ملك محتاجة رأيكم!!!!!!!!!!

[أم الوليد]

صراحة انا بمشكلة وبدي اسالكم رايكم لانو غلبت من هالاصة ومابعرف شو اتصرف؟؟؟؟؟؟؟؟؟

وهلا هلا لسه اختلفت مع اهلي وحكوا الحق علي انا!!!!!!!!!!!!

انا مابعرف اتعامل مع الناس بتكلفة وبحواجز!!!


يعني ناس بتعامل معهم يوميا او شبه يومي مابضل احكي استاذ فلان او استاذ علان ماااااااااااااااابعرف ، خلص بصير نادي فلان باسمو، وعلان باسمو؟؟؟

يعني بشمهندس فلان؟؟؟أخ فلان؟؟؟استاذ ؟؟؟؟كلها تكاليف مالها داعي؟؟؟؟طيب اذا هم مابزعلوا أهلي شو خصهم؟؟؟؟

مابتخطى حدود اللياقة والأدب يعني اذا قلتلو استاذ فلان انا مؤدبة!!! واذا فلان بدون استاذ مش مؤدبة!!!!!!

طيب ماهم بحكولي ملك عطول بدون انسة ملك وعاااااااااااااااادي مابفرق معي ولابزعل؟؟؟؟

يعني هلا اذا البنت نادت رجال باسمو بكون انها بتفتحلو مجال ؟؟؟؟؟؟؟؟؟؟؟؟

طب ما انا ممكن احكي استاذ فلان وافتحلو اكتر من مجال باكتر من طريقة!!!!!

يعني مش كلمة استاذ هي الي حتخلي فلان يوقف عند حدودو ؟؟؟؟؟


لوشايفني غلطانة خبروني؟؟؟؟عنجد شي ممل؟؟؟

[السيف عدي]

هلأ في مجال العمل احيانا الرسميات مطلوبة خصوصا مع الاداريين والمسؤولين

وبتعكس شخصيتك المهنية الراقية ..

بس في الحياة العادية ما بعتقد في داعي للالقاب ... في صبايا بنادو الشباب أخ كزا وفي لأ .. حسب طبيعة البنت ..

حاولي تقنعي اهلك بوجهة نظرك وتوصلوا لحل وسط ..

منورة ام وليد ..

[قسامي غزة]

قلك اختي ملك
يعني انا بصراحة بشوفك غلطانة نوعا ما
لانوا ما بيصير نحكي للبشمهندس باسموا
في ناس ما بتفرق معها هالشي من الاصل
بس احنا لازم نحترم الاخرين
ولازم تعطي كل واحد قدره بالمجتمع
يعني مو شرط مشان ما بحكوا الك انسة ملك
انك تقارني نفسكم بهالشي
انا عمري ما فكرت حدا يحكي الي استاذ نهاد
يعني ابن عمي استاذ واحيانا بحكي الوا استاذ عبد الله واحيانا عبد الله واحيانا ابو محمد
انا عمري ما فكرت هالشي يكون ضروري عندي
ومو واجب عليه احكي هيك لانوا مو فرض
بس الشغلة تقع في نطاق الاحترام
يمكن كل منطقة الها تقاليدها وعاداتها
فانا شايف انك تحكي من باب اللباقة والاحترام
وما تعتبري هالشي لازم عليكي او فرض عليكي
والسلام ختام
{سؤال علي الهامش انتي من اي بلد}

[تحـ البشر ـدوهـ]

يي

لا يا خيتي بنفعش هيك

::

شوفي ..

لمن بدك تندهي ع شاب بيجوز لك

ضيفي كلمة اخي

لو مو حابه تقولي مهندس وهيك شي

::

بوضعك لهالكلمة ..

بتشيلي كل تفكير الناس المريضة

::

يعني ..

واحد بقلبه مرض وما بسدق ويسمعله كلمة من بنت

ف بتروحي منادياه باسمه حاف

يلي هو متعود يسمعها من اقرب الناس اليه

هيك حاف بدون اي شي

ف اتأكدي انه ح يشك بشي

مع انه انتي مو قصدك اي شي

:)

ف يا خيتي

ضيفي كلمة اخي

قبل كل شي

هاد لو لشاب

اما لو لبنت فما فيها شي عادي

::

من وجهة نظري

[تحـ البشر ـدوهـ]

كم كلمة شي في ردي :ShababSmile224:

:ShababSmile250:

[PaLeSt!Ne SouL]

