شهدائكم هنا..

[PaLeStiNe FlOwEr]

http://rooosana.ps/Down.php?d=bJ5N


بفلسطين استشهدوا كتيييييييييييير ناس ان كانوا بغزة او غيرها من مناطق في منهم بنعرفهم وفي منهم لأ ،،،

و طبعا أغلب الأعضاء عايشين بفلسطين الحبيبة حتى لو مو عايشين فيها الا ما يكون عندهم أقارب فيها...


فحابه من الأعضاء يجاوبوا ع هي الأسئلة وان شاء الله ما تضايقوا منها.. :ShababSmile233:



1-في حد من أسرتك استشهد؟؟ :ShababSmile111:


2- في حد من أقاربك استشهد؟؟ :ShababSmile111:


3- في حد من أصدقائك استشهد؟؟ :ShababSmile111:


4- من جيرانكم؟؟ :ShababSmile111:


5- من أبناء صفك أو مدرستك؟؟ :ShababSmile111:


6- كيف تلقيتوا الخبر؟؟ :ShababSmile111:


7- أكيد كل الشهدا بتعز علينا بس مين أكتر شهيد عز عليك إن كان بقربلك أو لا؟؟ :ShababSmile111:


8- دعوة للشهداء وللأسرى وأهاليهم... :ShababSmile233:


9- أي قصة حابة تحكوها عن شهيد صارت معكم :ShababSmile111:



بس ان شاء الله ما تكونوا تضايقتوا من الأسئلة وما أكون رجعت المأسي والزكريات الحزينة :ShababSmile256:


http://rooosana.ps/Down.php?d=P8E0

[عاشقة فلسطين..]

راائع الموضوع
بس مين بك يبلش؟؟!!!

[أم الوليد]

مممم الحمدلله نلنا هالشرف ابن عمتي محمد العوضي عمرو 17سنة استشهد بحرب غزة الأخيرة كان رايح المدرسة ومارجع اجتو رصاصة عملتلو نزيف بالمخ داخلي وضلت عمتو تدور عليه لنص الليل وبس راحت المستشفى ماعرفتو من وشو لانو تشوه كان عندو الله يرحمو اصبع زيادة برجلو شافتو وضلت عندو يومين ماصحي عليها وطمنوها حالتو استقرت وراحت تجيبلو غراض من البيت وهي عالطريق اتصلو حكولها محمد استشهد والحمدلله

الصقر القسامي البطل (يحيى ) كان رح يكون زوج المستقبل (ان شالله بجنان الخلد يحيى) بعد قراءاة الفاتحة سافر لشغل طارئ وعأساس يرجع بعد أسبوع لكتب الكتاب ، ومارجع الصقر اجتو رصاصة وفات المستشفى واستقرت حالتو وحكو حيطلع ، لكن قدر الرحمن واستشهد الصقر رحمة الله عليه

حبيبتي انتي ماجددتي حزن لانهم عايشين بروحنا وفينا ومستحيل ننساهم واقل مايجب ان تخلد ذكراهم ، رحمة الله عليكم(محمد، يحيى) الله يتقبلكم آآآآآآآآآآآآآآمين

[PaLeStiNe FlOwEr]

راائع الموضوع
بس مين بك يبلش؟؟!!!

انت الأروع :ShababSmile229:

بس هي مو توريطة اي حدا بدو يجاوب يجاوب :ShababSmile116:

[PaLeStiNe FlOwEr]

هلا أم الوليد نورتي الموضوع وشكرا ع ردك....

والى جنان الخلد شهدائكم باذن الله

[PaLeStiNe FlOwEr]

شو وينكم يا أعضاء

[أم الوليد]

تسلمي حبيبتي ويسلم راسك

[حمساوية الضفة]

2- في حد من أقاربك استشهد؟؟

نعــم .. الشهيد : شهاب الدين النتشة .. رحمه الله .. و الشهيد سلمــان رحمه الله


4- من جيرانكم؟؟

براء الكيّالي ... رحمه الله ..


6- كيف تلقيتوا الخبر؟؟

بفرح و صبر الحمدلله و الا ما يكون في حزن لانو الفراق صعب و الله ... نحتسبهم شهداء باذن الله ..

7- أكيد كل الشهدا بتعز علينا بس مين أكتر شهيد عز عليك إن كان بقربلك أو لا؟؟

الشهيد : شهاب الدين النتشة ..

8- دعوة للشهداء وللأسرى وأهاليهم...

نحتسبهم شهداء باذن الله ... بجوار الرسول ..
الله يفك جميع اسرى المسلمين ..


يعطيكِ العافية ...

[PaLeStiNe FlOwEr]

الله يرحمهم حمساوية الضفة

ويخلد روحهم الجنة

[عاشقة فلسطين..]

^_^



1-في حد من أسرتك استشهد؟؟ :ShababSmile111:
لا

2- في حد من أقاربك استشهد؟؟ :ShababSmile111:
آه جدي وأهل جدي يعني جد جد جدي وبعد.~.....!

3- في حد من أصدقائك استشهد؟؟ :ShababSmile111:
لأ الحمدلله

4- من جيرانكم؟؟ :ShababSmile111:
ما بذكر

5- من أبناء صفك أو مدرستك؟؟ :ShababSmile111:
لأ برضو

6- كيف تلقيتوا الخبر؟؟ :ShababSmile111:
تيتا حكتلنا


7- أكيد كل الشهدا بتعز علينا بس مين أكتر شهيد عز عليك إن كان بقربلك أو لا؟؟
واحد بقرب لجدي كان كتيييير منيح وكويس ..:ShababSmile111:

8- دعوة للشهداء وللأسرى وأهاليهم... :ShababSmile233:
اللهم ارحمهم وإغفر لهم

وتقبل شهادتهم

والهم ذويهم الصبر


9- أي قصة حابة تحكوها عن شهيد صارت معكم :ShababSmile111:
ما بذكر والله قصة قصة.~


بس ان شاء الله ما تكونوا تضايقتوا من الأسئلة وما أكون رجعت المأسي والزكريات الحزينة :ShababSmile256:
أكيد
لأ


بالعكس كسبنا أجر بالدعاء إلهم
يعطيكِ ألف عافية يارب

[sadness eyes]

+

لاء فش حدا من اهلي او جيران استشهد لانا برا فلسطين كلنا

بس اخو تيتا وابوها استشهدو هاد اللي بعرفو ئبل الهجره

.. [ بدعيلهم للشهداء ] ..

الله يرحمهم كلهم ونيالهم ان شاالله بالجنه

ويصبر اهلهم ويئويهم

.. [ الاسرى ] ..

الله يفك كل اسير ويطلعو بالسلامه معافه لاهلو يارب

وينصر الفلسطنيه عاليهود

&

يسلمو ايديكي مها موضوع حلو

^.^