هل هذا الفعل من حق الزوج علي زوجته { موضوع للنقاش}

[قسامي غزة]

السلام عليكم ورحمة الله وبركاته

كيف حالكم يا شباب ويا شابات

في موضوع جاي علي بالي انزله من فترة وهوا للنقاش الهادف
وراح اشوف ردودكم علي هالموضوع هاد


طبعا الكل عارف للزوج حقوق علي زوجته والزوجة ايضا لها حقوق علي الزوج

واحيانا نسمع ان هناك زوجات عندما ياتي من الشغل او من مكان العمل
تذهب وتخلع حذاء زوجها وتغسل رجليه بمية وملح
هاد العادة كانت قديما ولكن حاليا قليل الي يسويها
فهناك زوجات هما الي بيلبسوا الراجل الحذاء والشربات
وطبعا بيخلعوهم لما يروح من الشغل

وايضا تلمع حذاء زوجها قبل خروجه من المنزل

فطبعا هناك فريقين من النساء
الفريق الاول يقول انه هاد شي طبيعي وانا بعمل لزوجي هيك
وما في اي مشكلة في هاد الشغلة ومافيها شي

والفريق الثاني يقول انوا هاد يعتبر اذلال للمراة ومش من حق الراجل انوا
يطلب من مرتوا تخلع الحذاء بتاعه
لانوا انا كرامتي ما بتسمح الي اعمل هيك

ولو طلب مني زوجي اعمل هيك هارفض بشدة

نيجي الحين لراي شباب وشابات فلسطين
هل انتم برايكم شي طبيعي لو المراة عملت هيك
ام يعتبر وسيلة لاذلال المراة وما بيحق للراجل يطلب هيك طلب

وطبعا ما تنسوا الحديث الي معناه لو المراة امرت بالسجود لغير الله
لكان احق واحد السجود له هو الزوج

وانا سمعت مراة حكت رد عجيب علي هاد القصة باحكيه لما اشوف ردودكم
ونشوف تفاعلكم

[أم الوليد]

مابظن انو حق الو ، بس هي من باب حرصها عليه وعراحتو ليش لأ، وين الاذلال اذا بدي اريح زوجي وحسسو انو مقدره جهدو وتعبو طول النهار، انا برايي مافيها ابدا اي شي ، بالعكس الزوجة الشاطرة مابتخلي وسيلة إلا وبتساويها لتكسب رضا هالزوج (لو كنت آمرا أن يسجد أحد لأحد لأمرت المرأة أن تسجد لزوجها) ،مابشوفها غلط ابدا ومش ضرورة تخلي زوجها يطلب ويصير الشي تقيل عنفسها لانو انفرض ، من حالها تعملو وتريح حالها وتريحو

[.. ليآل ~]

بالعكس

شيء جدا رائع وانا شخصيا بحترم المرأه الي بتعمل هيك

حتى الرجل ئد مايكون مش منيح ازا مرتوا عملت معو هيك بحترمها وبتكبر بعينو وبيعرف انها بنت اصول ومتربيه

انا لما كنت زغيره كنت اشوف ماما تعمل لهيك لبابا الله يرحمو ،،، يعني الشي مش غريب علي

وبتصور ازا اتجوزت بعملها بكل قناعه ورضا:ShababSmile116:

مابشوف فيها ذل ولا اهانه بالعكس ،،، اقل واجب واقل تقدير

وهاي مش مثاليه زايده على ئد ماهو وضع طبيعي
:ShababSmile240:
//

مشكور خيو قسامي ،،، دايما مواضيعك رووعه

ممكن ارجع ازا حمي النقاش وصار في خنائ وشد شعر :ShababSmile221:

[لالا-فلسطين 48]

مرحبااااااااا..........


اناشخصيا ما بشوف الشغلة فرض بالمرة، بس ازا عملت هيك المرة لانها هي بنفسها حابة تعمل هيك ومش لانو جوزها اجبرها ولا لانو العادة المتبعة هيك، فوين الغلط؟ بس! انو الزوج ما يتعوَّد على هاد الاشي ،يعني طالع نازل تيجي تشلحو من رجلو وتلبسو، وبدون ما يكون في حاجة لهالاشي، وازا ما عملت هيك بتوجهلها وكأنها عاملة غلط.......

يعني انا مع الاشي ازا صدفت وصار، وكان عنجد في حاجة لانو المرة تعمل هيك ومش يكون اشي متبع ولازم لازم.. وكمان انا مع انو الزوج يشلح مرتو ويلبسهابرجلها ازا كان في حاجة!!!!

انا هيك رايي......

وشكرا اخ قسامي عهالموضوع الي مش كتير منفكرنطرحو للنقاش...

اختك..
لالا-فلسطين 48.

[ŠaĐĐamêaħ]

طيب لأسألك أنآآ نفس السؤآآل ..

لو طلبت منك زوجتك إنو تغسل لهآ أجريهآآ بالمي والملح ،، وتشلعهآآ لجرآبآت ،،

باللهي رح توآآفئ ؟؟

هآآد فعل مذل للمرأة وفعل بيحط كتير من قدرهآآ ،،

بس أنآآ بشوف لو جوزهآآ فآآت الأربعين بيكون إلو حق بهالشي ،، خطيييييي صآآر ختيآآر ،،

بآآرك الله فيك وهدآك للخيـر أخ قسآآمي ،،

ويعطيك العآآفيــِـِـِـِِـِة :) ،،‘

[ameera]

مش حق ومش واجب انو تعملو هيك !!

هي من زات نفسها ممكن ازا حبت نظرا لحبها لزوجها او حابة مرة تعمل هيك حسب ماهي بدها وبتريد ..


بس انو فرض او حق او واجب بعتبرو اذلال

بعتقد حط حالك انت كمان وشوف لو مرتك طلبت منك هيك طلب ..

حتعملها هيك !!

بتصور لا وشئ أكيد لآ راح ينت فيها وازا مخو تنح وعقلو ماشالله عنو بضربها .. وبتوصل للطلاق يمكن ..

بعتقد الشغلة فيها تفاهم مش قصة واجب وحق ..

هيك أمور بترجع لشخصية كل انسان بس بمجتمعنا مجتمع ذكوري ..

يعني بعتبرو المرأة ضعيفة والرجل ماشالله عليه ..

بحكيلك الاتنين ربنا ساواا بينهم مافي شي بيختلف عن التاني ..

كلنا بشر سواء ذكر أو أنثى .. وبعتقد الرجل الفهمان مابتصور يجي يطلب من مرتو هيك طلب بعتقد هو بفكر صح والانسان اللي بطلب منها هيك شغلة بتصورش عشان راحتو بس بكون فيها اذلال للمرأة .. .

هو الو ايدين والو رجلين ,, راحتو مطلوبة واشيا تانية مطلوبة من مرتو بس مش انو ولله غسليلي رجلي ..

يعمل متل سي السيد ^^

ازا ولله بدي أغسلو رجليه من حقي أنا كزوجة ازا طلبت منو هيك طلب بردو يغسلي رجلي ..

