المساعد الشخصي الرقمي

مشاهدة النسخة كاملة : عريس من غزة!!!

أم الوليد
10-21-2009, 07:34 AM
صباااااااح الخير:


قبل ماابدأ بالحكي بدي احكيلكم انو بقدر كل فرد بغض النظر عن منطقتو ، وخصوصا شباب غزة عراسي من فوق:ShababSmile240:
فكلنا فلسطينية بالنهاية ، خان يونس، الضفة ، الخليل ، غزة كلنااااااااااا بشر مسلمين هاد المهم
والي حكيتو مابعبر عن وجهة نظري الخاصة أبدا لكن نقلتو الكم متل ماصار!!!


كنت بجلسة بنات ونبحكي عن الخطاب والعرسان ، وبحكيلهم في حد من عيلة فلان........ تقدم لي...فحكوا ها من غزة!!!!

حكيت :اه وشو يعني؟؟؟؟

حكت: ميمي أنتي تاخدي واحد من غزة!!!!!!!!!!!!!!!

هون انا كبرت القصة براسي وحبيت افهم وجهة النظر؟؟؟؟شويعني مش مهم فلسطيني!!!!!:ShababSmile239:

صاااااااااااروا البنات لا ملك اياكي مابنفع هدول كذا وكذا وأوصاف غرررررررريبة وعيوب عجيبة!!!!:ShababSmile235:

وبلشوا يقسموا المناطق أنو لاتاخدي غزواي ولا بدوي ولا مدري شو!!!!:ShababSmile235:

معناها العيب فينا كشعب اذا لسه بنفكر انو هاد من هون او هناك!!!!!
:ShababSmile223:
طب كلنا واحد ، ومابعيب حدمنا منطقتو ابدا!!!

وخصوصا غزة( الي بحترم شبابها وبنحني الهم احتراما كمان ) او اي شعب تاني مش هدول نفسهم الي وقفوا بوش الحصار!!!!

وانتصروا بالفرقاااااااااااااان!!!:ShababSmil e240:

ساعتها كان الكل يفخر فيها لغزة!!!!

أما هلا خلص!!!!!

ماااااااااااااابعرف كتير تدايئت من الموضوع وحبيت شوف رأيكم!!!

(لولا انو عندي وجهة نظر بموضوع الزواج لكنت وافقت بس قهرة فيهم) حسيتهم تااااااااافهين جدا!!!
PaLeSt!Ne SouL
10-21-2009, 07:38 AM
لي عودة
أم الوليد
10-21-2009, 08:03 AM
لي عودة

أكيد بانتظارك حبيبتي
.. ليآل ~
10-21-2009, 05:07 PM
طبعاا ماحدا بيئدر ينكر انو هالشي ضرب من ضروب التخلف والجهل

والتعميم الغبي على الأفراد الي بيكون سببها تجربه فاشله ،، وعلى اساسها تم القياس والتعميم

ونوع برضو من الجاهليه والتعصب القبلي

كتير بئابل هيك نوعيات ،، بس مابتعب نفسي بالنقاش معاهم ،، لانو بمجرد مايحكو هيك بيتبينلي تفكيرهم السطحي

هم مابيعرفوا انو بهالشكل المجتمع صار مقسم لجماعات ومتل ماهم عم يخضغوا مجموعه من الافراد لصفه وحده ،، كمان هم عم يتعمم عليهم صفات اكيد ماراح يكونوا مبسوطين لو سمعوها


//

طرح موفق ملك يا ئمري

ع ـــالعافيه يارب
عين فلسطين
10-21-2009, 05:08 PM
صراحة هاد هبل وقمه السخافة
ما بحكي هيك عشان انا غزاوية بحكي بوجهة نظر الفلسطينية
حتى في بنات من غزة بيحكو اخد ضفاوي يعني هاي الاشياء صراحة تخلف
هاي كلها اشيا سخيفة
طيب ازا من نفس البلد وبتعيبو كيف لو طلع من غير بلد هاي شو رح تعمل

الحمدلله ع نعمت العقل
أم الوليد
10-22-2009, 07:39 AM
طبعاا ماحدا بيئدر ينكر انو هالشي ضرب من ضروب التخلف والجهل

والتعميم الغبي على الأفراد الي بيكون سببها تجربه فاشله ،، وعلى اساسها تم القياس والتعميم

