مشكلة ظهرت بعد الزواج وتحتاج الي حلولكم

[قسامي غزة]

http://rooosana.ps/Down.php?d=sPo3


كيف حالكم اخواني واخواتي الكرام

حوالي قبل 3 شهور في الي صاحبي تزوج ومن بعدها بطل يبين
ومبارح شفته وقعدنا نحكي انا واياه
وبصراحة حكالي عن موضوع هوا مزعجه جدا ومش عارف كيف يتصروف وبحكيلي شو الحل
وانا حكيت الوا الحل بوجهة نظري بس حابب اسمع رأيكم بخصوص هالموضوع

بحكيلي لما بديت أعلن للجميع انوا بدي أتزوج بدأت المشاكل بالنسبة لي
والمشاكل عبارة عن انوا عماتوا يعني خوات ابوه بدهم يزوجوه بناتهم
هما تنتين وانا بعرف انوا رافض الزواج من قريبة الوا
وما في كلام علي بنات عمتوا بس هوا مش حابب يتزوج من قرايبوا
وما بدو يوجع راسوا بهيك مواضيع
والامر تطور انوا أبوه وقف في وجهوا طبعا هاد بايعاز من عمانوا انهم ما بدهم ياه يتزوج غريبة
والمهم الموضوع مشي وهوا تحداهم في النهاية ومشي الي براسوا
والموضوع ما انتهي لحد هوون

طبعا الي حكيتوا هاد مقدمة للمووضوع اما الموضوع الرئيسي هوا انوا لما صاروا عماتوا
ييجوا يزوروه طبعا ما بشوف منهم غير التكشيرة
وبالخصووووووص في وجه زوجته
وقاعدات الها زي الحماوات وما بتشوف منوا غير التكشيرة
طبعا هوا ساكن في شقة عند اهلوا وكتير عماتوا بزوروهم
ولما يروحوا عماتوا بتدخل زوجتوا بغرفتها وبتقعد تبكي
لانها شايفة معاملة سئية جداً من عماتوا
مع انوا البنت ما الها بكيد النسوين هاد
وهاد الموضوع عامل اله أزمة بصراحة

فكان جوابي علي هاد المووضوع
حكيت الوا خلي زوجتك تعاملهم بما يرضي الله يعني لما ييجوا تقدم الهم الواجب
وتقعد معهم وتضحك في وجهم وما تكشر
وانها ترد الاساءة بالحسني
وانا متاكد لو استمرت هيك راح تغير مواقفهم

فرد عليه وهاد هوا الي بيصير
بس زوجتوا مش مستحمله هاد الوضع مع انوا حكي لعماتوا هاد قسمة ونصيب ونصيبي هاد البنت
كمان نسيت احكي شغلة انوا لما يروح يزور خواتوا او المقربين منوا
اخته مثلا بتحكي الوا انوا عمتوا حاكية زوجتك في ايش احسن من بنتي
ولسا بنتي احسن منها
وكل ما يروح مشوار يروح متنكد
حتي انوا بحكيلي الي خاطر اطخهم واتريح منهم
وامه مريضة كتير ومش قادرة تناهد في عماتوا وبتحكيلوا اصبر وسيبك منهم
بس الواقع يختلف عن الكلام

فانا اترك لكم ساحة النقاش واي رد ممكن الاقيه مقنع هأنقله الوا واحكيه الوا

[.: بو جاسم :.]

والله ياخوي هالموضايع مواضيع الزواج والاقارب ... مواضيع كبيرة وتحتاج الى دقة وتفكير مناسب .... واعتقد ان رايك واقتراحك عليه هو الانسب لهالموضوع .... وعسى الله يعينه ... ويوفقه

مشكور اخوي

[إيمـان]

الله يعينو ويعينها...عنجد مسكينه..

..عمــآآتو.. بدهم يجوزه بناتهم غصبن عنو..طيب بنات عمتو رضين.ولا شو.. واله غصبن عنهن هما التنتين..

..ادآ..بنات عمتو موراضين يحكو احنا مابدنا اياه..لامهاتهم..علشان.ينخسفو عماتهم..ويسكتو..

وخلي الشب ..يعيش حياه منيحه ..بعدين الجوازه بل الزور..في ناس لحتى هلآ..هيـك..الله يعينو..

[فلسطينيه والراس مرفوع]

:ShababSmile111:

مشكـــلة !

فعلا مشكلــــة ..