وهادا رايي .. ^^

[قسامي غزة]

مابظن انو حق الو ، بس هي من باب حرصها عليه وعراحتو ليش لأ، وين الاذلال اذا بدي اريح زوجي وحسسو انو مقدره جهدو وتعبو طول النهار، انا برايي مافيها ابدا اي شي ، بالعكس الزوجة الشاطرة مابتخلي وسيلة إلا وبتساويها لتكسب رضا هالزوج (لو كنت آمرا أن يسجد أحد لأحد لأمرت المرأة أن تسجد لزوجها) ،مابشوفها غلط ابدا ومش ضرورة تخلي زوجها يطلب ويصير الشي تقيل عنفسها لانو انفرض ، من حالها تعملو وتريح حالها وتريحو


كيف يعني ما اله الحق
انا برايي انوا الزوجة تعمل اي شي
بيكون فيه راحة لزوجها
وكمان ما ننسي حق الزوجة علي الزوج


الشاطرة مابتخلي وسيلة إلا وبتساويها لتكسب رضا هالزوج

انا بوافقك 100 %
لازم المراة تحافظ علي زوجها وعلي بيتها



تخلي زوجها يطلب ويصير الشي تقيل عنفسها لانو انفرض

اختي الموضوع مش مستاهل كل هالشي
انك تحكي عنوا فرض
يعني انا برايي مو شايف فيها شي
شي طبيعي
وبالنهاية الشاطرة الي بتحافظ علي زوجها
باي طريقة

نورتي الموضوع بردك اختي ام الوليد

[أم الوليد]

مالو حق لانو مش فرض هاي القصد منو

[قسامي غزة]

بالعكس

شيء جدا رائع وانا شخصيا بحترم المرأه الي بتعمل هيك

حتى الرجل ئد مايكون مش منيح ازا مرتوا عملت معو هيك بحترمها وبتكبر بعينو وبيعرف انها بنت اصول ومتربيه

انا لما كنت زغيره كنت اشوف ماما تعمل لهيك لبابا الله يرحمو ،،، يعني الشي مش غريب علي

وبتصور ازا اتجوزت بعملها بكل قناعه ورضا:ShababSmile116:

مابشوف فيها ذل ولا اهانه بالعكس ،،، اقل واجب واقل تقدير

وهاي مش مثاليه زايده على ئد ماهو وضع طبيعي
:ShababSmile240:
//

مشكور خيو قسامي ،،، دايما مواضيعك رووعه

ممكن ارجع ازا حمي النقاش وصار في خنائ وشد شعر :ShababSmile221:



بصراحة مش عارف شو اعقب علي كلامك
لانوا يدل علي البنت الفهمانة الواعية
الي بتعرف كيف تصون زوجها
ويارب تعمليها عن قريب :ShababSmile116:
انا كمان شايف وضع طبيعي
وربنا يرحم والدك
وانا كمان كنت اشوف امي الله يرحمها بتعمل هيك لما
ابي يروح من الشغل
نورتي الموضوع بمرورك ليال

مشكور خيو قسامي ،،، دايما مواضيعك رووعه
شو هالاحراج هاد :ShababSmile229::ShababSmile221::Sh ababSmile221:
هاد بس من زوقك والله

بصراحة انا شايف ممكن يصير شد شعر
وبهاد الحالة انتي مطلوبة
ههههههههههههه

[نور الهدى]

بتصور الوضع مختلف .. حسب العلاقة بين الزوجين

احيانا بنشوف ازواج بعاملوا زوجاتهم بنوع من الرسمية ..

و احيانا كأنه مدير و مرته موظفة عنده .. في هاي الحالة اكيد بشوف انه ازا غلست رجليه بتكون مذلة

لانه بهاي الحالة مش مرته اللي حتكبر بعينه .. انما نفسه .. يعني بحس بنوع من العظمة :)

و بعرف نسوان هيك صاير معهم ..

//

لذلك بختلف مع ليال لما حكت انه قد ما يكون مش منيح رح يحترمها لما تعمل هيك !!

بنظري ازا الراجل مش منيح تطلق منه احسن .. مش تيجي تغسله رجليه !!



نرجع لرأيي ..

العلاقة بين الزوجين مش محصورة في غسل الرجلين او غيره .. بقدر المعنى اللي بتعطيه هالحركات

اعتقد انه ما فيها شي ازا عملتها او ازا هو عملها .. طالما فيها تودد و زيادة الالفة ..

لكن اقولك بصراحة ..

شخصيا لو طلبت من زوجي مستقبلا يعملها و رفض بدعوى انه كرامته و مدري شو .. اكيد رح ارفض اغسله رجليه !!

مع انه بين الازواج المفروض ما في قصص الكرامة و من هالتخبيص ..

//

و رح ارجع ازا حمي النقاش :ShababSmile221:

[آيات الشرفاء]

شكرا الك اخي قسامي على الموضوع

انا بشوف انو هاد الشي بيرجع للزوج ولمرته ولطبيعة العلاقه بينهم الي بتحب زوجها ممكن تعمل هيك

اما بالنسبه الي ماعندي مانع اعمل هيك اذا كان في سبب مو على الطالعه والنازله

واخر شي يا ترى ازا طلبت الزوجه من زوجها يخلع حذاءها رح يقبل

يعطيك الف عافيه

[قسامي غزة]

مرحبااااااااا..........


اناشخصيا ما بشوف الشغلة فرض بالمرة، بس ازا عملت هيك المرة لانها هي بنفسها حابة تعمل هيك ومش لانو جوزها اجبرها ولا لانو العادة المتبعة هيك، فوين الغلط؟ بس! انو الزوج ما يتعوَّد على هاد الاشي ،يعني طالع نازل تيجي تشلحو من رجلو وتلبسو، وبدون ما يكون في حاجة لهالاشي، وازا ما عملت هيك بتوجهلها وكأنها عاملة غلط.......

يعني انا مع الاشي ازا صدفت وصار، وكان عنجد في حاجة لانو المرة تعمل هيك ومش يكون اشي متبع ولازم لازم.. وكمان انا مع انو الزوج يشلح مرتو ويلبسهابرجلها ازا كان في حاجة!!!!

انا هيك رايي......

وشكرا اخ قسامي عهالموضوع الي مش كتير منفكرنطرحو للنقاش...

اختك..
لالا-فلسطين 48.

اهلين اختي الكريمة
بس انا من خلال ردك ورد ببعض العضوات الكل محسسني انوا الزوج بفرض علي زوجتو
انوا تعمل هيك
يا جماعة العلاقة بين الزوج وزوجته اكبر من هيك
كلها احترام وحب
وانا مو شايف فيها اي شي مدام هاد شي بيسعد الزوج
وبالنسبة اذا الزوج يعمل هيك
ما فيها شي لو طلبت منو
نورتي بمرورك

[PaLeSt!Ne SouL]

بسم الله الرحمن الرحيم

إذا كان الزوج أخلافه مو منيحة و متسلط فهذا بيكون إذلال للمرأة لانو ما تعملوا عن طيب خاطر

و ما تقلي أنو الزواج أكبر من هيك و حب و إحترام و كل هذا الكلام( إذا كان زواجك هيك فهذه نعمة كبيرة كتير ناس فقدوها و الله يهنيك)
بعض الرجال م بتعنيلهم الزوجة إلا خادمة بالبيت و بنقول عنهم أزواج كمان

