مع و لا ضد تعدد الزوجات؟هل تقبل هذا الأمر؟ [الأرشيف]

PaLeSt!Ne SouL

08-19-2009, 05:23 AM

السلام عليكم ورحمة الله وبركاته وبعد

نحن نعلم ان الاسلام قد حلل للرجل الزواج من اربعة نساء و نعلم ان الاسلام لم يحلل شيئا

الا وفيه خير للبشريه جمعاء

فتعدد الزوجات فيه منفعه للرجال وايضا فيه منفعه للنساء وهذا معروف لدى الجميع

ولكن هناك مشكله وهو عدم قبول بعض الزوجات للاسف الشديد على ان زوجها يتزوج عليها وتحاول بكل الطرق

المشروعه والغير مشروعه على منعه من الزواج عليها0 وقد سمعنا كثير من الزوجات اللاتي قتلنا

ازواجهن واللاتي سحرن ازواجهن وآخر شي التي حرقت خيمة الفرح بالكويت
واللاتي طلبنا الطلاق ووووووووووووووو كثير من الافعال الشريره

بحق زوجها واب اولادها للاسف الشديد

لدي هنا بعض الاسئله وارجو الاجابه عليها

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟

س3-وهل زواج الرجل من الثانيه معناه انه لم يعد يحب الاولى؟

لو كنت شب هل من الممكن أن تفكر بتعدد الزوجات؟؟
وهل تقبل لزوج أختك أن يتزوج عليها؟؟ أو ابوك أن يتزوج على أمك؟
لو كنت بنت هل تقبلي بأن يتزوج عليكي ؟؟ما هو شعورك؟؟

بدنا الصراحة مش الكلام اللي ما بنطبقه

فارس الوطن

08-19-2009, 06:26 AM

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟

بلى.. ظلم.. إذا كان العدل مووجود ليش لترفض ..والله حلل هالشي.. الله خلق الخلق وهو اعلم بهم

قال الله تعالى : { وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا }

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟

الجاهلة حسب تفكيرها تعتبرها دخيلة او سلبت زوجها منها..و المتفهمة تتقبل الوضع

والافضل ان تكون الزوجة مطيعة لزوجها..وانا عن

نفسي لما اتزوج ان شاء الله ..بحب تكون

مطيعة وبحب اسمع منها دايما كلمة حاضر ..

س3-وهل زواج الرجل من الثانيه معناه انه لم يعد يحب الاولى؟

كل وحدة إلها مكانتها بالقلب ..طبعا رح يكون تفاوت بالحب ..فما رح تكون اللي سرقت القلب وسحرتو متل

اللي اجت بعدين .. واكييد هالشي داخل الصدر بدون التجريح للتانية

PaLeSt!Ne SouL

08-19-2009, 07:12 AM

فارس الوطن

مشكور ع مرورك الطيب

بس لو أبوك قرر يتزوج ع إمك ( لا سمح الله ) شو بيكون شعورك؟؟

قاهر الصعاب

08-19-2009, 10:30 AM

موضوع جيد

انا مع تعدد الزوجات .

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟

بسبب الخوف من العار والفضيحة بين النساء .

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟

هذا بسبب العادات الدارجة وايضا ما نشاهدة على التلفاز فهو يعمل على تنمية هذه الفكرة .

س3-وهل زواج الرجل من الثانيه معناه انه لم يعد يحب الاولى؟
نعم ولا ، يوجد ازواج يتزوجون بسبب المشاكل وانهم يركرهون الزوجة الاولى ، وايضا ممكن تكون الزوجة الاولى ليست جميلة او مريضة وغيرها من الامور. واحيانا يحب زوجته الاولة لكنه يتزوج عليها من اجل الانجاب .

لو كنت شب هل من الممكن أن تفكر بتعدد الزوجات؟؟
نعم
وهل تقبل لزوج أختك أن يتزوج عليها؟؟ أو ابوك أن يتزوج على أمك؟
لا لا اقبل هذه المشكلة .

همسة العشاق~

08-19-2009, 12:41 PM

اكيد ضد

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟ لانوا بتعتبر هاد الشي ظلم الها وهو هيك بكون باغلب الاوقات

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟
لانها ضرة ومستحيل تكون صديقة لانها اخذت جزء من اهتمام زوجها فيها

س3-وهل زواج الرجل من الثانيه معناه انه لم يعد يحب الاولى؟
اكيد اذا كانت الزوجة الاولى منيحة وبتجيب اولاد وما فيها عيوب اكيد لانو قلل من حبها

لو كنت شب هل من الممكن أن تفكر بتعدد الزوجات؟؟
اكيد لا
وهل تقبل لزوج أختك أن يتزوج عليها؟؟ أو ابوك أن يتزوج على أمك؟
لا لا لا
مهو لو زوجي المستقبلي يتزوج علي
ههههههههه

يسلمو

قسامي غزة

08-19-2009, 01:32 PM

شو هالمواضيع هاد يا ام المشاكل
انتي رسمي بدك تعمليلي مشاكل :ShababSmile221:

