في طبيب هون:

[أم الوليد]

في دكتور من بينكم هون ، بدي استشارة طبية عاجلة

[انتهينا]

هههه

بينفع نصف دكتور

[أم الوليد]

اها ، انا عملت عملية الدسك بضهري من 5شهور هلا والدكتور عطاني (سيلبيركس ) (لريكا) كمان وهلا عندي دسك برئبتي وبدي اعرف بناسب الو؟؟؟وليش لازم اضل اخدهم لمدة ستة شهور بعد الجراحة خصوصا وانو الهم آثار جانبية كتير علي ، والدكتور رفض يوقفو وزود جرعتو

[انتهينا]

اولا سلامتك حبيبتى

بعين الله

شوفى اللى بعرفه انه تأثير سيليبركس على القلب والأوعية الدموية هو نفس تأثير مسكنات الألم اللى تصرف دون وصفة طبية

يعنى بالنسبه للاثار الجانبيه عادى مؤقته وبتروح ما تخوفى حالك

وبعدين الدكتور ادرى

وعلى فكره من دون المسكنات آلام الدسك لا تطاق

بالنسبه لعلاج لريكا هو مشان التهاب الأعصاب الطرفية غالبا يعنى للمصابين بالسكر

اللى بعرفه مش اكتر من هيك بس مشان ما الغبطلك

بقولك نصف دكتوره

[روح الصباح]

والله مابعرف كيف بدي اساعدك بس انشاء الله يطلع في دكتور هوني

ومابقول غير الله يعافيكِ

[أم الوليد]

هو اه بس بزيد الوزن ، وكتير اشيا تانية لهيك كنت بدي وقفو طيب مافي بديل، وليش مارضي يوقفو؟؟؟طلبت جرعة اقل زودها الضعف وماعطاني سبب مقنع عندك تفسير لهيك؟؟؟؟

[أم الوليد]

تسلمي حبيبتي ، الله المعين بتعود الواحد عالوجع وبصير جزء من يومياتو ، بدنا نتحمل الحمدلله عكل حال

[انتهينا]

هى من الأدوية المضادة لالتهاب المفاصل والأدوية المسكنة للآلام والأدوية المرضية للعضلات يعنى هتريحك وزى ما قلتلك الاثار الجانبيه مؤقته

بعدين بتقولى انه عندك بالرقبه يعنى لازم يزود الجرعه لانه بيكون صعب بالرقبه والالام هتمتد للاطراف والظهر يعنى لازم الزياده بالجرعه مشان ما يحصل التهابات بأطرافك

ممكن يكون زوده مشان هيك

[أم الوليد]

تسلمي حبيبتي الله يوفقك وتصيري دكتورة فعلا

[CoOl GiRl..~]

ممممممممم ..!!

اللهـ يئدم يلي فيهـ الخير .. ^^

يعطيكِ العافيهـ دكتورهـ إنتهينا .. :ShababSmile240:

[غرام فلسطين]

اول شي سلامتك وانا بنصحك اضلك اتراجعي عند الدكتور

وما تهملي حالك انشالله سليمه

تقبلي مروري

[أم الوليد]

تسلمي الله يحفظك

[أم الوليد]

انتهينا، مبارح قابلتو وحكالي لازم جراحة لدسك رقبتك وحدد يوم الاثنين بس انا قلقانة منها الكل بحكي خطرة ، يعني لو فشلت مصيبة ، ورحت لدكتور تاني حكى فيكي تضلي عمسكنات وتديري بالك لحالك مابتحتاجيها شو اعمل انا؟؟؟؟

[تحـ البشر ـدوهـ]

اخت ام وليد

بما انه حكا ما بتحتاجيها الدكتور

اذاً إتأكدي انها مش مهمة كتير .. وما فيها خطر عليكي

::

ان شاء الله

::

انا اسف لكن لساتني ما درست هاي الشغلات الله يرضى عنك ههههه

::

ان شاء الله لمن نتخرج بتكوني بالف صحة وما بتحتاجي لأي دكتور يا رب

::

الله يشفيكي

::

في امان الله

[انتهينا]

والله مو عارفه

شو بدى اقولك

بعرف بشغله المسكنات ودسك الظهر والركبه

لكن الرقبه لا والله

بعرف انها صعبه بس كل شىء صعب حتى اللوز والزايده

كله بيخوف بس المهم قرارك انتى وارادتك

وما تخوفى حالك مهما كان قرارك

شوفى مين الدكتور اللى بترتاحى لكلامه وواثقه فيه وتوكلى ع الله

فيك تصلى صلاه استخاره حتى

الله معك ويشفيكى يارب

وطمنينا

كان بدى افيدك لكن للاسف نص دكتوره مثل ما قلتلك

[أم الوليد]

تحدوه ـ انتهينا شكر الكم، هالمرة خايفة مش متل ضهري الله يقدم الي فيه الخير ياااااااااارب ونشوفكم دكاترة قريبا ، الله يجزاكم الخير

[CoOl GiRl..~]

مممممم اللهـ يشفيكِ و يئدملك يلي فيهـ الخير يا رب ..

::

أنا برأيي إنو ما تستعجلي بأخد قرارك !

إسألي كمان دكاترهـ لا تعتمدي على رأي تنين

لأنو متل ما حكيتي هي جراحهـ مش سهلهـ

مشان هيك لا تتسرعي بأخد القرار و إسألي أكتر من شخص بكون أضمن

و اللهـ يئدملك يلي فيهـ الخير حبيبتي

[أم الوليد]

تسلمي يااااااااااااااارب انا استخرت ورفضت مابعرف بس اذا في اتحمل الوجع لانو زايد هاليومين كتييييييييييييييييير

[قاهر الصعاب]

ام الوليد جربي العلاج الطبيعي المنزلي تدليك اماكن الالم بخليط من الزيوت الاتية :

زيت خردل
زيت كافور

زيت نعنع
زيت سمسم

تدليك قبل النوم والاستحمام صباحا مفيد جدا ومزيل للالام واعتقد انك ستستفيدين

[أم الوليد]

شكرا قاهر الصعاب ان شالله رح جرب، انا باخد جلسات علاج طبيعي 3 مرات بالاسبوع كهربا ومي ساخنة وتدليك بس رح جرب الزيوت الله يجزاك الخير

[قاهر الصعاب]

لا شكر على واجب اختي ام الوليد

بالنسبة للزيوت في محلات فيها زيوت معباة من شركات
وعند العطارين يوجد زيوت لكن للاسف حسب معرفتي بهم كثير منهم نصابين - يعني اذا اشتريتي من عطار اشتري من شخص موثوق وامين .

هذا الزيوت تعالج التهاب المفاصل وتزيل الالام وذلك عن تجربة.

[أم الوليد]

ان شالله رح روح بعدالفطور واخدها ، الله يجزاك الخير يارب ويعافيك