أما إذا كان محترم و بيقدر اللي بتعلموا زوجته أكيد رح تعمل هيك و لو في شي أكتر رح تعمله
لانها بتحس أنو في حد يقدر

و المراة كيف ما كانت على قدر ما زوجها بيحترمهاهي بتصونوا و بتعمل ع راحتوا

لو الله رزفني بزوج من الصنف التاني رح اعمل هيك بكل سعادة ما دام هالشي بيريحوا و بنفس الوقت بيقدروا


مشكور يا قسامي ع موضوعاتك الحلوة

ما ننحرم

[اسد 22]

مشكور اخي على طرح لهذا الموضوع المهم للغاية بسم الله الرحمن الرحيم والله الموفق نبدأ


فالاسلام جعل الزوج ولي الزوجة في بيت الزوجية اي تقدم طاعة الزوج على الاب

والحديث واضح والاسلام لا يحل او يحرم شيئ إلا لصالحنا ولقول الله تعالى

فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا)الآية 19 من سورة النساء

وخير مثال زوجة علي رضي الله عنه فاطمة الطاهرة بنت رسول الله صلى الله عليه وسلم

عندما طافت حول زوجها لكي لا تغضبه وابتسمت فابتسم

والله اعلم قصة سمعتها في الجامع خلال فترة ممكن تتأكدو من صحة القصة

والكثير من القصص التي تدل على المرأة تحترم زوجها ما دامت لا تعصي الله

وأما بالنسبة لتلميع الحذاء اخي تبقى عادات وقابلة للتغير والتجديد ما لم تصلح لوقتنا وليس اية

من القرآن لتبقى ولا تنسى ان احترام الزوجة لزوجها واجب وهذه العادة اصبحت غير مناسبة لوقتنا الحاضر والله

اعلم

[شهيد]

لا لا

الأمر يعجز أن يحصر في مع أو ضد !

فالكل حادثة حديث ، ومن كل بيت لبيت بختلف الأمر ،

وبصفة عامة :

الأمر يقف عند مدى فهم و وعي الزوجين وبعدين كل شيء بصير تمام

يعني الزوج لو فهم انه مش حلوة في حق زوجته تغسل له رجليه و مش من الآداب المعاصرة والعادات

وفي هالوضع المتطور اكيد ما راح يطلب هادا الشيء من زوجته وبالتالي ما راح ندخل في سين ولا صاد

وكذلك الزوجة : لو طلب منها الأمر واستوعبته وتقبلته بكل صدر رحب و انه زوجه طول اليوم في كد ونصب وعمل

علشان تعيش مأيدة مسيدة ، وانه اقل ما فيها تلبيله طلباته و تساعده ، ويكون عدها المثل يللي يقول :

" كبرها بتكبر وصغرها بتصغر " راح يعيش بحياة آمنة مستقرة بكل تأكيد

تح ــياتي نهاد !

[قسامي غزة]

طيب لأسألك أنآآ نفس السؤآآل ..

لو طلبت منك زوجتك إنو تغسل لهآ أجريهآآ بالمي والملح ،، وتشلعهآآ لجرآبآت ،،

باللهي رح توآآفئ ؟؟

هآآد فعل مذل للمرأة وفعل بيحط كتير من قدرهآآ ،،

بس أنآآ بشوف لو جوزهآآ فآآت الأربعين بيكون إلو حق بهالشي ،، خطيييييي صآآر ختيآآر ،،

بآآرك الله فيك وهدآك للخيـر أخ قسآآمي ،،

ويعطيك العآآفيــِـِـِـِِـِة :) ،،‘



اختي صدامية
انا اتعارض معك جداً
لانوا الحياة الزوجية مش هيك
اي ذل الي بتحكي عنو
طيب راح اجيب الك هالحديث واقرايه بنفسك
حتي تعرفي لوين بوصل حق الزوج علي زوجته




عن أبي هريرة رضي الله عنه قال جاءت امرأة إلى رسول الله صلى الله عليه وسلم قالت أنا فلانة بنت فلان قال قد عرفتك فما حاجتك قالت حاجتي إلى ابن عمي فلان العابد قال قد عرفته قالت يخطبني فأخبرني ما حق الزوج على الزوجة فإن كان شيئا أطيقه تزوجته قال من حقه أن لو سال منخاراه دما وقيحا فلحسته بلسانها ما أدت حقه لو كان ينبغي لبشر أن يسجد لبشر لأمرت المرأة أن تسجد لزوجها إذا دخل عليها لما فضله الله عليها قالت والذي بعثك بالحق لا أتزوج ما بقيت الدنيا رواه البزار والحاكم كلاهما عن سليمان بن داود اليمامي عن القاسم بن الحكم وقال صحيح الإسناد.



شو رايك بهاد الحديث
يعني ما ضل كلام بعد هيك
نورتي بمرورك
وربنا يهديني ويهديكي للخير

[إيمـان]

نعممممم والله
يعني المرءه لما تحب زوجاااا بتلبسو الجزمه لا والله هادكلام مو معقولللل الجزمهه هاد الي ناقص اصلا هوا اتاني يسحي على دمووو يلبسها لحالو بس باقي نحط الحليب بل لرضاع ورضعوو هع والله اصلا هوا بقدر يلبس زوجته الجزمه في الاحلام السعيده
قساميييي تسلم على هل الموضوع بس ياخي ايام هل الرجال مو زي زمان

[قسامي غزة]

مش حق ومش واجب انو تعملو هيك !!

هي من زات نفسها ممكن ازا حبت نظرا لحبها لزوجها او حابة مرة تعمل هيك حسب ماهي بدها وبتريد ..


بس انو فرض او حق او واجب بعتبرو اذلال

بعتقد حط حالك انت كمان وشوف لو مرتك طلبت منك هيك طلب ..

حتعملها هيك !!

بتصور لا وشئ أكيد لآ راح ينت فيها وازا مخو تنح وعقلو ماشالله عنو بضربها .. وبتوصل للطلاق يمكن ..

بعتقد الشغلة فيها تفاهم مش قصة واجب وحق ..

هيك أمور بترجع لشخصية كل انسان بس بمجتمعنا مجتمع ذكوري ..

يعني بعتبرو المرأة ضعيفة والرجل ماشالله عليه ..

بحكيلك الاتنين ربنا ساواا بينهم مافي شي بيختلف عن التاني ..

كلنا بشر سواء ذكر أو أنثى .. وبعتقد الرجل الفهمان مابتصور يجي يطلب من مرتو هيك طلب بعتقد هو بفكر صح والانسان اللي بطلب منها هيك شغلة بتصورش عشان راحتو بس بكون فيها اذلال للمرأة .. .

هو الو ايدين والو رجلين ,, راحتو مطلوبة واشيا تانية مطلوبة من مرتو بس مش انو ولله غسليلي رجلي ..

يعمل متل سي السيد ^^

ازا ولله بدي أغسلو رجليه من حقي أنا كزوجة ازا طلبت منو هيك طلب بردو يغسلي رجلي ..