يعني زنبها البنت انو اتجوزها وما اخد بنات عمتـــــو ؟

للأســف كتير في ناس هيـــك

ما برضو بحكم الله وقسمتـــهـ

بدهم بالزور يعملو اللي برآسهم..

بس من وجهة نظري..

زي ما انت حكيــت .. تعاملهم منيــــح .. تبتسم لما اتشوفهـــم ..

اتضل منيحة معهــم وايكــون دايما الحق معهـــآ ..

ما تغلط عليهم بركي استحو ع دمهم :ShababSmile111:

وعاملوها متل النـــآس .. !

أو هو خليه يحكي معهـــم .. ويفهمهم انو هاي البنت ما الها زنب باللي بعملوهـ

حرام بردو تنظلم هيـــك :ShababSmile223:

بس الله ما بنسى حدآ

ازا ضلو معها هيــــك .. كلو بتلاقيه عند ربهــآ

بس تتحمـــلهم ..

بعينو الله صاحبـك خيو قســآمي غزة

وين ما رحت في منها هالمشــآكل :ShababSmile239:

[دموع الفرح]

الواحد لما يشوف مصيبة غيره بتهون عليه مصيبته

رأي مثل ما حكيت أخي قسامي
وهاد نصيبه لازم يصبرو على عماتوا
وربنا يوفقهم وتنحل المشكله
كل التحيه

[Anonymous Gril]

طيب لو سوّت متل ماحكيت حضرتك وزادوا تكشير في وجهها.. شو تعمل؟؟

أنا برأيي .. إنها تعملهم بالحسنى نعم لكن تصارحهم باللي جواها..

عشان شوي يخفوا عليها ..

ما نفع معهم.. تصبر عليهم وهو يصبر كمان ..

ما نفع ..

زوجوا وحدة من بناتهم وفكوهم .. طبعا برضا مرته..

ما نفع .. مالهم غير الصبر والدعاء..




شكلي ما حتزوج ازا هيك هيصير معي..

[أم الوليد]

كااااااااااااارثة قسامي متل مشكلتي تقريبا كانت عمتو بدها تزوجني لابنها الافندي وبس رفضت عملت لي فرح
وكبرت القصة مع كل عمامي وصارت العدوات في العيلة ليش بنتك ملك خانوم ترفض ابني؟؟؟وليش مدري شو؟؟؟

هااااااااااااااااي قسمة ونصيب وهو تزوج عسنة الله ورسولو يصل رحمو اه ، بس يوضع حد جذري للموضوع وواااااااااااااااااضح انو اخترت فلانة وانتهى الأمر وتزوجتها وخلصنا مافي داعي للقيل والقال لازم يحط حد لهالحكي مرتو مالهاذنب وهو ياخد موقف جاد منهم

والله المستعااااااااااااااااااااااااااااا ن

[Arabian girl]

برأيي انو يشرح لعماتو وجهه نظرو ويحكيلهم انو المشكلة مو ببنات العم
وانها المشكلة نظرتو من الزواج من الاقارب
وغير هيك يخلي زوجتو تزور عماتو وتتصاحب مع بنات عمتو ازا بيقدرو
يعني ازا كانو البنات راضيين واتصاحبت زوجتو معهم
ما في دعي يضلو عماتو زعلانين
يعني لو يقعد معهم يوم لحالو هو وعماتو بدون مرتو وبنات عماتو ويحكي معهم ويطيب خاطرهم ويحكيلهم انو مرتو ما بسير يعاملوها هيك لانو ما الها ذنب ومن هالحكي ..
وان شاء الله ازا عماتو فهمو عليه وكبرو مخهم (بدون اهانة ) بتنحل المشكلة
بس ع كل الله يهديهم
يعطيك العافية قسامي :)

[PaLeSt!Ne SouL]

اخته مثلا بتحكي الوا انوا عمتوا حاكية زوجتك في ايش احسن من بنتي
ولسا بنتي احسن منها


أول شي لازم نعرف القاعدة الذهبية عند الأمهات
" القرد بعين أمه غزال


طكيب لو بناتها ما في زيهم ليش لهلأ ما حد انبلى فيهم!!!!

