الدرس الثاني ,, في دورة تعلم اللغة الصينية ,, يرجى الحظور من كل الطلاب

[تحـ البشر ـدوهـ]

http://rooosana.ps/store/4/09_07_27-19_14_36-WT6W@193.jpg




طلابي الأعزاء


::

أتاسف على التأخير اللذي قد طرأ على الإختبار الأول للدرس الأول

::

ولكن نعدكم باختبار على الدرس الثاني .. ويشمل كل من الدرسين الأول والثاني

::

اما اليوم ف دعونا نقدم لكم ..

درس عن طريقة سؤالك لشخص ما عن اسمهـ

ولنكم سويةً ما قد تحدثنا عنه عن النغمات في احداث الدرس الأول

::

النغمات في الكلام يا اعزائي .. لن نتقنها اذا لم نمارس نطق الرسومات ( الكركترات )

ففي بداية تعلمي للغة الصينية قد ( طلعت روح روحي هههه :showoff: ) وانا اتعلم كيفية النطق

لأني لم أبدأ على ما أدعوكم للبدأ به

وهو الممارسة ( يا لهذا الزمن خخخ )

::

واود ان انوه لهذهـ النقطه المهمه جدا : عندما نرى الرسومات الصينية ( الكركترات ) ف اننا نلاحظ

وجود ما قد كتب باللغة الانجليزية فوق كل رسمة ( كركتر ) ولكن هذا الكلام الانجليزي يختلف عن ما قد

تعودنا عليه

ف فوق بعض حروف كل كلمة داله عن كركتر ما .. يوجد نغمة

مثل هذهـ الرسومات ( الكركترات ) المكتوبهـ على هذه الرسمه

http://rooosana.ps/store/4/09_08_03-22_24_03-IuIx@0.jpg

انظر على تلك الرسمة .. سترى كلام باللغة الانجليزية مكتوب فوق كل رسمة ( كركتر ) وفوق ذلك

الكلام الانجليزي يوجد ما يرمز لتلك النغمات اللتي قد تعلمناها في الدرس الأول

( لقد مللت التكلم بالفصحى :b: واعتقد انه لم يفهم اي شخص شيئ هههه)

::

يا جماعة .. شوفولي هالصورة فوق راح تلاقولي فوق كل كركتر كلام انجليزي

هاد الكلام .. نحنا بنسميه ( بي ينج ) هاد يعني لمن نقراه وكانا بنقرأ الكركتر الصيني

راح تلاقو فوق الكلام الانجليزي نغمات فوق بعض الحروف .. هاي النغمات بتقولك انه لازم تتبع النغمة المشار اليها فوق كل حرف على هداك الحرف

وهاي قصة البي ينج

::

طيب اليوم بنيجي نتعلم كيف نسال واحد شو اسمك

وكيف يرد علينا

ولمن يرد علينا كيف نشكرهـ

ولمن نشكرهـ

كيف يرد ع شكرنا

ولمن يرد ع شكرنا كيف نقوله نايس تو ميت يو ( سعيد بمعرفتك )

وبعدين ح نوخدلنا ان شاء الله اكم من كلمة هيك زيادة :s (43):

::

ف باسم الله نبدأ

::

حبايبي ,,

هلأ لمن بدنا نحكي لواحد شو اسمك

بنقوله

ني جياو شين ما مينج دزا ؟

حيث أن

ني = انت ( وهاي درسناها في الدرس الأول )

وان شاء الله نكون عرفنا كيف تنطق

::
جياو = تدعى ( أو بمعنى تاني تسمى )

وتكتب هيك

叫

وتنطق هيك

http://rooosana.ps/Down.php?d=cjlzu

شين ما = ماذا

وتكتب هيك ,, ( ملاحضين متل ما قلتلكم انه في بعض الكلمات بيكونوا تجميع كركترين مع بعض متل هادي )

什 么

وتنطق هيك

http://rooosana.ps/Down.php?d=7VNA

مينج دزا = اسم ( هاي كمان تجميع كركترين مع بعض )

وتكتب هيك

名字

وتنطق هيك

http://rooosana.ps/Down.php?d=iKVm

::

بهيك بنكون عرفنا ان شاء الله .. كيف نسأل واحد شو اسمك ؟

::

طيب نيجي لكيف نرد عليه

يعني واحد سألنا شو اسمك شو نقوله ؟

::

على طول بنحكيله

وو جياو مو ها مو دا ( وفيك تشيل اللي بالاحمر وتحط اسمك )

معناها انا أدعى محمد

::

وو = انا ( وهاي شرحتها بالدرس الأول )

وكلنا ان شاء الله بنعرف كيف تنطق

جياو = أدعى ( أو بالعامية .. بينادولي أو بيسموني )

