شو رايكم ؟؟؟؟؟؟؟؟؟؟؟؟

[فلسطينية ومفتخره]

ما رايكم بالفتاة التي تدرس صحافة واعلام ؟؟؟؟؟؟

والله انا بالمجتمع الي انا فيه قال ما بيعجبهم انو البنت تدرس صحافة ما رايكم بهذا الكلام اكيد خطأ برايي لانه من حق الفتاة دراسة ما ترغب صح .............

انا بقول انه اذا كانت الفتاه ملتزمه فوقتها مو لازم انه يكون في اي مانع من دراستها ما ترغب صح ولا لأ...



انتو شو رأيكم ........

بدي تفاعل .......

[أم الوليد]

شوالمشكلة ما انا خريجة إعلام يعني صحافة وإذاعة وتلفزيون كمان وعلاقات عامة!!!!مش فاهمة شو مشكلتهم وين الغلط والعيب ماهاد علم متل متل غيرو، يمكن مجالو مش نضيف للبنات عنا هون كمان، بس في اماكن كتير محترمة والبنت هي يلي بتفرض احترامها عللي حوليها، وبدون الصحافة والاعلام ماحد رح يعرف شي عن الدنيا وعن البلد الي عايش فيه، مش هاي وسيلة نقل الأخبار للعالم؟؟؟والتواصل مع العالم الي حولهم؟؟؟؟

[قاهر الصعاب]

الاخت فلسطينية ومفتخرة موضوع جميل واذا بدك الصراحة اقول رايي والله شهيد

انا اصلاة لما خلصت توجيهي كنت مفكر بالصحافة اهلي واقاربي رفضوا واقنعوني لانها مهنة صعبة وفيها مواجهة الموت والخطر واحتمال العمل فيها صعب جدا .

اعطيكي مثال تخرج من بلدنا شاب سنة 2002 وحتى الان لم يجد وظيفة في الصحافة .

ايضا انا حسب علمي المراة سمح لها الاسلام بالعمل في وظائف محددة وهي التعليم والطب والخياطة وغيرها من الحرف .
اما الصحافة ففيها خلطة كثيرة بالشباب والرجال وايضا يتطلب من الفتاة الخروج من البيت الى مناطق بعيدة ومقابلة اناس غرباء ومن كافة الاطياف .
والاسلام كرم المراة وحفظها وجعلها درة مصونة من اعين الرجال فكيف اذا تسمح لنفسها بان تزاحم وتجادل وتناقش رجال كثر .
انا اقول في رايي مهنة الصحافة للرجال فقط ، والمراة التي تعمل فيها مترجلة مصداقا لقوله صلى الله عليه وسلم ( لعن الله المتشبهين من الرجال بالنساء ولعن الله المتشبهات من النساء بالرجال ) .

مع احترامي لام الوليد ان المراة تفرض احترامها معقول نوعا ما طيب واذا كان في اشخاص ما بيفهموا هذا الاحترام .
والله اليوم الحياة كلها فتن ، وكل واحد بيعمل الي براسه ، وسبب انتكاستنا نحن العرب لعدم التزامنا بتعاليم ديننا وبحثنا عن الرخص في الدين ، حتى رخص الله بنا واصبحنا من ارخص شعوب العالم . ودمنا منتهك .
يعني الحق صعب والباطل سهل وانتم اختاروا ما شئتم .
اللهم اني قد بلغت .

[أم الوليد]

انا بخبرك شو تعمل( مابعرف اذا عندكم متلنا او لا هون انا وكتيييييييييير بنات صحباتي بنشتغل من بعيد لبعيد يعني بنكتب الي بدنا ياه وبنزل بالجريدة كلو مراسلة متل هون احنا هلا بالمنتدى مثلا بنختلف وبنتناقش بكتييييييييييير قصص لكن كل حد ببيتو ) وكمان هي عندك انا مسؤولة علاقات عامة بمركز نسائي بحت ، تدرس يلي بدها وتختار مكان شغل يناسبها ، القصد انو الوحدة بتقدر تختار وتحط حدود لشغلها ومعاملتها وكل شي

[اجمل احساس]

انا برأيي انو طالما هي محترمة حالها بتقدر تفرض احترام الغير الها وبالنسبة للاختلاط بهاي الشغلة بتقدر تحط حدود لكل شي وما في بهالزمن متل قبل انو ينفرض عالبنت شي ما بدها اياه

وكمان مش لازم انها تروح على اماكن فيها خطر لانها انثى طبعا لكن تمارس مهنتها وفق فطرتها وطبيعتها ايلي خلقها عليها الله لانها ما رح تقدر تواجه اي خطر ممكن تتعرض الو


