صور لبيتنا .. ايام حرب غزة .. ولي هدف من وظعهم الان

[تحـ البشر ـدوهـ]

بسم الله الرحمن الرحيم ..*




السلام عليكم ورحمة الله وبركاته


كيفكم جميعاً , إن شاء الله الكل بخير ؟


زمان ما نزلت موضوعـ , ف حبيت اني اعمل موضوع فيه أكم من صورة


هو عبارة عن طلب . :)


بطلب من كل مسلم . بيخاف ع اهله ووطنهـ


بطلب من كل واحد بغار ع عرضة وبنات بلدهـ


بطلب من كل انسان بيقول انا فلسطيني , وبفاخر فيها الكون


بطلب من كل انسان بيمر ع موضوعي هاد .


وبيشوف هاي الصور .


طلب زغير


عند افطارك . ادعي


لفلسطين .. وللمسلمين في ارجاء العالم


قول يا رب افتح معابر غزة


يا رب سهل الامور عليهم


يا رب انصرهم .


ادعي اي شي الهم


مش ح تاخد من اكلك صحن شوربة ما تخاف .


::

بس ادعي

::


جبتلكم أكم من صورة هيكـ


صورهم ابن عمتي الله يحفضهـ


بعد حرب غزة مباشرة


فيهم صور لأشلاء بيتنا


وفيهم صور لبقايا منطقة السيفا


::

يمكن هيك لمن تيجي تاكل تتذكر وتدعي


نشوف الصور سوى //







صورة لقنبلة .. جنبها بيانو .. كان هدية ابوي جابهالي في عيد ميلادي ال 10 وانا في السعوية

احتفضت فيها في بيت اهلي .. لكن



http://rooosana.ps/Down.php?d=8Rnu



::



صور لسيارة أخوي الأول .. كنت أحب اسرقها منهـ لمن سيارتي تخرب

كان كل ما يشوفني سارقها ينزل يبعط عجالها .. وكأنه بعاقبني


http://rooosana.ps/Down.php?d=vURq



http://rooosana.ps/Down.php?d=vU13


::


صورة لبوابة بقايا بيتنا ..

بعد ما تفجرت البوابة حتى يندخل جوات البيت

حتلاحضو اكياس في الصورة وحجات مبعترهـ

هادي بقايا فضلات اليهود الله يعزكم :)


http://rooosana.ps/Down.php?d=vxPB


::


صورة لبقايا طاولة التنس تبعتي .. اللي كنت العب فيها انا وإبن خالي الشهيد الله يرحمهـ


http://rooosana.ps/Down.php?d=1XYk


::


هادي صورة لشوية مزح .. كانو بيمزحوهـ اليهود مع الحيطهـ :)


http://rooosana.ps/Down.php?d=fiIb


::


صورة للممر ككل .. هاد الممر بتذكر مرة شوينا فيه أنا وولاد عمي .. الساعة 2 بالليل

ما بعرف شو كان جاي ع بالنا .. يوميتها طلع صاروخ قسام وخفنا اليهود تحسبنا نحنا طلقناهـ وتقصف علينا

ف طفينا الشوي

وحولناهـ جوات الغرفة .. عمركم شفتوا حد بشوي في الغرفة ؟؟

روحوا ع غزة ح تشوفوا :)


http://rooosana.ps/Down.php?d=108r


::


طبعا عم بطلع ابن عمتي وبصور كل شي بشوفهـ

بقايا الطلقات في كل مكان

وكأنه كان في ناس بتحارب جوا البيت .. مع انه كان فاضي

بعد ما اليهود طلعوا اهلي منه

وجمعوهم في بيت عمي

وقصفوا صاروخ جوات بيت عمي


http://rooosana.ps/Down.php?d=zwS9


::


هادي صورة لشاشة الدسك توب .. اللي كنت منها بتابعكم هون .. ومرات من لابتوبي

اللي اختفى

شكله انسرق .. :)


http://rooosana.ps/Down.php?d=s57R


::


صورة للصالة

بعد ما امي فرشت فرش البيت فيها .. على شان تبعد عن كل الحيطان المؤدية للخارج

خوفا على اخوتي من انهم يتصاوبي او اشي

عاشوا لمدة 15 يوم جوات هاي الصالة

او الجزء المظلم منها بالأصح

وبعديها دخلوا اليهود البيت

حتى يطلعوا أهلي بالقوة و يحولوه لثكنة عسكرية الهم


http://rooosana.ps/Down.php?d=Ts8A


::



الطلاق من كل مكان

والى كل مكان

وكأنه أحول اللي كان ماسك المسدس وبطخ

مو عارف انه هون في اطفال

انه بطلقته هاي ممكن طفل ينجن

عجوز يموت

انسان مجرد من سلاحه يروح


http://rooosana.ps/Down.php?d=jqFi


::


وبرات البيت عاد ..