اقلك اختي بالنسبة لموضوع الزوجة الثانية بصراحة في رجال بكون معهم حق ورجال لاء
مثلا واحد زوجتو ما بتخلف يعني عندها عقم
الراجل هاد من حقو الشرعي انوا يتزوج مهوا مش معقول يعيش ويموت بدون ابناء
او راجل ثاني زوجتوا معاها مرض مزمن وما بتقدر تعينوا هاد حقوا يتزوج ثانية
اما واحد ثاني زوجتو كويسة وجابت الوا ابناء ما اظن الوا لازمة يتزوج ثانية
الا اذا كان هوا حابب هيك
وبعدين اقلك شغلة ما في راجل يا حجة دمعة اسي بدو يتزوج علي مراتوا
وبحكي الها لانوا طبيعي الزوجة هترفض جدا جدا جدا
يعني بتزوج من راسو وبدون ما يحكي الها
لانوا ما في زوجة عاقلة بترضي زوجها يتزوج عليها

وهلا راح اجاوب علي الاسئلة بتوعلك

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟

حكيت الاسباب الي تجعل الراجل يتزوج وحقوا الشرعي

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟
اقلك بصراحة في زوجات بعرف والله انهم كوسات مع بعض وعايشات ببيت واحد
بس اقلك انوا قلوبهم صافية لبعض اكيد لاء
هما بضحكوا بوجه بعض بس الوحده فيهم الها خاطر تخنق الثانية وترتاح منها
وفي منهم بتسلم امرها لله وبتعيش وهية ساكتة

س3-وهل زواج الرجل من الثانيه معناه انه لم يعد يحب الاولى؟

اكيد لاء
اكيد الراجل الوا اسباب مثلا
واقلك معلومة
الراجل لو تزوج مليون وحدة بكون اول حظة احسن شي
يعني انا لو اتزوج 100 وحدة
ما بحيب مثل زوجتي الاولي

لو كنت شب هل من الممكن أن تفكر بتعدد الزوجات؟؟

بالنسبة الي لاء

وهل تقبل لزوج أختك أن يتزوج عليها؟؟
لو اختي مقصرة بزوجها يتزوج عليها وانا بوافق كمان
بس لو انهم كويسين وبدو يتزوج
الراي بالاول والاخر لاختي

أو ابوك أن يتزوج على أمك؟

والله لو ابوي يتزوج 100 وحدة عادي وكمان هارقص اله بفرحه
اصلا امي توفت وابوي تزوج عليها
يعني ما بتفرق معي صارت
اما لو امي موجودة وهية كويسة مع ابوي
ومتحملة الشقي وهم الدنيا وبدو يتززوج
الله يسهل عليه
بس يشوف اله بيت تاني يسكن فيه

بدنا الصراحة مش الكلام اللي ما بنطبقه

انا كل كلامي صراحة ونص كمان
ثانكس ام المشاكل علي موضوعك
وشكلك من الحين خايفة زوجك يتزوج عليكي
هههههههه :ShababSmile221:

ameera

08-19-2009, 02:13 PM

أنا ضد تعدد الزوجـات ومع اقرار قانـون لمنع التعـدد ..

الرجـال هلآ ماخـدين الآمور سايبة وأي شي بقلك الديـن مهو قال هيك ..

ومرتو بتكون ماشالله يخزي العين عنها ..

متعلمة ومثقفة وبنت ناس ومحترمة وجمال وأخلاق وبتعمل كل شي عليهـا ..

وموفرة لزوجها سبل الراحهـ وقاعدة عند الآولاد ومبسوطهـ وفجآة بتسمع خبر زوجها متزوج عليهـا !!

ليش ولله كان يحبها ..

صارت موضهـ .. أنا مابحكي كل الرجال بس اللي بنشوفو ع أرض الواقع وهادا المعظم بصير ..

ماتقولولي الرجآل مش هيك ومافي من هادا الحكي ..

الاسلام شرع للرجل أنو يتزوج أكتر من وحدة لكن الزواج بشروط ..

مثلا لازم الزوجة اذا مابتخلف وزوجها طلب يتزوج عليهـا فهادا مشرع الو ..

وفي حالات كتيرة بردو للزواج من أخرى ..

اذا بدو يتزوج أكتر من وحدة وكانت الزوجة الآولى والزوجات الاخريات موافقات على زواج الزوج من أخرى مع توفير كل ماتحتاجه الزوجة هي والادها ففي هادي اللحظة بكون الوضع خاص يعني مابصير تعميم للمووضوع لانو هادا اشي بينهم وبين الزوج ..

لكن مثلا بدي أحكيلكم في تونس في قرار ممنوع الزوج يتزوج اكترر من وحدة وازا بدو يتزوج بأخرى بسافر على بلد تانية يتزوج بامرآة أخرى وهادا اسمو تحايل عالقانون وازا رجع وانكشف فالدولة بتمسكو وبتحاسبو ..

أنا رايي منع تعدد الزوجات الا في حالات استثنائية ..

