المساعد الشخصي الرقمي

مشاهدة النسخة كاملة : فلسطيني ممنوع تعيش !!!!

اسد 22
10-15-2009, 01:18 PM
الكاتب خالد منصور من مخيم الفارعة في نابلس يكتب هذه القصيدة الموجعة التي تعكس تعامل الأنظمة العربية وبعض الدول العالمية مع الفلسطيني في وطنه

(http://up.taybe.org/)

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
ومش مسموح تكون مقهور
اياك تطالب بحقك
اوعك بيوم تشوف النور

***
ممنوع تجدد هويه
ممنوع تجدد بسبور
فلسطيني وبدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

***
فلسطيني بكل المطارات
اسمك بالاحمر مكتوب
وعلى شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
ويتوجه إلك اتهامات
انك سبب كل الحروب
كأنو بسببك الحق مات
والعدل بأرضك مصلوب
وكأنك سبب النكسات
وكل أزمات الشعوب
وكأنو بسببك مجرم فات
على جنين بلحظه الغروب
وذبح صبيان و بنات
وعجز على امرها مغلوب

***
مع انو الحقيقه
انا الي بالدنيا ضحيه
عملتوني ماده للغنى
وقضية الي ما عندو قضيه
انا الي راسي ما إنحنى
بوجه الريح القويه
انا الي شعبي صمد
في الضفه وبالرشيديه
انا الي شعبي انتفض
وبحجر حارب دوريه
واليوم وبكره و للابد
عنا كلمه وحده هي

***
فلسطيني ولا زم أعيش
لازم أعيش لحتي تعيش القضية
وأرجع الأسري للحرية
والقدس الأبية
فلسطين عربيه
وراح تبقي عربيه
وراح ترجع عربيه

ما تعليقاتكم
الشاعر لطفي الياسيني
10-15-2009, 04:29 PM
http://i09.servimg.com/u/09/04/79/82/laelah10.gif

جزاك الله خيرا وبارك الله لك وعليك
أبو ريان
10-15-2009, 05:50 PM
فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
ومش مسموح تكون مقهور
اياك تطالب بحقك
اوعك بيوم تشوف النور

-----------------

لا والله أخي الكريم
الفلسطيني عزيز يكافح وميهزه ريح
شجاع ميهاب الموت وكثر المذابح

----------------

فلسطيني ولا زم أعيش
لازم أعيش لحتي تعيش القضية
وأرجع الأسري للحرية
والقدس الأبية
فلسطين عربيه
وراح تبقي عربيه
وراح ترجع عربيه

نعم بارك الله فيك النصر قادم بإذن الله جزاك الله كل خير أخي الكريم
اسد 22
10-15-2009, 07:10 PM
مشكورين على المرور اسعدني تواجكدم
شمعة الايمان
10-20-2009, 07:34 PM
السلام عليكم فلسطيني وحضل فلسطيني قولو لكل العالم في واحد عندو كرامه قد الفلسطيني عند الفلسطيني ويوقف كلامه والله بفتخر اني فلسطينيه
عصفورة الامل
10-20-2009, 09:10 PM
مشكــــــــــــــــــــــــــــــــ ـــــــــــــــــــــــــــــــــــ ـــــــــــــــــــــــــــــــــور اخي كلمــــــــــــــــــــــــــــــــ ـــــــــــــــــــــــــــاتــــــ ـــــــ في غايــــــــــــــــــــــــــــــــ ـــــــة الروعة