بيوت عمامي

وخوالي

اهلي وحبابي

وجيراني


http://rooosana.ps/Down.php?d=ishu


http://rooosana.ps/Down.php?d=NHtZ


http://rooosana.ps/Down.php?d=XB613


http://rooosana.ps/Down.php?d=kfPF


http://rooosana.ps/Down.php?d=vPmU


http://rooosana.ps/Down.php?d=n5Yy


http://rooosana.ps/Down.php?d=wtEN




::

وهون صورة لسيارة أخوي التاني .. هي كمان كنت اسرقها .. لكن ما كنت اعرف اسوقها منيح

كتير كنت اصدمها

واصلحها .. واخوي ما بعرف

لكن .. اول ما شفت صورها .. اعترفتلهـ

الدبابة .. ماشية ع السيارة :)



http://rooosana.ps/Down.php?d=ppx9


http://rooosana.ps/Down.php?d=uwT7


http://rooosana.ps/Down.php?d=n991


بدكم تعرفوا شو هيي السيارة ..

طب شوفوا هـ الصورة


http://rooosana.ps/Down.php?d=8Mjv


وااااو

اودي

نايس كتير مو ؟


::


صورة أخوي .. واقف ع سيارتة .. ومشخصه معاهـ

لدرجة أنه لابس كود أو بالطو .. يسلملي

ولعلمكم الرمل هاد الكتير يلي عامل متل طلعات ونزلات

هاد كان شارع سفلت


http://rooosana.ps/Down.php?d=PPPb



::


وهون عاد بيت خالي .. اللي استشهد فيه ابنه

الله يرحمهـ .. الله يرحمك يا حبيبي

الله يجمعنا وياك في الجنة .. وبس


http://rooosana.ps/Down.php?d=T5Qb

جمب البيت بقايا مسجد ..

انمسح عن وجه الأرض

::


المسجد ..


http://rooosana.ps/Down.php?d=3dq7Q


::


هان عاد صورة لمقبرة ..

جدي فيها .. وجدي .. وعمي الشهيد .. وفيها صحابي الشهداء .. فيها كتير ناس كنت بعرفهمـ

شوفوا هالطريقة .. المحترمهـ

اللي تعاملوا فيها مع ناس موتى شهداء .. الله يرحمهم


http://rooosana.ps/Down.php?d=TmCF


::


صورة لقذيفة

في حوش بيتنا :)

طاير راسها

على ما اعتقد قذيفة اَر بي جي


http://rooosana.ps/Down.php?d=I9441


::

وهادي صورة لمناشير كانت ترميها اليهود من الطيارات ع منطقتنا


http://rooosana.ps/Down.php?d=G2tI


::


هادي صورة لناقلة جند اسرائيلية .. تركوها وشردوا


http://rooosana.ps/Down.php?d=bZif







نفيتٌ واستوطنَ الأغرابُ في بلدِي , ودمروا كلَّ أشياءِ الحبيباتِ .




::



الحمد لله على كل شيئ


::


في أمان الله

[أبومجاهد]

لا حـــول ولا قــوة إلا بالله ،،

لك الله يا غــزة الإباء لك الله يا شمــال العــزة ،،،

لكم الله يا اهل شمال غــزة ،،

وانتم تقدمــون الشهيد تلو الشهيــد ،،

وتقــدمون بيتكم واموالكم فداء لهذا الديــن ولهذا الوطـــن الغالي ،،،

ومع كل هذا لن يستطيعوا بإذن الله كســر شوكة الشـعب الفلســطيني ،،

حتى لو هدم البيوت فوق رؤوس اصحــابها ،،،

اهنئك أخي محمد باستشهاد جدك وابن عمــك ،،

ونسأل الله ان يجميعنا بشهدائنا واحبـــابنا في القــريب العاجـــل ،،،

والف الحمد لله ع ســـلامة الاهل ،،،

يلا الحال من بعــضه .. ^^

اذا توفر صــور للبيتنا برضــو بورجيك اياهم ،،

يعطيك العافيــة

[moon girl]

الصراحه كتير اتاثرت والله

عم ببكي من قهري

شو بدنا نقوول غير حسبنا الله ونعم الوكيل بس


خيووو الله يعوض عليكم

ويرحم شهيدكم

وكل شهداء فلسطين يااارب

و يكونو في الفردووس الاعلى


تحيااتي

بنت قمر

[limar]

لا حول ولا قوة الا بالله

والله مو عارفة شو احكي

الله يفرجها بس

مشكور اخي

[صدى الحب]

لا حول ولا قوة الا بالله ,,
والله ما بننساكوا من الدعاء ,,

موضوعك اثر فيا كثير ..