Twin

08-19-2009, 04:20 PM

قسامي غزة

08-19-2009, 04:41 PM

طيب ممكن تحكيلي ليش لو صار العكس ,,

المرأه ما بتترك زوجها وبتضل باقيه عليه وبترفض انها تطلق منو ؟؟

اقلك اختي توين
لو انا ما بخلف طبعا الله لا يقدر :ShababSmile250:
وزوجتي حكت الي انا بدي اتطلق منك
بدي اتزوج غيرك بدي اجيب طفل
وطبعا لو هية مصرة علي هيك
وانا لقيت سعادتها انها تطلق مني وتروح تتزوج
انا مش هاقف بطريق سعاتها ابدا
وراح اسيها تحقق سعادتها بزوج تاني
اذا ما لقت سعادتها عندي
هاد رايي بصراحة

ابن الخليل

08-19-2009, 04:43 PM

بالاول عن نفسي ,, لو مستقبلا كنت لا انجب اطفالا ,, انا الي رح اروح اخطب لزوجي

اما غير هيك ما مسموح انو يتزوج ومافي مبرر الو ..

بس شاطرين تحكو مثنى وثلاث ورباع ...

طيب .. متأكدين انكو رح تعدلوا بينهم !!

مستحيل العدل بين الزوجات لانو قلب الانسان مش بأيدو ..

لما الرجل يفكر الزواج بوحده تانيه يعني الاولى صارت ما بتلزمووو .. يبئى حفاظا ع كرامتها انها تطلق منو ..

طيب ممكن تحكيلي ليش لو صار العكس ,,

المرأه ما بتترك زوجها وبتضل باقيه عليه وبترفض انها تطلق منو ؟؟

يا اخت توين وحدي الله وصلي عل النبي عليه الصلاة والسلام الزواج من اكتر من وحدة مشروع في الاسلام و ممكن الواحد يتزوج مش بس لهادا السبب في اسباب كتيرة بتخلي الرجل يتزوج من اكتر من وحدة

راح ادكر مش كل هاي الاسباب لانو بعضها مش هون مقام ذكرو

من اساب تعدد الزوجات

انو مثلا تمرض الزوجة و تصير مش قادرة تقوم بزوجها وحالها فهون الزوج بتزوج وحدة تعينو وكمان تعين زوجتو

ومن الاسباب مثلا انو يتشهد زوج مراءة و يجي الرجل ويكفلها ويتزوجها ويعوضها

وفي اسباب كتيرة

بس انتو البنات مشكلتكم عاطفيات زيادة عن اللزوم يعني الوحدة لما تتتزوج واحد كانو مطوب باسمها

حتى من امو بتغار عليه الله اكبر عليكم:ShababSmile222:

انتهينا

08-19-2009, 04:51 PM

بصراحه الموضوع لا يمكن حصره ف مع او ضد

فيه ظروف ممكن تبرر وفيه مواقف لايمكن تبريرها

ومسأله التعدد كان لها ظروفها زمان

يعنى لو نشوف الصحابه كانوا بيعددوا - لما امرأه زوجها يستشهد وما عندها مصدر للدخل كانوا يتزوجوها او كبيره بالسن وبتعيل اولاد ومو فيه مصدر للعيش

اما اللى بيحصل هالايام انه ما شاء الله عمال ع بطال بيتزوجوا واللى بيتلكك لزوجته واللى عينه زايغه

من الاخر صوابعك مش زى بعضها

كمان ناحيه العدل

مين عنده القدره ع العدل ف زماننا

وبيمسكوا ف كلمه حلال , طيب والله بنعرف انه حلال بس بيكون له مبررات وقويه كمان

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟

هههه يسلام وتحبها كمان

والله فيه ناس ( ضراير ) بيعيشوا مع بعض عادى وبيضحكوا ف وجه بعض بس ما خفى كان اعظم

وبعدين الغيره شىء طبيعى

لا مفر منه والا تبقاش بتحبه

س3-وهل زواج الرجل من الثانيه معناه انه لم يعد يحب الاولى؟

والله بيتوقف

ممكن تكون الاولى ما بتنجب وبهيك بيكون المغزى الاولاد فقط >> بكده هو بيحب الاولى اكتر

ولو فيه ناس بتصبر وتعيش مع بعضها

اصل الاولاد مثل المال مجرد زينه بيصبروا وربنا بيكرمهم

اما احيانا بتكون الزوجه الاولى نكديه وطبعا هيفضل اى وحده عليها

اللى فى القلب بيد الله مو بيد الشخص

لو كنت بنت هل تقبلي بأن يتزوج عليكي ؟؟ما هو شعورك؟؟

بصراحه

ما راح اتقمص شخصيه العقلاء هنا

لا ما اتقبل , اصلا ما حد بيتقبل بس احيانا الظروف اللى بتفرض على متل هؤلاء الزوجات

شعورى >> ممكن اصاب بالاكتئاب وافقد الثقه بنفسى او بسيبه والله يسهلهم هما الاتنين >> حسب ضربه الكرامه

مو عارفه الشعور بالتحديد

Pink Rose

08-19-2009, 04:54 PM

بالاول عن نفسي ,, لو مستقبلا كنت لا انجب اطفالا ,, انا الي رح اروح اخطب لزوجي

اما غير هيك ما مسموح انو يتزوج ومافي مبرر الو ..

