هو وهي اختلفاااااااااا

[شادي الظاهر]

بسم الله الرحمن الرحيم
السلام عليكم ورحمه الله وبركاته

أخواني أخواتي
دعوة للنقاش
سؤال حير اذهان بعض الازواج ألا وهو

هي:فاتورة هاتفي النقال 700 شيكل ؟

هو: حسنا سأعطيك الـ 700 شيكل،
يعود بـ 800 شيكل ويقول
هو: معك 100 شيكل فكة لأنه ليس معي فكة
هي : نعم
هو: خذي 800 شيكل واعطيني الباقي مادام معك
هي: تعطيه تعطيه 100 شيكل
هي ((بينها وبين نفسها )): يا لك من بخيل .وكأنه يشك في أمانتي ,انا بنت عز والشواكل عنا بالقناطير أكنو مخوني ومن هالحكي ........


أخواني أخواتي
هل يحق للزوج طلب باقي النقود من زوجته حسب الموقف المذكور اعلاه ؟

وماذا تفعلي اختاه لو كنتي مكان الزوجه
والسلام عليكم ا ملا ان ارى اراء الاعضاء بهذا الموقف ؟؟ وهل تطلب من زوجتك الباقي لو كنت مكان الزوج
أخوكم شادي

[.: بو جاسم :.]

اولا يعطيك الف عافية على اهتمامك وطرحك هالموضوع المهم .. ولكن من خلال وجهة نظري اعتقد ان هذا سوء تصرف او بالاصح سوء ادارة للبيت من الرجل ... لان البيت يعتبر ملك لهما الاثنين ... وكل منهما مكمل للآخر .. وان كانت النقود بيدها فكنما هي بيده .. وبهالموقف اكيد راح يحسس زوجته ان عنده نقص ثقة فيها ...

طبعا كلام من خلال نظرة متواضعة.. دون الاستناد الى تجربة حياتية ..
تقبل مروري ودمت بود

[نور الهدى]

اولا انا لو محل الرجل بطخها .. لشو 700 شيكل مشان فاتورة تلفون !!

فاتحة وكالة البنت ولا ايش؟؟

اي انا ازا تجاوزت العشرين دولار بالشهر بتنكد !

عموما

اعتقد انه في الحالة اللي بتكون فيها الزوجة ما بتعرف تصرف .. اكيد من الاحسن ما يترك المصاري بايديها .. طبعا يعطيها مصروفها الشخصي لانه واجب عليه .. بس غير هيك لأ

او يعلمها تصرف .. و انه كل قرش اله محله

اما ازا عارفها ما بتبذر و ما بتصرف على اشياء بايخة .. و البنت واعية

فأكيد ما فيها شي يترك المصاري ..

انا بذكر انه والدي كان لما يجيه الراتب بيجيبه و يحطه بالخزانة و بصرفوا منه هما الاثنين ..

كل وضع اله تصرف خاص

//

اشكرك على الموضوع ^^

[قسامي غزة]

يا عيني
فاتورة جوال زوجتي 700 شيكل
وشو كاينة تعمل فيهم
شكلها كاينة توزع مكالمات مجانية
ههههههههههههه
انا برايي الزوجة الي ما بتخاف علي زوجها ما بتستاهل تعيش
في نساء ما بهمهم غير يتلبي طلباتهم
ومو مشكلة من وين الراجل يجيب المصاري
وبعدين قصة الفلوس ما بتكون مهمة بين الزوجين
الراجل يجيب راتبوا ويحطوا بمكان تحت ايدو وتحت ايد مرتوا
والمرة لازم تخاف علي فلوس الراجل اكتر من نفسو
مش تحكي ب 700 شيكل
يا فرحتي لو حظي طلع هيك
هههههههه
مشكور اخي

[MoHaDe]