الله يكون بالعون ,,

[أبو يقين]

الله ينتقم منهم يا شيخ ..؟؟

هذا الخال والله يا أخي بعد الحرب

لسا انت أحسن من غيركـ

نحمد الله على كل اشي

فيه ناس فقدت عيلتهم بالكامل

فقد أبوهـ وأمه وأخواته

فقد بيته

فقد أصحابه

هااااد حال أبناء الشعب الفلسطيني

ولكن أخي سنبقى صامدون فوق هذه الأرض

مهما عملوا ومهما ساوا

من رحم المعاناة رح نقف بوجوهم

رح نبقى نقاوم لأنه هاادا حقنا

رح نبقى متمسكين بأرضنا وما رح نتخلى عنها


بنموت واقفين وما بنركع الهم أخي

بتعرف اني انمغصت وأنا بشوف بموضوعكـ

يلا أخي

ربنا يعوضكم يا رب


احترامي ..؟

[همسة العشاق~]

لا حول ولا قوة الا بالله

حسبي الله ونعم الوكيل

لك الله يا غزة

ما رح ننساكم بدعواتنا اكيد

بجد والله اني تاثرت كتير بالحكي والصور وعنجد الدمعة في عيني

الله يصبركو ويصبر جميع الشعب الفلسطيني

[إسراء الفلسطينية]

لا حول ولا قوة الا بالله ..

الله ينتقم منهم اليهـود !

والله شي بحزن ..

صعب انو كل شي الواحد يحبو يروح هيك ..

بس النا رب العالمين ..

الله يعوضكم خير .. ويرحم شهدائنـا الأبرار

[Arabian girl]

الله يفرجها ع كل اهل غزة ويصبر اهلك خيي تحدوه

وان شاء الله بندعيلهم :)

[انتهينا]

يالله
اديش صعب انه الشىء اللى بتهتم فيه يروح والاصعب الناس اللى بنحبهم لما يروحوا

قلبت المواجع

حصل مع عمى وزوجته بس منهم لله قذائفهم نزلت على السياره وهم فيها

الله يورينا فيهم يوم

مافى حد فى غزه اترحم

الله لايرحمهم ويصبر الجميع

ويرحم شهدائنا

ويفرجها ع الدول العربيه وتنطق لانه بجد الوضع صار مخزى

بعين الله

[[ Islam ]]

غيض من فيض ..!

بعين الله ..

[بقـ..ــايـ..ـا إنسـ..ـانـ]

لي عودة !

[sweet soul]

.... :ShababSmile223: .....

no comment

just

::

◊◊◊

اللهم أرحم شهداء غزة و أشفي جرحاهم.....

اللهم أنزل السكينة على قلوب الثكالى و اليتامى و المفجوعين. ...
.اللهم نجعلك في نحور اليهود الصهاينة في فلسطين.....

و أكفنا شرورهم و أرحم إخواننا المسلمين في كل مكان...


اللهم إنا نشكوا لك اليهود فإنهم لا يعجزونك يا جبار ...


◊◊◊
=)

[طوق اليمامة]

لا حول ولا قوة الا بالله

الله يكون بعون اهل غزة ويصبرهم

والله اشي بيقهر

الله ينتقم من اليهود

الله بعين اخي

[تحـ البشر ـدوهـ]

لا حـــول ولا قــوة إلا بالله ،،

لك الله يا غــزة الإباء لك الله يا شمــال العــزة ،،،

لكم الله يا اهل شمال غــزة ،،

وانتم تقدمــون الشهيد تلو الشهيــد ،،

وتقــدمون بيتكم واموالكم فداء لهذا الديــن ولهذا الوطـــن الغالي ،،،

ومع كل هذا لن يستطيعوا بإذن الله كســر شوكة الشـعب الفلســطيني ،،

حتى لو هدم البيوت فوق رؤوس اصحــابها ،،،

اهنئك أخي محمد باستشهاد جدك وابن عمــك ،،

ونسأل الله ان يجميعنا بشهدائنا واحبـــابنا في القــريب العاجـــل ،،،

والف الحمد لله ع ســـلامة الاهل ،،،

يلا الحال من بعــضه .. ^^

اذا توفر صــور للبيتنا برضــو بورجيك اياهم ،،

يعطيك العافيــة



صدقت ,,

لك الله يا غزة

::