ونوع برضو من الجاهليه والتعصب القبلي

كتير بئابل هيك نوعيات ،، بس مابتعب نفسي بالنقاش معاهم ،، لانو بمجرد مايحكو هيك بيتبينلي تفكيرهم السطحي

هم مابيعرفوا انو بهالشكل المجتمع صار مقسم لجماعات ومتل ماهم عم يخضغوا مجموعه من الافراد لصفه وحده ،، كمان هم عم يتعمم عليهم صفات اكيد ماراح يكونوا مبسوطين لو سمعوها


//

طرح موفق ملك يا ئمري

ع ـــالعافيه يارب


:ShababSmile240::ShababSmile240::Sh ababSmile240:
أم الوليد
10-22-2009, 07:40 AM
شرفتي حبيبتي عين فلسطين حكيك مظبوط
.:.!دموع الرحيل!.:.
10-22-2009, 12:39 PM
للأسف يا ام الوليد

هي آفـة جميع الشعوب !!

وهي وبآء طآعن في جذور أبنآء أمتنآ للأسف ..

رغم مآ جآء به الإسلام من محو للتعصب القبلي .. ومآ كآنت

عليه القبائل في الجآهليه

صحيح من المستحسن انه الوآحد ياخد الأقرب لبيئته ..

لكن مش معنآهآ إذا ما اتفقنآ بالعادات والتقآليد

الثانوية إلى حدا مآ

يعني الطرف الآخر ( شي مقزز ) أو مش من مستوانا

استغفر الله العظيم

لو كنآ منفهم الإسلام صح .. مآ حكينا هالحكي ..

الله يكون بالعون

ويرزق هالأمـة الإلتزام بتعاليم الإسلام الكاملة

الي ( المشهد الي حكيتي عنه فوق )

ما بمت إله بصلة نهائيآ ..

..

الله يفرجهآ يا أم الوليد

ونحن النا دور بهالأمور انه نوعي الي حوالينآ

والي بفكرو بهالطريقة .. ونفهمهم

انه الإنسـان بتقواه وأعماله

مش بـ نسبته للمكآن !!

وإن اختلفت العادات والتقآليد

فـ الإختلاف بالنهآيه ( فن ) و ليس آفة

فـن يجب علينا التعامل معه !!

مش ذمه بهالشكل !!

,,

الله يعطيك ِ العافيه أم الوليد
أم ريان
10-22-2009, 01:26 PM
اول شي مشكورة ع الموضوع
بنظري هاد الي بيفكر هيك قمه في الجهل والتخلف وشو يعني من غزة ولا من خان يونس ولا من جباليا كل الناس خير وبركه بس للاسف الوضع هاد هوه الي سائد عنا وخصوصا المجادله متلا ما بيعطو غزازوة او الجباليه يعني مالنا احنا الغزاويه
تقبلي مروري اختي
PaLeSt!Ne SouL
10-22-2009, 01:50 PM
إحم إحم

السلام عليكم

هلأ لو كان الفلسطيني مغترب ما بيفرق معه من وين بلد الأصل
مثلا أنا بنت عمي تزوجت واحد أصله من بيت حانون


لكن للي مقيمين بفلسطين شي مختلف

مثلا كل واحد بيعطي لنفس بلده

و أكتر ناس معقدين الموضوع المجادلة

جارتنا مجدلاوية راحت تخطب لابنها
شافت بنت و عجبتها

لما عرفت إنها مش مجدلاوية بطلت

كتير في هيك قصص

كمان البدو ما بيعطوا فلاحين لو شو ما صار

هلأ هاد بيكون تخلف و احيانا بكون لهم وجهة نظر

يعني ما برفض كونه أصل هيك او من هذه المدينة

بس بيضل العادات و التقاليد اللي بين البلد الواحد بتسهل التفاهم و العشرة بين العيلتين

بس بصراحة مع إحترامي لكل المجادلة

على شو شايفين حالكو؟؟
مرة واحد سمعته بقول و الله بجوز اختي لزبال مجدلاوي و لا لمهندس و لا دكتور من بلد تاني


