في صداقة بينهم!!!!

[أم الوليد]

http://files.shabab.ps/vb/images_cash/up11/090927063858rpLj.gif
هل فعلا في صداقة بين بنت وشاب؟؟؟؟

واذا في ؟؟؟شو حدودها؟؟؟

واذا لا؟؟؟طب علاقتنا مع بعض بالمنتدى شو تصنيفها؟؟؟

أخوة؟؟؟زمالة؟؟؟

ليش المجتمع بقبل للرجل زميلة عمل!!! صديقة؟؟؟؟

بينما البنت ممنوع يكون الها زميل؟؟؟؟صديق؟؟؟

شو مفهوم الصداقة بينهم؟؟؟؟

لازم تكون مش بريئة!!!

جربت يكون لك صديقة؟؟؟يكون لك صديق!!!!

هل بتقبل يكون لآختك او بنتك او اختك صديق!!!!

http://files.shabab.ps/vb/images_cash/up11/090927063858DkQP.gif

[نور الهدى]

ما اعتقد انه في شي يسمى صداقة بين شب و بنت .. مهما كان

مفهوم الصداقة واسع جدا .. مش ممكن يكون بين شب و بنت

في العمل اعتبرها زمالة .. و بتكون رسمية جدا

في الدراسة زي حالتي كمان زمالة و بحدود حسب الموقف .. يعني برة المدرسة لا بعرفهم ولا بعرفوني و كل واحد في حال سبيله

في المنتدى ممكن زمالة و اخوة .. و بحدود

لكن مش لدرجة الصداقة

//

المسألة تنطبق ع الشب و البنت .. و زي ما برفضها لبنت برفضها للشب

يسلموا ع الموضوع ام الوليد ^^

[PaLeSt!Ne SouL]

صداقة شو؟؟

اللي بينا أخوة أو حتى قولي صداقة لكن كل الكلام اللي بنحكيه مع بعض كل الناس شايفاه و عرفاه

بس بالحياة العادية ما جربت و لا بدي و الله لا يجعلني أجرب

أما العمل بيكون زمالة و لها حدود ما لازم نتجاوزها يكون ما في حكي فاضي و نركز بالشغل

و بعدين بالإسلام ما في عيك سواء بنت أو شب


تسلمي إم الوليد

[أم الوليد]

بحترم وجهة نظركم نور الهدى، ودمعة أسى حياكم الله وبانتظار آراء الباقين

[waяm heaяt]

مممم ..

لآآ مآبقتنع بعلآآقة الصدآقة بين البنت والشب ..



الاسلآآم مآحرمهآآ بحد زآتهآآ ..

الاسلآآم عآآرف ميل البنت تجآه الشب والعكس ..

يعني لو بحكوا انو مجرد صدآآقة بريئة وبحدود ..

لو بحكوا انو احنآآ بنتحكم فيهآآ .. ومش رح توصل لأكبر من هيكـ


لأ .. مستحيييل اصلا



وبعدين هآآي مشآعر واحآآسيس .. ازآآ بدت ع انهآ صدآقة او اخوة

فـ الشيطآآن شآآطر .. شوي شوي ممكن تسير اكبر من هيكـ وبتوصل للحب ..!


وغلط اصلا نزرية المجتمع ..

الحرآآم ع البنت حرآآم ع الشب

مآآ فرّئ ديننآآ ..!!


امآآ علآقتنآآ هون بالمنتدى ..

فهيي مش اكتر من زمآآلة أو أخوة

والحمد للهـ منتدآنآ اسلآآمي .. مآبزن ممكن توصل شي اكبر من زلكـ

لأنو طريئة التوآصل بينآآ بالمنتدى بس





تقبلي رأيي

وتسلمي ع الطرح حبيبتي .. ^^

http://rooosana.ps/Down.php?d=lQDy

[أم الوليد]

شرفتي غاليتي وشكرا لتواجدك الطيب بصفحتي

[هادي]

شو هالسؤال ام الوليد!! أكيد أنا ممكن أكون مع صديقي لوحدنا في مكان مغلق .. بس مش ممكن أكون مع فتاه بمكان مغلق وأحكي هادي صديقتي .. وعلى كل حال علاقة الرجل بالمرأة بشكل عام إلها آداب وأخلاق من الطرفين .. تخيلي أبو الوليد فايت عليكي البيت ومعو وحده .. ويحكيلك هادي صديقتي!!! أكيد رح يصير عندك إشعاعات ذريه!!
:ShababSmile222:

[أم الوليد]

(تخيلي أبو الوليد فايت عليكي البيت ومعو وحده .. ويحكيلك هادي صديقتي!!! ) بكون عيب مني وتقصير ساعتها ، اصلا من الخطوبة رح اعطيه خطوط حمر للي بدو يصير أبو الوليد !

لانو الها اداب ممكن تصير صداقة ادام الناس ويقبلها المجتمع!!!!!