ان شاء الله يا بلال بتجيب الصور

والله لا يعيدها من أيام حرب

بننتضر صورك :)

[تحـ البشر ـدوهـ]

الصراحه كتير اتاثرت والله

عم ببكي من قهري

شو بدنا نقوول غير حسبنا الله ونعم الوكيل بس


خيووو الله يعوض عليكم

ويرحم شهيدكم

وكل شهداء فلسطين يااارب

و يكونو في الفردووس الاعلى


تحيااتي

بنت قمر



لا يا خيتي ما تبكي

ادعي

:)

عمرهـ البكاء ما جاب شي

لكن الدعاء

عمرهـ ما خاب لو كان صادق

::

بارك الله فيكي

[تحـ البشر ـدوهـ]

لا حول ولا قوة الا بالله

والله مو عارفة شو احكي

الله يفرجها بس

مشكور اخي



يا رب

::

العفو اختي

وشكرا ع المرور

[تحـ البشر ـدوهـ]

لا حول ولا قوة الا بالله ,,
والله ما بننساكوا من الدعاء ,,

موضوعك اثر فيا كثير ..


الله يكون بالعون ,,



وهاد اهم شي اختي ,, الدعاء

بجد محتاجين دعاء

::

والله يكون بالعون

::

شكرا ع المرور وما ننحرم منهـ يا رب :)

[تحـ البشر ـدوهـ]

الله ينتقم منهم يا شيخ ..؟؟

هذا الخال والله يا أخي بعد الحرب

لسا انت أحسن من غيركـ

نحمد الله على كل اشي

فيه ناس فقدت عيلتهم بالكامل

فقد أبوهـ وأمه وأخواته

فقد بيته

فقد أصحابه

هااااد حال أبناء الشعب الفلسطيني

ولكن أخي سنبقى صامدون فوق هذه الأرض

مهما عملوا ومهما ساوا

من رحم المعاناة رح نقف بوجوهم

رح نبقى نقاوم لأنه هاادا حقنا

رح نبقى متمسكين بأرضنا وما رح نتخلى عنها


بنموت واقفين وما بنركع الهم أخي

بتعرف اني انمغصت وأنا بشوف بموضوعكـ

يلا أخي

ربنا يعوضكم يا رب


احترامي ..؟



فعلا يا اخي

كتير ناس فقدوا عوائلهم

::

وكتير ناس شافوا وعانوا

كان من ضمنهم اهلي .. من الناس اللي حاولوا اليهود قتلهم

لكن ما قدروا بعون من الله

::

والله يا ابو يقين

انه امي قالتلي ..

كنت امشي وادعي

اللهم اني استودعك اهلي واولادي ونفسي فانت اللذي لا تضيع ودائعه

حكتلي كنت اشوف متل ملائكة عم تبعد الطخ عنا

كانت تجري هي واخوتي

واخوي الكبير ماسك عيون اختي الزغيرة سارة يلي عمرها حوالي 10 سنين

ومسكرهم خايف عليها تشوف راس انسان مقطوع

او انها تشوف اشي من هـ القبيل

ما كان بدهـ انها تخسر طفولتها

::

والشي اللي دابحني هان في الصين

لمن اشوف طفل فرحان وبلعب مع اهلهـ

اصير اقول في نفسي طب شو ذنب سارة وخالد اخوتي

زغار

ليش هدول بيلعبوا وهدولاك بيحتضروا

لكن ..

يلي بيعرف سبب وجودهـ في الكون

بييقن انه هاد ابتلاء من الله

لازم نتحمله ونصبر

فـ الحمد لله على كل شيئ

::

بوركت اخي في مرورك

[تحـ البشر ـدوهـ]

لا حول ولا قوة الا بالله

حسبي الله ونعم الوكيل

لك الله يا غزة

ما رح ننساكم بدعواتنا اكيد

بجد والله اني تاثرت كتير بالحكي والصور وعنجد الدمعة في عيني

الله يصبركو ويصبر جميع الشعب الفلسطيني


ما تبكوا يا جماعة

عمرهـ البكاء ما بيفيد

انا ما نزلت الموضوع حتى نحزن

ونزعل ونبكي

::

قال تعالى : { ولا تهنوا ولا تحزنوا وأنتم الأعلون إن كنتم مؤمنين }

::

كل اللي بدنا ياهـ منكم

هو الدعاء

هادا شهر تقبل في الدعوات

وللصائم عند فطرهـ دعوة لا ترد

شدو حيلكم يعني :)

لأنه كم يؤسفني انه يمر يوم علينا

ما ندعي فيه ولا شيئ

متل كأنه انسان واقف تحت مطر فلوس ومو لامم ولا قرش منها

:s

::

بارك الله فيكي اختي

[تحـ البشر ـدوهـ]

لا حول ولا قوة الا بالله ..