اما طريقة النطق فهيها فوق

مو ها مو دا = هاي اسمي يلي هو محمد .. انت عاد فيك تحط اسمك .. واكيد كل واحد

بعرف كيف اسمه بينطق

لكن .. الأفضل انك تقطع اسمك الى اجزاء لمن تيجي تنطقهـ

لانه متل ما حكينا انه هم ما عندهم حروف .. فقط كركترات

وكل كركتر .. اله لفضه الخاص

ف لمن يجو يتخيلو كيف يقولوا اسمك .. بيروحوا مجمعين كركترات قريبة الى اسمك

متل ما في الانجليزي بيقولو عن اسمي محمد .. بيقولو ماي نيم از موهمد

لأنه ما في عندهم حرف الحاء

ولا عندهم حركات .. حتى يضمو الميم ف بيحطو حرف الأو

وهاد هو الصينين

كركترات

مثال : لمن بدي اقول اسم خالد أو مجاهد أو عزيز أو سهر أو نغم أو فلسطين أو اي شي

بروح قايل

خالد = خا لي دو

محاهد = مو جا هي دو

عزيز = اَاَ دزي دزو :matrix: هههه

سهر = سا هو ري

نغم = نا جا ( الجيم المصريه ) ما

فلسطين = با لي سي تا ( 我爱巴勒斯坦 :icon26: )

وهكذا

يعني بنقطع الاسم لاجزاء حتى يزبط

وبكرة قدام لمن تعرفو شو هي معضم الكركترات

ان شاء الله طبعا .. ح تكونوا قادرين ع التقسيم الصحيح للاسم

::

هلأ بنيجي نتعلم كيفة الشكر

لمن بدنا نشكر واحد بنقوله

شي شي = أشكراك

حيث أن الكلمة تتكون من كركترين

الأول شي والتاني نفسه شي

شي = شكر

وتكتب هكذا

谢

وتنطق هكذا

http://rooosana.ps/Down.php?d=MIg2

::

قاعدة : عند استخدام الكلمة ك فعل ,, فانها تنطق مرتين

مثال على القاعدة : كلمة شكرا تنطق شي .. ولكن عند استخدامها ك فعل .. تكتب شي شي ومعناها أشكرك .

::

طيب هلأ كيف بدنا نرد ع واحد قالنا شي شي ! ؟

بنقوله ..

بو يونج شي = لا داعي للشكر

حيث أن :

بو = لا

وتكتب هكذا

不

وتنطق هكذا

http://rooosana.ps/Down.php?d=M9j8

::

اما يونج ف تكتب هكذا

用

و تنطق هكذا

http://rooosana.ps/Down.php?d=ixk5

::

اما كلمة شي يلي هي بمعنى شكر .. ف عرفنا فوق كيف نكتبها وننطقها

::

هلأا الحمد لله عرفنا كيف بنسال واحد شو اسمه

ونرد لو انسألنا عن اسمنا

وعرفنا كيف نقول شكرا

وكيف نرد عاللي بشكرنا

::

طيب يلى سوى نتعلم كيف ممكن تقول لواحد ( نايس تو ميت يو ) سعيد بمعرفتك

بنقوله :

ري نشي ني وو هين جاو شينج

ولو جماعة بنقولهم :

رين شي ني من وو هين جاو شينج ( لاحضو كلمة ( من ) تستخدم للجماعة )

حيث أن

رينشي = معرفة

تكتب هكذا

认识

وتنطق هكذا

أصبروا عبيل ما تيجي الأخت سويت سول .. على شان تجيبه :b:

( ع العموم موجودة في فلم الكرتون الموضح تحت :b: )

:

ني = انت ( وعرفناها على ما اعتقد :matrix: )

:

من = تستخدم بعد الضمائر للجمع يعني ( ني من ) = ( أنتم )

تكتب هكذا

们

وتنطق متل ما بنحكي كلمة من بالعربيه بكسر الميم وتسكين النون

:

وكلنا بنعرف كيف بتنكتب كلمة ( وو = أنا ) وكيف ننطقها

وكمان عرفنا بالدرس الماضي كلمة ( هين = كتير أو جداً ) كيف نكتبها وننطقها

:

هلأ بنيجي على

جاو شينج = سعيد او فرحان :showoff:

ف تكتب هكذا

高兴

وتنطق هكذا

http://rooosana.ps/Down.php?d=eiSN


::

طيب هلأ مش ح نخلص درسنا ع هيك وبس

الدرس اليوم لازم يكون اكبر ..