السلام عليكم

ملوكة با عسل

هذا الموضوع مو مستاهل تختلفي مع أهلك مشانو

كلمة أخ أو بشمهندس ما رح تغلبك
و بنفس الوقت بتحسس اللي بتكلميه بالإحترام

إنتي ما بتفرق معك إذا حد قلك آنسة أو لأ

بس غيرك بتفرق معه

و بعدين الشي هاد بيجيب كلام مالو لازمة من الناس بشي بسيط ممكن نتجنبه

و أهم شي رضى الوالدين

[PaLeSt!Ne SouL]

6 مرات تحدوه

[إيمـان]

يا حببتي يا ملك اسمك ملك امممممم اسمك رهيب
... انا بصراحه شا يفه عادييي... متلن هوا اسمو بطيخ .. ناديه بطيخ ها شو بدنا ناديه.. بصل.. سبحان الله
بلا مهندس بلا بطيخ..كلنا في الهوا سوااا ... هاد ادا كان قدك اوكبر منك اشويه.. اما ادا كان شيبه.. ممكن نحترمو اشوي.. لانو الشيبان ما بتعرفي كيف بفكروو

[أم الوليد]

شكرا للجميع قسامي ( انا فلسطينية من يافا عايشة بقطر)

هلا انا بنادي الشياب عمو فلان بس اللي بشوفهم كتير بالشغل او بحكيهم كتييييييييييييير باليوم الواحد اكتر من مرة بناديهم باسمهم وسام -ابراهيم-احمد هيك يعني

ومش القصد والله اقلل من احترامهم او شانهم عراسي كلهم من اصغر واحد لاكبر واحد بس بدون اصد انا باخد عالناس بسرعة كتييييييييييييييير ، مابعرف في منهم ناس صح بصراحة بفكرو اصدي شي سيء ووببلشوا يستهبلو، بس كمان انا مش اصدي شي سيء والله يعلم ، ومش طالبة منهم يحكول لي انسة ولا استاذة بس يمكن مع العشرة هي اديش صار لي معكم هون عمري ماحكيت لحد منكم اخ او استاذ ، وبنفس الوئت ماتعديت حدودي مع حد او قللت من قيمة حد لاسمح الله، ورح حاول حط حواجز وتكاليف مالها داعي بنظري بس حسيت انو كلكم متفقين مع اهلي

[نسيم الشام]

السلام عليكم

ملوكة با عسل

هذا الموضوع مو مستاهل تختلفي مع أهلك مشانو

كلمة أخ أو بشمهندس ما رح تغلبك
و بنفس الوقت بتحسس اللي بتكلميه بالإحترام

إنتي ما بتفرق معك إذا حد قلك آنسة أو لأ

بس غيرك بتفرق معه

و بعدين الشي هاد بيجيب كلام مالو لازمة من الناس بشي بسيط ممكن نتجنبه

و أهم شي رضى الوالدين

:ShababSmile240:


اهلين ملك حبيبتي دمعة اسى كفت ووفت ..

بس في توقيع لاحد الاعضااء يالي شاركو هوون ما عجبني :ShababSmile225:

[اسد 22]

سبحان الله احاول اوزن كلامي وارتبوا

ام الوليد ما اصابك لم يكن ليخطأك وما أخطأك لم يكن ليصبيك شاء الله وقدر

المشكلة بسيطة وصغيرة وممكن تكبر ما بعرف شو بدي احكي وهدول الناس بتعاملوا معك يومياً

انتي طبعك هيك من الله الموزة مستحيل تسير برتقالة هاي مشيئة الله احكيلهم شجرة التفاح تستطيع ان تثمر موز انا طبيعتي بالحكي مع اولاد خلاتي في الدين ما بتجاوز الحدود الله يهديهم وبستهزئو مع هيك صابر عليهم

متمني الله يهدي حد فيهم على ايدي بالعكس بحبوا يحكوا معي بس صراحة لمجرد التسلية

وامي بتقلي ما تحكي معهم في الدين بقلها انا هيك تعودت في البيئة إلي عايش فيها وانت تعودتي تحكي في الدنيا هيك انتوا والله هيها ما بتفتحلي قصة شو احكي وشو ما احكي

[أم الوليد]

6 مرات تحدوه

مافهمت مالو ؟؟؟؟؟شوعملت ياتحدوه!!!:ShababSmile116:

[أم الوليد]

عادي انا كنت بحكي الو شغل وسمعوني بحكي مع المهندس باسمو فحكوا ملك: انتي متى رح تتادبي وتصيري تحترمي العالم وتقدري تصرفاتك لوين رح توديكي؟؟؟؟؟؟؟؟؟؟؟؟؟؟

طبعا ماعجبني الحكي وسكتت ورحت وفهمتهم الف مرة انو مابقصد شي وانو الناس مش زعلانة مني ومقدرين طبيعتي وفاهمين علي بس شو بدنا نعمل هيك رايهم

[قاهر الصعاب]

ها الاخت ام الوليد هيك انا بنادي افضل .