بس شاطرين تحكو مثنى وثلاث ورباع ...

طيب .. متأكدين انكو رح تعدلوا بينهم !!

مستحيل العدل بين الزوجات لانو قلب الانسان مش بأيدو ..

لما الرجل يفكر الزواج بوحده تانيه يعني الاولى صارت ما بتلزمووو .. يبئى حفاظا ع كرامتها انها تطلق منو ..
يسعدلي ياكي ..

دايما بتحكي وبتعبري عن كل شي بدي اقوله ..

انا مع توين 100%

هلأ ما بنختلف انه حلال وهاد شرع ربنا ما بنقدر نحكي فيه

بس في ناس بتتقبل هالشي وفي ناس لأ

وانا من النوع اللي ما بقدر اتكيف مع هيك وضع :/

متل الرجال .. في كتير منهم بيرفضوا يخطبوا من وحدة كانت خاطبة من قبل

او متزوجة .. ما بيتقبلوا هالحكي

وفي ناس عادي ما عندها مشكلة !

بترجع لكل انسان ونفسيته .. هاد رأيي اضافه للي حكته توين ^^

يسلمو حبيبتي عالموضوع :)

أبومجاهد

08-19-2009, 05:04 PM

هذا حق من حقوق الرجل ،،،

وما في حد ضد هذا الامر ،،،

Abdooo

08-19-2009, 05:10 PM

موضوع كبير كثييييييير

مش بالحكي بس و برضو بوزنه

ما دام ربنا حلله ... معناتو انا راضي فيه

وكمان بترجع لاسباب الرجل و اسباب المرأة كمان (( اسباب كثيرة ))

مني وعلي : اذا الرجل مش مرتاح مع زوجته بقدر يتزوج الثانية :):):):)

مشكوووووورة على هيك موضوع صعب صعب صعب

PaLeSt!Ne SouL

08-19-2009, 08:53 PM

قاهر الصعاب

مشكور ع صراحتك استمتعت و انا بقرأ بمشاركتك

و لفتت نظري لوسائل الإعلام و دورها بزيادة مشاكل العائلات

صدق كتير زوجات حين يفكرن بالإنتقام يأخدن أفكارهن من وسائل إلإ‘علام

نورت الموضوع

همسة العشاق~

نورتي الموضوع يا عسل
بس حبيت ألفت نظرك لشي و هو أن الإسلام لما أباح تعدد الزوجات ما اشترط سبب موجب لذلك متل عدم الإنجاب مثلا و غيرها من الأسباب
يعني بإمكانك تقولي أنو الرجال متساهلين شوي لأنوالغالب ما بتزوجوا إلا إذا كان في سبب

لازم نكون أكتر مرونة

مشكورة ع إبداء رأيك

يعني بتزوج من راسو وبدون ما يحكي الها
لانوا ما في زوجة عاقلة بترضي زوجها يتزوج عليها

له له هيك يعني اللي بترد ع زوجها و بترضى يتزوج بتكون مجنونة
لا بيعجبكم العجب و لا الصيام برجب

الراجل لو تزوج مليون وحدة بكون اول حظة احسن شي
يعني انا لو اتزوج 100 وحدة
ما بحيب مثل زوجتي الاولي

شو نعم نعم شكلك ناوي تعملها
طيب قول 4
مية مرة وحدة ناوي تبدل كمان

والله لو ابوي يتزوج 100 وحدة عادي وكمان هارقص اله بفرحه
اصلا امي توفت وابوي تزوج عليها
يعني ما بتفرق معي صارت
اما لو امي موجودة وهية كويسة مع ابوي
ومتحملة الشقي وهم الدنيا وبدو يتززوج
الله يسهل عليه
بس يشوف اله بيت تاني يسكن فيه

يعني موكتير راضي بهالشي

انا كل كلامي صراحة ونص كمان
ثانكس ام المشاكل علي موضوعك
وشكلك من الحين خايفة زوجك يتزوج عليكي
هههههههه :shababsmile221:

مشكور ع صراحتك
آخر شي بحط رأيي

ياريت تخلي زوجتك الكريمة تقرأ ردك

أكيد إنت رح تنام برة البيت اليوم

ههههههههه

صارت موضهـ .. أنا مابحكي كل الرجال بس اللي بنشوفو ع أرض الواقع وهادا المعظم بصير ..

ماتقولولي الرجآل مش هيك ومافي من هادا الحكي ..

في رجال ع أول نقرة من
مرتوا بيهددها بدو يتزوج عليها
و لا بدو يطلع من البيت

صار مش حق للرجل يستخدمه لتحقيق المصالح التي شرع من أجلها هذا الحكم
بل أصبح سلاح للإنتقام و الإبتزار للمرأة
لأنه يعلم مدى حساسية المرأة لمثل هذه الأمور

ملاحظة: هدول مو رجال هدول أشباه الرجال

مشكورة أميرة

بالاول عن نفسي ,, لو مستقبلا كنت لا انجب اطفالا ,, انا الي رح اروح اخطب لزوجي

اما غير هيك ما مسموح انو يتزوج ومافي مبرر الو ..