شو رايكم
هادي
10-22-2009, 02:09 PM
موضوعك غايه في الأهمية أم الوليد:
وزي ما تفضلوا إللي سبؤوني، هاد مرض في كل المجتمعات، بس أنا شوي مستغرب إنو يعني عريس من غزه لا!!!!!!!! طيب ليه؟
الرسول عليه السلام قال: إذا أتاكم من ترضون دينه فزوجوه.
إلا لو كانت في مواصفات محدثه للعريس، (كلها تفاهات أكيد)، هاد ما بيعني إنو شباب غزه مش زي بائي الشباب، هاد لو ما كانوا أحسن!!!
مشكلتنا إنو ممكن نحكم على مجتمع كاما من تصرف فرد ( وهادي هي المصيبه)!!!
وتسلمي ملك
أم الوليد
10-22-2009, 03:42 PM
موضوعك غايه في الأهمية أم الوليد:
وزي ما تفضلوا إللي سبؤوني، هاد مرض في كل المجتمعات، بس أنا شوي مستغرب إنو يعني عريس من غزه لا!!!!!!!! طيب ليه؟
الرسول عليه السلام قال: إذا أتاكم من ترضون دينه فزوجوه.
إلا لو كانت في مواصفات محدثه للعريس، (كلها تفاهات أكيد)، هاد ما بيعني إنو شباب غزه مش زي بائي الشباب، هاد لو ما كانوا أحسن!!!
مشكلتنا إنو ممكن نحكم على مجتمع كاما من تصرف فرد ( وهادي هي المصيبه)!!!
وتسلمي ملك

والله ياأمجد مابعرف وانا فعلا لولا اني رااااافضة الزواج حاليا لكنت وافقت ، يمكن الفكرة المأخوذة عن شباب غزة انهم صعبين شوي وقاسين وحكيهم شوي غيروظروف البلد الصعبة والحصار، وحكيك مظبوط العائلات الغزواية الي هوووووووووووووووون مختلفة كتير عن عندكم وعطت صورة للأسف سيئة كتيييييييييير عن أهل غزة :ShababSmile239:

يعني بالنسبة الي انا من يافا مثلا وولدت وتربيت ببلد خليج يعني مدللة (لهيك يمكن البنات خافو علي من جو غزة ورجالها ليكون قاسي ومايتحمل طلباتي) مع انو البنت هي الي لازم تتحمل ظروف زوجها شو ماكانت وتعودو عليها ...بس شوبدنا نحكي عقلهم ناقص وتفكيرهم سطحي، شباب غزة زينة شباب فلسطين عراسي غزة وأهلها ...:ShababSmile240:
إيمـان
10-22-2009, 04:15 PM
http://files.shabab.ps/vb/images_cash/up11/091022141552fqSn.gif

هههههههههه((الله يقطع هبل الناس)) هععععععععععع .....


عادي ..غزاوي..شو يعني غزواي..والله صح دائما البنات هيك..اكونو الغزاوي جاي من وين...هه هاد جنون بقر الله يشفيهم..||17.. اجاها واحد غزواي..بل العكس الكل ..رحب فيه وهو عمرو كمان 21 يعني لساتو صغير.. وهلأ هيه خطيبتو شو يعني غزاوي مو من لحم ودم بل العكس..اشرف ناس الغزوايه..وهم تحديدا فلسطنيه..انا مو من غزه بس اهل غزه مافي منهم ... وكل بلد فيهـآ..الصالح والطالح..بكفي انهم رفعو راسنا..والله بتشرف اخد غزاوي..وتحديدا فلسطيني..

ام الوليد.. انتي قمر منتدنا.. الله يحي آصلك..http://files.shabab.ps/vb/images_cash/up11/091022141552fqSn.gif
أم الوليد
10-22-2009, 04:22 PM
http://files.shabab.ps/vb/images_cash/up11/091022141552fqSn.gif

هههههههههه((الله يقطع هبل الناس)) هععععععععععع .....


عادي ..غزاوي..شو يعني غزواي..والله صح دائما البنات هيك..اكونو الغزاوي جاي من وين...هه هاد جنون بقر الله يشفيهم..||17.. اجاها واحد غزواي..بل العكس الكل ..رحب فيه وهو عمرو كمان 21 يعني لساتو صغير.. وهلأ هيه خطيبتو شو يعني غزاوي مو من لحم ودم بل العكس..اشرف ناس الغزوايه..وهم تحديدا فلسطنيه..انا مو من غزه بس اهل غزه مافي منهم ... وكل بلد فيهـآ..الصالح والطالح..بكفي انهم رفعو راسنا..والله بتشرف اخد غزاوي..وتحديدا فلسطيني..