وهادا رايي .. ^^


اهلا بيكي اختي اميرة
بصراحة كلامك معقول وانا اتوافق معك
بس انا مش عارف ليش الكل بيصور اليانوا في
الزواج بتكون المراة مذلولة ومغلوب علي امرها
مش هيك الزواج يا جماعة الخير
صحيح بنسمع قصص بس مو كل الرجال واحد
ومو كل النسوان واحد

بطلب منها هيك شغلة بتصورش عشان راحتو بس بكون فيها اذلال للمرأة ..
يا بنت الحلال لشو بدو يذلها
انتي صورتيلي انوا في حرب بين الزوجة وزوجها
والزوج لازم يذل المراة
شو هالحكي هاد
هاد الحكي مش منطقي نهائيا
وان شاء الله بكرا بتتزوجي وبتعرفي انوا كلامك غلط
ونورتي اختي بمرورك

[قسامي غزة]

بتصور الوضع مختلف .. حسب العلاقة بين الزوجين

احيانا بنشوف ازواج بعاملوا زوجاتهم بنوع من الرسمية ..

و احيانا كأنه مدير و مرته موظفة عنده .. في هاي الحالة اكيد بشوف انه ازا غلست رجليه بتكون مذلة

لانه بهاي الحالة مش مرته اللي حتكبر بعينه .. انما نفسه .. يعني بحس بنوع من العظمة :)

و بعرف نسوان هيك صاير معهم ..

//

لذلك بختلف مع ليال لما حكت انه قد ما يكون مش منيح رح يحترمها لما تعمل هيك !!

بنظري ازا الراجل مش منيح تطلق منه احسن .. مش تيجي تغسله رجليه !!



نرجع لرأيي ..

العلاقة بين الزوجين مش محصورة في غسل الرجلين او غيره .. بقدر المعنى اللي بتعطيه هالحركات

اعتقد انه ما فيها شي ازا عملتها او ازا هو عملها .. طالما فيها تودد و زيادة الالفة ..

لكن اقولك بصراحة ..

شخصيا لو طلبت من زوجي مستقبلا يعملها و رفض بدعوى انه كرامته و مدري شو .. اكيد رح ارفض اغسله رجليه !!

مع انه بين الازواج المفروض ما في قصص الكرامة و من هالتخبيص ..

//

و رح ارجع ازا حمي النقاش :shababsmile221:


انا بصراحة دائماً باعجب بردودك
بحسها كاملة متكاملة ما شاء الله عنك
يعني الي بدي اتوصل الوا انوا العلاقة الي بينهم مدام
كانت علي التفاهم هيكون الامر طبيعي
وانا بصراحة اتوافق مع ليال لانوا رايها صواب
لانوا هية متصورة الحياة الزوجية صح
وحكت ما فيها شي لو طلب مني زوجي
ما بيصير يا نور لو طلب منك زوجك تغسلي الوا رجليه مثلا
تحكي الي اول اغسل رجليه بغسلك رجليك
طبعا انتي حتي تعرفي اذا بدو يرفض او يوافق
والراجل بيكون جاي من الشغل مهلوك وانتي بتحكي الوا اغسلي رجليه اول
هيقلك علي دار ابوكي يا بنت الناس
ههههههههههههههههههههههههه
وانتي تنوري الموضوع باي وقت
وعلي فكرة الموضوع شكلوا هيحمي شوية

[نور الهدى]

انا بصراحة دائماً باعجب بردودك
بحسها كاملة متكاملة ما شاء الله عنك
يعني الي بدي اتوصل الوا انوا العلاقة الي بينهم مدام
كانت علي التفاهم هيكون الامر طبيعي
وانا بصراحة اتوافق مع ليال لانوا رايها صواب
لانوا هية متصورة الحياة الزوجية صح
وحكت ما فيها شي لو طلب مني زوجي
ما بيصير يا نور لو طلب منك زوجك تغسلي الوا رجليه مثلا
تحكي الي اول اغسل رجليه بغسلك رجليك
طبعا انتي حتي تعرفي اذا بدو يرفض او يوافق
والراجل بيكون جاي من الشغل مهلوك وانتي بتحكي الوا اغسلي رجليه اول
هيقلك علي دار ابوكي يا بنت الناس
ههههههههههههههههههههههههه
وانتي تنوري الموضوع باي وقت
وعلي فكرة الموضوع شكلوا هيحمي شوية

شكرا اخي :)

//

بس انا ما قلت انه لو طلب مني هيك شغلة احكيله اغسلي رجلي انا بالاول ههههههه

طبعا ما بصير و و ما بتصورها

قصدي انه افرض جدلا انه حصل في يوم و طلبت منه هالشي و رفض .. مع اني عملتله اياها من قبل

اكيد رح يكون في احساس بالاهانة و فيها جرح للمشاعر طبعا .. فرفضي في هاي الحالة مبني على افتراض :)

طبعا زوجي رح احطه بعنيا ولو :ShababSmile229:

والله العلاقة الزوجية ممكن يكون فيها من الحنان و الرومانسية و التفاهم اللي ما بنقدر نتصوره بافلام هوليوود

بس للاسف قليل اللي مقدرين الكنز اللي بين ايديه ..

بنظري حرام يضيع يوم من هاي الحياة في النكد و المشاكل .. مع انه ممكن يكون الجو غير :ShababSmile223:

يبدو اني طلعت من الموضوع ههههههه

//

الي رجعة اكيد .. بس يحمى الموضوع بزيادة :ShababSmile240:



اه صحيح .. نسيت ما شكرتك ع الطرح في ردي السابق .. و هيني بشكرك هلأ :ShababSmile326:

[.. ليآل ~]

أنا ئلت لو ولعت راح ارجع ،،، وهيني رجعت لأنها مبلشه تولع :ShababSmile221:

//
اول شي بدي احكيه عن الحياه الزوجيه نفسها ،،، هي مش ساحه معركه والبقاء فيها للأقوى

مش منطقه ليتحدوا المرأه والرجل بعضهم فيها ،، بالعكس هي مرحله للمشاركه بكل صغيره وكبيره

راح تحكوا لو هذا الكلام اكل عليه الدهر وشرب ،،، وانو الازواج حاليا مابيتعاملو مع بعض بهالاسلوب:ShababSmile239:

الرد بسيط جدا :: ارتفاع حالات الطلاق بشكل كبير اكبر دليل على فشل اي علاقه بتقوم بين الزوجين على فرض الرأي والمبارزه .
:ShababSmile240:
للاخوات الي بيئولوا انو لو انطلب من الرجل يعمل نفس الشي هل راح يوافق او لأ .
لو وافق بيكون شي عادي مش خرافي ولو رفض هو هادا الشي الطبيعي
على افتراض انو انا كنت ئاعده بغسل لزوجي رجليه بميه وملح وبعد ما خلصت هو طلب مني من باب الزوء والادب او حتى الرومانسيه انو يغسلي رجلي:ShababSmile225:
قسما بالله انا ما برضى ،،، ولا بيهون عليا من اصلو انو يعقد تحت رجلي ويغسلي ياهم

مش لانو هو ملاك ،،،، او حدا مقدس ،،، بس لانو هو زوجي ،،، وحيكون ابو ولادي ،، وستري وغطاي << عشت الدور

الخلاصه

انو الحكايه مش العين بالعين والسن بالسن ،،، المسأله مسأله قناعات

وافضل شي انو الواحد يعمل كل شي وهو راضي ومقتنع مش مغصوب

//

وشكرا:ShababSmile224:

[Twin]

يعني لو مره الزوجه تعبت وهوه قام بشطف المنزل ^^ او بتحضير الغداء ,, هل يعتبر مذله للرجل !!