الله ينتقم منهم اليهـود !

والله شي بحزن ..

صعب انو كل شي الواحد يحبو يروح هيك ..

بس النا رب العالمين ..

الله يعوضكم خير .. ويرحم شهدائنـا الأبرار


اللهم امين

::

فعلا اختي

صعب كتير انه واحد يفقد شي بحبهـ بالسهولة هاي

فما بالك لو كان اخ وصديق وقريب

خليها على الله يا اختي

::

:)

بارك الله فيكي

[تحـ البشر ـدوهـ]

الله يفرجها ع كل اهل غزة ويصبر اهلك خيي تحدوه

وان شاء الله بندعيلهم :)


اللهم امين

::

وادعي يا خيتي اهـ

الدعوة خير سلاح في هيك موقف

الواحد فيهـ عاجز عن فتح تمه اما انسان قاعد بفوت بيته قدام عينه

بياخد ما بيشتهي منه وبيطلع وبضربه كمان

::

بارك الله فيكي اختي

[اسد 22]

لا حول ولا قوة إلا بالله الله يصبركم ويهدي المسلمين ويوحد صفوفهم

الصبر الصبر حتى يأتي الفرج ماذا عساني ان اقول يا اخي غير حسبنا الله ونعم الوكيل على الطغاة واوليائهم

[Arabian girl]

بعترف هلا شفت الصور كاملة :ShababSmile223:
عن جد حسيت هلا منيح :ShababSmile223:
ان الله اذا احب عبد ابتلاه
حسبي الله ونعم الوكيل
ما هي الا وحوش شرسة نجسة تأكل وتدمر الزهور

الله يوفق كل اهل غزة ويرزقهم الفردوس الاعلى

بس الاشي اللي نحنا متأكدين منو عدل الله
وحسبي الله ونعم الوكيل :ShababSmile223:

[تحـ البشر ـدوهـ]

يالله
اديش صعب انه الشىء اللى بتهتم فيه يروح والاصعب الناس اللى بنحبهم لما يروحوا

قلبت المواجع

حصل مع عمى وزوجته بس منهم لله قذائفهم نزلت على السياره وهم فيها

الله يورينا فيهم يوم

مافى حد فى غزه اترحم

الله لايرحمهم ويصبر الجميع

ويرحم شهدائنا

ويفرجها ع الدول العربيه وتنطق لانه بجد الوضع صار مخزى

بعين الله



بعين الله اختي

::

الله يكونلنا معين يا رب

ويقدرنا

الله يرحم الكل

::

اما بالنسبة للدول العربية

فلا رجاء منهم

ولكن وجهت وجهي للذي فطر السماوات والأرض حنيفاً وما أنا من المشركين

دعوته ورجوته

لا اله الى هو على كل شيئ قدير

::

بارك الله فيكيي دكتورة

[تحـ البشر ـدوهـ]

غيض من فيض ..!

بعين الله ..




بعين الله

::

شكرا ع المرور

[تحـ البشر ـدوهـ]

لي عودة !



بانتضارك

[εïз ملآكـ εïз]

يــآ ربي

ما قدرتـ امسكـ دمعي و اللهـ ..

ما فيني اتخيلـ موقفكـ و انت بتتفرج ع زكريــآتكـ كلهــآآ . مدمرهـ هيكـ ع ايــآدي صهـآينهـ وسخينـ

و هلا بس حكيت عن اختك و امكـ و اهلكـ .. زآدتـ الحسرهـ الي بالبي

حبيبتي غزهـ .. و لو هيـآ مقصوفهـ و مدمرهـ .. بتضلـ احلى الف مرهـ من غيرهــآآ

اكيد ما رح ننسى ندعي لبلآدنـآ و لاهالينـآ ..

بتشكركـ ع الموضوع و الصور

بلكي حد شــآفهم وحن قلبـ العربـ

بلكي !!

تقبلـ مروري

[مآهينآز]

لا حول ولا قوة الا بالله ..

الله يشل ايدى اليهود وينتقم منهم

حمدالله على سلامة اهلك يا تحدوه

الله يبارك فيك اخى

و يصلح الحال عن قريب إن شاء الله

[تحـ البشر ـدوهـ]

.... :shababsmile223: .....

no comment

just

::

◊◊◊

اللهم أرحم شهداء غزة و أشفي جرحاهم.....