ام الوليد.. انتي قمر منتدنا.. الله يحي آصلك..http://files.shabab.ps/vb/images_cash/up11/091022141552fqSn.gif


كلامك مافي منو :ShababSmile240::ShababSmile240:انت ي القمر والزوء كلو حبيبتي:ShababSmile229:
[ Islam ]
10-22-2009, 04:42 PM
هههههههههه

بالناقص
الحان الحرية
10-22-2009, 06:49 PM
هلأ ازا احنا بنحكي هيك و احنا ولاد شعب واحد ..

فما بيحقلنا نلوم الامة ع التخلف اللي هي في و التفرق اللا متناهي ..!

يعني سامحيني ملك بس هدول الناس اللي حكيتي عنهم نظرتهم جدا ً سطحية و تافهة للأمور ..

مش عشان اشي بس انه نربط الجماعة بعمل فرد ..!

يعني هلأ من كل شعب في الصالح و الطالح .. !

و طبعا ً غزة الها شعب و في الصالح و الطالح ..

و متل ما حكو الباقي =)

و أرق التحايا ..!
بنت غزه
10-22-2009, 08:25 PM
كيف بنقدر نحكي راينا وفي نقاط ماعرفناها ؟؟

اولا انتي من وين ؟؟؟ وليش صاحباتك استغربو من العريس

صحباتك متزوجات ولا ؟؟؟؟


بعدين احنا بالاسلام رسولنا قال فيما معناه اذا جائكم من ترضون دينه وخلقه فزوجوه ولا تكون فتنه في الارض


يعني لو كان العريس من ..... وعجبكو اسم عيلته واصله وطلع لابصلي ولا بصوم وبسهر طول الليل بره البيت ومو مريحك شو ساعتها راح ينفع من وين هو


بعدين في ملاحظه ياريت ماتزعلو مني

باللغه العربيه خاصه لغة الكتابه انا بعرف انه كلمة بيقدر بتنكتب بالقاف ....ليش بتكتبوها بال ئ (بئدر)
أم الوليد
10-23-2009, 09:49 AM
هلأ ازا احنا بنحكي هيك و احنا ولاد شعب واحد ..

فما بيحقلنا نلوم الامة ع التخلف اللي هي في و التفرق اللا متناهي ..!

يعني سامحيني ملك بس هدول الناس اللي حكيتي عنهم نظرتهم جدا ً سطحية و تافهة للأمور ..

مش عشان اشي بس انه نربط الجماعة بعمل فرد ..!

يعني هلأ من كل شعب في الصالح و الطالح .. !

و طبعا ً غزة الها شعب و في الصالح و الطالح ..

و متل ما حكو الباقي =)

و أرق التحايا ..!




لهيك طرحت الموضوع وحكيك مظبوط هم هيك يمكن لانهم لسه صغار فبهتمو ا بالشكليات رغم انو في منهم متزوجات وعندهم اولاد ومن عائلات غزواية معروفة جدا ..بس الله المستعان شكرا لمرورك ياقمر
أم الوليد
10-23-2009, 09:55 AM
كيف بنقدر نحكي راينا وفي نقاط ماعرفناها ؟؟

اولا انتي من وين ؟؟؟ وليش صاحباتك استغربو من العريس

صحباتك متزوجات ولا ؟؟؟؟


بعدين احنا بالاسلام رسولنا قال فيما معناه اذا جائكم من ترضون دينه وخلقه فزوجوه ولا تكون فتنه في الارض


يعني لو كان العريس من ..... وعجبكو اسم عيلته واصله وطلع لابصلي ولا بصوم وبسهر طول الليل بره البيت ومو مريحك شو ساعتها راح ينفع من وين هو


بعدين في ملاحظه ياريت ماتزعلو مني

باللغه العربيه خاصه لغة الكتابه انا بعرف انه كلمة بيقدر بتنكتب بالقاف ....ليش بتكتبوها بال ئ (بئدر)


