أم الوليد
10-13-2009, 07:07 PM
هاي قصة واقعية ..سر من أسرار ملك مر عليها حوالي أربع سنين هلا ب28-11-2009 بكملو بالظبط أربع سنوات
بعد انفصال أبو ملك وأمها ، صارت في مسؤوليات جديدة على راس ملك باعتبارها أخت كبيرة لازم تدير بالها عأخواتها الأصغر منها كان عمري 21 سنة متخرجة جديد، طبعا كنت مابعرف شي عن الطبخ ابدا ومابحبو فيكم تحكوا كنت مدللة جدا وطلباتي أوامر ، لكن تغير الحال ، المهم بيوم طلب بابا مني اروح اشتري خضرة ، رحت واحد من المجمعات التجارية وبدأت الحكاية:
ماكنت بعرف شي لا كيف اختار ولا على أي أساس ، وكان مطلوب مني باتنجان للمحشي، رحت اختارو وهناك التقيت أم الصقر وتغير مشوار حياااااااااتي180 درجة ، كنت واقفة بشوف الباتنجان ومحتارة كيف يعني انقيه ، وشكلي مبين جديد في هالمجال ، وماسكة البتنجانة من طرفها الأخضر بالكلينكس طبعا خايفة عالحنا الي بايدي لتتوسخ، فاجأتني ست كبيرة وقورة قربت مني وفضحتني أدام الناس أنتي أهلك ماعلموك كيف تتنقى الخضرة؟؟؟
جاوبت وبكل خجل: لا خالتو للأسف وبعتوني اليوم أتعلم
كم عمرك أنتي؟؟؟؟هيك سألت
21 خالتو : جاوبت أنا
حكت مش عيب !!!الي أدك مخلفين كوم ولاد (بلهجة حبيتها وبفتقدها جدا هلا)
خبرتها خالتو بعد إذنك ياريت تعلميني
طبعا خلصت بهدلة وبدات تعطيني توجيهات ونصايح وشكرتها ورحت وانا بتمنى الارض تنشق وتبلعني
وروحت البيت وماخبرت حد من خجلي بالي صار
المهم بعد بأسبوع اتصلت خطابة اخدت موعد واجت عالبيت وكانت المفاجأة ( خالتو صاحبة الباتنجان)
هون وشي أحمر وأصفر صاااااااااااار ووقعت القهوة عالآرض وأعدت خالتو تخبرهم القصة الي صارت ) وفضحتني لآهلي كمان
وكانت المفاجأة انو حد من أصحابهم دلهم علينا للخطبة وحظي السعيد اني عجبتها وحكت رح تعلمني كيف نقي واطبخ كمان المحشي
وطالت السهرة وحبيتها جدا واستخرت الله واتفقنا عموعد الشوفة الشرعية (للصقر) لاحظوا لهلا ماحكتلنا اسمو للعريس، وفعلا بعد يومين أجى الصقر وكااااااااااااااااان ونعم الصقر( صقر قسامي من زين الشباب)
وقرأنا الفاتحة وكنت اسعد بنت بالدنيا لانو الصقر اختارني (هاد لقبو بشغلو وبين صحابو) المهم كان مفروض يسافر لانو تم استدعائو لشي عاجل وعأساس أسبوع ويجي وسافرت خالتو أم الصقر وسافر الصقر معها...