اللهم أنزل السكينة على قلوب الثكالى و اليتامى و المفجوعين. ...
.اللهم نجعلك في نحور اليهود الصهاينة في فلسطين.....

و أكفنا شرورهم و أرحم إخواننا المسلمين في كل مكان...


اللهم إنا نشكوا لك اليهود فإنهم لا يعجزونك يا جبار ...


◊◊◊
=)




:(


اللهم امين

::

شكرا ع المرور

[تحـ البشر ـدوهـ]

لا حول ولا قوة الا بالله

الله يكون بعون اهل غزة ويصبرهم

والله اشي بيقهر

الله ينتقم من اليهود

الله بعين اخي





بعين الله

::

فعلا شي بيقهر يا خيتي

بتحسي متل كأنه انسان فايت بيتك وبياكل اكلك وبضربك

لا حول ولا قوة الى بالله العلي العظيم

::

يا رب

::

شكرا ع المرور اختي

[تحـ البشر ـدوهـ]

لا حول ولا قوة إلا بالله الله يصبركم ويهدي المسلمين ويوحد صفوفهم

الصبر الصبر حتى يأتي الفرج ماذا عساني ان اقول يا اخي غير حسبنا الله ونعم الوكيل على الطغاة واوليائهم



لا حول ولا قوة الى بالله

::

صبرنا يا اخي

وما زلنا صابرين

والله يكون بالعون

::

مع العلم اني كنت في الصين

وكان علي امتحان مادهـ طبيهـ صعبة جداً تاني يوم

كانت الدمعة بعيني حابسها

احاول قدر المستطاع ما اتركها تنزل

صحابي كانوا جمبي

بيحاولوا يواسوني

لكن ..

لا الناس تعرف ما ذنبي ف تعذرني ولا سبيل لديهم في مواساتي

::

بارك الله فيك اخي

[تحـ البشر ـدوهـ]

بعترف هلا شفت الصور كاملة :shababsmile223:
عن جد حسيت هلا منيح :shababsmile223:
ان الله اذا احب عبد ابتلاه
حسبي الله ونعم الوكيل
ما هي الا وحوش شرسة نجسة تأكل وتدمر الزهور

الله يوفق كل اهل غزة ويرزقهم الفردوس الاعلى

بس الاشي اللي نحنا متأكدين منو عدل الله
وحسبي الله ونعم الوكيل :shababsmile223:



فعلا .. الشي اللي مصبرنا ..

هو الله جل جلاله

قال تعالى : { وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الأَمْوَالِ وَالأَنْفُسِ وَالثَّمَرَاتِ وَبَشِّرِ الصَّابِرِينَ (155) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ (157) }


::

ف انا لله وانا اليه راجعون

::

بارك الله فيكي اختي ع المرور

[تحـ البشر ـدوهـ]

يــآ ربي

ما قدرتـ امسكـ دمعي و اللهـ ..

ما فيني اتخيلـ موقفكـ و انت بتتفرج ع زكريــآتكـ كلهــآآ . مدمرهـ هيكـ ع ايــآدي صهـآينهـ وسخينـ

و هلا بس حكيت عن اختك و امكـ و اهلكـ .. زآدتـ الحسرهـ الي بالبي

حبيبتي غزهـ .. و لو هيـآ مقصوفهـ و مدمرهـ .. بتضلـ احلى الف مرهـ من غيرهــآآ

اكيد ما رح ننسى ندعي لبلآدنـآ و لاهالينـآ ..

بتشكركـ ع الموضوع و الصور

بلكي حد شــآفهم وحن قلبـ العربـ

بلكي !!

تقبلـ مروري



بعين الله

::

لكن والله ما بننتضر من اي انسان انه يحن قلبهـ علينا

::

ربي ان لم يكن لك به غضب علينا .. فلا نبالي

::

بارك الله فيكي ملاك

واكيد بنتقبل مرورك

[تحـ البشر ـدوهـ]

لا حول ولا قوة الا بالله ..

الله يشل ايدى اليهود وينتقم منهم

حمدالله على سلامة اهلك يا تحدوه

الله يبارك فيك اخى

و يصلح الحال عن قريب إن شاء الله







الله يحرقهم اليهود

::

والله يسلمك ماهي

ربنا يسمع منك يا اختي

وبارك الله فيكي

[نونو الحلوة]

يا الله شو هاد



حسبي الله ونعم الوكيل فيهم هالأوغاد



عنجد الصور مش طبيعية


الله يورجينا فيهم يوم أسود يارب



الله يرحم شهدائنا يارب واجمعنا معهم في الجنان يا قادر يا كريم

[عسليه]

حسبنا الله ونعم الوكيل ..