لأنه بدنا نتعلم بسرررررعة :showoff:

ان شاء الله

::

طيب يلى سوى نعرف كيف بدنا نسأل واحد بس باخترام

::

اول شي بنقوله .. لو سمحت

تشينج وين = لو سمحت

حيث أن

نشينج = يتفضل

وتكتب هكذا

请

وتلفظ هكذا

http://rooosana.ps/Down.php?d=lDrM

اما ( وين ) = سؤال

ف تكتب هكذا

问

وتنطق هكذا

http://rooosana.ps/Down.php?d=adVC


بنجمعهم مع بعض بتصير عنا كلمة شينج وين = لو سمحت

::

ونزيد ع اللي تعلمناه كمان اصلي شايفكم منتبهين .. شطار شطار :showoff: هههه

:

تعو سوى نتعلم اكم من كلمة هيك سهلات

::

كلمة ( ممكن ) أو يمكن

بتنحكي بالصيني

كا يي

تكتب هكذا

可以

وتنطق هكذا

http://rooosana.ps/Down.php?d=uKO8

مثال على قاعدة سابقة في الدرس الأول : اذا متذكرين لمن قلتلكم .. انه لمن بدي اعمل سؤال

بحط كلمة ( ما ) في اخر الجملة ؟؟ .. طيب هلأ لمن بدي اقول للواحد ( هي يمكن ) .. وانا عرفت هيني

فوق شو يعني كلمة ( يمكن او ممكن ) .. ف بحط متل ما علمتك كلمة ( ما ) في اخر الجمله

ف بتصير .. ( كا يي ما ؟ = هل يمكن ؟ ) وطريقة الكتابة متل ما الكل عرف هلأ ( 可以吗 )

::

ويلى سوى نشوف معنا كلمة استاذ أو مدرس

لاوشي = مدرس أو استاذ

حيث انها كلمة مكونة من كركترين

لاو ... شي

( ال ( شي ) يلي هون مو يلي معناها شكرا .. هاي عليها نغمة مختلفه وبالتالي تغيرت تماما متل ما حكتلكم )

لاوشي :

تكتب هكذا

老师

وتنطق هكذا

http://rooosana.ps/Down.php?d=YFWE

::


وبـــس

هذا هو درسنا لليوم والحمد لله


::

في النهاية بدي اوضح قاعدة راح نحكي عنها في الحصة الجاية :matrix:

قاعدة : عند وجود حرف الجيم في اخر الكلمة العربية الدالة على الرسمة ( الكركتر ) الصينية .. تنطق الجيم بغنة .

مثال على القاعدة : كلمة جاو شينج ... الجيم في اخر كركتر شينج .. تنطق ولكن بغنة .

::

ويلى الكل هلأ متحمس بده يشوف الكرتون هههه

يلى نشوفه سوى

::

WIDTH=352 HEIGHT=296

::

ياااا رب أكون كفيت ووفيت

والامتحان جاي لكن اليوم تعبت :( وانا اصلاً تعبان نفسياً :b:

أصبروا :b:

الله يخليكم .. وتكونوا فهمتو

ان شاء الله


http://rooosana.ps/store/4/09_07_27-19_14_50-l4CZ@193.jpg

[تحـ البشر ـدوهـ]

يييييييييي

اصبروا شوي اعدل روابط الصوت

:(

الله يسامحك يا خيتي سويت بس

[YazeeĐ]

يييييييييي


:(

الله يسامحك يا خيتي سويت بس


ههههههههههههههههههه

اطردهاااااا

:icon11:

حلو الصيني والله

[ابنة الشتات]

قرات الدرس بس مرة !!

بس والله صعب اليوم :( ..

هلأ الإشيائات إلي تحت معي معي بتعلمها بس هاي الاشياء الي حكيتها فوق عن كلمات الانجليزي الي فوق كل مقطع والله ما فهمت منها ولا شي لا لما شرحتها بالعامية ولا لما شحرتها بالفصحى :s !!


الباقي .. هلأ بصلي الفجر وباجي بكمل درسي ..


وكالعادة أول طالبة بتحضر الدرس .. وأكتر وحدة بتسأل :p !!

[تحـ البشر ـدوهـ]

ال اطردها ال

اي هو نحنا بنستغني يا يزيد

:(

هي يلي بتعمل الكم الصوت حتى نسمعه سوى :(

ههههههه بتمصلح ع شان تجيبلنا صوت الكلمة المحدوفة :(

يلى يا خيتي :(

[تحـ البشر ـدوهـ]

تقبل الله خيتو ابنة الشتات

ويلى قوموا نامو هلأ

بعدين بتحضرو الحصة

:)

[sweet soul]

ههههههههههههههههههه

اطردهاااااا

:icon11:



it's up 2 him anyway

thx my bro

:)

[تحـ البشر ـدوهـ]

لا يا خيتي سويت شو بتحكي

انتي الخير والبركه :(

يزيد بس بمزح اكيد

::

لا حول ولا قوة الى بالله العلي العظيم

[ღ حورية فلسطين ღ]

ههههههههههههههههههه

اطردهاااااا

:icon11:

حلو الصيني والله
لا معلش خيو من غير سويت احنا ولا شي

الها ساعة البنت عم بتحمل وتشتغل عالأصوات وهاي جزاتها بالأخير

لا تحكيلي بمزح لأنو مش لهالدرجة المزح من وين لوين يعني

البنت حساسة وما بتستحمل هيك مزح

حبيت احكيلك هالمعلومة بس مش اكتر

يلا كملو دروسكم يا جماعة حصل خير

ويعطيكم العافية

ويعطيها العافية سويت حبيبة قلبي ما قصرت والله عم تتعب كتير :s (43):

