الشخص الغامض

[شهد الحياة]

نصادف في حياتنا أشخاص كُثر .. بعضهم نقابلهم لأول مرة ..
فنتفاجأ بأن من أمامنا شخص يحويه بعض الغموض ..

لا تدري عما يدور بنفسه ..
ولا تسطيع أخذ رأيه في أي من الأمور ..
ولا تستطيع معرفة ردات فعله على أمر ما ..

من هو الشخص الغامض في نظرك؟
كيف تحكم على الشخص بأنه غامض؟
ماهي التصرفات اللي تتوقع بأنها غامضه؟

[رولينا]

مشكورة اول شي على الموضوع
شوفي اختي برج انا بطبيعتي بحب الغموض كتيير لابعد الحدود يمكن انا بتجذبني الشخصية الغامضة
بس مو حلو الانسان يكون غامض طول الوقت

الغامض انسان يمكن ما بفصح عن حالو عن هويتو بحب يسمع اكتر ما بحكي ما بحب يعطي رايو الشخصي اللي بيكشف عن هويتو وكتيير شغلات والله بضل يخبيها

بالنسبة لتصرفاتو بكون انسان طبيعي ما فيو شي بس دايما بتحسيه بتجنب قصص كتيير بدور موضوعها عن نفسو يعني بتجنب يحكي عن حالو كتيير لحتاني ما ينعرف وكتيير شغلات مش رح نخلص لو حكينا

للحديث بقية

[~ | Mazaj]

يسلمـو اختــي برج العرب ع الطرح الجميل لهاد الموضوع ^^

اول شي رأيي بالانسان الغامض رأي عادي وطبيعي .. مش بالضرورة اني احاول اعرف هادي الشخصية لانها حياتو وهوا حر فيها .. وبتقبل الأمر بصدر رحب ..

من هو الشخص الغامض في نظرك؟
الشخص الغامض هوا الشخص يلي بيرفض اجابة أسئلة كتيرة وخصوصا لو كانت بدور حول شخصيتو .. ومش بالضرورة يكون الشخص بيحب الغموض او انو غامض بحد ذاتو .. احيانا مجتمعتنا وتقاليدنا بتفرض ع الشخص شوية غموض ...

كيف تحكم على الشخص بأنه غامض؟
من تصرفاتو و افعالو ..

ماهي التصرفات اللي تتوقع بأنها غامضه؟
في الاسم احيانا بيوحي بغموض .. ما بعرف شو كمان .. بس لو واجهتني شخصية غامضة بقدر استنبط منها هادي التصرفات :)

يسلمــو اختــي برج العرب ع الموضوع مرة تانية :)

[ديما الحب]

راي متل فجر الحياة تماما

[شهد الحياة]

تسلمون على المرور

انا موافقه معاكم انه شخص هادئ او لا يحب الاختلاط في الناس وطريقه تعامله مع الآخرين غير واضحه
وفي اشخاص يعتبرون هاي الصفه جذابه فيحاولون يتصنعون الغموض عشان يلفتون الانتباه لهم

[رولينا]

صحيح اختي برج في كتيير ناس بحبو يتصنعو بالغموض

بس يلا الكل حر

يسلمو مرة تانية

[ابن الانتفاضة]

اي والله في كتير ناس بتصنعو الغموض وهم لا غامضين ولا شي بس هيك ، يعني بتقدري من عيونهم تقراي كل افكارهم ، ومن لساناتهم بتسحبي كل اشيائهم وبالاخير قال عشان يتركو في قلبك شي سؤال بيحكو انهم قال غامضين وما بعرف شو ..