بس شاطرين تحكو مثنى وثلاث ورباع ...

شكلو خطيبك قالك اياها هههههه

طيب .. متأكدين انكو رح تعدلوا بينهم !!

مستحيل العدل بين الزوجات لانو قلب الانسان مش بأيدو ..

لما الرجل يفكر الزواج بوحده تانيه يعني الاولى صارت ما بتلزمووو .. يبئى حفاظا ع كرامتها انها تطلق منو ..

طيب ممكن تحكيلي ليش لو صار العكس ,,

المرأه ما بتترك زوجها وبتضل باقيه عليه وبترفض انها تطلق منو ؟؟

مشكورة توين سؤالك وجيه
وهي قسامي جاوب عليه

بس قسامي ما في متلك كتير

بس انتو البنات مشكلتكم عاطفيات زيادة عن اللزوم يعني الوحدة لما تتتزوج واحد كانو مطوب باسمها

حتى من امو بتغار عليه الله اكبر عليكم:ShababSmile222::ShababSmile10 8::ShababSmile108:

موأحسن من قليلي العاطفة

أساسا هاي نعمة ربنا فضلنا عليكو فيها

أنا معك أبو حهاد بالنسبة للأسباب

مشكور

PaLeSt!Ne SouL

08-19-2009, 09:12 PM

انتهينا
الله لا يوقعك بواحد بدو يعدد لحتى ما يصيبك أكتئاب و لا شي

الله يسعدك يا رب

Pink Rose

تسلم يا سكرة
نورتينا

أبومجاهد
مشكور
بارك الله فيك

Abdoooهلا بيك بالمنتدى
مشكور ع مرورك

sweet soul

08-19-2009, 11:08 PM

بس انتو البنات مشكلتكم عاطفيات زيادة عن اللزوم يعني الوحدة لما تتتزوج واحد كانو مطوب باسمها

حتى من امو بتغار عليه الله اكبر عليكم:ShababSmile222:

:ShababSmile250:

ولا كيف يعني مش تجوزتو يعني صار بأسم ستي مسلاً ؟؟

ماالرجال كمان بحب بس يتجوز يتملك المرأة وتصير الو لحالو ليش احنا ازا عملنا هيك بنصير بنغار والله اكبر علينا !!

بعدين عاطفتنا الزايده هاي الرجل مافيه يعيش بلاها لولاها ماكانت امك بتسأل عنك وبتعرف شو مالك بدون ماتحكي

ومالقيت وحده بس تتجوز ان شاء الله تخاف عليك وتعطيك عيونها كرمال ترضا عنها

ف يعني ازا غارت بكون من حبها وخوفها عليك مش لانها بدها تقرفك :ShababSmile108:

يُقال إن الرجل حين يتألم يكره، بعكس المرأة التي حين تتألم تزداد عاطفةً و
حباً فلو خٌلقت حواء من آدم عليه السلام و هو مستيقظ لشعر بألم خروجها من ضلعه و
كرهها،

لكنها خُلقت منه و هو نائم .. حتى لا يشعر بالألم فلا يكرهها

بينما المرأة تلد و هي مستيقظة ، و ترى الموت أمامها ، لكنها تزداد عاطفة .. وتحب مولودها ؟؟ بل تفديه بحياتها!

فيا آدم...

لا تسخر من عاطفة حواء

فهي خُلقت هكذا

و هي جميلةٌ هكذا

و أنتَ تحتاج إليها هكذا

فروعتها في عاطفتها

فلا تتلاعب بمشاعرها

و يا حواء...

لا تتضايقي إن نعتوكِ بناقصة عقل

فالكمال لله، تكفي عاطفتكِ الرائعة التي تحتاجها الدنيا كلها

فلا تحزني فأنتِ نصف المجتمع الذي يبني النصف الآخر

يسلمو دمعه اسى عل المووضوع مع اني ماجاوبت عليه بس حبيت ارد ع ابو جهاد

:ShababSmile229:

امتزاج ..!

08-20-2009, 12:00 AM

وعليكم السلام ورحمة الله

والله موضوع حامي بجد

بصراحة مطلقة ..
متأكدة ان الله عز وجل لم يشرع هذا الأمر ظلماً لنا كـ نساء ..
نعم نحن غيورات ومن الطبيعي ان نشعر بالحزن عندما تشاركنا أخرى ..
فقد غضبت فاطمة بنت رسول الله عندما أراد علي بن أبي طالب الزواج عليها .. ورفضت ذلك بشكل قاطع ..!!
طبعاً لا مجال للمقارنة بين فاطمة الزهراء و [ نسائنا :ShababSmile250: ]
ولكن هذا أفضل 100 مره من أن يرتكب زوجي كبيرة من الكبائر وان ينظر لغيري [ بالحرام ]
فأكون شريكة له بإقتراف الاثم عندما منعته من [ الحلال ]
وللعلم ..
آحياناً لا يكون هناك عيب في الزوجة الاولى أبداً لكن هناك رجال لا يكتفون بواحدة مهما بلغت من جمال ورفعة خلق ودين ..
أمن المعقول أن تستحيل العشرة بيني وبين زوجي لمجرد أنه يرغب بأمر أحله الله له !!
هذا يعني أن الحياة بيني وبينه كانت هشة جداً ولم توجد المودة الحقة بيننا !!!
امممم

