ..فكيف لو عشنا هاي اللحظات في الملايين من ابو احمد وام احمد مش بس بفلسطين وحتى برة فلسطين ..احنا بنقدر نعمل كتير كتييير ..بس احنا مقنعين حالنا انو احنا مابنفهم واحنا مابنقدر ..الواحد مش عارف هل هو قدر العالم انو القوي ينام بجسمو التقيل ع الضعيف ..هل قدر النا ..انو ننظلم في كل حياتنا ..ومانلاقي النا وطن وين مارحنا ..هل قدر الناس انو لازم تكون ياظالم يا مظلوم ....ام انو بنقدر نغير ونعمل فرق كبييير ..هل ممكن يكون بيوم من الايام القوي الظالم = الضعيف الفقير ..ان شاء الله بعوضهم الله بقصور في جنان الاخرة احسن من الف بيت في الدنيا ..مشكور اخي امجد
أم الوليد
11-04-2009, 05:32 PM
إنتي عارفه إني بمزح .. ولو ملك أحلى تصميم

:ShababSmile240:

:ShababSmile221:بعرفك مزوء:ShababSmile240:ومابتقصربكفي انك الراعي الرسمي لطلبات ملك:ShababSmile221:

كل شوي أمجد بدي توقيع:ShababSmile235:أمجد بدي تصميم::ShababSmile224:أمجد بدي مباركة وتهنئة ومدري شو:ShababSmile116:(حاسة بالآخر رح تحكي بطلت صمم وغيرت اسمي بسببك :ShababSmile233:)
هادي
11-05-2009, 01:29 PM
بس لو افهم لمتى واحنا على هالحال ..لمتى والله الناس تعبت ..بمجرد قراءة هالكلام قلوبنا صارت تنزف الم ..فكيف لو عشنا هاي اللحظات في الملايين من ابو احمد وام احمد مش بس بفلسطين وحتى برة فلسطين ..احنا بنقدر نعمل كتير كتييير ..بس احنا مقنعين حالنا انو احنا مابنفهم واحنا مابنقدر ..الواحد مش عارف هل هو قدر العالم انو القوي ينام بجسمو التقيل ع الضعيف ..هل قدر النا ..انو ننظلم في كل حياتنا ..ومانلاقي النا وطن وين مارحنا ..هل قدر الناس انو لازم تكون ياظالم يا مظلوم ....ام انو بنقدر نغير ونعمل فرق كبييير ..هل ممكن يكون بيوم من الايام القوي الظالم = الضعيف الفقير ..ان شاء الله بعوضهم الله بقصور في جنان الاخرة احسن من الف بيت في الدنيا ..مشكور اخي امجد
دموع .. نورتي المنتدى من جديد ..
لا مش لازم تتعبي دموع، هلأ ممكن احنا مش آدرين نقدم أكتر من هيك، بس بيكفي إنو نحمل الرسالة من جيل لجيل حتى يتم التحرير إللي ربنا وعدنا فيه.
دموع: لما عمل اليهود المجازر وهجَّروا أهل فلسطين للخارج، كانوا يراهنوا على إنو اللاجئين يتوطنوا ويذوبوا في المجتمعات، بس اليوم الفلسطيني المولود خارج فلسطين بيحلم بالرجعه لأرض أجدادو ..
(حقنا لا يسقط بتواتر الأجيال)
هادي
11-05-2009, 03:03 PM
:ShababSmile221:بعرفك مزوء:ShababSmile240:ومابتقصربكفي انك الراعي الرسمي لطلبات ملك:ShababSmile221:

كل شوي أمجد بدي توقيع:ShababSmile235:أمجد بدي تصميم::ShababSmile224:أمجد بدي مباركة وتهنئة ومدري شو:ShababSmile116:(حاسة بالآخر رح تحكي بطلت صمم وغيرت اسمي بسببك :ShababSmile233:)
ما تحكي هيك ملك .. أنا إللي أُخت وحده .. ومعك صرتوا تنتين

:ShababSmile303:
أم الوليد
11-05-2009, 03:12 PM
ما تحكي هيك ملك .. أنا إللي أُخت وحده .. ومعك صرتوا تنتين

:ShababSmile303:

:ShababSmile229:شرف الي:ShababSmile240:ماعندي اخوة شباب لان :ShababSmile240:
دموع الغربة واشواق العودة
11-05-2009, 03:13 PM
دموع .. نورتي المنتدى من جديد ..
لا مش لازم تتعبي دموع، هلأ ممكن احنا مش آدرين نقدم أكتر من هيك، بس بيكفي إنو نحمل الرسالة من جيل لجيل حتى يتم التحرير إللي ربنا وعدنا فيه.
دموع: لما عمل اليهود المجازر وهجَّروا أهل فلسطين للخارج، كانوا يراهنوا على إنو اللاجئين يتوطنوا ويذوبوا في المجتمعات، بس اليوم الفلسطيني المولود خارج فلسطين بيحلم بالرجعه لأرض أجدادو ..
(حقنا لا يسقط بتواتر الأجيال)
بس اليوم الفلسطيني المولود خارج فلسطين بيحلم بالرجعه لأرض أجدادو ..
اخي امجد كلامك حلو كتير .بس المشكلة اني بشوف عكس هالكلام تماما ..بالنسبة للمجتمع الي بعيش فيه ..الناس مستغنية عن فلسطين و دخلو بمجتمعات تانية ..وصارو بدهم يتوطنو وفش احد سائل ع فلسطين ..وهاد الكلام مابينطبق علي انا عن حالي مستغنية وبضحي بروحي كرمال اشوف فلسطين ثانية وحدة ..بس المشكلة في اجيالنا القادمة ..الي تربو ع اساس غلط ..واعز الناس الي مش سائلة ..بس حسبي الله ونعم الوكيل ..شكرا الك اخي
هادي
11-05-2009, 03:38 PM
بس اليوم الفلسطيني المولود خارج فلسطين بيحلم بالرجعه لأرض أجدادو ..
اخي امجد كلامك حلو كتير .بس المشكلة اني بشوف عكس هالكلام تماما ..بالنسبة للمجتمع الي بعيش فيه ..الناس مستغنية عن فلسطين و دخلو بمجتمعات تانية ..وصارو بدهم يتوطنو وفش احد سائل ع فلسطين ..وهاد الكلام مابينطبق علي انا عن حالي مستغنية وبضحي بروحي كرمال اشوف فلسطين ثانية وحدة ..بس المشكلة في اجيالنا القادمة ..الي تربو ع اساس غلط ..واعز الناس الي مش سائلة ..بس حسبي الله ونعم الوكيل ..شكرا الك اخي
أنا ما انولدت بفلسطين، وما كنت اعرفها .. بس كان لما حد يحكي كلمة فلسطين، اعرف انها وطني (مع اني طفل)، وكنت أسأل امي دائماً: متى بدنا نروح عفلسطين..
سدئيني حتى لو بين عليهم انهم مش مهتمين (في الحئيئة فلسطين بقلوبهم)، وبالنهاية بدهم يعيشوا حياتهم.. وهيك إنتي بتضحي بروحك كرمال ثانيه تشوفي فيها فلسطين ..
ويا رب تشوفي فلسطين قريب..