السلام عليكم ورحمه الله وبركاته
بالبدايه يا اخي انا اللي بعرفه انو المتزوجين بكونوا مصاري الرجل والمراه واحد فش فرق بينهم ولا ليش تزوجوا والزلمه بالحالات الطبيعيه هو بصرف عمرته وشو ما عملت واذا مش قد الزواج واعبائه ليش تتزوج ولا لا
الشغله التانيه يا اخي انت عامل شغله عشان تطلع الحق معك انو عاملها عمبالغ كبيرة برجع بعدين بوضح
المهم اللي بعملها ع700 و800 شيكل بعملها على 10 و20 شيكل وبطلب الباقي من مرته فاللي بعمل بشيكل بعملها بمليون وانت استغليت المبلغ الكبيرة عشان تطلع الحق معك المهم انا ضد اللي اعملته اخي الكريم لانو لازم تحسس مرتك انك رجل وبتعطيها حقها ومش بخيل لانو مالك ومالها واحد ال معك باقي ومش باقي لونكم بحل وبتشترو بلوزة وللاسف هاي اسمها بخل واللي فش في خير لمرته واهله فش في خير لحد
الشغله اللي قلتلك فوق انه عملتها عشان صالحك اللي هي حكيت القصه بهادا الاسلوب وهاي المبالغ والاعضاء انحرفو عن الفكرةالاساسيه اللي هو كاتب انو فاتورة بلفون 700 شيكل طيب ملاحظه للاعضاء انتو عارفين شو الظروف اللي طلعت هيك الفاتورة افرضو مثلا انوكانو مسافرين وفتحو الخط دولي والتنين حكو في البلفون مش واحد من منهم وطلعت هالقد بسبب هادا الظرف مش عيب انو يسوي اللي عمله ؟ وزي ما قلت قبل اللي بعملها بمليون بعملها بشيكل هي هي
وحسب ما بعرف انا فش زلمه مزبوط باخد الباقي من مرته ههه ولا ليش تزوجها هو مش عشان يصرف ولا بده تصرف عليه؟ لو انه الاخ حطها عشغله 20 شيكل وطلب الباقي من مرته شو بكون هادا الزلمه هيك خدوها مش تحكمو عال700 وال 800 اللي الاخ حاططهم عشان يقلب ويصير الحق معه مع انو ضده بكل الاحوال ولازم تعرفو شو الظروف اللي خلت الفاتورة هالقد
الشغله الاخيرة الله يهديك عزيزي والبخل ضر ما نفع فش حد ماخد شي معه من هالدنيا واهم شي الواحد ميخليش الناس يحكو انو بخيل وخاصه مرته

[PaLeSt!Ne SouL]

700 شيكل على شو!!!:ShababSmile235:

هلأ رح أحكيلك أسرار البيت بس ما تحكي لحدا:ShababSmile233:
يا سيدي ماما بتقول لبابا بدي أشتري بميتن شيكل
بعطيها 3 مش نين
بتروح بتقله الفلوس خلصوا واللي بي أشتريه ما خلص
طبعا بابا و ماما عشرة عمر حافظها يعني:ShababSmile221:
من كم يأسبوع تم تسليم ماما مفاتيح وزارة المالية
ذلك لإتهامها بابا بعدم حسن التدبير بالمال و انو ما بكفي لآخر الشهر مصروف:ShababSmile111:

بس ماما ما شا الله عليها الي كنا نصرفه بشهر ماما صرفته بأول أسبوع:ShababSmile239:

أنا بقول حسب الزوجة إذا بتحسن تدبر أمورها ماشي الحال بس إذا لأ لازم الرجل يدقق بس مش بنفس الأسلوب اللي فوق ممكن
يقولها و الله نسيت أصرف الفلوس( أحول العملة يعني)معاكي فكة؟؟:ShababSmile240:
بس الأسلوب اللي فوق بحسسه اإنو ما بثق فيها
حتى لو كان صح المفرض ما يبين:ShababSmile222:

مشكور عالطرح:ShababSmile240:

[شادي الظاهر]