[شهد الحياة]

مشكور حنين على المرور

[jikoo]

الشخص الغامض اللي ما حد يعرف عنوا شي

ويكون كل يوم بشكل جديد

[شهد الحياة]

تسلم جيكو ،، منور

[لولو اليبناوية]

اوووووووووه شهد......
شي مش طبيعي.......انا هاد الموضوع.. كنت ايوم ناوية انزلو سبحان الله!!!
على قد مابدور ببالي..!!!
من هو الشخص الغامض في نظرك؟
الشغص الغامض...انا بعتبرو..هوي الشخص الي تصرفاته غريبة ويسلك سولك غريب!!
وليس له سلوك معين او شخصية ثابتة....يعني ممكن تتوقعي منو اي شي...وفي اي وقت ..
كيف تحكم على الشخص بأنه غامض؟
لما ما اقدر احكم على طبيعته....او احدد صفاته...ويكون غريب الطوار...ولا افهمه...
ماهي التصرفات اللي تتوقع بأنها غامضه؟
يعني بشكل عام تصرفات غريبة....وسلوكه مش ثابت..
يسلمووو حبيبتي

[فراشة]

انا بالنسبة الي الشخص الغامض هو اللي بتعامل بالرموز يعني جوابو عقد السؤال وعندوو مبدا خير الكلام ما قل ودل ... وبكوو شايف من الدنيا وكاتم بقلبوو ويفضل ما يحكي شي لحد مهما كان ....

[مؤيد]

من هو الشخص الغامض في نظرك؟
كيف تحكم على الشخص بأنه غامض؟
ماهي التصرفات اللي تتوقع بأنها غامضه؟

أولا ً عن نفسي ... فيي القليل من الغموض

بالنسبة للغموض ، ما تفكرو إنو أنا غامض كتير بشكل بخوف ، بالعكس أنا صريح وكل الناس بتعرفني ، بس بحتفظ بشوية أشياء خصوصية الي وأسرار ، يعني غموضي طبيعي وما بخوف ، بالعكس غموض ايجابي معتدل ومتوازن وعقلاني ..

يعني في أسئلة وأمور خاصة بس ما بقدر أجاوب عليها ،،، مثل من تحب؟ ،وماذا قلت لها وماذا قالت لك ؟ وشو صار بينكم ؟ ... كمثال يعني . فهذه أسئلة مستحيل أجاوبها ..

" من هو الشخص الغامض في نظرك؟ "
حسب درجة الغموض عنده ، ولكن الشخص الغامض هو قد يكون فيه نوع من الأنانية ، وحب الذات ، والرغبة في التميز والإختلاف عن الآخرين .

" كيف تحكم على الشخص بأنه غامض؟ "
من خلال سلوكياته وتصرفاته والتحدث معه .

" ماهي التصرفات اللي تتوقع بأنها غامضه؟ "تصرفات يعملها الغامض دون رغبة منه بأن يعرفها غيره .

لذلك فكل انسان فينا له درجة من الغموض تختلف عن غيره ، والغموض بالنسبة لي يبقى ايجابيا ً طالما كان في حدود المعقول وفي حدود المنطق والعقل .

شكرا الك شهد الحياة على موضوعك الغامض

[نور اليقين]

الغموض ساعات بيبقى جادبية للشخص
يعني لما شخص فضولي بيقابل شخص غامض ففضولو بيخليه يحاول يتقرب منو
الشخص الغامض بيبقى تحدي
الكل بيحاول يحل غموضو عشان يربح التحدي
معرفتك بيه بتبقى حاجه جميلة عشان على طول فيه اكشن معاه
مع شخص عادي بتكتفي تسمع لكلامو عشان تحكم
مع الشخص الغامض بتستخدم كل حواسك
بسمعلو بعقلك و قلبك
بتتبع حركات عينيه , ايديه , جسمو , كل حاجه فيه و هو بيكلمك
بتحاول تحللو و تفهمو صح
بيخليك تشغل دماغك معاه جدا و لما بتفلح و بيبقى رايك في محلو بتبقى فرحان عشان حققت انجاز
مش ضروري الشخص الغامض يكون انطوائي او غير اجتماعي
الذ انواع الناس الغامضة بيكونو اجتماعيين جدا و على طول مع الناس
ديما بيتكلمو و ليهم مواقفهم
بس متقدرش تحكم عليهم و لا تتوقع تصرفاتهم
و متقدرش تصنفهم ضمن خانة معينة
بالنسبالي غموضهم ميزتهم
و احلى حاجه هي الغموض