اشي بيفقع !!!اففف

[اجمل احساس]

السلام عليكم ورحمة الله وبركاته













انا عندي مشكلة وبدي آرائكم في الموضوع لانو بهمني اعرف رأيكم طبعا

طيب هلأ انا اتخرجت من الجامعة بتقدير امتياز ولله الحمد ودرّست بالجامعة شي شهرين وبعدين بطلت منها لأنو المسافة بعيدة كتير عن البيت يعني كإنو سفر يومي وهلأ بدور على مدرسة ادرس فيها وشفت مدارس كتير قدمت فيها والنتيجة انو ما عنا الك مكان يابنتي !!! طب لييييش ايش السبب ؟؟؟

عشان انا مش من اصحاب البلد يعني الاولوية لاصحاب البلد بتكون ويلا مع السلامة !!!!

طب اخدتو بياناتي يا ناس واعطتوني امل كل ما اشوف مدرسة يحكولي بنرد عليكي بكرة أو بنشوف الموضوع وبنردلك خبر بس اتركي رقم تليفونك

طيب لو بدي اشتغل بمكان تاني ما بمشي الا بالواسطة انا جربت برضو بترك البيانات وعالفااااااضي كلو واذا اتصلت ما بردوا على التليفونات واذا رحت بلاقيهم عاملين فطور ما شاء الله ونازلين حش ومحدش فاضي يعبرني طب شو الحل بجد انا انهلكت وطلعت روحي يعني شو اسوي

بتمنى اتفيدوني برأيكم ومعلش وجعت راسكم بكترة حكيي بس بجد من قهري يلا اتحملوني

في امان الله

[قاهر الصعاب]

http://files.shabab.ps/vb/images_cash/up11/090927111157EO9r.jpg

الاخت اجمل احساس الف الف مبروك وعقبال الوظيفة والزوج الصالح ان شاء الله

بالنسبة للوظيفة الله بيسر ان شاء الله .

طيب اذا اغلقت الابواب بوجهك الله بعينك ارجعي للجامعة لفترة وبصير عندك خبرة والكل بيطلبك بعدها .

دمت بخير

[هادي]

وعليكم السلام أجمل إحساس ..
بصراحه .. هادي مشكلة كل الشباب!! بس الشغله إللي بتئهر إنك ( متخرجه بإمتياز)!!
ما تفقدي الأمل .. أدمي لمؤسسات قطاع خاص .. وما تيئسي .. ومش شرط تعملي بنفس تخصصك، يعني بدك تئدمي شوية تنازلات في البداية ..
وربنا يوفئك..

[أم الوليد]

ولا تنقهري ولايهمك رح خبرك شغلة يمكن تخفف عنك انا اختي خريجة شريعة تخرجت بامتياز وطلعت الأولى عجامعة قطر وأخدت درع التفوق كمان من حرم الأمير ، وبس اجت تشتغل حكولها آسفين الأولولية لولاد البلد ، مرة مرتين تلات أربعة زهأت متلك واعدت بالبيت ، وسبحان الله اجى وئت صار الكل يعرض عليها تشتغل معو وهي اختارت بالآخر الي ارتاحت الو ، فما تزعلي وطولي بالك بدها صبر واكيد كل بلد بدها تشغل ولادها أولى ، فإن شاء الله ، الله بفتحها عليكي وبرزقك لاتستعجلي وطولي بالك موفقة والله يسمعنا الأخبار الطيبة عنك حبيبتي

[PaLeSt!Ne SouL]

أي و الله اصحاب البلد و اللي مو من البلد مولاقين شغل
بس عنجد شي بيقهر إنك إمتياز

ممكن الواحد يشتغل بغير تخصصه أولاا
أو راتب مو منيح كتير

و بعدين الله بيسهل

[قسامي غزة]

اكيد با اختي بييجي لكل واحد فرصة
بس الحكاية مش من اولها بتلاقي فرصة
ما تيأسي من اولها
وان شاء الله بتلاقي الفرصة المناسبة

[limar]

مممممممم

شي عادي جدا

انا خلصت من شي سنة ونص ولسا لهلاء ما لئيت شغل متل العالم والناس

في شركات ئبلوني

بس بالنسبة الي ما عجبني الوضع

مو تكبر مني بس نتانة من اصحاب الشغل

راح تتعبي كتير

انا طفشت اد ما دورت

فيكي تحكي يئست

لانو كل صاحب عمل بدو يفرض عليكي امور يا بتسايري فيها يا اما لا

خصوصي البنات وضعنا صعب كتير بفرص العمل

لما يريد الله عكل حال

لا تفئعي ولا شي كلو لخير

[بنت الشام ..]

ياستي لاتيئسي ... حتى انتي لمورتي لا تيئسي ..


شفتي كيف اختها لام الوليــد كيف اجتها فرص مرتبة من بعد الصبــر


لكن الواحد لازم يصبــر وينتــظر ..



كل المتخرجين هلأ هيــك ...


وخاصة المعلميـــن ...



بــعين الله ...



والله يفرجها عنــك ..


ارق تحية

[الحان الحرية]

حبوبتي لا تزعلي ولا ع بالك ..

كل شي نصيب و مكتوب ..

و ان شا الله ضلك حاولي و بالاخير راح تلاقي ..

و يمكن لأنك متخرجة جديد راح تتعزبي شوي

و يمكن تتنازلي عن اشياء بشغلك ..

بس ع الاقل خبرة =)

و موفقة ان شا الله ..

[نسمة بلادي]

تلك هي حال البلد لما العجب !!!

الله ييسرلك أمرك

وما تيئسي حبيبتي حاولي وحاولي وان شاء الله بتلاقي شغل يناسبك ....