بالعكس .. في حياه مشتركه وتبادل ادوار ..


مادام متفاهمين وفى حب واحترام متبادل بين الزوج وزوجته لا يوجد مزله فى اى شئ تفعله لاجله


ومادام بتقوم بالعمل هاد من تلقاء نفسها ولست مجبره على فعله فاين المذله !!



بسمع كتار وخاصة المتعلمات والمثقفات يرون ذلك نوعا من الاهانة ..


مع انى بمنظور اسلامى اراه نوعا من الاعتراف بالقوامة والاعتراف بالجميل ..


وبشوفه انا من ناحية انوثية ,, بانه نوعا من التدليل المفرط ,,


واعطاء الرجل الشعور بقوته وضعف زوجته امامه ..



يعطيك العافيه قسامي ... ما قصرت والله ..

[بنيمارو]

امم
كتير رائع الموضوع صراحة واجابتو محيرة بين نقيضين ابعد ما يكونو عن بعض
ان كان الفعل المذكور اعلاه اذلال ام دلال !!
برأيي انو بيكون اذلال لو كان مفروض عليها من الزوج وأكيد بيكون امر غير مقبول نهائيا
اما اذا كان التصرف بكامل ارادتها وحريتها وحابة تدلل زوجها , , ما عليها ولا عليه شي ^^
عموما
باعتقد انو اي تبادل بين الزوجين ما بيتصنف تحت مفهوم الاذلال
لكن ,, انا شايف انو التصرف اللي بالموضوع _ دلع _ مبالغ فيه صراحة !! وما الو لزوم ههه
وما بيندرج تحت حقوق الزوج بصورة مباشرة متل ما حكيت بعنوان الموضوع
بالمقابل كل مأعطت الزوجة أكتر اكيد الزوج هيبادلها نفس الشعور واكتر ^^
موضوع عميق و رائع .. وحكيت رأيي فيه ببساطة
يعطيك العافية قسامي . .

[بنيمارو]

لو كان ينبغي لبشر أن يسجد لبشر لأمرت المرأة أن تسجد لزوجها ,,,
أو كما قال عليه الصلاة والسلام
باعتقد هيك الحديث . . .
برأيي انها سجدة حب ووقار واحترام منا سجدة اذلال وخضوع !

[ضوء الشمس]

الموضوع بصراحة مهم لأنوا كان شي زمان وصار هاالوقت كتير


برأيي اذا الوحدة طلب منها زوجها هيك شي اذا كانت فهمانة مابتردو الطلب لأنها بهيك اشي راح تكسب رضا ،اما اذا


الوحدة راح تتكبر على زوجها فهذا برجع لالها وزوجها راح يحطو في القاموس أكيد،يعني برأيي الوحدة تعمل كل شي

لزوجها لتكسب محبتوا ، ومافيها اذلال اشي عادي

يسلمو على الطرح

["الزعيم"]

قصتكم قصة

...........

[لالا-فلسطين 48]

"على افتراض انو انا كنت ئاعده بغسل لزوجي رجليه بميه وملح وبعد ما خلصت هو طلب مني من باب الزوء والادب او حتى الرومانسيه انو يغسلي رجلي
قسما بالله انا ما برضى ،،، ولا بيهون عليا من اصلو انو يعقد تحت رجلي ويغسلي ياهم

مش لانو هو ملاك ،،،، او حدا مقدس ،،، بس لانو هو زوجي ،،، وحيكون ابو ولادي ،، وستري وغطاي << عشت الدور

الخلاصه

انو الحكايه مش العين بالعين والسن بالسن ،،، المسأله مسأله قناعات

وافضل شي انو الواحد يعمل كل شي وهو راضي ومقتنع مش مغصوب"


لياااااااااال: حكيتي شغلات حلوة كتيييييير فيما لو المرة غسلت رجلين جوزها بناء على علاقة احترام متبادلة بينهم، بس انا ما بوافقك على رفضك انو الزوج يغسل رجلين مرتو، ليش لع؟؟؟؟؟؟؟؟؟؟؟

لو كانت العلاقة مبنية على تفاهم متبادل ان كان بصير يغسلها متل ما بتغسلو، مش مرات هي بتكون بحاجة لانو زوجها يساعدها ويغسلها رجليها زي مهي بتعمل على راحتو. لو انو تفاهم عنجد، ازا غسيل رجلين مرتو بجبلها راحة، فهون واجب عليه انو يغسلها اياهن ويريحها متل ما سبق وريحتو..

وكمان ان مع انو المرة تغسل رجلين زوجها ازا كان الاشي من تلقاء نفسها وكان في حاجة وضرورة لهالاشي، متلا انو بريحو بعد يوم شغل طويييييييييل......

وهيك ما منضطر نفوت لقصة العين بالعين......

تحياتي لالك ليال، حبيت اعقب عمشاركتك لابرز هاي النقطة بوجهة نظري!

لالا-فلسطين 48.

[لالا-فلسطين 48]

قصتكم قصة

...........




والله عنجد انها قصة!!!!!!!!!

[الحلوة]

من رائي الشخصي انو مافيها ايشي ابدا..
اذا كانت الزوجه بتحب زوجها كتير راح تعمل اي شي عشان تسعدو وترضيه.. وبشوف مافي ايشي بيغضب الله عشان ما تعملو.. الاسلام حث على ارضاء الزوجه لزوجها واسعادو ، كتير فيه احاديث وايات على هيك..
والعكس كمان.. المهم يكون فيه حب وتفاهم بين الطرفين..


قسامي غزة.. دائما مواضيعك مميزة ومهمه .. وبتطرح فيها قضايا كتير بمجتمعنا..

الله يجزيك الخير .. ويعطيك الف عافيه.. :ShababSmile240:

[موسيقى الصمت]

مو فرض ولا واجب برأيي .. بس ما بعرف إذا الشي هاد ورد في السنة أو القرآن فعندها بكون شي تاني
لكن لو عليّ أنا ما بعملها .. لانو كرامتي ومكانتي ما بتسمحلي .. مو نوع من الغرور بس مافي عنا هيك شي
بعتقد إلو إيدين بيقدر يلبس ويخلع حذائه بنفسه أما إذا كان مريض أو غير قادر على هالشي عندها من عيوني بعملوا يللي بدو يااه
شكرا علىالموضوع

[Sweet Baby]

يسلمو ع الموضوع

وانا رأيـي انو ما بــكـون اذلال للـمــرأه ازا غسلت رجـــليه
وكمان ما بكون عدم احتـرام الزوجه لزوج ازا هيا ما غسلت اجرين زوجها

منور قسامي

^^

[Sweet Baby]

يسلمو ع الموضوع

انا ما بشوف انه بكون اذلال للمرأه ازا غسلت اجرين زوجها
وكمان ما بكون عدم احترام الزوجه لزوجها ازا ما غسل رجلين زوجها

شكرا اخي قسامي

[εïз ملآكـ εïз]

طبعــآ هالشي لآ اذلالـ .. ولآ اقلآلـ من مكــآنهـ المراهـ ..