اولا شكرا لمرورك أختي
تانيا انا طرحت الموضوع مش لأعرف رأيكم بالعريس ، طرحتو لنشوف ونفهم ليش نظرتنا كفلسطينية ببعض ، شعب واحد ونظرتو لبعض مختلفة
ثالثا: لو قرأتي ردي رح تعرفي انو ذكرت منطقتي فوق(يافا) أو اذا نظرني بالتوقيع رح تعرفي كمان
رابعا وهو الأهم: انا لو من (هالبنات الي حكيتي عنهم ) (عجبكو اسم عيلتو) ماكنت طرحت الموضوع اصلا !
خامسا واخيرا: اه البنات في منهم متزوجات وعندهم ولاد وأزواجهم غزواية (يعني نتاج تجربة)
السيف عدي
10-23-2009, 04:26 PM
ازا معو مرسيدس بو عيون توكلي عالله ..
&نسيم الروح&
10-23-2009, 04:59 PM
هلا همه غلطانين لانه كل ناس والهم عيوبهم والهم عادات وتقاليد غير حتى لو كانوا نفس البلد والمنطقه بس عيله غير
هلا لو غزاوي بالاردن هاد ما حدا بجوزه بنته لانه ما اله جواز سفر ولا يتملك وكل ما بده يجدد اقامته بده ياكل هوا وانه ولاده زيه بكونوا بتغلبوا كتير

بس اما الغزاويه على سلامتهم بعرف واحده غزويه تئدم لبنتها واحد منهم ما رضت في لانه ال عاداتهم وتقاليدهم صعبه ورجالهم معقدين انا بصراحه ما شفت هاد الشي بالعكس همه رجال بمعنى الكلمه

بس ارائهم تافهه كتير لانه غلط التفكير هيك بعدين يمكن ما ينفعها ينفعك انتي ئضدي بعاداته وافكاره

بس على فكره الغزاويه نفسهم بحكوا على حالهم كتير سمعتها من ناس غزاويه وبحكوا على حالهم اخلائهم صعبه كمان

انا عارفه كل الناس خير وبركه
أم الوليد
10-23-2009, 05:46 PM
شكرا لمرورك ياقمر حكيك بمحلو حبيبتي
Arabian girl
10-23-2009, 06:02 PM
الي رجعه :/
أم الوليد
10-23-2009, 06:03 PM
اكيد بانتظارها حبيبتي
هادي
10-24-2009, 10:01 AM
والله ياأمجد مابعرف وانا فعلا لولا اني رااااافضة الزواج حاليا لكنت وافقت ، يمكن الفكرة المأخوذة عن شباب غزة انهم صعبين شوي وقاسين وحكيهم شوي غيروظروف البلد الصعبة والحصار، وحكيك مظبوط العائلات الغزواية الي هوووووووووووووووون مختلفة كتير عن عندكم وعطت صورة للأسف سيئة كتيييييييييير عن أهل غزة :ShababSmile239:

يعني بالنسبة الي انا من يافا مثلا وولدت وتربيت ببلد خليج يعني مدللة (لهيك يمكن البنات خافو علي من جو غزة ورجالها ليكون قاسي ومايتحمل طلباتي) مع انو البنت هي الي لازم تتحمل ظروف زوجها شو ماكانت وتعودو عليها ...بس شوبدنا نحكي عقلهم ناقص وتفكيرهم سطحي، شباب غزة زينة شباب فلسطين عراسي غزة وأهلها ...:ShababSmile240:
جبتي الخلاصة

:ShababSmile240:
Arabian girl
10-24-2009, 11:07 AM
صراحة انا بالنسبة الي بشوف هادا فكر متخلف
بس الناس لما بيتطلعو ع البلد هادا عشان صفات الاشخاص فيها يعني الصفه السائدة
متلا هديك المرة كنا عم نحكي بموضوع الزواج وقصص وهيك فجبنا سيرة انو الزواج بالخليجي (مع الاحترام )
صارو يحكو البنات انو مستحيل يتزوجو خليجي لانو اكيد حيتزوج وحده تانية وهيك
انو الناس بياخدو فكرة عامة عن اهل منطقة معينة وع اساسها بقررو
وطبعا انا ضد هالشغله
المهم في الانسان شخصيتو وانو تكوني بتقدري تتفاهمي معو وتكون شخصيتك متقاربة من شخصيتو ازا حيكون زوجك