انا رايي حسب الشخص اذا كان صاحب منصب او مدير بتقولي له ابو احمد مثلا او استاذ .

اما الزملاء في العمل فالافضل قول كلمة اخ حسب ما قال الاعضاء لسد باب النفوس المريضة . وحتى لو كان شخص نيته سليمة ممكن الشيطان يدخل له من هذا الباب ويصبح يفكر بشكل سيء .

يعني يا ملك طبعك على راسنا بس خففي شوي وخلي شوي علاقة رسمية مع الزملاء .

هذا من وجهة نظري والباقي عليك

نحن الشباب في العمل بنادي بعضنا استاذ او بدون مقدمات .

[أم الوليد]

وجهة نظر ورح احاول التزم فيها ان شالله شكرا الك

[الحان الحرية]

شوفي ملووكة ...

هلأ "برأيي" هي ما الها دخل بالأدب ..

بس اذا بتحكي مع شب فـ الأفضل تقوليلو استاذ او اخي أو الخ ...

المهم ..

لأنه بهالطريقة بتحطي حدود بينك و بينو "انه علاقتي فيك مقتصرة ع الشغل "

و اذا بتحكي مع بنت فـ ناديها بأي شي عادي .. لأنه ممكن تصير صداقة بينكم ..

الّا لو بدك العلاقة تضل رسمية ..

و هاد رأيي =)

أرق التحايا ..

[haya-jor]

والله يا اختي انا من وجهة نظري لازم تنادي على اي شب بتخلطي فيه بأخ او استاذ الخ ...
لأنو احترام الو هادي اولا ثاني شي انتي بتكون الك قيمه
يعني اقلك عن موقف صار معي بالجامعه .. كنت انا والبنات وفي واحد من الدفعه صار يناديني هيا الكل صار يقلي بينك وبينو شي ؟؟؟ !!! ليش بنادي عليكي هيا هيك حاف ... مو حلوه ابدا ... يعني حتى تحسي انو مافي لا ذوق ولا لابقه ولا احترام .. حتى لو ناس انا بشووفهم كل يوم دام انو بيني وبينهم حدوود وبيني وبينهم علاقه لا تتعدى الزماله ما بجوز اناديهم بأسمهم
وبعدين يا حبيبتي احنا بمجتمع مابدي اقلك محافظ وما الى ذالك لكن فيه قشور خارجيه بتحكم على الفرد وعلى وضعو

تسلمي

[اسد 22]

خلص توكلي على الله ام الوليد استخدمي اخ إلخ اريح لراسك موفقة

[أم الوليد]

تسلمولي صبايا
سداوني فاهمة عليكم ومابقلل من قيمة اي حد منهم ...بس عفوي بس يحكي حد كيفك ملك ؟ برد تمام محمد وانت كيفك؟هيك بتطلع معي بس رح حاول غير هالعادة عنجد شكر لكل حد فات هون وعطاني رايو

[نور الهدى]

اعتقد الوضع بيختلف حسب الشخص و حسب طبيعة العلاقة ..

اذا علاقة زمالة فشخصيا ما بشوف اي غلط ازا ناديته باسمه حاف !!

زي ما هو مهندس حكون انا مهندسة ..

اما اذا كان مديرك فالامر مختلف حتى و ان ما كان كبير بالسن .. هاي رسميات الشغل و موجودة في كل البلدان !

لكن بما انك في مجتمع يمكن ما يتقبل هادا الشي من بنت و بعتبرها نوع من المياعة و افساح المجال .. فالاحسن درء المفسدة ..

الشغلة بتختلف حسب المجتمع و المحيط اللي بنعيش فيه ..

و هادا الشي ما معناته انه اللي بتعمليه غلط × غلط ..

لكن الاولى مراعاة lالمبادئ اللي بمشي عليها المجتمع :)

ريحي راسك حبيبتي ^^

//

الله يوفقك

[أم الوليد]

حبيبتي فهمتي علي حسيتك لا مديرتي ام عبدالرحمن بناديها وهي بتحب هيك بس المهندسين والاشخاص التانين الي تعودت عليهم بناديهم باسمهم

بعدين اصلا في عالم اول مرة بشوفها لسه بحكيلو معك ملك مسؤولة العلاقات العامة
برد علي: اهلا ملك انا فلان

يعني منو لحالو بشيل الكلفة