لو هوآ تعبــآنـ و حابب مني هالشغلهـ فلح لبيلو طلبو من عيوني الاتنين بدون تردد

نحنا مخلوقينـ لبعض و متزوجين كرمــآل نريح بعض .. ازا هالطلبـ و ما لبيتو مين يلي رح يلبيلو يــآه ؟؟

و طبعا بعد ما تعملي شي متلـ هيكـ رح تكبري الف مرهـ بعيونـ زوجكـ .. و رح يقدرلك هالشي و يتزكرو منكـ

و متل ما قــآلتـ توينـ مافي احلى من انو تحسسيه بقوتو و بضعفكـ و حاجتكـ الو و هالشي بخليه هيكـ يحس


..


امــآ ازا فرض عليكي و غصبكـ و ما كان في اي نوع من الزوء و الحنيهـ بطلبو .. فبتكون خدمتكـ الو مذلهـ


..


و بالنسبهـ الا انو بعد ما اغسلو يقلي من باب الزوء يعملي نفس الشي انا رح ارفض طبعـــأإأ ..

بدون سببـ خلص بشوف انا اعملو و لآ هوآ يعملي هيكـ ولو كنت تعبانة و محتاجهـ لهالشي ..

ازا تعبــآنهـ يساعدني بشغلة تانيهـ بسيطهـ بشغل البيتـ بكونـ احسن



..


ثــآنكس خيــؤؤ ع طرحكـ هــآد

تقبلـ مروري

[قسامي غزة]

أنا ئلت لو ولعت راح ارجع ،،، وهيني رجعت لأنها مبلشه تولع :ShababSmile221:

//
اول شي بدي احكيه عن الحياه الزوجيه نفسها ،،، هي مش ساحه معركه والبقاء فيها للأقوى

مش منطقه ليتحدوا المرأه والرجل بعضهم فيها ،، بالعكس هي مرحله للمشاركه بكل صغيره وكبيره

راح تحكوا لو هذا الكلام اكل عليه الدهر وشرب ،،، وانو الازواج حاليا مابيتعاملو مع بعض بهالاسلوب:ShababSmile239:

الرد بسيط جدا :: ارتفاع حالات الطلاق بشكل كبير اكبر دليل على فشل اي علاقه بتقوم بين الزوجين على فرض الرأي والمبارزه .
:ShababSmile240:
للاخوات الي بيئولوا انو لو انطلب من الرجل يعمل نفس الشي هل راح يوافق او لأ .
لو وافق بيكون شي عادي مش خرافي ولو رفض هو هادا الشي الطبيعي
على افتراض انو انا كنت ئاعده بغسل لزوجي رجليه بميه وملح وبعد ما خلصت هو طلب مني من باب الزوء والادب او حتى الرومانسيه انو يغسلي رجلي:ShababSmile225:
قسما بالله انا ما برضى ،،، ولا بيهون عليا من اصلو انو يعقد تحت رجلي ويغسلي ياهم

مش لانو هو ملاك ،،،، او حدا مقدس ،،، بس لانو هو زوجي ،،، وحيكون ابو ولادي ،، وستري وغطاي << عشت الدور

الخلاصه

انو الحكايه مش العين بالعين والسن بالسن ،،، المسأله مسأله قناعات

وافضل شي انو الواحد يعمل كل شي وهو راضي ومقتنع مش مغصوب

//

وشكرا:ShababSmile224:



زي ما حسبتيها بدت تصير
شوية وتولع
ههههههههههههه
نورتي كمان مرة
وردك عين العقل والله
العفو يا خالتو

يعني لو مره الزوجه تعبت وهوه قام بشطف المنزل ^^ او بتحضير الغداء ,, هل يعتبر مذله للرجل !!


بالعكس .. في حياه مشتركه وتبادل ادوار ..


مادام متفاهمين وفى حب واحترام متبادل بين الزوج وزوجته لا يوجد مزله فى اى شئ تفعله لاجله


ومادام بتقوم بالعمل هاد من تلقاء نفسها ولست مجبره على فعله فاين المذله !!



بسمع كتار وخاصة المتعلمات والمثقفات يرون ذلك نوعا من الاهانة ..


مع انى بمنظور اسلامى اراه نوعا من الاعتراف بالقوامة والاعتراف بالجميل ..


وبشوفه انا من ناحية انوثية ,, بانه نوعا من التدليل المفرط ,,


واعطاء الرجل الشعور بقوته وضعف زوجته امامه ..



يعطيك العافيه قسامي ... ما قصرت والله ..


والله ردك انوا قلق
ومثل ما تفضلتي الحياة الزوجية مشاركة
مش حياة ذل واهانة
ما فيها شي لو الراجل طبخ عن زوجته او ساعدها بالمطبخ
هاد الشي ما بقلل من هيبته امام زوجته
ورسول الله عليه افضل الصلاة والتسليم
كان يساعد زوجاته في الاعمال المنزلية
نورتي يا حجة توين


امم
كتير رائع الموضوع صراحة واجابتو محيرة بين نقيضين ابعد ما يكونو عن بعض
ان كان الفعل المذكور اعلاه اذلال ام دلال !!
برأيي انو بيكون اذلال لو كان مفروض عليها من الزوج وأكيد بيكون امر غير مقبول نهائيا
اما اذا كان التصرف بكامل ارادتها وحريتها وحابة تدلل زوجها , , ما عليها ولا عليه شي ^^
عموما
باعتقد انو اي تبادل بين الزوجين ما بيتصنف تحت مفهوم الاذلال
لكن ,, انا شايف انو التصرف اللي بالموضوع _ دلع _ مبالغ فيه صراحة !! وما الو لزوم ههه
وما بيندرج تحت حقوق الزوج بصورة مباشرة متل ما حكيت بعنوان الموضوع
بالمقابل كل مأعطت الزوجة أكتر اكيد الزوج هيبادلها نفس الشعور واكتر ^^
موضوع عميق و رائع .. وحكيت رأيي فيه ببساطة
يعطيك العافية قسامي . .





نورتنا اخي بينمارو
بصراحة ردك بسيط وطبيعي
وكل شي هيكون باالتفاهم سهل
اما بالغصب والنكد ما بيصير
نورت بمرورك خيو

لو كان ينبغي لبشر أن يسجد لبشر لأمرت المرأة أن تسجد لزوجها ,,,
أو كما قال عليه الصلاة والسلام
باعتقد هيك الحديث . . .
برأيي انها سجدة حب ووقار واحترام منا سجدة اذلال وخضوع !