القول ان 800 شيكل مثل 20 شيكل هو امر غير صحيح فمثلاً انا اذا داينت احد 200 شيكل ولم يرجعهم لي، لا اطالبه بالمال طوال العمر، ولكن اذا داينت احد 50000 شيكل ولم يرجعهم لي سأطالبه. فغير صحيح ان ما ينطبق على مبلغ صغير ينطبق على مبلغ كبير.خلاف الزوجين كان على مبدأ ان يطلب الرجل من زوجته الباقي أو فكه وليس المبلغ نفسه، فالرجاء من الاخوة التركيز على قضية هل من المقبول ان يطلب الزوج من زوجته فكة أو باقي بعد ان اعطاها المبلغ الذي طلبته اذا كان معها فكه أو معها الباقي دون الاشتراط عليها ان تعطيه الباقي كي يعطيها المبلغ.

أي السؤال هنا ومن اجله كتب الموضوع، هو اذا كان فعل الزوج خاطىء أم غير خاطىء وهل خرج عن ما هو شرعي أما لم يخرج، وليس الحديث عن ماذا كان يمكن ان يفعل الزوج افضل مما فعل، فالخلاف بين الزوجين هو ان الزوجة تقول ان ما فعلته خرج عن الاصول وهو فعل خاطىء، والزوج يقول لم افعل شيء خاطىء يخرج عن الاصول. فلذلك الرجاء الالتزام والتركيز عند الرد على قضية هل سلوك الزوج خاطىء وخرج عن ما هو مقبول أو لم يخرج بطلبه فكه أو باقي من امرأته اذا كان معها.

[MoHaDe]

يا اخي قاعد بتخلط الامور الشغله انو انت متزوج وهاي مرتك مش صاحبك اللي يكون بيناتكم حواجز بالقصص الماليه لانو زي ما قلتلك قبل مصاريكم واحد فبتقدرش تعامل الناس زي مرتك يعني مرتك فش بينك وبينها ديون مثلا

بعدين التصرف اللي عملته يا عزيزي غلط لانو زي ما قلتلك هاي مرتك مش صاحبك تروح تقله اشتريلي علبه كولا وهات الباقي هادا الاشي اللي عملته بصغرك بنظر مرتك لازم تكون بنظرها مثال عالرجوله والكرم مش العكس ومش بعيد تصير تكرهك لاجل هالعمايل
المفروض اذا حكتلك بدي 100 تعطيها 200 مش تاخد منها الباقي

فالتصرف اللي قام في الزوج هون غلط وما بحقلو يعمل اللي عمله وخرج عن المالوف والطبيعي عند الناس

[Pink Rose]

بصراحة مش حلو هيك تصرف بالمرة !

بغض النظر عن كم المبلغ ..

فكرة انه تعطيها وتقولها رجعي الباقي مش حلوة

ومش مقبولة .. وبتدايق !

[شادي الظاهر]

صحيح الرجل من الافضل ان لا يطلب من امرأته باقي المال أو فكه، لان هذا قد يشعرها بأنه لا يثق بها، لذلك انا اتفق مع MoHaDe ومع المشرفة.

استمروا بالناقش، لتوسيع دائرة النقاش
أخوكم شادي

[MoHaDe]

ههه شايف اللهجه تغيرت
ملكش 24 ساعه بين الردين ههه كمل زلمه وضلك دافع عن الكلام اللي ذكرته قبل واقنعنا يااخي
وقلنالك يعني هاا التصرف مش مقبول وانت كنت مصر على انو عادي وهالاسلوب اللي بتسوي مش حلو تتهرب من كلامك قدام الناس كون زلمه ولو مرة وحده بهالحياه وكمل كلامك اللي قبل الرد الاخير ودافع عنه زي ما كنت تكتب فوق بزبطش تتهرب بهالاسلوب السخيف

[limar]

ياخدو ما بدي منيتو

بس كتر خيرو دفعلي الفاتورة

راجعة اناقش مرئة طريئ هلاء

[Pink Rose]

هههههههههههههه

ليمارو هي من ناحية ما بدها منيته فهي عنجد ما بدها ياها

بس القصة مو قصة مصاري

هي عالفكرة نفسها عنجد مش حلوة !!

