HUDA
08-08-2009, 07:57 PM
احبك يا وطن ،، ومو بيدي أنو ما أحبك،، رضعتني أمي حبك وأبوي من زمان يوري حكايات ،، عن عين كارم الحبيبة عن القدس عن فلسطين..
يحكيلنا كيف كانوا يلعبو وهم صغار ،، كيف كانوا يجدوا الزيتون ،، وكيف يتعاونوا صغار كبار،، وكيف كان سيدي يصحيهم عالفجر ويا ويل مين ما بصحى،، وكيف كان المنبه الديك الكبير بعلي صوتوا بالتسبيح ..
وكيف كانوا يروحو على جامع عين كارم يصلو فيه و يقعدوا بعد الصلاة حولين الشيخ يقرأوا القرآن بعدين يروحوا عالحقلة الي يزرع والي يرعى الغنمات ....
وكيف كانوا لما يعطشوا يشربوا من العين .. مي نقية طاهرة وزاكية كتير..
وكيف كانت ستي تجيب الصرة الي فيها الأكل خيارة من هون وبندورة من هناك ومرة عملت لسيدي مفاجأة كانت لافة طنجرة ورق عنب كبيرة ....
وبحكي أبوي واحنا بنسمع وأرواحنا بشوق للوطن الحبيب...
وتنهد ابوي وكأنو بالتنهيدة طلع آلاف الآلام والأحلام جرحت قلوبنا دمعة نزلت من عينو لما حكالنا: وصليت يابا بالصخرة خمس صلوات أنا كتبت على حيط الصخرة من جوى التواريخ لما تروحوا يابا إذا صار التحرير ادخلوا وشوفوا توقيعي .....
قمت قلتلوا: إن شاء الله يابا إنت تروح وتشوفها.. اتطلع علي نظرة حزينة وقال: كان في الدنيا خير يابا...
وقام أبوي على الصلاة وسرحت أنا لبعيد بقول الملعونة جولدا مائير:ان الكبار يموتون والصغار ينسون
وكيف ننسى وعنا أسياد وآباء رضعوا حبك يا فلسطين ،، قاوموا للدفاع عن أرضك... وجبينهم سجد على ترابك..
وكيف ننسى وإسم اللاجئين والنازحين وعرب فلسطين ملزق فينا ...
لاتظنوا إنا راح ننسى ماحدا بنسى دمو ...
يحكيلنا كيف كانوا يلعبو وهم صغار ،، كيف كانوا يجدوا الزيتون ،، وكيف يتعاونوا صغار كبار،، وكيف كان سيدي يصحيهم عالفجر ويا ويل مين ما بصحى،، وكيف كان المنبه الديك الكبير بعلي صوتوا بالتسبيح ..
وكيف كانوا يروحو على جامع عين كارم يصلو فيه و يقعدوا بعد الصلاة حولين الشيخ يقرأوا القرآن بعدين يروحوا عالحقلة الي يزرع والي يرعى الغنمات ....
وكيف كانوا لما يعطشوا يشربوا من العين .. مي نقية طاهرة وزاكية كتير..
وكيف كانت ستي تجيب الصرة الي فيها الأكل خيارة من هون وبندورة من هناك ومرة عملت لسيدي مفاجأة كانت لافة طنجرة ورق عنب كبيرة ....
وبحكي أبوي واحنا بنسمع وأرواحنا بشوق للوطن الحبيب...
وتنهد ابوي وكأنو بالتنهيدة طلع آلاف الآلام والأحلام جرحت قلوبنا دمعة نزلت من عينو لما حكالنا: وصليت يابا بالصخرة خمس صلوات أنا كتبت على حيط الصخرة من جوى التواريخ لما تروحوا يابا إذا صار التحرير ادخلوا وشوفوا توقيعي .....
قمت قلتلوا: إن شاء الله يابا إنت تروح وتشوفها.. اتطلع علي نظرة حزينة وقال: كان في الدنيا خير يابا...
وقام أبوي على الصلاة وسرحت أنا لبعيد بقول الملعونة جولدا مائير:ان الكبار يموتون والصغار ينسون
وكيف ننسى وعنا أسياد وآباء رضعوا حبك يا فلسطين ،، قاوموا للدفاع عن أرضك... وجبينهم سجد على ترابك..
وكيف ننسى وإسم اللاجئين والنازحين وعرب فلسطين ملزق فينا ...
لاتظنوا إنا راح ننسى ماحدا بنسى دمو ...