اما انها تحكي مع الجنس الاخر بحكم عملها ما فيها اشي برأيي لكن بحدود طبعا لانو السيدة عائشة كانت تعلم الرجال ايضا ويستفيدو منها لكن برجع وبحكي انو كلو بحدود الدين والادب والعادات والتقاليد

هادا رأيي ووجهة نظري ،،، يعطيكي العافية حبيبتي وبتمنى اكون وصلتلك نقطتي وافدتك ولو شوي

تحياتي

[فلسطينية ومفتخره]

اولا شكراا لكم جميعا على مشاركاتكم الاكثر من رااائعه

اخي قاهر الصعاب شكرااااا كتيير لمشاركتك معي في الموضوع يعني بصراااحه رايك من راي بابا واخواني

اخواني قالو لي انه اغلب الناس الي درسوها عاطلين عن العمل

بس خلص انا هلا غيرت رايي وبدي ادرس لغات بس يمكن اخد دورة صحافه يعني لسه العمر طويل قدامي والله يعيشنا لوقتها وحابه كتيير احقق حلمي بس هيك رح اخدها يعني ما رح اعمل بهذه المهنه

وبابا قلي انه في زماننا هذا ما حدا بترك حدا بحالو يعني المهنه هاي فيها اختلاط مع انه بابا واثق فيي بس خلص انا رح اسمع كلمتهم والله يوفقكم ويوفقني

شكراااااااااااااااااااااا للجميع

بس كنت حابه اخد رايكم بالمووضوع واستفدت منكم كتيير

[ابن الخليل]

ما رايكم بالفتاة التي تدرس صحافة واعلام ؟؟؟؟؟؟

والله انا بالمجتمع الي انا فيه قال ما بيعجبهم انو البنت تدرس صحافة ما رايكم بهذا الكلام اكيد خطأ برايي لانه من حق الفتاة دراسة ما ترغب صح .............

انا بقول انه اذا كانت الفتاه ملتزمه فوقتها مو لازم انه يكون في اي مانع من دراستها ما ترغب صح ولا لأ...



انتو شو رأيكم ........

بدي تفاعل .......


ان برايي بالعكس اذا عنده موهبة و ممكن انها تكون مبدعة تدرس ليش لا بس بشررط تكتب مقالات تخدم فيها دينها وامتها و تشتغل في المجلات والصحف الاسلامية او حتى ما تشتغل تكتب مقالات و تكون قاعدة في البيت و بس ترسلها او تشتغل في جو صحافي بعيد عن الفتن والله اعلم

[اسد 22]

العلم حلو انا مش ضد حد كتير الواحد بحط براسوا شغلات وما بسير غير المكتبلوا

يعني فيه في الاردن وحدة فلسطنية وامي خبرتني عنها جابت في التوجيهي 98

ومع ذلك بدها تدرس طب وقلولها انتٍ مجالك شريعة ودرست طب وبعد ما خلصت

قبلوها شريعة قصة عجيبة صح ويوجد الكثير من القصص تقبلي مروري

[PaLeSt!Ne SouL]

أنا بنت خالتي صحفية و ما شا الله عليها
أول ما درست صحافة ما حد عجبوا
بس الآن الكل بفتخر فيها لأنها مبدعة بشغلها و مخلصة فيهو بتحس أنو مو عمل
لأنها بتعشقه

أهم شي الإلتزام

[غرام فلسطين]

انابئول اذا بتحبي الصحافه ادرسي لانها اكتير حلوه

يسلمو الله ايوفئك

تحياتي

[فلسطينية ومفتخره]

شكرااا للجميع على المشاركه

بس حابه اقول شي لاخي اسد22 هلا انا بالاردن

شفت هاي البنت الي قالت لك عنها امك يمكن تكون قصتها صارت عنجد بس انا ما سمعت عنها يعني مش متابعه بس عنا بالاردن بتصير كتيير بس بيكووون في ورااها واسطه

والوااسطه سهله كتيير خصوصي لاهل البلد مو لالنا اخي

ولاخي ابو جهاد اكييد لازم الوااحد يبتعد عن الفتن اصلا انا هذا الي نفسي فيي عشان اخدم ديني وبلدي فلسطين

بيسير اسمي الصحفيه اسيل من فلسطين بصرااحه كمان عندي حلم اني اكوون صحفيه في فلسطين الله يرجعنا على بلادنا ويتحقق حلمي فيها قولو ا امين :ShababSmile111:

الله يوفقكم جميعا

تحيتي لكم

[الكحلاوية]

انا من رايي انو هاد المنصب صحافة مو لايق للمراة انا بحس البق لزلمة ويسلمووو كتير