شو هالبخل يعني بصراحة ههههههههههههه

//

محمد . . منورنا والله / زمان عنك ^^

جاية تناقش خص نص بهالموضوع :d

[الحان الحرية]

انا برأيي أكيد غلط يكون في بين تنين متزوجين حواجز خصوصا ً بالمصاري ..

لأنه المصاري بتيجي و بتروح و مش مستاهلة هالشغلات الصغيرة ممكن تكبر و تفكك الاسرة ..

و طبعا ً هاد بغض النظر عن المبلغ ..

بس هاد اللي عندي

بس سؤال لكاتب الموضوع ..

انت واحد ولا وحدة لأنك كتبت رد بموضوعي ع اساس انك وحدة


مع احترامي الشديد لك اختاه

اختك بالله ام رائد



أرق التحايا ..

[إيمـان]

:ShababSmile222:

عـــــــــــــــادي....

:ShababSmile222:

:ShababSmile222:

:ShababSmile222:

:ShababSmile222:


هع هع ....


لا هــاد الي ناكص والله 700 ريــــال..

شــو هاي..اربع وعشرين ساعه بتكلم...:ShababSmile235:

هاي بلعه مسجل ..هههههههههههههه:ShababSmile250:

بصراحه هاي ...يا مجنونه يا مهبوله يا في عقلها شي

وزجهاااا............مسكين ...ادفع ادفع يالهوييييييييييييييييييييييييييي :ShababSmile222:

شو ماعندهاا احساس.....:ShababSmile111:

:ShababSmile111:اكيد زوجها حبسها في البيت هع:ShababSmile108:

الله يهدينا احنا البنات ما بنسكت:ShababSmile250:

....تســلم يـــاشــادي صح :ShababSmile240:

[PaLeStiNe FlOwEr]

والله مو عارفة شو أحكي ما شاء الله كفيتو ووفيتوا بس شايفها حمية بين بعض الاشخاص..طبعا في ما بين مؤيد ومعارض أكيد مو الكل نفس التفكير والرأي...
ع العموم المفروض الرجل ما يطلب من مرتوا الباقي مهما كانت قيمة الفلوس ما بدنا نحكي 700 شيكل أو درهم أوريال بدنا نحكي بشكل عام حتى لو كان شيكل واحد أو ريال واحد المفروض يكون مافي فرق بيناتهم ولو وين عشرة العمر والملح والخبز اللي بيناتهم...
من غير ما هي تطلب المفروض هو يعطيها زيادة مو هي كمان بدها تصرف ع البيت وهما الاتنين المفروض ينسقوا الامور بيناتهم...
والزوجة كمان المفروض تكون مراعية ظروف زوجها يعني ما تصرف كتير بالتلفونات صحيح أنا ما بعرف ادي قيمة الشيكل بس أكيد المبلغ اللي هي كانت صارفا بالتلفون كبير...

طبعا المفروض ع كل زوج وزوجة انهم بكل اول الشهر يعني وقت ما ينزل المعاش انهم يشوفوا احتياجاتهم الاساسية وينظموا الامور المهمة ويوزعوا الفلوس بحسب الضروريات وهيك كل واحد بيوخد حاجته من الفلوس وما بيطر ينذل للتاني طبعا هي ما تعتبر مذلة الا ازا كانت عقليات حدا منهم مو طبيعية...
والله بنعيش وبنشوف اشياء اكتر من هيك...الله يصلح جميع المؤمنين والمؤمنات ويهديهم وما يفرق بين الازواج .....آميييييييييين
تحياتي

[شادي الظاهر]