بعين الله ربنا يصبركم ان شالله

بردو تذكر ناس وضعهم أسوأ منكم ..!

راحت في اللي بتعوض ان شالله

المهم سلامة أهلك .. ان شالله بترجع وبتشوفهم على خير ..

[أبو يقين]

فعلا يا اخي

كتير ناس فقدوا عوائلهم

::

وكتير ناس شافوا وعانوا

كان من ضمنهم اهلي .. من الناس اللي حاولوا اليهود قتلهم

لكن ما قدروا بعون من الله

::

والله يا ابو يقين

انه امي قالتلي ..

كنت امشي وادعي

اللهم اني استودعك اهلي واولادي ونفسي فانت اللذي لا تضيع ودائعه

حكتلي كنت اشوف متل ملائكة عم تبعد الطخ عنا

كانت تجري هي واخوتي

واخوي الكبير ماسك عيون اختي الزغيرة سارة يلي عمرها حوالي 10 سنين

ومسكرهم خايف عليها تشوف راس انسان مقطوع

او انها تشوف اشي من هـ القبيل

ما كان بدهـ انها تخسر طفولتها

::

والشي اللي دابحني هان في الصين

لمن اشوف طفل فرحان وبلعب مع اهلهـ

اصير اقول في نفسي طب شو ذنب سارة وخالد اخوتي

زغار

ليش هدول بيلعبوا وهدولاك بيحتضروا

لكن ..

يلي بيعرف سبب وجودهـ في الكون

بييقن انه هاد ابتلاء من الله

لازم نتحمله ونصبر

فـ الحمد لله على كل شيئ

::

بوركت اخي في مرورك


سحقا لأطفال العالم ان لم يبتسم أطفال فلسطين

[أســـآمـة]

( أم حسبتم أن تدخلوا الجنة و لما يأتكم مثل الذين من قبلكم مستهم البأساء و الضراء و زلزلوا حتى يقول الرسول و الذين ءامنوا معه متى نصر الله ألا ان نصر الله قريب)

و ما خفي كان أعظمــ..!

[بقـ..ــايـ..ـا إنسـ..ـانـ]

قسم بالله دمعت عيني ،،

لا حول ولا قوة الا بالله ،،

الله على الظالم ،،

سلام !

[الكتكوت المتوحش]

الله يفرجها عليكم يااارب

ولنصر قريب ان شاء الله


بس ملاحظه صغيره

السياره الثانيه مش اودي هههههههه

السياره دايو هع

سلامي لك

[تحـ البشر ـدوهـ]

يسلمولي كل اللي مروا

::

ويا كتكوت

هههههه

يعني انت اللي وقفك ترد ع الموضوع ك كل .. اني تلخبطت بالاسم ولا شو ؟؟

انا لله وانا اليه راجعون

طيب دايو

::

الاودي بتيجي علامتها دوائر فايته ببعض

وبعرفها

وبحب الاودي تي تي .. لأنها سيارة سبورت وحجات دلع يعني

وفي احصائيات 2000 لأجمل السيارات حسب رأي الجمهور

احتلت الاودي تي تي المرتبة الرابعهـ كمان يلى شخص

:

ع العموم بارك الله فيك ع مرورك

وهلأ بصلح الاسم

:)

[جورية القسام]

لا حول ولا قوة الا بالله :)

كلو بالجنة بيتعوض ان شاء الله .. واحسن من هيك ..~

وكل حبايبك اللي فقدتهم في الحرب .. بالجنة راح تلاقيهم ان شاء الله

اصبر يا اخي .. كل صبرك لله .. مو لغيروا

الله يفتح هالمعبر .. ويفك أسر جميع من فيه

[PaLeSt!Ne SouL]

لا تعليق!!!!

ليس الخبر كالمعاينة

[امتزاج ..!]

لا حول ولا قوة الا بالله

واللهِ اني لـ خجلة !!

أخي تحدوه ربما لا رجاء يُنشد من عتادنا ولكن يعلم الله انكم حاضرون في عقولنا وقلوبنا

ألسنتنا تلهج بالدعاء لكم قبل كل تمرة تسْتقِرُ في أجوافنا ..

فرج الله عنا وعنكم

فرج الله عنا وعنكم

فرج الله عنا وعنكم

لله المال والأنفس جميعا له ما أخذ يا أخي وله ما أعطى ..

اسأل الله لكم بيوتٌ عامرة في جنة الخُلد



صور تدمي القلب والله .. لا نملك لكم الان الا الدعاء وأكثرنا مُقصْر حتى في هذه !!!