:ShababSmile240::ShababSmile240:

[قسامي غزة]

شكرا الك اخي قسامي على الموضوع

انا بشوف انو هاد الشي بيرجع للزوج ولمرته ولطبيعة العلاقه بينهم الي بتحب زوجها ممكن تعمل هيك

اما بالنسبه الي ماعندي مانع اعمل هيك اذا كان في سبب مو على الطالعه والنازله

واخر شي يا ترى ازا طلبت الزوجه من زوجها يخلع حذاءها رح يقبل

يعطيك الف عافيه

انا شايف انوا ما فيها شي لو مرت الراجل طلبت منو وكانت تعبانة
الحياة الزوجية اكبر من هاي الاشياء البسيطة
العفو اختي ايات
نورتي

بسم الله الرحمن الرحيم

إذا كان الزوج أخلافه مو منيحة و متسلط فهذا بيكون إذلال للمرأة لانو ما تعملوا عن طيب خاطر

و ما تقلي أنو الزواج أكبر من هيك و حب و إحترام و كل هذا الكلام( إذا كان زواجك هيك فهذه نعمة كبيرة كتير ناس فقدوها و الله يهنيك)
بعض الرجال م بتعنيلهم الزوجة إلا خادمة بالبيت و بنقول عنهم أزواج كمان

أما إذا كان محترم و بيقدر اللي بتعلموا زوجته أكيد رح تعمل هيك و لو في شي أكتر رح تعمله
لانها بتحس أنو في حد يقدر

و المراة كيف ما كانت على قدر ما زوجها بيحترمهاهي بتصونوا و بتعمل ع راحتوا

لو الله رزفني بزوج من الصنف التاني رح اعمل هيك بكل سعادة ما دام هالشي بيريحوا و بنفس الوقت بيقدروا


مشكور يا قسامي ع موضوعاتك الحلوة

ما ننحرم

ربنا يبعتلك زوج يحترمك وتحترميه
وما يبعتلك من النوع المتسلط
هههههههههه
نورتي بمرورك

مشكور اخي على طرح لهذا الموضوع المهم للغاية بسم الله الرحمن الرحيم والله الموفق نبدأ


فالاسلام جعل الزوج ولي الزوجة في بيت الزوجية اي تقدم طاعة الزوج على الاب

والحديث واضح والاسلام لا يحل او يحرم شيئ إلا لصالحنا ولقول الله تعالى

فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا)الآية 19 من سورة النساء

وخير مثال زوجة علي رضي الله عنه فاطمة الطاهرة بنت رسول الله صلى الله عليه وسلم

عندما طافت حول زوجها لكي لا تغضبه وابتسمت فابتسم

والله اعلم قصة سمعتها في الجامع خلال فترة ممكن تتأكدو من صحة القصة

والكثير من القصص التي تدل على المرأة تحترم زوجها ما دامت لا تعصي الله

وأما بالنسبة لتلميع الحذاء اخي تبقى عادات وقابلة للتغير والتجديد ما لم تصلح لوقتنا وليس اية

من القرآن لتبقى ولا تنسى ان احترام الزوجة لزوجها واجب وهذه العادة اصبحت غير مناسبة لوقتنا الحاضر والله

اعلم


مشكور اخي اسد
ردك جميل ورائع
ومثل ما حكيت هاد بيعتمد علي العادات والتقاليد
بس في مجتمعنا لا اري فيها اي شي
بل انه شي عادي وطبيعي
نورتنا بمرورك

لا لا

الأمر يعجز أن يحصر في مع أو ضد !

فالكل حادثة حديث ، ومن كل بيت لبيت بختلف الأمر ،

وبصفة عامة :

الأمر يقف عند مدى فهم و وعي الزوجين وبعدين كل شيء بصير تمام

يعني الزوج لو فهم انه مش حلوة في حق زوجته تغسل له رجليه و مش من الآداب المعاصرة والعادات

وفي هالوضع المتطور اكيد ما راح يطلب هادا الشيء من زوجته وبالتالي ما راح ندخل في سين ولا صاد

وكذلك الزوجة : لو طلب منها الأمر واستوعبته وتقبلته بكل صدر رحب و انه زوجه طول اليوم في كد ونصب وعمل

علشان تعيش مأيدة مسيدة ، وانه اقل ما فيها تلبيله طلباته و تساعده ، ويكون عدها المثل يللي يقول :

" كبرها بتكبر وصغرها بتصغر " راح يعيش بحياة آمنة مستقرة بكل تأكيد

تح ــياتي نهاد !

كبرها بتكبر وصغرها بتصغير
هههههههههههههه
مزبوط كلامك
نورت حج محمود


نعممممم والله
يعني المرءه لما تحب زوجاااا بتلبسو الجزمه لا والله هادكلام مو معقولللل الجزمهه هاد الي ناقص اصلا هوا اتاني يسحي على دمووو يلبسها لحالو بس باقي نحط الحليب بل لرضاع ورضعوو هع والله اصلا هوا بقدر يلبس زوجته الجزمه في الاحلام السعيده
قساميييي تسلم على هل الموضوع بس ياخي ايام هل الرجال مو زي زمان

ههههههههههههههه
والله شكلي نويتي تعمري ببيت زوجك
احكيلوا استحي علي دمك والبسها لوحدك
بيحكيلك روحي علي بيت اهلك
الله يوفقك بزواجك
ونصيحة من اخوكي
غيري تفكيرك لانوا ما بيمشي هاليومين
ههههههههههههههههههههه
نورتي بمرورك زيتونة

[Twin]

قسامي ^^ شب بنيمارووو


للمعرفه فقط


ويعطيك الف عافيه

[قسامي غزة]

قسامي ^^ شب بنيمارووو


للمعرفه فقط


ويعطيك الف عافيه



الله يبيض وجهك
شكرا علي التعديل
ونعتذر من اخونا بينماروا
:ShababSmile240:

[إيمـان]

ههههههههههههههههههههه ....انا لساتنيييي صغيره

ليال كلامكككك كلوووووو صحححححححححح في صحححح فهمانه ماشاء الله مو زي بعض الناس يعني انااااا

[ضوء الشمس]

:(

[قسامي غزة]

الموضوع بصراحة مهم لأنوا كان شي زمان وصار هاالوقت كتير


برأيي اذا الوحدة طلب منها زوجها هيك شي اذا كانت فهمانة مابتردو الطلب لأنها بهيك اشي راح تكسب رضا ،اما اذا


الوحدة راح تتكبر على زوجها فهذا برجع لالها وزوجها راح يحطو في القاموس أكيد،يعني برأيي الوحدة تعمل كل شي

لزوجها لتكسب محبتوا ، ومافيها اذلال اشي عادي

يسلمو على الطرح


:ShababSmile240::ShababSmile240:
كلام سليم والله
والوحدة الشاطرة الي بتحافظ علي زوجها
نورتي بمرورك ضوء الشمس

قصتكم قصة

...........


:ShababSmile224::ShababSmile224:
نورت يا حج


"على افتراض انو انا كنت ئاعده بغسل لزوجي رجليه بميه وملح وبعد ما خلصت هو طلب مني من باب الزوء والادب او حتى الرومانسيه انو يغسلي رجلي
قسما بالله انا ما برضى ،،، ولا بيهون عليا من اصلو انو يعقد تحت رجلي ويغسلي ياهم

مش لانو هو ملاك ،،،، او حدا مقدس ،،، بس لانو هو زوجي ،،، وحيكون ابو ولادي ،، وستري وغطاي << عشت الدور

الخلاصه

انو الحكايه مش العين بالعين والسن بالسن ،،، المسأله مسأله قناعات

وافضل شي انو الواحد يعمل كل شي وهو راضي ومقتنع مش مغصوب"


لياااااااااال: حكيتي شغلات حلوة كتيييييير فيما لو المرة غسلت رجلين جوزها بناء على علاقة احترام متبادلة بينهم، بس انا ما بوافقك على رفضك انو الزوج يغسل رجلين مرتو، ليش لع؟؟؟؟؟؟؟؟؟؟؟

لو كانت العلاقة مبنية على تفاهم متبادل ان كان بصير يغسلها متل ما بتغسلو، مش مرات هي بتكون بحاجة لانو زوجها يساعدها ويغسلها رجليها زي مهي بتعمل على راحتو. لو انو تفاهم عنجد، ازا غسيل رجلين مرتو بجبلها راحة، فهون واجب عليه انو يغسلها اياهن ويريحها متل ما سبق وريحتو..