يا MoHaDe أنا اولاً لم اطرح رأيي بالموضوع انما طرحت القضية للنقاش، انما انا طرحت رأيي حول قضية ان المبلغ الكبير ليس كالمبلغ الصغير واذا كنت تختلف معي فهذا حقك ولا ضير بذلك ولا يفسد للود قضية فنحن لا نختلف حول امور عقيدة لا سمح الله، أما حول اني غيرت رأي وانا لست زلمة، فأنا لم اخبرك رأي حول القضية الا في مشاركتي الاخيرة وقلت اني اتفق مع رأيك ورأي المشرفة و انه الافضل ان لا يطلب الرجل الباقي من امرأته، فلماذا هذا التهجم على اخوك في الاسلام، ومن ثم حتى لو انا غيرت رأي فهذا من شيم الرجال ان يغيروا رأيهم اذا رأوا ان الحق والرأي السديد في رأي غير رأيهم.


لماذا هذا التحامل غير المبرر انت تشعرني بأن الامر شخصي بيني وبينك، وعلى كل سامحك الله وهداك.

وعلى كل انا طرحت هذا الموضوع للنقاش في عدة جلسات مع العديد من الاصدقاء والمعارف مثلما كنت اطرح مواضيع عدة، ووجدت ان الناس ينقسمون في هذا الامر الى قسمين، القسم الاول مثلي ومثلك يا MoHaDe يرون ان الافضل عدم طلب الباقي من الزوجة، ووجدت قسم اخر يروون ان هذا امر طبيعي فالتعامل مع الزوجة في الامور المادية يجب ان لا تكتنفه الحساسية فهم شركاء يعطيها المال واحتياجاتها ويطلب منها المال أو الفكة أو الباقي دون حرج.

وبعض المعارف اوضح لي انها مسألة عادات وأذواق وليست مسألة صح وخط أو مباح وحرام، فقال ان هذه الامور تختلف من بيت الى بيت فبعض البيوت والازواج يتعاطون مع مسألة الباقي وغيرها من قضايا مباحة بدون حساسيات، وان بعض البيوت الاخرى يكونوا يجدون في مسألة طلب الباقي وامور شبيهة بأنها أمور خاطئة وعيب ويتضايقون منها.
وعند اجتماع الزوجين بحيث يكون احد الزوجين اتى من بيئة مختلفة عن بيئة الزوجة وكثيراً ما يحصل ذلك، يحدث التضارب، وهنا المهم ان يتفاهم الزوجين ويتنازل كل منهم للاخر، وانا يتجاوزا ويغفروا لبعضهم اذا تصرف احد الزوجين بشيء من السلوكيات التي لم يكن متعود عليها الزوج الاخر ببيت ذويه وان يكون حسن الظن هو المسيطر، وان يحاول الطرف الاخر مراعاة شعور زوجه وان لا يفعل ما يثير الحساسية أو التضايق قدر الامكان وحتى لو كان لا يرى في ما يفعل خطأ، وهذه هي الوصفة التي تؤدي الى التفاهم والحب والود، ولا يكون الحل بالندية والصدام وسوء الظن بل بالتفاهم والتنازل كل للاخر بالذات اننا لا نتحدث عن امور محرمة كأن يطلب الزوج من الزوجة شرب خمر أو أن يحرمها من حقها في النفقة أو أن تريد المرأة الخروج بدون لباسها الشرعي أو امور شبيهة فعندها يجب ان تكون الامور قاطعة وحازمة دون تنازل من كلا الطرفين.

[شادي الظاهر]

انا برأيي أكيد غلط يكون في بين تنين متزوجين حواجز خصوصا ً بالمصاري ..

لأنه المصاري بتيجي و بتروح و مش مستاهلة هالشغلات الصغيرة ممكن تكبر و تفكك الاسرة ..

و طبعا ً هاد بغض النظر عن المبلغ ..

بس هاد اللي عندي

بس سؤال لكاتب الموضوع ..

انت واحد ولا وحدة لأنك كتبت رد بموضوعي ع اساس انك وحدة



أرق التحايا ..
اختاه هاي زوجتي ام رائد
انا واياها بنفس الاسم
مع كل احترام ولكن انا اختم بـ "اخوكم شادي" وهي تختم بـ "ام رائد"