والله يهدي الجميع ^^
أم الوليد
10-24-2009, 03:30 PM
صراحة انا بالنسبة الي بشوف هادا فكر متخلف
بس الناس لما بيتطلعو ع البلد هادا عشان صفات الاشخاص فيها يعني الصفه السائدة
متلا هديك المرة كنا عم نحكي بموضوع الزواج وقصص وهيك فجبنا سيرة انو الزواج بالخليجي (مع الاحترام )
صارو يحكو البنات انو مستحيل يتزوجو خليجي لانو اكيد حيتزوج وحده تانية وهيك
انو الناس بياخدو فكرة عامة عن اهل منطقة معينة وع اساسها بقررو
وطبعا انا ضد هالشغله
المهم في الانسان شخصيتو وانو تكوني بتقدري تتفاهمي معو وتكون شخصيتك متقاربة من شخصيتو ازا حيكون زوجك

والله يهدي الجميع ^^

عييييييييييييييين العقل هاد الي طرحت مشانو الموضوع متل ماحكيتي انتي وامجد انوا لناس بتاخد فكرة عااااااااامة عن كل الشعب لانو سمعو تجربة او اتنين :ShababSmile240::ShababSmile240:
رميت الصور
11-28-2009, 06:45 PM
ليكي أختي أنا جزائرية الي كثير صحاب فلسطينيين من غزة الخليل رام الله نابلس كلهم طيبين ومتعلمين ومثقفين.
وحبيبي اللي ازا راد الله راح يكون زوجي السنة الجاية باذن الله هو فلسطيني من نابلس ومن قرية بديا يعني مش من المدينة.وأنا حبيتو لدينو لأخلاقو ولثقافتو ولطبعو ولفلسطينيتو لكل شي فيه.أنا اخترتوا من بين كل الشباب بغض النظر من منشأو أو اقاماتو لأنو مانو مقياس في نظر اي بنت عاقلة.والله يجيب اللي فيه الخير.
PaLeStiNe FlOwEr
11-29-2009, 12:51 AM
رح علق ع حكي اربيان انوا الزواج من خليجي مع الاحترام لكل خليجي هون او مو هون وبصراااااحة انا مستحيييييييييييييييييل اتزوج خليجي والي اسبابي،،

رح أحكي من وجهة نظري اولا انا عايشة بالخليج وشايفة استهتار شبابها وعدم المسؤولية،،

هون الشباب متعودين ع الفلوس وعلى الرفاهية بطريقة مو طبيعية ومستهترين كتيييير صح مو كلهم بس فيكي تقولي التلت تربع يعني شو ضل ( انا بحكي ع البلد اللي انا عايشة فيها مو على كل الخليجية )،،

يعني دايما طاشين ومناخيرهم للسما وغروووور مو طبيعي بعيد عنكم مفكرين حالهم رؤسا،،

وشغلة بتزوج التانية هي منتشرة بطريقة كبييييييييييييرة،، وخصوصا لما يتزوج وحدة مو من جنسيته ما برتاح بالو الا لما يتزوج غيرها ان كانت من جنسيته او غير جنسيته،، وكمان هالشغلة صارت بدمهم زواج التانية وبتوصل معهم للرابعة،،

يمكن تفكروني متخلفة بس هاي هي الحقيقة وانا بحكي من تجربتي للواقع الي انا عايشة في وشايفتوا بعيني

الا ازا الله قدر انوا اتزوج واحد خليجي او اي جنسية تانية غير الفلسطيني

وان شاء الله ما يكون نصيبي الا لواحد فلسطيني متدين خلوق محترم بخاف ربوا وأهم شي بيحترم اموا لأنوا لو ما بحترم اموا ومو كويس معها معناتو هو مو كويس مع اي حدا

مع احترامي للكل وان شاء الله ما يصير زعل من الخليجية اللي هون
أم الوليد
12-01-2009, 11:08 AM
حكيك في منو بس لاتنسي انو كل شعب في هيك وفي هيك وانا بعرف فلسطينية عملو اكتر من هيك بكتيييييييييييير ، ومافي احلى من انو الوحدة تاخد من جنسيتها(حلاوة التوب رقعتو منو وفيه) عقولة المثل بس الدين بحكي اذا اتاكم من ترضون دينه وخلقه فزوجوه ماحدد الجنسية ...والله يوفق كل الصبايا ويبعتلهم ولاد الحلال الي يسعدوهم ويهنوهم
عـــــبدالله .. ~
12-01-2009, 01:15 PM
الي عوده مشكورة اموووووووو الوليد
اجمل احساس
12-01-2009, 01:24 PM
والله ياأمجد مابعرف وانا فعلا لولا اني رااااافضة الزواج حاليا لكنت وافقت ، يمكن الفكرة المأخوذة عن شباب غزة انهم صعبين شوي وقاسين وحكيهم شوي غيروظروف البلد الصعبة والحصار، وحكيك مظبوط العائلات الغزواية الي هوووووووووووووووون مختلفة كتير عن عندكم وعطت صورة للأسف سيئة كتيييييييييير عن أهل غزة :shababsmile239:
يعني بالنسبة الي انا من يافا مثلا وولدت وتربيت ببلد خليج يعني مدللة (لهيك يمكن البنات خافو علي من جو غزة ورجالها ليكون قاسي ومايتحمل طلباتي) مع انو البنت هي الي لازم تتحمل ظروف زوجها شو ماكانت وتعودو عليها ...بس شوبدنا نحكي عقلهم ناقص وتفكيرهم سطحي، شباب غزة زينة شباب فلسطين عراسي غزة وأهلها ...:shababsmile240:

لا تعممي يا ملك و كل الناس خير وبركة وشكرا عالموضوع كلك زوء
غرام فلسطين
12-01-2009, 03:46 PM
اول شي اختي ام لوليد

يسلمو اكتير ع الموضوع

بعدين كل الناس خير وبركه

وشو يعني مالها غزه ماهي الناس كانت تحلم انها تروح ع غزه

يعني ليش هلاء لاء والله اهل غزه اجدع ناس

وانا اكتير بتمنى ازورهاوكتير الي رفئه فيها وبح اني شوفهم وببيوتهم كمان

بنهايه اختي ام الوليد اد الحكي كلو سخافه
ومع احترامي للناس الي كنتي تحكي معهم هاد تخلف وتكبر

ااسفه بس الموضوع عصبني شوي وبستغرب انو بهي الايام لسه في ناس بتفكرهيك
أم الوليد
12-02-2009, 11:01 AM
عبدالله بانتظار عودتك

أجمل احساس ...حبيبتي أكيد كل شعب في الكويس وفي المش كويس حكي مش تعيميم والناس كلها خير وبركة وعراسي غزة وأهلها ياقمر

غرام ...اقراي موضوعي من بدايتو رح تعرفي راي بالموضوع كلو ...وانو استسخفت عقل هالبنات جدا...واسعدني تواجدك كلو ولاتعصبي حبيبتي
مو أي شي
12-02-2009, 08:17 PM
بعتقد وجهه نظر صديقاتك متخلفه ورجعيه اذا حسبو هالشي نسبا للحسب والنسب ...<< يعني فينا نقول عنهن عنصريات

لكن اذا كان قصدهن انو هو غزواي لانو من غزه وصعوبه العيشه هناك حصار ودمار فما عليهن عتب بظن اليوم الشخص صار

يحسبها وقت الجيزه بالعقل وليس القلب بالنهايه مستقبل الوحده كعيشه سليمه خاليه من الوضع العصب والصعب سواء

اقتصادي او اجتماعي
أم الوليد
12-03-2009, 12:51 PM
شكرا لتواجدك حبيبتي
MISSOZO92
12-03-2009, 05:13 PM
أنا أمنيتي أتزو بفلسطيني الرجولة في فلسطين و أسأل الله أن يرزقني يرجل الحلال لأتزوج عن قريب
أم الوليد
12-05-2009, 12:45 PM
الله يبعتلك ابن الحلال الي يسعدك حبيبتي
§عاشقة غزة§
12-05-2009, 01:08 PM
والله منتهى انحطاط العقل البشري
وانقسامه على نفسه كمان
كنت بضن انه نحنا اتخطينا ها التفكير الرجعي
الانسان السيء والكويس في كل مكان ..
ما بيقتصر ع غزة وبس..
واذا اردنا الاصلاح نبتدي بانفسنا اولا
قبل ما نشوف عيوب الاخرين
في مثل فرنسي شهير بيقول..(connaitre les autres c est sagesse..
connaitre sois meme c est sagesse superieur..)
ان شاء الله اقدر اترجمه..
معرفة الاخرين حكمة..
ومعرفة نفسك حكمة أكبر..
تسلمين ام وليد ع الموضوع
وأجمل تحية مني لاهل غزة الحبيبة
http://files.shabab.ps/vb/images_cash/up13/100801153525i1B9.gif
خـالـد
12-05-2009, 03:12 PM
ممممممممممممممممممممممممممممممم
الصراحة يا ستي
انتي الي بدك تتزوجي مش صديقاتك
ومن شدة الغيرة عندهم لآنك راح تتزوجي راحوا كرهوكي بالشاب
ولو قلتيلهم مصري ولا سعودي ولا هندي
نفس الاشي راح يحكولك اياه
يعني لما بدك تعملي اشي ما تاخدي رأي حدا لانهم راح يتلوهوكي