الله يعينها

هلأ تعاملهم بالحسنى

ما زبط تعاملهم بغير الحسنى

في ناس ما بتيجي إلا بالعين الحمرا

[εïз ملآكـ εïз]

ههههههههههههههههه دمعهـ تعجبيييني

سهل ع الكلـ يقول " تعــآملهم منيح و تصبر ".. بس لمن تضل تتعرض لهالموقف و يضلوا يزوروها كتير ما رح تقدر تتحمل و لو عندهــآ صبر ايـــووبـ ..

بجد كتير صعبهـ ..

حلكـ مية المية قســآمي بس برضو لازم تقـــ}ؤلـ لصــآحبكـ انو يورجي العيلة انو هالحكي ما بقبلو ابدآ ع زوجتو .. و يفهمهم انو كتير هيكـ عليهــآ

و لو بدهم يضلوا هيكـ يبطلوا هالزيــآرات الي ما الها طعمة و يشوفوا ابن اخوهم برآ ببيوتهم بدون مرتو ازا بدهم ينكدوا عليها

بعدينـ ازا مو حابينهــآ لشو يزوروهـآ يعني مو فاهمهـ !؟

زعلتـ عليها و الله .. بجد انو كيد النسوآنـ عظيم

[أم ريان]

بيعين الله يعني هما مش مؤمنين بالنصيب بس زي ما حكيت رائيك انت صح ومضبوط
واخرهم اخرهم راح يقتنعووو ويرضو بالي صار
بس لو هوه شطور بياخد زوجتوو وبيروح على عماتو وبيحكي الهم هي زوجتي شو بدكم يعني اطلقها من الاخر كان هما بيخجلو ع حالهم وبيبطلو يدلللو ع بناتهم
وبيعين الله

[شموخ انسان]

اسمع يا سيدي
الناس الي زي هيك(عماتو)
مع احترامي غلطانين

هاد الدنيا قسمة ونصيب
والزواج عشرة عمر
اذا هو ما بحب بنات عمو مش لازم يتجوزهن
واذا هو بحب بنت واتجوزها (مهو طبعا متجوزها)

لازم يحطها بعينيه
ويحكي لااهلو وعماتو بالاخص انو الزواج مش غصب
ولا تكريه
وانو زواج القرايب بسيي مشاكل

ولازم يحترمو القرار الي اخذو بزواج زوجتو وانهم غلطانين بمعاملتها بهالطريقة

واذا بقدر ياخذلو شقة بعيدة شوي عنهم ويريح راسو


واسمع اذا ضلين عماتو متنحات وديلي اياهن وانا بدبرهن
سلام

[نور الهدى]

اظن انه في كثير اشياء متراكمة جوات كل طرف في الموضوع .. و احسن شي يقعدوا مع بعض و يطلعوا كل شي

لانه زوجته الحالية الكل عارف انه ما رح يطلقها طبعا .. لكن يمكن في براس عماته موال

مين عارف .. يمكن عم يمارسوا عليه ضغط لحتى يتزوج على مرتو الحالية بس ليرتاح ..

يمكن رح تحكوا اني ببالغ .. لكن صدقني كيد النسوان اكبر من هيك بكتير

و يمكن يآذوا زوجته بطرق كتيرة ..

لذلك

اقتراحي هو انه يعمل اجتماع عائلي و يحكوا بالموضوع .. بكل صراحة

كل واحد يطلع اللي جواته .. و هو لازم يصبر لانه ممكن يطلع من عماته و ابوه كلام قاسي

و اكيد بعد ما يحكوا رح يتوصل لحلول نهائية منها :

1- اللي بده يزور عشان يكشر و يعمل مشاكل بلاش منها زيارته .. يقعد ببيته احسن

2- زوجته ما رح يتخلى عنها .. و مش رح يفكر يزيد واحدة من بنات عماته

3- بلاش يقولوا انه بده يقطع رحمه لانه الكل عارف انهم ما بيوصلوا الرحم الا للمشاكل .. فالنية اصلا غلط

اعتقد بعد هيك رح يستحوا على حالهم

و ازا ما استحوا

يطخهم احسن :ShababSmile221:

[مآهينآز]

كلآم نور الهدى 100% صح

إجتماع عائلى وتتصافي النفوس إن شاء الله

:

إحترامى قسامى :)

[قسامي غزة]

كلامكم عين العقل والله
وراجع ارد عليكم واحد واحد
وانا متابع ردودكم كلها

[&نسيم الروح&]