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟

من يقول أن [ الضراير ] لا يحببن بعضهن لم يروا في هذه الدنيا شيئاً بعد ..
هناك نساء يحببن بعضهن بشكل عظيم جداً وكأنهن أخوات من رحم واحد ..
بل أن أحد الرجال تزوج مرتين ندم أشد الندم على فعلته ليس لأن المشاكل بين الزوجتين قد بدأت !!
بل لأنهن يتفقن ضده ..
عندما يتشاجر مع واحده تغضب الأخرى اكراماً لضرتها ..
فيصبح مجبراً على ارضاءهن جميعاً ..!
و من تقول أن التعدد فيه اهدار لكرامة المرأة لم تنضج بعد .. مع احترامي لمن تفكر بهذه الطريقة ..
الحياة الزوجية أمتن من أن تنهار بسبب أمر كهذا !!
وان انهارت فهذا عائد لكون الزوجة الاولى تبالغ جداً في ردة فعلها ..
ماذا يعني أن يتزوج أخرى ويبقى بجانبي أنا وأولادي ..!!
من تحب زوجها حباً حقيقياً لن تقف في وجه شرع الله وتحرمه من حقه ~
ومن تخيير زوجها بينها وبين شرع الله تخاطر كثيراً وربما تكون معينة له على ارتكاب المعاصي ..

س3-وهل زواج الرجل من الثانيه معناه انه لم يعد يحب الاولى؟

لو كان لا يحبها فعلاً سيطلقها :)
[ ليش يفتح بيتين ويصرف ع بيتين وبإمكانة يتخلى عن وحده منهن :ShababSmile239: ]

لو كنت بنت هل تقبلي بأن يتزوج عليكي ؟؟ما هو شعورك؟؟

أنا شخصياً أوافق وبشدة على مبدأ التعدد وأراه منفذاً وحلاً لكثير من المفاسد والفتن الحاصلة في زماننا ~
طبعاً لن أقبل أبداً أن يطعن في مدى حبي واحترامي لزوجي لمجرد آني وافقت :)
فهو يعلم وأنا أعلم مدى متانة علاقتنا :ShababSmile116:
[ حابة تكون معاي وحده نتسلى أنا وياها لما يكون مسافر والا بالشغل :ShababSmile221: ]
أمهاتنا وجداتنا لم يكن على قدر من العلم مثلنا الآن .. ورغم ذلك كنّا أكثر وعي منا ..
من النادر جداً أن ترفض أحداهن التعدد بل وصل الأمر الى أنهن كن يخطبن لآزواجهن !!!
أمن المعقول أنهن لا يشعرن بالحب والغيرة ..!!
على العكس كان الحب لديهم في أوجه .. واكثر صدقاً من زمننا هذا ..
ولكنه حب حقيقي خالٍ من الانانية ومتماشياً مع شرع الله ..

هذا رأيي الشخصي في الموضوع ~

دمعة حبيبتي ماننحرم من مواضيعك الحلوة ^^

كل الاحترام

قسامي غزة

08-20-2009, 12:45 AM

ياريت تخلي زوجتك الكريمة تقرأ ردك

أكيد إنت رح تنام برة البيت اليوم

ههههههههه

انا ما بحكي معك كلام ومعها كلام
انا كلامب واحد وصريح
وانا ريت بكل صراحة

بس قسامي ما في متلك كتير

انا هاد رايي
كتير يفافقوني او قليل
بس انا هاد رايي
ومشكورة علي الموضوع

.. ليآل ~

08-20-2009, 01:06 AM

راح ارجع برد مطول

//

ما ئدرت اطلع بدون ما ارد

//

بالمستقبل لو اجى زوجي وحكالي انو بدو يتجوز عليا اكيد راح اتألم وابكي وانئهر

بس ما بتصور امنعوا عن شي الله حلله ،،، حتى لو هالحلال راح يوجعني ويالمني انا:ShababSmile223:

وكمان ما يتخيل اني اتخلى عن حياتي كرمال هو يعيش حياه جديده:ShababSmile223:

يمكن اتمسك بوجودوا جنبي اكتر،، ومش راح اطلب الطلاق

يعني يكون عندي ضره ،،، اهون بكتير من اني كون انسانه مطلقه :ShababSmile223:

وخصوصا ونحنا كلياتنا بنعرف شو يعني مرأه مطلقه في مجتمع شرقي

بس اصلا انا من البدايه راح احاول اكسبوا لصفي ،، وما اخلي عيونوا تطلع لبرى:ShababSmile222:

عشان ما يفكر بالضره ،،،

//

البائي بس ارجع

مشكوره حبيبتي :ShababSmile224:

ابن الخليل

08-20-2009, 04:39 AM

فارس الوطن

08-20-2009, 06:18 AM

فارس الوطن

مشكور ع مرورك الطيب

بس لو أبوك قرر يتزوج ع إمك ( لا سمح الله ) شو بيكون شعورك؟؟

بيطلعلو .. حلال

وأنا عن نفسي لما اتزوج ان شاء الله ..بصراحة بتزوج ع زوجتي ان شفت وحدة تانية حلوة كتيير واخلاقها