[YazeeĐ]

يييييييييييييييي

طيب شو ماصدقتو

عادي يعني

بعدين لهل الدرجه بتحبوها كلم خفتو ع مشاعرها يعني :icon8:

طيب ياسويت اسف انااااااااااااااا

وماكان قصدي كلمه وطلعت

وبعدين انت سويت يعني حلوتنا وبتوزعي الحلى ع كل المنتدى :showoff:

ااااااااااااااااااااااااسف

:s (43):

[ღ حورية فلسطين ღ]

يييييييييييييييي

طيب شو ماصدقتو

عادي يعني

بعدين لهل الدرجه بتحبوها كلم خفتو ع مشاعرها يعني :icon8:

طيب ياسويت اسف انااااااااااااااا

وماكان قصدي كلمه وطلعت

وبعدين انت سويت يعني حلوتنا وبتوزعي الحلى ع كل المنتدى :showoff:

ااااااااااااااااااااااااسف

:s (43):
اه بخاف عليها بنت بلدي هاي بنت جنين مو حيا الله فديتها :icon26:


ايوا هيك انت شطور يا يزيد

خلص حصل خير روق :s (43):


يلا كمل دروسك يعطيك العافية :s (43):

[عزيز النفس]

:wacko::wacko::wacko::wacko::wacko:

متابعين

[ღ حورية فلسطين ღ]

:wacko::wacko::wacko::wacko::wacko:

متابعين
ادرس ادرس

بلاش يفكرونا اساتذة اي كلام :icon11::showoff:

[الفتاة المشرقة]

مشكووور اخي

انا هلأ تعلمت كل الكلامات اما تحكيلي اكتبي فما بعرف لانو بشوف الي بتكتبو ارقام :(

بس بكفي النطق هه

والله صعب الاه يعينك

[شهيد]

ييي بده قعدة هادا !

قريت نصه وبكمل في الليل ، بيكون عقلي مركز

اما الان لا يمكن الوصول حاليا

[PaLeSt!Ne SouL]

درس طوييل

في ميزان حسناتك

[انتهينا]

متابعه

شى شى

الله يقويكم على المجهود

[تحـ البشر ـدوهـ]

بو يون شي حبايبي :)

::

يلى الكل يراجع لانه الاختبار في الطريق

::

ويلي ما حضر الدرس هاد .. شكلي ح ادبحه :@

[PaLeSt!Ne SouL]

شي شي very much
صرت بعرف 4 لغات ههههه
هاي تاني مرة أقرأه

ما تكتر علينا هيك
لازم تراعي اللي مستواهم متلي( ما بيفهموا بسرعة)

[تحـ البشر ـدوهـ]

حي الله اصلك اختي

::

ولو مستواكي ع راسنا

وان شاء الله بتتطوري

لكن مارسي

::

هاد الموضوع مفتوح مع اختباره يلي ح ينزل ان شاء الله في غضون كم ساعة

مفتوح لمدة يومين كاملات

::

ف اكيد لو فتي كل يوم خمس دقائق ح تعرفي كل شي

باذن الله طبعا

::

:)

[انتهينا]

الله يعين

النطق ماشاء الله (فظيع)

طيب مفش حل للغه اللاتينيه بالمره

كنت هنسى

دكتور محمد وجدت عندى كتاب تشريح بالرسومات و هيكل الكترونى

ان شاء الله يفيدوك فى التشريح يعنى تسليه

الكتاب:
http://www.adrive.com/public/ed398bb2440ffcb1994e0b082af31b7f7ee e637674c9778ecd2e3216d886e066.html

الهيكل:

http://www.gwc.maricopa.edu/class/bio201/skeletontt.htm

الله يوفقنا جميعا

[تحـ البشر ـدوهـ]

يسلمووو ربي ما يحرمنا منك يا خيتي

::

بجد دكتورة انتهينا .. هاد الشي ح يساعدني باذن الله كتير

::

لكن خلاص زمن الاناتومي عدا هههه

وع قولتك تسليه :)

::

ربي يحفضك من كل شر

[انتهينا]

لكن خلاص زمن الاناتومي عدا هههه



خلصته

حسبتك لسه بتدرس اناتومى

طيب ع العموم لو بتريد اى شىء فى اى ماده انا بالخدمه لمده شهر بعد كدا هكون خارج النطاق

فى امان الله

[تحـ البشر ـدوهـ]

هههه لا يا خيتي انتهينا ما بندرس اناتومي

خلصناه زمان

لكن انا براجع كل المواد القديمة والقديمة كتير والجديدة وكل شي هههه >> شطور مو ؟ خخخ