الحئيئه انه هي المشكله باغلب البيوت

بس انتا حلك صحيح بس صعب كتير عليها خصوصا انه همه بكشروا بوجها طول الوئت احسن شي اطنشهم خصوصا ازا كان مفهمها الئصه شو وبعدين هو يحكي مع عماته بوجهم انه هي مرته وكرامته من كرامتها وازا ما بدهم يحترموها كانهم ما بحترموا

بهي الحاله بئدر يخلي مرته بس يجوا ما تتطلع من بيتها لتستابلهم الا ازا كانت مضطره

على العموم الحل الافضل انه يحكي معاهم ويفهمهم انه هاد نصيبه وبناتهم رح يجيهم نصيب احسن منه يمكن وتسكت وبلا جدبنه لانه بجد هاد هبل ال بدي ياه لبنتي يعني انا شفت ناس بدها بنات لولادها اما ولاد لبناتها شو احنا وين عايشين

[هادي]

( إن كيدهن عظيم)
قسامي إنت أعطيت حل ( بس حل صعب أكيد)، الحل التاني هو قلة الإحتكاك معهم، (الباب إللي بيجيك منو الريح سدو استريح) .. وأكيد رح تتغير نفسياتهم مع مرور الوقت.

[قسامي غزة]

والله ياخوي هالموضايع مواضيع الزواج والاقارب ... مواضيع كبيرة وتحتاج الى دقة وتفكير مناسب .... واعتقد ان رايك واقتراحك عليه هو الانسب لهالموضوع .... وعسى الله يعينه ... ويوفقه

مشكور اخوي



مزبوط كلامك
وكتير بنسمع عن هيك مواضيع
والي هوا سببها
انوا الناس ما بتقتنع بالقسمة والنصيب
وهاد من ضعف الايمان
وربنا يعينه
نورت اخي بو جاسم

[قسامي غزة]

الله يعينو ويعينها...عنجد مسكينه..

..عمــآآتو.. بدهم يجوزه بناتهم غصبن عنو..طيب بنات عمتو رضين.ولا شو.. واله غصبن عنهن هما التنتين..

..ادآ..بنات عمتو موراضين يحكو احنا مابدنا اياه..لامهاتهم..علشان.ينخسفو عماتهم..ويسكتو..

وخلي الشب ..يعيش حياه منيحه ..بعدين الجوازه بل الزور..في ناس لحتى هلآ..هيـك..الله يعينو..

يارب
في هاد المواقف يا ايمان بكون الزواج تقليدي
يعني الام الي بتشوفه مناسب لبنتها بتقنع بنتها فيه
هيك بتصير الامور في هذه الحالات
والله الشب هوا الا بتمناه انوا يعيش حياته مبسوط ومرتاح
بس الله يسامح عماتوا
عاملين الوا مشاكل

[قسامي غزة]

:shababsmile111:

مشكـــلة !

فعلا مشكلــــة ..

يعني زنبها البنت انو اتجوزها وما اخد بنات عمتـــــو ؟

للأســف كتير في ناس هيـــك

ما برضو بحكم الله وقسمتـــهـ

بدهم بالزور يعملو اللي برآسهم..

بس من وجهة نظري..

زي ما انت حكيــت .. تعاملهم منيــــح .. تبتسم لما اتشوفهـــم ..

اتضل منيحة معهــم وايكــون دايما الحق معهـــآ ..

ما تغلط عليهم بركي استحو ع دمهم :shababsmile111:

وعاملوها متل النـــآس .. !

أو هو خليه يحكي معهـــم .. ويفهمهم انو هاي البنت ما الها زنب باللي بعملوهـ

حرام بردو تنظلم هيـــك :shababsmile223:

بس الله ما بنسى حدآ

ازا ضلو معها هيــــك .. كلو بتلاقيه عند ربهــآ

بس تتحمـــلهم ..

بعينو الله صاحبـك خيو قســآمي غزة

وين ما رحت في منها هالمشــآكل :shababsmile239:



مزبوط اختي
كتير مشاكل من هاد النوع
والسبب قلة الدين لانوا ما في عندهم الايمان بالقسمة والنصيب
ومرتوا غلبانة بس بدها رضاهم
بس عماتوا مفتريات شوية
بس انا برايي عماتوا بعملوا هيك من الصدمة لانوا ما مشي علي كيفهم
بعد هيك بسلموا بالامر الواقع
بعين الله اختي
نورتي

[شمس العروبة]