وتوكلي على الله وصلي صلاة استخارة
والي فيه خير اعمليه

مجرد مرور
قسامي غزة
12-05-2009, 03:25 PM
اصابع ايدك مو واحد
ووين ما تروحي بتلاقي الشب المنيح والشب العاطل
وهاد تخلف وهبل
طنشيهم ملك
وتزوجي الغزاوي
علي ضمانتي
أم الوليد
12-06-2009, 03:33 PM
والله منتهى انحطاط العقل البشري
وانقسامه على نفسه كمان
كنت بضن انه نحنا اتخطينا ها التفكير الرجعي
الانسان السيء والكويس في كل مكان ..
ما بيقتصر ع غزة وبس..
واذا اردنا الاصلاح نبتدي بانفسنا اولا
قبل ما نشوف عيوب الاخرين
في مثل فرنسي شهير بيقول..(connaitre les autres c est sagesse..
connaitre sois meme c est sagesse superieur..)
ان شاء الله اقدر اترجمه..
معرفة الاخرين حكمة..
ومعرفة نفسك حكمة أكبر..
تسلمين ام وليد ع الموضوع
وأجمل تحية مني لاهل غزة الحبيبة
http://files.shabab.ps/vb/images_cash/up13/100801154010reWU.gif
تسلمي حبيبتي والناس كلها خير وبركة ...:ShababSmile240:
أم الوليد
12-06-2009, 03:35 PM
ممممممممممممممممممممممممممممممم
الصراحة يا ستي
انتي الي بدك تتزوجي مش صديقاتك
ومن شدة الغيرة عندهم لآنك راح تتزوجي راحوا كرهوكي بالشاب
ولو قلتيلهم مصري ولا سعودي ولا هندي
نفس الاشي راح يحكولك اياه
يعني لما بدك تعملي اشي ما تاخدي رأي حدا لانهم راح يتلوهوكي

وتوكلي على الله وصلي صلاة استخارة
والي فيه خير اعمليه

مجرد مرور

ممممممممممممم شكلها غيرة بنات عحكيك...اسعدني مرورك واكيد الاستخارة هي الفيصل:ShababSmile240:
أم الوليد
12-06-2009, 03:36 PM
اصابع ايدك مو واحد
ووين ما تروحي بتلاقي الشب المنيح والشب العاطل
وهاد تخلف وهبل
طنشيهم ملك
وتزوجي الغزاوي
علي ضمانتي

طالما عضمانتك خلص اي عريس رح يجي غزواي دغري بحكي اوك:ShababSmile240: بس اذا حردت وزعلني بحرد عندكو ببيتكو:ShababSmile250: احسن ناس عراسي نشامى غزة والله
ميس مسلمه
12-07-2009, 10:36 PM
خلاص اختى هما مش عاوزين عريس غزاوى انا اتمنى هه تقبلى تحياتى
أم الوليد
12-10-2009, 09:45 AM
خلاص اختى هما مش عاوزين عريس غزاوى انا اتمنى هه تقبلى تحياتى

الله يرزقك ابن الحلال الي يسعدك ويهنيكي يارب
دموع الغربة واشواق العودة
12-10-2009, 02:01 PM
انا طول عمري مابفرق ..غزاوية ضافاوية ..شو ماكان خير وبركة ..وموضوع ان الغزاوي فيه وفيه وفيه ..بحسوا مشكلة جهل ..يعني الناس كانو زمان يعملوا هيك ..واحنا بنتطور فليش لازم نرجع لورا بافكارنا الجاهلة ..والعصبية القبلية هاي لازم نبطلها ..مش كفاية مشتتين وحالتنا حالة كمان لازم بابسط الامور بنتفكك ..وبعدين يعني ...شكرا الك ام الوليد
أم الوليد
12-10-2009, 03:19 PM
هاد هو ياقمر الاصد ..الله يبعتلك ابن الحلال الي يسرخاطرك يااااااااااااااارب