::

:)

[انتهينا]

هههه لا يا خيتي انتهينا ما بندرس اناتومي

خلصناه زمان

لكن انا براجع كل المواد القديمة والقديمة كتير والجديدة وكل شي هههه >> شطور مو ؟ خخخ

::

:)

بيراجع:wacko:

وصعبان عليه بيدرس وبيدرسلنا صينى وقلت اساعد لانى مجربه ومابسأل فى الدرس

شطور كتير

الله يوفقك

يلا كفانى رغى لانطرد من الصف

بدنا الامتحان

[تحـ البشر ـدوهـ]

http://shabab.ps/vb/images/smilies/s%20(43).gif

الامتحان في الطريق

[القلب الطيب]

يا الله

شو هاد حاسس حالي بحضر بفلم صيني

الشغلة بدها تركيز

لزيزة لغة الصين

يعطيك الف عافية اخي تحدوه

وكل واحد مساهم في هذه المدرسة

من المدير لأصغر طالب ^ـ^

ربنا يحفظكم

[sweet soul]

شف

:icon6:

خير انشاله يادكاتره

وبعدين معكم

:icon9:

كم مرا بدنا نحكي تتبادلوش المعلومات هون

:icon28:

اخر انزار هادا

:matrix:

p:

[تحـ البشر ـدوهـ]

خخخ

طيب طيب

احم

[Ze*!*na]

ياااي ,, بدي اتسجل ممكن ؟!! :)


يعني بسير عندي كمان لغه غير العبري والانجلش ..


وايا مساعدة بالعبري انا جاهزة :)

[تحـ البشر ـدوهـ]

ههههههههه

اي خيتي اعملي دورة مش غلط

::

التسجيل يمكن اغلق

ع العموم بتلاقي موضوع في القسم هاد

اسمه افتتح التسجيل

شوفي ازا الموضوع شغال

سجلي

مش شغال

احكيلي

وانا بشوف كيف

[تحـ البشر ـدوهـ]

حبيبي القلب الطيب منور

سجلللللل أولللللللللل في المسااااااااااابقة :@:@:@:@

هههه

منور

[Ze*!*na]

ههههه بس اخد شوي على المنتدى يعمل احلا دورة ,, هلأ موضوع التسجيل مغلق يا خسارة :(

[تحـ البشر ـدوهـ]

ان شاء الله خير

وبما انك عضوة جديده

لو حبيتي تشاركي

تابعي في موضوع التسجيل راج تلاقي توقيع حطيه في توقيعك

واحضري الدرس الاول وافهميه والتاني وافهميه وبعدين بتصيري مشتركة معنا ان شاء الله

[Ze*!*na]

ان شاء الله ,, الليلة بسوي كلشي



يعطيك العافية

[تحـ البشر ـدوهـ]

ان شاء الله

واهلأ وسهلا فيكي خيتي

[Ze*!*na]

كتير الاشي صعب :(

انشالله بشارك بدورات تانية :(

معئد كتير وما ئدرت كتير افهمو


يعطيك العافية

[.!. وردة الأقصى .!.]

اناا ئاعدة بتعلم عالسكيتي :p

يعطيك الف عافية تحدوه

بس والله درس اليوم صعب :(

وبعدين مقاطع الصوت ماعم تشتغل عندي

حاولت انزل الفاير فوكس بس انا عندي الويندوز ضارب

كل مابجي انزله بحكيلي في خطأ بالوندوز

فشوفلك حل الله يخليك بشغلة الصوت :(

[YazeeĐ]

حلووووووووو

ني هاااو

يعطيكي العافيه ياسويتتنااااااااااااااااااااااااااا ااااااااااااا

ومستر محامي يسلمو يخو

[تحـ البشر ـدوهـ]

هلا والله بالكل

::

ان شاء الله خير خيتي وردة ولا يهمك

::

وخيتي زينه مو مشكلة .. متل ما بدك يا غالية

::

وحبيبي يزيد

اهدى لافغصك :@:@:@

ههههه

منورين

[تحـ البشر ـدوهـ]

والاختبااااااااااااااار ح يجنننننننننننني انااا :(

يااااااااااا ربي :(

هو ع شانه فلاش مش راضي يزبط بالمرة

شكلها ح تتأجل لبكرة عبيل ما اصحى :(

::

اعذرونيي اماااانة :(

[YazeeĐ]

خخخخخخخخخخخخخ

طيب مستر محامي الدفاع

بس المديره احسن منك


ياريتها المدرسه كان كلللللللللل يوم بحضر اول واحد

انتا مخيف
بديش ياك

علمها صيني وخليها بدالك

ني هااو
خخخخخخخخخخخخخخخخخ

[تحـ البشر ـدوهـ]

ني سين جين بينج

وو جين دا سو ني

ما لجا بي

::

هههه يلى شخص

[YazeeĐ]

it's up 2 him anyway

thx my bro

:)