صحيح المثل اللى بيقول انو الاقارب عقارب

بعدين فى مسالة الجواز بالذات الواحد المفروض بيتركها للنصيب

بالنسبة لمشكلة صاحبك يا قسامى فالموقف دة كتيير بيحصل وحصل معاية

لكن الوضع دة مش هايطول بس هى زوجة صاحبك عليها انها تصبر وتقابل سوء معاملتهم بالحسنى

والايام كفيلة انها تنسى .... وربنا يعينها

[.. ليآل ~]

مممم


بتصور انو المسأله مسأله وقت مش اكتر

هي تحاول تضلها منيحه

وماتحتك فيهم الا عند الضروره

وبعد فتره راح يتعودوا على وجودها ويتقبلوه ويخضعوا للأمر الواقع

مايكبر صاحبك المسأله

راح تآخد وئتها وتروح بحالها

الله يسعدو ويوفئو ،، وانت معو

تسلم على موضوعك

[همسة العشاق~]

انا رايي انو هاد صاحبك يحكي لعماتو انو يعاملو مرتو منيح وما يحكو عنها ويكون صريح مع عماتو بلكي حسن شوي وعقلن

او يرحل من بيت اهلو ويسكن ببيت مستقل وهيك رح تخف زيارة عماتو الهم وترتاح مرتو شوي

[قاهر الصعاب]

انا رايي حازم شوي بحكم ان عندي تجربة مشابهة

الحل اذا كان الشاب متزوج في بيت بعيد عن اهله ما في داعي ياخذ زوجته لبيت اهله تكون عماته الحاقدات متواجدات .

انا مثلا يوجد قريبات كثر حاسدات لي وزوجتي لاني لم اخذ بناتهم والحل عندي الي بعاملني باحترام بحترمه والي بعاديني بعاديه وما بتواصل معاه وهيك انا عامل .
والي بيعتدي على زوجتي بكون الفراق احسن؟؟؟

[قسامي غزة]

الواحد لما يشوف مصيبة غيره بتهون عليه مصيبته

رأي مثل ما حكيت أخي قسامي
وهاد نصيبه لازم يصبرو على عماتوا
وربنا يوفقهم وتنحل المشكله
كل التحيه



مزبوط اختي هاد نصيبوا
بس انا برايي ما يصير انوا يترك الحبل لعماتوا
ويعملوا الي بدهم ياه براحتهم
لازم يوقفهم عند حدهم لو زودوها اكتر من هيك
يعني قلة احترام زوجتو من قلة احتراموا
وانا ما برضي اترك الهم الحبل لو كنت مكانه
وربنا يهديهم


طيب لو سوّت متل ماحكيت حضرتك وزادوا تكشير في وجهها.. شو تعمل؟؟

أنا برأيي .. إنها تعملهم بالحسنى نعم لكن تصارحهم باللي جواها..

عشان شوي يخفوا عليها ..

ما نفع معهم.. تصبر عليهم وهو يصبر كمان ..

ما نفع ..

زوجوا وحدة من بناتهم وفكوهم .. طبعا برضا مرته..

ما نفع .. مالهم غير الصبر والدعاء..




شكلي ما حتزوج ازا هيك هيصير معي..


ههههههههههههه
ان شاء الله بتتزوجي
كلامك صحيح اختي
انها تعاملهم بالحسني
يمكن يستحوا علي دمهم شوية
ولكن الي بستحي بكون بستحي من ولها
وربنا يصلح حال عماتو


كااااااااااااارثة قسامي متل مشكلتي تقريبا كانت عمتو بدها تزوجني لابنها الافندي وبس رفضت عملت لي فرح
وكبرت القصة مع كل عمامي وصارت العدوات في العيلة ليش بنتك ملك خانوم ترفض ابني؟؟؟وليش مدري شو؟؟؟

هااااااااااااااااي قسمة ونصيب وهو تزوج عسنة الله ورسولو يصل رحمو اه ، بس يوضع حد جذري للموضوع وواااااااااااااااااضح انو اخترت فلانة وانتهى الأمر وتزوجتها وخلصنا مافي داعي للقيل والقال لازم يحط حد لهالحكي مرتو مالهاذنب وهو ياخد موقف جاد منهم

والله المستعااااااااااااااااااااااااااااا ن


مزبوط اختي
وهاد الي بيصير انوا اذا البنت رفضت قريبها
بتصير مصيبة ليش ترفضوا
ايش هوا فيه عيب
وهدول عاملين مثل المثل الي بيحكي الجمل ما بيشوف عوجة رقبته
ممكن يكون هاد الشب ما بيصلي
وممكن يكون مش محترم
وهاد كلوا ما بعرفوه
وكل شي بالنهاية بيرجع قسمة ونصيب
والله المستعان

[PaLeStiNe FlOwEr]

هو المفروض يا انوا يطلع يسكن ببيت تاني او زي رأي الأعضاء انوا يعملوا اجتماع..