[waяm heaяt]

:ShababSmile223::ShababSmile223:




مآآئدرت امنع دمعتي تنزل ..



بغض النزر عن الصور الي بتئطع الئلب ..


لحآآلو كلآآمكـ باسترجآآع زكريآآتكـ ببكي ..!


:ShababSmile223:


:

بالنسبة للطلب ..


ازآآآ مآدعينآآ لأهلنــآ ، لنآآسنآ لوطننآ

لمين رح ندعي ..؟؟!!




:




اللهـ يصبر بس .. ويغير الحآآل بأحسن حــآل

اللهـ يرحم شهدآآئكم .. ويجعل مأوآهم الج ــنهـ :ShababSmile223:




اللهم ارنــآ باليهود عجآآئب قدرتكـ ..

اللهم ارنــآ باليهود عجآآئب قدرتكـ ..

آآآمين






جآآي الفجر .. بعد الليل بعد الويــل ..!

[غرام فلسطين]

لا حول ولا قوة الا بالله
الله ايصبركم ويحميكم يا رب

انشاء الله ما رح ننساكم من الدعاء

والله ايئويكم وينصركم على العدو

[الحان الحرية]

لا حول ولا قوة الا بالله =(

حسبنا الله و نعم الوكيل فيهم ..

ما خلّو شي من شرهم ..

ما خلّو حدا مرتاح ..

بس ان شا الله النصر قريب ..

و غزة متل ما اتعودنا عليها صامدة بوجه كل الاعداء باذن اللهـ ..


والله كتير اتأثرت =(

و مع اني كل يوم بتذكر ادعي لـ غزة و لـ كل المسلمين .. بس لما شفت الموضوع اتأكدت انه عمري ما راح انسى أدعي لأهل غزةو لـ شهداءها .. :ShababSmile223:

[samsoon algeria]

النصر أاااااااااااات

[تحـ البشر ـدوهـ]

هلا والله بكل اللي مروا

::

بعين الله يا جماعة

( ولا تهنوا ولا تحزنوا وانتم الاعلون )

[نابلسية كححح]

الله أكبررررر


شو هادي الصور ..


الله يزلهم اليهود ..

مش عارفه شو أحكي :(





ادعي اي شي الهم


مش ح تاخد من اكلك صحن شوربة ما تخاف .



ههههههه

والله كل يوم اهلنا في غزة معنا ..

الله ينصرهم على من عاداهم ..

الله يحميهم ..

[عاشق الحور]

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين

أخي .. هذا هو ديدن اليهود وعاداتهم عندما يفشلوا حقا في مواجهة المقاومة يلجأوا إلى مواجهة الأحجار التي صدمت أمام نازيتهم

ظنوا أنهم قد يفتوا في عضد هذا الشعب الصابر المرابط حتى ينبذ المقاومة ،، ولكنه تفاجأ بأنس ما زالو يرفعون الرايات على حطام بيوتهم

معلنين أن لا حل إلا بالمقاومة ولا خيار إلا الجهاد

حسبنا الله ونعم الوكيل ، ونسأل الله أن يبدلكم خيرا منه في الآخرة حيث لا يضيع الأجر ولا ينقص

وما عندا الله خير وأبقى

.............

فاصل ..

http://rooosana.ps/store/5/09_09_04-16_42_45-LsYd@0.jpg

هادي عمرها ما كانت ار بي جي ،، قذيفة مسمارية من دبابة والعلم عند الله

وهادي بس اسطوانة الحشوة الصاروخية

^^

بس بتوجع لو وقعت على راسك فدير بالك ^_*

[ღ حورية فلسطين ღ]

الله يهدهم متل ما عم بهدو بيوتنا

جاييهم يوم بإذن الله

يسلمو ايديك خيو

[.. ليآل ~]

:ShababSmile223:

والله مابعرف شو احكي

خجلانه من حالي

وحتى لو بندعيلكم كل ساعه وكل دئيئه بنضل مئصرين

ولو الروح بتتئدم كنت ئدمت روحي لأهلي وحبايبي بغزة ،،، بس ماباليد حيله:ShababSmile223:

الله يفرج كربكم ،، ويكون معكم ،، والحمد لله على سلامه اهلك كلهم ،، وفداهم كل البيوت والسيارات المهم همي

صور مؤثرة والله ):

الله يعينكم

[نور الهدى]

لا تعليق ..

بإذن الله حياتنا كلها حتكون نُصرة ..

[nables120]

لا تعليق حالتي وحالتك متساوية