تحدوووووووووه

الله يخليك يخو بس طلب

ترجملي شو حكتلي هون

رحت عل المترجم ماطلعلي معني كلمه

bro

thx

وشو يعني 2

[تحـ البشر ـدوهـ]

bro يعني يا اخي

وقلتلك

::

يلى يا خيي ادرس والله يرضى عليك

عارفيك بتمزح لكن في ناس ممكن ما تتقبل المزح الله يرضى عنك

[YazeeĐ]

bro يعني يا اخي

وقلتلك

::

يلى يا خيي ادرس والله يرضى عليك

عارفيك بتمزح لكن في ناس ممكن ما تتقبل المزح الله يرضى عنك

طب ان فكرتها سبتني

طلعت منيحه

حرام

ظلمتها وابتسمت كمان

اسف سويت سل والله انط طيبه وجدعه

وماعصبتي علي

وشكرا تحدوه اخي الكبير

:s (43):

[تحـ البشر ـدوهـ]

ولو مو سويت سول يلي بتسبك يا غالي

هاي اخت محترمه كتير

الله يحفضها

::

وبعدين .. ان بعض الظن اثم ههههه

استغفر ربك حبيبي على ظنك يلي ظنته فيها

:)

الله يحفضك

[PaLeSt!Ne SouL]

طيب بعد هالحوار الطويل ما في إختبار؟؟

يعطيك العافية يا دكتور

[Pink Rose]

حلو .. ان شاء الله الي رجعه احفظ وافهم اكتر ..

مو مركزة منيح هلأ ^^

//

تحدوه .. يزيد اخوها لسويت عنجد ..

مشان هيك بيمزح معها عادي بهالطريقة ..

[روان فلسطين]

السلام عليكم

بجد سوري تحدوه

الدرس كتير متعوب عليه حتى بنت عمي جنلي وبتحكيلي والله حرام شكلو هلكان عليه

بس لهلا ما عم اجمع لاني ما بسمع

وكل ما اشغل من الاكسبلورر ما بشغل الصوت

ومن الفير فوكس بيعطيني مبلغ انهيار فوري

كان نفسي اكمل معكم

بس والله حرام انت تتعب وم يكون في التزام

يعطيك الف عافيه

انا اول المنسحبين هئ هئ

[ابنة الشتات]

ســلامـ .. .

دكتور خلصت دراسة وين الاختبار :s !!

كل ما أحكي لأمي وصاحبتي عن الصيني وكلماتهم !! بيحكولي شو هاد كلو نونو وهوهو !!!!
شو اعمل فيهم آآآه :@ !!

واليوم كنا أنا و إمي بمحل و رحات وقفت عند كتب الطبخ قال !! .. أنا شفت كتاب إسمه " المطبخ الصيني " ههههههههههه قام مسكته بحكيلها مااامااا هو هاااااااد ... قالت قال آه مهدول صاروا جماعتك هع !!! ..


آآه صح .. مم شو يعني " بطخك " بالصيني :D ?

تؤ تؤ تؤ ليش الحكي بالدرس هلأ بننطرد برا >> قال يعني :p

[YazeeĐ]

حلو .. ان شاء الله الي رجعه احفظ وافهم اكتر ..

مو مركزة منيح هلأ ^^

//

تحدوه .. يزيد اخوها لسويت عنجد ..

مشان هيك بيمزح معها عادي بهالطريقة ..


خخخخخخخخخ


لا انا مش يزيد الي كان يعمل تصاميم واخد وسام

انا صاحبو حمزه بس اليوم كشفني يزيد

وحكالي اتأسف وارجعلو

انا اسف يزيد

وسويت خخخخخ

والكل مش راجع

يمكن اسجل بالمنتدى لانو عجبني الصني

خخخخ

[انتهينا]

كتر الكلام ياحلوين

مشان الاستاذ غايب اليوم

وفين المديره الحبوبه سويت ماطلت علينا اليوم

[sweet soul]

حمززززززززززززه

بفرجيك انا طيييييييييييب

والكل يهدا

سيطرنا عل الوضع ^^

هلا بيجي الدكتور

:@

[εïз ملآكـ εïз]

اوكي انا فهمتو نص نص

برجع بقرا فيه مرة تانية

يسلمو

[sweet soul]

ســلامـ .. .

دكتور خلصت دراسة وين الاختبار :s !!

كل ما أحكي لأمي وصاحبتي عن الصيني وكلماتهم !! بيحكولي شو هاد كلو نونو وهوهو !!!!
شو اعمل فيهم آآآه :@ !!

واليوم كنا أنا و إمي بمحل و رحات وقفت عند كتب الطبخ قال !! .. أنا شفت كتاب إسمه " المطبخ الصيني " ههههههههههه قام مسكته بحكيلها مااامااا هو هاااااااد ... قالت قال آه مهدول صاروا جماعتك هع !!! ..