وكنت كل يوم أحكي خالتو اطمن عنها وتطمن عني شو بتعلم طبيخ او لا؟؟؟؟
ومضى الاسبوع وانا سعيدة جدا وطايرة من الفرح وكان يوم الجمعة حكت معي حماتي وخبرتني انو بعد اربع أيام رح يجو ونكتب الكتاب
وانشغلت بدي حضر فستاني وحالي لحفل الخطوبة ، صباح الأحد اتصلت مرت عمي تبكي وحكت لي (يحيى تصاوب بس بسيطة لاتخافي اسعفوه ) وان شالله بس يصحى بطمنك هون حسيت الدنيا درات في ...وماعرفت ارد لئيت دموعي بتنزل بصمت ، ضليت ادعيلو ليل نهار يأوم بالسلامة وحكيتها صباح الاتنين حكت لي فاء وبسلم عليكي حمدت الله بس ماكنت مرتاحة وماحبيت بين لحد ( للأسف دوم احساسي بيسدا) كنت حاسة فرحتي مارح تتم ، اطمنت عنهم ومشي الحال ووقفت تجهيزات كتب الكتاب مسا التلاتا حكيت مع مرت عمي خبرتني ( يحيى بحكيلك رح يجي الأحد ياكل محشي من ايديك وبوصيكي لاتنزفي لغيرو ياملك) خبرتها طمني واحكيلو يطمن المحشي بستناه وانو صرت استاذة محشي واكيد مش حنزف لغيرو ابدا
الساعة 12 يوم الثلاثاء بعد نص الليل ، كنت حاطة عيني عالجوال حاسة انو رح يجي اتصال وكاني كنت بستناه ( واجى الخبر)
أم الصقر: ملك يحيى استشهد حينزف بكرة لغيرك ياملك
وماحسيت بشي لتاني يوم لئيت حالي بالمستشفى وضليت اسبوع مااحكي حد ، ولاكاني عايشة لااكل ولاشرب عايشة عالمحاليل
ضلت كلمتو رحمة الله عليه بأدني( لاتنزفي لغيري ياملك)
الله يرحمك ياصقر الصقور ، بطل الأبطال، يحيى
وللآن عاهدت نفسي ماانزف لغير يحيى ، ولهلا بنادي أم الصقر مرت عمي وبستشيرها بالطبخ ، مع انها حكت لي ياخالتو انا بحلك من حكي ابني انتي حرة ، شوفي نصيبك
وطبعا انا لاحياة لمن تنادي ، لهلا برفض اي حد يجي مش خوفا انو يصير هيك، بس لآنو مش حنزف لغير الصقر!
كل الناس غلطت أم الصقر ولامتها بس نقلتلي حكي الصقر ، وحكو عني مجنونة لكن انا اخترت لحالي والحمدلله ومابظن اندم او اني غلطانة اصلا ولو كان اي حد مكاني ماكان عمل الا متلي ...شوفو النصيب سبحان الله
انا والباتنجان ويحيى الصقر
بعد انفصال أبو ملك وأمها ، صارت في مسؤوليات جديدة على راس ملك باعتبارها أخت كبيرة لازم تدير بالها عأخواتها الأصغر منها كان عمري 21 سنة متخرجة جديد، طبعا كنت مابعرف شي عن الطبخ ابدا ومابحبو فيكم تحكوا كنت مدللة جدا وطلباتي أوامر ، لكن تغير الحال ، المهم بيوم طلب بابا مني اروح اشتري خضرة ، رحت واحد من المجمعات التجارية وبدأت الحكاية:
ماكنت بعرف شي لا كيف اختار ولا على أي أساس ، وكان مطلوب مني باتنجان للمحشي، رحت اختارو وهناك التقيت أم الصقر وتغير مشوار حياااااااااتي180 درجة ، كنت واقفة بشوف الباتنجان ومحتارة كيف يعني انقيه ، وشكلي مبين جديد في هالمجال ، وماسكة البتنجانة من طرفها الأخضر بالكلينكس طبعا خايفة عالحنا الي بايدي لتتوسخ، فاجأتني ست كبيرة وقورة قربت مني وفضحتني أدام الناس أنتي أهلك ماعلموك كيف تتنقى الخضرة؟؟؟
جاوبت وبكل خجل: لا خالتو للأسف وبعتوني اليوم أتعلم
كم عمرك أنتي؟؟؟؟هيك سألت
21 خالتو : جاوبت أنا
حكت مش عيب !!!الي أدك مخلفين كوم ولاد (بلهجة حبيتها وبفتقدها جدا هلا)
خبرتها خالتو بعد إذنك ياريت تعلميني
طبعا خلصت بهدلة وبدات تعطيني توجيهات ونصايح وشكرتها ورحت وانا بتمنى الارض تنشق وتبلعني
وروحت البيت وماخبرت حد من خجلي بالي صار
المهم بعد بأسبوع اتصلت خطابة اخدت موعد واجت عالبيت وكانت المفاجأة ( خالتو صاحبة الباتنجان)
هون وشي أحمر وأصفر صاااااااااااار ووقعت القهوة عالآرض وأعدت خالتو تخبرهم القصة الي صارت ) وفضحتني لآهلي كمان
وكانت المفاجأة انو حد من أصحابهم دلهم علينا للخطبة وحظي السعيد اني عجبتها وحكت رح تعلمني كيف نقي واطبخ كمان المحشي
وطالت السهرة وحبيتها جدا واستخرت الله واتفقنا عموعد الشوفة الشرعية (للصقر) لاحظوا لهلا ماحكتلنا اسمو للعريس، وفعلا بعد يومين أجى الصقر وكااااااااااااااااان ونعم الصقر( صقر قسامي من زين الشباب)
وقرأنا الفاتحة وكنت اسعد بنت بالدنيا لانو الصقر اختارني (هاد لقبو بشغلو وبين صحابو) المهم كان مفروض يسافر لانو تم استدعائو لشي عاجل وعأساس أسبوع ويجي وسافرت خالتو أم الصقر وسافر الصقر معها...