وكمان ان مع انو المرة تغسل رجلين زوجها ازا كان الاشي من تلقاء نفسها وكان في حاجة وضرورة لهالاشي، متلا انو بريحو بعد يوم شغل طويييييييييل......

وهيك ما منضطر نفوت لقصة العين بالعين......

تحياتي لالك ليال، حبيت اعقب عمشاركتك لابرز هاي النقطة بوجهة نظري!

لالا-فلسطين 48.


كمان شي جميل
انتي ما بترضي جوزك يعمل الك هيك
هاد برضع لشخصيتك
وعجبتني بردك جملة انوا الحياة الزووجية
مش العين بالعين والسن بالسن
كلام بنت عاقلة والله
نورتينا بمرورك

من رائي الشخصي انو مافيها ايشي ابدا..
اذا كانت الزوجه بتحب زوجها كتير راح تعمل اي شي عشان تسعدو وترضيه.. وبشوف مافي ايشي بيغضب الله عشان ما تعملو.. الاسلام حث على ارضاء الزوجه لزوجها واسعادو ، كتير فيه احاديث وايات على هيك..
والعكس كمان.. المهم يكون فيه حب وتفاهم بين الطرفين..


قسامي غزة.. دائما مواضيعك مميزة ومهمه .. وبتطرح فيها قضايا كتير بمجتمعنا..

الله يجزيك الخير .. ويعطيك الف عافيه.. :ShababSmile240:


ردك ايضا رائع اختي الحلوة
وهذا يدل علي تفكيرك العميق والجميل
وايضاً علي البت الفاهمة
نورتينا بمرورك الحلوة
وهما هيك الرفحويات
قد المسئولية دايما :ShababSmile221::ShababSmile240:


مو فرض ولا واجب برأيي .. بس ما بعرف إذا الشي هاد ورد في السنة أو القرآن فعندها بكون شي تاني
لكن لو عليّ أنا ما بعملها .. لانو كرامتي ومكانتي ما بتسمحلي .. مو نوع من الغرور بس مافي عنا هيك شي
بعتقد إلو إيدين بيقدر يلبس ويخلع حذائه بنفسه أما إذا كان مريض أو غير قادر على هالشي عندها من عيوني بعملوا يللي بدو يااه
شكرا علىالموضوع


انتي ردك مثل رد زيتونة
بيظل هاد وجهة نظرك بالموضوع
مع انوا معظم البنات حكوا عكس كلامك
بس هاد بيظل رايك وبنحترموا
وهاد شي بيرجع الك
مع اني اتعارض مع تفكيرك
نورتي بمرورك

[الفتاة المشرقة]

السلام عليكم

موضوع حلو ,, ومشكور اخي قسامي على طرحك

انا بحكي ما فيها اي اهانه اذا كان العلاقه بينهم وديه يعني ما في اي خلاف

بس اذا كان الزوج بطلب من زوجتو هالشي بشكل امر ,, يعني كأهانه الها هذا بكون شي مو طبيعي يعني بحقلها ترفض

هلأ انا ما بتصور انها مذله للمرأه بالعكس ,,

عن نفسي انا واخوتي كنا نتسابق لحتى نعمل للوالد هيك ^^

وانو الزوجه تطلب من الزوج يعمل نفس الشي الها ,, عن نفسي ما بعتقد انو ممك زوجه تطلب من زوجها هذا الطلب

مو لسبب معين ولكن ,, ما بتصور تصير في يوم من الايام

[مآهينآز]

وعليكم السـلآم ورحمة الله وبركاته

:

موضوع حلو ،، والأعضاء ماقصروا

//

الحياة الزوجية بصفة عامة مُشاركة وإذا كانت مبنية على الود والتفاهم

بتتلغى كلمة الكرامة .. لأن مفيش كرامة بين الزوجين

قال تعالى ( .. ولهن مثل الذى عليهن بالمعروف ..)

وضع الف خط تحت كلمة بالمعروف ..~

كل شيئ بالود والمعروف سهل المنال ..

انا شخصياً مش بشوف فيها اى إهانة إذا كانت بالود //

بمعنى لو زوجى فى المُستقبل مثلاً طلب منى بأسلوب مبنى على الود والمعروف انى اعمل كده

بالتأكديد مش هرفض

..

نقطة تانية مُهمة جداً ،، بعد الزواج واثناء الحياة فى بيت مُشترك بين الزوجين

بالتأكيد انو الزوجين بيطبعوا بطباع بعض

بمعنى انو الزوج طباعه قبل الزواج ،، رُبما تختلف طباعه عن طباع الزوجة

حتى لو كانوا من مُجتمع واحد // العادات والتقاليد داخل الأسرة الواحدة وأسلوب التربية بيختلف

لكن بعد الزواج ،، بتندمج طباعهم معاً .. والأتنين بيأثروا فى بعض

فمن الطبيعى انو ممكن فعل مثل المذكور اعلاه بعض الزوجات لا تتقبلوا بسهولة فى حالة انه فعل غريب ومش من اساليب تربيتها

لكن بالود والترحم والتعاطف .. ممكن جداً الزوجة تتقبل الأمر

//

يعنى بوجهة نظرى فى النهاية الأسلوب المُستخدم فى المُعاملة هو اساس الأحقية فى الأفعال الزوجية

اللى هى جزء من العادات والتقاليد وليست ثوابت

شكراً قسامى على الموضوع

إحترامى :)

:ShababSmile303:

[أنين الحزن]

وعليكم السلام ورحمة الله وبركاته

أنا برأيي انو هاد شي عادي وما في اذلال واذا كان هذا الشي بريح زوجها وهي كانت بتحبو وبتحب راحتو فأنا برأيي عادي جدا لأنها هي بتعمل هالشي لزوجها مو لحد غريب
هاد رأيي
ويعطيك العافية أخي قسامي غزة
على هالموضوع المميز

[جاآرة الوادي’’]

السلام عليكم ورحمه الله وبركاته

مموضوع واقعي وملموس وبيصير كتييير


برأيي


انو هاد التصرف بيكون اذلال مفروض على الزوجه من قبل الزوج وأكيد بيكون امر غير مقبول نهائيا


اما اذا كان التصرف بكامل ارادتها وحريتها واختيارها اكيد هيك بيصير حكي تاني ... هيك بيكون نوع من

التدليل واشعار الرجل باهميته في حياه زوجها ... وهاد حلووو كتييير *

وحلووو كتيييير انو يكون في بين الزوجين تفاهم وحب ووقار ... ومساعده وتعاون ... وتبادل للادوار في بعض

المجالات ... هيك الزوجين بحسو بالطمأنينة والراحه والتفاهم بالاضافه الى زيادة الحب بينهما


يسلمو خيو قسامي ع الطرح المميز *