آآه صح .. مم شو يعني " بطخك " بالصيني :d ?

تؤ تؤ تؤ ليش الحكي بالدرس هلأ بننطرد برا >> قال يعني :p


منيح انك انتبهتي

@: :@

طخوه بالصيني يعني

طخوشنج

^^

بس ييجي الدكتور بنسأله

صحيح

انتبهي لحالك طيب

p:

بستنى نكشه انا جاهزه التعهدات عندي

[أبومجاهد]

اي اذا الدكتور قاعد بحكي وببرم ،،

الطلاب ما بدهم يحكو في الصف :p

هههههههههههههههههــ

معلش دكتور اتأخرت عن هالدرس المرة ،،،

سامحنا ،،

بس والله كنت مشغولة كتيـــر ،،

والله الدرس صعب شوية هالمرة ،،

حبة حبة يا وحــش .. ^^

ما تخش ع الثقيل مرة وحدة

والله يعينك غلبناك ،،،

[نونو الحلوة]

hehehehehehehehehehehehe




:S+PS_448:nehaow




^__^

[عين فلسطين]

والله الدرس شوي دسم
يعطيك العافية

[عين فلسطين]

اخوي تحدوه انا كل شي معي تمام
بس الكرتون بتطلعلي صورة ما بتتحرك ولا في صوت

[sweet soul]

آآه صح .. مم شو يعني " بطخك " بالصيني :d ?

:p


وين دكتورنا يلا جاوبنا ؟؟


ولا صح طخوشنج


p:

[sweet soul]

ya ya

射击

^^

[ابنة الشتات]

أما مديـــــرة :p


بدك طخشونج إنتي كمان يا مديرتنا :p ,,,


شو ya ya ??

[sweet soul]

أما مديـــــرة :p


بدك طخشونج إنتي كمان يا مديرتنا :p ,,,


شو ya ya ??

انا

:(:(

شكرا ياريت والله

[ابنة الشتات]

له له زعلت المديرة!!

شكلي حنفصل من المدرسة :d ..

[sweet soul]

:)

لا خدي راحتك مديرتكم فري

:)

[انتهينا]

مافى جديد ؟؟

بدنا ميعاد الامتحان او الدرس التالى

والا بنعمل شغب بالصف

[نونو الحلوة]

مافى جديد ؟؟

بدنا ميعاد الامتحان او الدرس التالى

والا بنعمل شغب بالصف





:ShababSmile240: :ShababSmile221:

[Arabian girl]

مع اني كنت بدي اشارك بس راحت علي :(
يلا يعطيكم العافية ^^

[sweet soul]

مافى جديد ؟؟

بدنا ميعاد الامتحان او الدرس التالى

والا بنعمل شغب بالصف



نعم يختي

عيديها باله !!

شاغبي وبفرجيكي شغلك

:@

[انتهينا]

طيب خلاص ما راح اعمل دوشه الحين

مش خوف مديره سويت ( عمرى ماشفت مديره اسمها حلو متل اسمك )

مشان الاعصار اللى بيضرب فى الدكتور

بعين الله

بعد الاعصار لينا نعمل شغب

[sweet soul]

طيب خلاص ما راح اعمل دوشه الحين

مش خوف مديره سويت ( عمرى ماشفت مديره اسمها حلو متل اسمك )

مشان الاعصار اللى بيضرب فى الدكتور

بعين الله

بعد الاعصار لينا نعمل شغب

:ShababSmile239:


لايكون عم تزبطيني بهل الحكي
:ShababSmile222:

[انتهينا]

وشو فيها

بزبطك

ياريت حد يزبطنى انا

عن جد عمرك سمعتى عن مديره اسمها سويت

تلائى اسمها عطيات متل مديرتى فى الثانوى

وبلاوى تانيه

[sweet soul]

وشو فيها

بزبطك

ياريت حد يزبطنى انا

عن جد عمرك سمعتى عن مديره اسمها سويت

تلائى اسمها عطيات متل مديرتى فى الثانوى

وبلاوى تانيه

ههههههههههههههه

يئطع ئرك

مديرتكم غير شكل فري :ShababSmile240:


بس تاخدوش وش :ShababSmile221:

[انتهينا]

ههههههههههههههه

يئطع ئرك

مديرتكم غير شكل فري :shababsmile240:


بس تاخدوش وش :shababsmile221:

المديره فرى

والطلبه وشكلوا الاستاذ هيطلع فرى

بس بحكى بجد سويت انا حاسه انى نسيت الكام كلمه الصينى اللى عرفتهم

وبعدين سويت بترغى كتير

وبدك تعملى شغب

راح نطبق العقاب

وهبلغ المديره

سى يو

[sweet soul]