وكنت كل يوم أحكي خالتو اطمن عنها وتطمن عني شو بتعلم طبيخ او لا؟؟؟؟
ومضى الاسبوع وانا سعيدة جدا وطايرة من الفرح وكان يوم الجمعة حكت معي حماتي وخبرتني انو بعد اربع أيام رح يجو ونكتب الكتاب
وانشغلت بدي حضر فستاني وحالي لحفل الخطوبة ، صباح الأحد اتصلت مرت عمي تبكي وحكت لي (يحيى تصاوب بس بسيطة لاتخافي اسعفوه ) وان شالله بس يصحى بطمنك هون حسيت الدنيا درات في ...وماعرفت ارد لئيت دموعي بتنزل بصمت ، ضليت ادعيلو ليل نهار يأوم بالسلامة وحكيتها صباح الاتنين حكت لي فاء وبسلم عليكي حمدت الله بس ماكنت مرتاحة وماحبيت بين لحد ( للأسف دوم احساسي بيسدا) كنت حاسة فرحتي مارح تتم ، اطمنت عنهم ومشي الحال ووقفت تجهيزات كتب الكتاب مسا التلاتا حكيت مع مرت عمي خبرتني ( يحيى بحكيلك رح يجي الأحد ياكل محشي من ايديك وبوصيكي لاتنزفي لغيرو ياملك) خبرتها طمني واحكيلو يطمن المحشي بستناه وانو صرت استاذة محشي واكيد مش حنزف لغيرو ابدا
الساعة 12 يوم الثلاثاء بعد نص الليل ، كنت حاطة عيني عالجوال حاسة انو رح يجي اتصال وكاني كنت بستناه ( واجى الخبر)
أم الصقر: ملك يحيى استشهد حينزف بكرة لغيرك ياملك
وماحسيت بشي لتاني يوم لئيت حالي بالمستشفى وضليت اسبوع مااحكي حد ، ولاكاني عايشة لااكل ولاشرب عايشة عالمحاليل
ضلت كلمتو رحمة الله عليه بأدني( لاتنزفي لغيري ياملك)
الله يرحمك ياصقر الصقور ، بطل الأبطال، يحيى
وللآن عاهدت نفسي ماانزف لغير يحيى ، ولهلا بنادي أم الصقر مرت عمي وبستشيرها بالطبخ ، مع انها حكت لي ياخالتو انا بحلك من حكي ابني انتي حرة ، شوفي نصيبك
وطبعا انا لاحياة لمن تنادي ، لهلا برفض اي حد يجي مش خوفا انو يصير هيك، بس لآنو مش حنزف لغير الصقر!
كل الناس غلطت أم الصقر ولامتها بس نقلتلي حكي الصقر ، وحكو عني مجنونة لكن انا اخترت لحالي والحمدلله ومابظن اندم او اني غلطانة اصلا ولو كان اي حد مكاني ماكان عمل الا متلي ...شوفو النصيب سبحان الله
انا والباتنجان ويحيى الصقر