وبدي احكي شغلة هو لو اتزوج بنت من بنات عماتوا ما رح تنتهي المشكلة بالعكس حتصير مشكلة تانية من عمتوا التانية لأنها حتنقهر وتضايق انوا لي ما أخد وحدة من بناتها هي وشو مختلفات بنات أختها عن بناتها..

عنجد الله يعينوا ويعين مرتوا... وهو لازم يعمل حد لإلهم يعني كرامة مرتوا من كرامتوا

تقبلوا مروري

[اسيرة النجوم]

انا صايرة لالي هالمشكلة يا قسامي


انا زوجي كان خاطب بنت عمو لمدة سنة وكانو خلاص راخ يتزوجو بس ما صار نصيب

زالبنت بتحب زوجي كتير

وانا هلا دايما بتقابل معها ومع امها الشريرة

اللي بتعمل لالي اعمال الله يسامحها فيهم

بتصير تسمم فيني

بس انا بعاملها بالحسنى وما بهتم فيها ولقول انا مشان زوجي وعمو الطيب ما راح اهتم فيها

وبالاخر انا الربحانة انا ربحت راجل وهما خسروه :ShababSmile250:

يعني ما بيهموني اصلا وما بحاول ازعل روحي على ناس حسودين غيورين قلالات زوء :ShababSmile229:

يعني فش احلا مني وفش احسن مني وما ببكي بنوب على ناس فارغين مش مامنين انو النصيب نصيب :ShababSmile108:

يعني حالي بحالها وبقول ما تزعلي خيتو روحك هما ما بدهم غير يدايقوك انت وزوجك

ويعيشوك في النكد ما تعطيهم فرصة وكوني واتفة في نفسك :ShababSmile224:

يسلمو طسامي عالموضوع


:ShababSmile116:

[دموع الغربة واشواق العودة]

ييييه علينا ...مسكين هالولد ..زعلتني عليه ..مممممم طيب لو صار معي نفس الموقف .الي صار لمرتو...اول مرة لا حرام بعاملهم باحترام وبادب تاني مرة نفس الاشي ..تالت مرة لالالالالالا لهون وبس ..بوقفهم عند حدهم ..بفكر في اي طريقة تخليهم يبطلو يدخلو داري ...بكشر في وجههم وبعاملهم بنفس الطريقة ...على كل الاحوال ..القواعد المتخلفة هاي انا مابحبها ..مش شرط عماتو يجوزو ع كيفهم ..ياعمي الشغلة قسمة ونصيب ..(((او فكررررة يجيب عرسان لبنات عماتو ويخلص ))))....خخخخخخ فكرة حلوة صح ..مافي اشي كامل مكمل ..في كل جوازة في اشي مرة بتكون حماتو للولد غولة ..ومرة بيكون ابوها وحش ..ومرة بتطلع ام الولد لئيمة ..وخخخخخخ هالمرة عماتو غولالالات ..الله يعينو ...مشكوووور وسلالالالام

[رميت الصور]

السلام عليكم ورحمة الله تعالى وبركاته.أخي رأيك صواب خلي صاحبك يأنس زوجتو ويصبرها حتى هو لازم يعامل عماتو بالحسنى ويهديهن هدايا يمكن يرقوا ويلينوا ويكثر من الدعاء وهاي مكاتيب الله كاتبلو هيك والدنيا فانية فلا حال يدوم راح يجي يوم ويتغير حالو للأحسن.وقلبي معاه ودعواتي الو بالفرج القريب.قولوا آمــــــــــــــــــــــــــــــين.

[مو أي شي]

بعتقد انو بقول بوجهه عماتو الشريرات بحلو عنو وعن مرتو لانو الصراحه راحه

وبلكي بفتك من هالمصيبه

[نسمة بلادي]

الله يعين الناس ع عقولها كيف بتفكر

أوافق الاغلبية بالرأي

بس لازم الزوج يحط حد للموضوع بطريقته

وما بعد الصبر يأتي الفرج