عالية وعجبتني .. هههههههههه

PaLeSt!Ne SouL

08-20-2009, 06:28 AM

اخت دمعة اسى العاطفة اشي منيح بس زيادتها و اله بتجيب مصايب عشان هيك عاطفة البنات وحتى عاطفة الشباب لازم تكون مضبوطة بضبط الشريعة

مشكور كتير أبو جهاد
سعدت بمرورك

س1 لماذا اغلب الزوجات يرفضن ازواجهن ان يتزوجو عليهن اليس هذا ظلما لرفيق دربها وعمرها واب اولادها؟و لو كان مضرا لما أحله الله؟؟
أنا من رأيي أنو أكتر شي بخافوا منه سمعتها بين الناس
طبعا كل الحق بطلع عالزوجة إنو هي مو موفرة طلباته و ما حاولت تسعده
حتى لو كان الرجل اللي مو منيح و الكل عارف هالشي عنو بيصير الكل يحكي عالزوجة !!!:ShababSmile239:
خوف بعض النساء من ظلم الرجال خاصة و بيصير صعب يوفق بين بيتين فما بالكم لو تزوج 4
الغيرة و هاي فطرة بالمرأة ما بنقدر نغيرها لكن بنقدر نتحكم فيها
فكرة صعبة عالزوجة أنو يكون زوجها مشغول بغيرها
بتحب أنها تكون الوحيدة و هاد من حبها له مش أنانية

سبب حلوالزوجة بترفض زواج زوجها خايفة عالزوجة التانية منه
يعني بصراحة ما بدها حدا يغلط غلطتا و بتصير

س2 ولماذا تعتبر الزوجه الثانيه ضره ولا تعتبرها صديقة لها فهي زوجة زوجها الذي طالما احبها؟
هل هي ضرة أو لا

حسب عقلية التنتين
ممكن تكون العلاقة طيبة جدا بينهم
لكن لا تخلوا من بعض المشكلات و طبيعي هالشي يصير
الزوجة العاقلة اللي بتحب زوجها بتحاول تسعده حتى لو كان بيضايقها الأمر
أما الزوجة اللي اقل عقل آخرتها على بيت أبوها

س3-وهل زواج الرجل من الثانيه معناه انه لم يعد يحب الاولى؟
لا أبدا أنا بعرف شب تزوج 4
عمره 28
لكن أكتر وحدة بيحبها الأولى
تعدد الزواج لا يعني بالضرورة إنو السبب فقدان حب أو عدم تلبية واجبات
بيكون بس بدو يعدد و هذا شي احله الله

لو كنت شب هل من الممكن أن تفكر بتعدد الزوجات؟؟
لو كنت شب ما رح أفكر فيه إلا إذا كان في سبب و خاصة الإنجاب

وهل تقبل لزوج أختك أن يتزوج عليها؟؟ أو ابوك أن يتزوج على أمك؟
عااااااااااااااادي
بس طبعا ما بروح عالفرح لازم أراعي مشاعر إمي و أختي
و بابا أساسا ما رح يعمل فرح ( هو قاعد بيخطط)

لو كنت بنت هل تقبلي بأن يتزوج عليكي ؟؟ما هو شعورك؟؟

عااااادي هالشي الله حلله
بكفي إنو ما أحمل ذنب اي شي يعمله لأنو ما تزوج غيري
بس شي مستحييييييييييييييييييييييييييل أقبله
أن أكون زوجة بالإسم ( معلقة) و ما يعدل بيني و بينها:ShababSmile111:

طبعا أنا هاي إجاباتي بدون ما يكون في سبب للزواج كثل المشاكل اللي ذكرت سابقا

و الإسلام ما اشترط إنو يكون في سبب
بس لو كان في سبب بكون أهون عالزوجة الأولى
نصيحة للبنات إذا بدك إياه علي ( كرم الله وجهة) كوني له فاطمة( رضي الله عنها)

إمتزاج
حابة تكون معاي وحده نتسلى أنا وياها لما يكون مسافر والا بالشغل
بس ما تتسلوا بالمصارعة و لا شي متلها::ShababSmile221::ShababSmile2 21:
و الله إلك علامة كاملة
ما بعرف بشو أعلق عليها
إجابة ما شا الله عليها
تسلمي حبيبتي

ليال
تسلمي ع مرورك
بس اصلا انا من البدايه راح احاول اكسبوا لصفي ،، وما اخلي عيونوا تطلع لبرى

عشان ما يفكر بالضره ،،،

//

البائي بس ارجع

أنا بقول إنو الزوجة بايدها تخلي زوجها ما يفكر بالتعدد
بس في حالات قليلة بكون بدو يعدد بدون سبب

بانتظارك رجوعك

haya-jor

08-20-2009, 01:10 PM

موضوع حلو والاحلى ردود الاعضاء .. قال البنات عاطفيات ولما يتزوجوا بصير الواحد كانو مطوب بأسمها ... هع :ShababSmile221:

المهم رأي انا بالموضوع .. كلتالي :
انا بشوووف لما يكون الزلمه نسونجي زياده عن اللزوم مش راح يستنى يلاقي سبب لحتى يثني ويثلث
والدليل اي واحد بصير معو شووية قروووش بروح يدورلو على وحده يراهق معها .. الموضوع هاد راجع للرجل نفسو .. يعني اذا كانت مرتو مش مقصره بحقو ومقدمه له كل حقوقو وبتقوم ببيتها وولادها هون ما الو حق يتزوج عليها او حتى يسيئ الها .. لأنو لما الرجل يتزوج على مرتو هادي اهانه الها خاصتاً اذا كانت قايمه فيه بتلبي كل واجبتها .. وفوق الاهانه بتكسر المرأه من جواتها وكثير رح تأثر عليها وعلى ولادها لأنو السبب رح يكون واضح وصريح انو جوزها عافها وهون الوحده بتنجرح كرامتها ...

اما الرجل لما تكون مرتو لا سمح الله ما بتجيب ولاد او مريضه او مقصره فيه ومش مريحتو ابدا .. هون معو حق يدور على انسانه تفهمو وتعطي الي ما عطتو ياه الاولى من راحه وتفاهم وحياه هاديه ...

Pink Rose

08-20-2009, 01:15 PM

بيطلعلو .. حلال

وأنا عن نفسي لما اتزوج ان شاء الله ..بصراحة بتزوج ع زوجتي ان شفت وحدة تانية حلوة كتيير واخلاقها

عالية وعجبتني .. هههههههههه

:icon6:

يعطيك العافية !

الله يعينها اللي بدها تتجوزك

حتضل قلقانه يا حرام

ههههههههههههههههههه

:ShababSmile108:

Twin

08-20-2009, 05:13 PM

اقلك اختي توين
لو انا ما بخلف طبعا الله لا يقدر :shababsmile250:
وزوجتي حكت الي انا بدي اتطلق منك
بدي اتزوج غيرك بدي اجيب طفل
وطبعا لو هية مصرة علي هيك
وانا لقيت سعادتها انها تطلق مني وتروح تتزوج
انا مش هاقف بطريق سعاتها ابدا
وراح اسيبها تحقق سعادتها بزوج تاني
اذا ما لقت سعادتها عندي
هاد رايي بصراحة

صحيح كلامك اخ قسامي ,,, بس حابه احكيلك انو مستحيل

وحده تقبل تطلق من زوجها حتى لو كان مناها تجيب طفل ..

ببساطه لانو السيدة طبعها الوفاء وما بترضى تكسر قلب زوجها

حتى لو ع حساب سعادتها (-:

.. ليآل ~

08-21-2009, 01:41 AM

بدي احكي شغلات متفرقه مالها دخل ببعض

//

اول شي الرجال مالهم امان ،، ممكن الوحده تئيد اصابعها العشره شمع ومايعجبوا ويفكر بالتانيه ،، والعكس صحيح

//

تاني شي ،، الرجل يا صبايا مو محتاج مبرر ليتزوج ،، هادا حقو بالدين والقانون ،،، اهم شي يكون ئادر انو يعدل في المبيت والنفقه

//

تالت شي ،، الوحده لما تتزوج لاتشغل بالها بزوجي راح يتجوز علي او لا ،،، تحط مخافه الله بين عيونها ،، وتعامل زوجها بما يرضي الله ،، وان شاء الله الله ما بخيبها

//

انا مش ضد تعدد الزوجات ،،، ومابيطلعلي اعترض على حد من حدود الله

بس في حالات كتير بيكون التعدد فيها مفروض

//

اي نعم بعض الرجال بيستخدموا التعدد كسلاح ،، او عقاب ،،،

وهادا الي خلى نظره النساء تصير قاتمه اكتر اتجاه هالموضوع

//

وبس

.. ليآل ~

08-21-2009, 01:47 AM

يسلمو حبيبتي دمعه (:

Princess of Sense

08-21-2009, 09:48 PM

بالنسـبة الــي ..

ضــــــــــــــــــــــــــــــــــ ـــــــــد

وبشـدة كمآن ولو في يوم من الآيــأم فكـر زوجي يتـزوج عـلي والله الا اقلبـها ع راسـه

اخـلي يندم عاليوم اللي تزوجنــي فيـه ,, والله ويامحـلآه يكـون معـي وبفكـر بوحـدة تآنيــة..!

اصـلاً يستحـي ع دمـه اكـون معـه ويطـلع ع غيـري حتى يفكـر يخطب ويتزوج والله !!

والله من الأول ما يتزوجـني ويروح يدورله ع وحــدة تمـلا عيـنه :@

مع انـه في نآس متل هيـك والله لو يتزوج اربـعة الا يضـله يفكـر يتزوج وما يملوا عينه ..

واللي متــل هيـك بدهم شــنق والله ..

ههههههههههههههه << عشت الجو أنــآ ^^

المهــم .. يسـلمو كتير حبيبتي دمـعة عالمـوضوع ^^