[أبومجاهد]

في فرق بين الصــداقة والأخوة ،،،

نحن اخوانكم بالله وفي الدين وعندما تطلق كلمة

اختي على الفتاة في المنتديات يعني هنالك حد في الاخلاق لا يمكن تجاوزه

أما الصــداقة لا تكون بين ادم وحـواء لان الصداقة لها معنى ومضمون اوسع واشمل من الاخــوة ،،،

مشكور ام الوليـــد ع الطـــرح ،،

[فتاة طموحة]

أولا قبل الدخول في الحديث أحب أن أهنيك غاليتي علي هذا الطرح المهم جدا والذي هو علي قدر كبير من الاهمية
الصداقة بين الشاب والبنت؟ ما معناها ؟وما تفسيرها؟
ما اعرفه أن الصداقة كلمة واسعة في معانيها ولكن هذا ليس موضوعنا
موضوعنا هو ذالك الشئ الذي يربط بين الولد والبنت تحت مسمي الصداقة
وانا من مفهومي الخاص أري أننا لو أعتبرنها صداقة فهي ليست بالمعني الحقيقي للكلمة لأن يبقي هناك دائما في خطوط حمراء ولاتكون هناك تلقائية فبتالي هي ليست صداقة ...ولكن هذا لايعني انه ليس لصداقة خطوط سير ولكن ربما تكون أكثر تلقائية في التعامل لو كان من نفس الجنس
ولا نهمل غاليتي جانب الدين حيث فصل في هذه الاخيرة ولنا في ذالك نصوص كثيرة ولكن أنا لا أحب أن أفتي
فأتوقف عند هذا القدر
فعلا غاليتي طرح في القمة
كل الشكر و تقبلي قرائتي

[*ريحانة القلب*]

الصداقة معناها كبيير .. وهي اشي عمييق بين تنين

مستحيل اتكون علاقة شب ببنت صداقة


الصديق شريك بكل الحالات .. شريك المزح والجد

الرحل والفرح والحزن والعزا وكل الاوقات

ما ممكن يكون شب مع بنت بكل وقت وتضل متل اخته او يضل متل اخوها !


ما بقبلها لا للشب ولا للبنت .. التنين متل بعض

بالنسبة لالنا في المنتدى فعلاقتنا زمالة بس ما بتوصل صداقة

لاسباب كتيرة .. الصديق بعرف اشياء كتير عن صديقه

بشاركه اوقاته ... بس نحنا هون يا دوب بنعرف الاسم المستعار لبعض

يبقى ما بتتعدى الزماله .. الاخوة .. بس مافي علاقه خاصة



اما بالواقع فانا بحط حدود للعلاقة

الا ما تضطري بالجامعة او الشغل انك تحكي مع شباب

بس الحدود غالبا البنت الي بتحطها

والشباب بتفهمو وبحترموا الحدود الي بحطها



يسلمو ام الوليد ع الموضوع

يعطيك الف عافية

(=

[كلوديا]

موضوع كتير حلو ومهم ام الوليد...
انا بتفق مع ريحانة بالراي
نحنا بالمنتدى يادوب بنعرف اسماء بعض الاشيا الي كل واحد بحبها والمنتدى محترم فما في شي بيتعدى هالشي
واكيد في اعضاء مميزين بتحبيهم اكتر من غيرهم متلك:ShababSmile229:
...
بس في الحياه اليوميه اكيد الصداقه رح تتغير اكييييييد لشي تاني
بعدين في ايه بالقران مو عافه نصها بازبط بس هي عن (المتخذات اخذان)
الله اعلم يعني اللي بصاحبو
والله اعلم بالنفس البشريه واعلم بمصلحتها
...
ودايما البنت الي بتحط الحدود للشب
...
حابه اعرف رايك ام الوليد

[أم الوليد]

اول شي شكر لكل حد فات عطانا رايو

(واكيد في اعضاء مميزين بتحبيهم اكتر من غيرهم متلك) حبيبتي هاد من زوءك وطيب اصلك

انا رايي انو متل ماحكى الاغلب يمكن مافي صداقة 100%100 بين شب وبنت الا مايكون وراها مصيبة ، بس بالشغل بنضطر احيانا وطبعا بنحط حد والا بكسرو الله لايردو، بس يمكن انا ماعندي اخوان شباب والي صاحبين ابن عمي الصغير انا اكبر منو بحوالي 5سنين بس سبحان الله مابرتاح لحد ادو، والتاني كمان ابن عمي واصغر مني ب11 شهر، يمكن بتعتبرهم صحاب لانو لو كان عندي اخ يمكن ماحبو ادهم اوكون قريبة الو متلهم ، اما هون انا كتيييييييييييير شايفة الشباب ماشاء الله عنم محترمين واخوة وبعتز فيهم كلهم

شكرا لكل الي عطروا الصفحة بتواجدهم