المديره فرى

والطلبه وشكلوا الاستاذ هيطلع فرى

بس بحكى بجد سويت انا حاسه انى نسيت الكام كلمه الصينى اللى عرفتهم

وبعدين سويت بترغى كتير

وبدك تعملى شغب

راح نطبق العقاب

وهبلغ المديره

سى يو

شف

اصلا دكتوركم مابئدر يعاقبني :ShababSmile222:


مين حيعملكم الصوت بعدين ؟؟:ShababSmile222:

روحي الك تعهد

وهاتي امك

:@

[انتهينا]

شف

اصلا دكتوركم مابئدر يعاقبني :ShababSmile222:


مين حيعملكم الصوت بعدين ؟؟:ShababSmile222:

روحي الك تعهد

وهاتي امك

:@

سيبى ماما بحالها الله معها

ههههه

وبعدين بتهديدينا بالصوت

فينه الدكتور يشوف ( بهدى النفوس)

وشوف

ال تعهد

ليش انا عملت شىء

ليش هالظلم
:ShababSmile111:

[نونو الحلوة]

hehehehehehehehehhe



?????where z the DR



DR plz come now see ur student and ur manager what they r doing

[تحـ البشر ـدوهـ]

يا جماعة انا متسلبط ع الاخر :(

حرارتي مليون :(

خليني اطيب بس شوية .. باجي برد ع كل واحد

::

وبس يا سويت معي تتشغلي في طلابي :@

::

يا رب يا الله .. كونلي معي ياااااااااااا رب :(

::

الإبر أكلت من جلدي طبقة :(

::

اسفين يا جماعة هي شوي وبروق وبرجع والله :(

[تحـ البشر ـدوهـ]

انا طالع ع المستشفى هلأ :( :(

كمان شوي بارجع .. برد ان شاء الله

وبزبطلكم الوضع كله تقلقوش :(

::

دعواتكم يا جماعة

[نونو الحلوة]

سلامات خيو تحـ البشر ـدوهـ:ShababSmile223:




ما تشوف شر :ShababSmile235:




خير ان شاء الله????:ShababSmile111:





ان شاء الله ترجعلنا بالسلامه






طمنا عنك اول ما ترجع ان شاء الله :ShababSmile233:



بنستناك :ShababSmile223:

[انتهينا]

سلامتك دكتور محمد

ان شاء الله تكون بخير

وتنزل الحراره

كله الا الابر:ShababSmile111:


طمنا عليك اخى

بعين الله

[εïз ملآكـ εïз]

خــييو معلش رح اضطر انسحبـ من الدورهـ ..

لانو فعلا مش عم اقدر اتابع معكم و اخد وقتي و احفظ

مع انو الدورهـ فعلآ رآئعهـ و انت ابدا مو مقصر بس اعذرني =(

[تحـ البشر ـدوهـ]

الحمد لله ..

انا بخير يا جماعة .. ما تقلقوا

ربي يحفضكم والله أحلى عيلة

::

خيتو نونو .. وخيتو انتهينا

الوضع مية المية تقلقوش .. الحمد لله

بس شوية حرارة وتشنجات هيك خخخ .. منا مسوي زلمة ونازل اجري في نص هـ الريح :( يلى بعين الله

::

الله يوفقكم ربي

[تحـ البشر ـدوهـ]

اختي ملاك .. اااز يو لااايك

اذا التوقيع مغلبك عادي فيكي تشيليه .. :) هههه

::

منورة واعيدي التفكير

[*cool cat*]

تسلم ع الموضوع الحلو وبنفس الوقت مفيد
ماننحرم*.^

[تحـ البشر ـدوهـ]

امممم

طيب يا جماعة

الدورة ح تتأجل لبعد رمضان لظروف فوق عادية :( >> هع

عارف انكم هلأ كرهتوني بس مش بايدي :(

::

بعين الله :(

[تحـ البشر ـدوهـ]

اهـ صح

معنا كلمة ح اقتلك هي :

وو ياو سو ني

وو = انا

ياو = بدي

سو = قتل

ني = انت

[نونو الحلوة]

الحمد لله على سلامتك:ShababSmile229:




خيو تحـ البشر ـدوهـ:ShababSmile116:





مممممممممممممممممممممم:ShababSmile2 35:





على راحـتك خيو من أجلها لبعد رمضان :ShababSmile223:





بس راح يزعلو كتير الجماعة :ShababSmile111:




بدك اياني أشيل الدورة من التثبيت ????????:ShababSmile233:

[تحـ البشر ـدوهـ]

انا عارف انهم راح يزعلوا :(

اااااااسفين :(

لكن عارفهم راح يتفهموا الوضع ان شاء الله

::

خيتي يا ليت تشيلية من التثبيت

الله يكرمك :)

[الفتاة المشرقة]

الله يعطيك العافيه اخي تحدووووه

يلا لبعد رمضان احسن

[ward]

تحدوه البشر ...معلش أعذرني كتييييييييير بدي أنسحب من الدوره ...بجد اسفه كتير....شاكره جهودك...وتعبك معناا..بس أعذرني..