قد التوريطـےَ أنت ,,؟.. °•° [أمــل} °•°

[همسة العشاق~]

تحية طيبة للجميع
الموضوع جميل بفكرته ولكن الاجمل هو تفاعلكم معه
عباره عن اسئله مطروحه انا أختار في البداية عضو يجاوب عليها
والعضو المجاوب عليها يختار من بعده عضو يجاوب عليها
ونترك له مدة يومين اذا ما جاوب يرجع يختااار عضو غيره



"•° لمـــاذا •°•-

لماذا تعشق الهدوء ... ؟
- لماذا إخترت إسمك المستعار ... ؟
- لماذا إخترت منتدى شباب فلسطين لتنضم إليه ... ؟



•اين

أين تقضي اجمل وقتك ... ؟
- أين تجد راحة البال ... ؟
- أين تجد نفسك في البيت ... ؟
- أين تذهب لو أعطيت إجازة اليوم ... ؟


•°• مــن •°•

من تقول له انك متكبر من الأعضاء...؟
- من علمته الرماية فرماك ... ؟
- من يعجبك من المنتدى (( عضو واحد فقط )) ... ؟
- من هو صديقك الصدوق ... ؟
- من أى شئ تغضب ... ؟

•°• مـتـى •°•-

متى تبكي بحرقه ... ؟
متى تجلس لوحدك ... ؟
- متى تقول لا ... ؟
- متى تكون أناني ... ؟

"""كيف"""

كيف تعيش يومك ... ؟
كيف ترى حال الأمة اليوم ... ؟
- كيف تنظر لمستقبلك ... ؟
- كيف تنظر للمرأة (( إذا كنت عضو )) ... ؟
- كيف تنظرين للرجل (( إذا كنتِ عضوة )) ... ؟


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
- ما هو سر نجاحك في الحياة ... ؟
- ما أجمل مافي الحياة في نظرك... ؟
- ما هو إسمك الحقيقي كما هو مدون بالبطاقة؟ [ليس اجباري]
- ما تخصصك في الحياه ...؟

•°• هل •°•

هل أنت عاطفي ... ؟
- هل صدمت بالخيانة من أعز اصدقائك ... ؟
- هل أنت فوضوي ... ؟
- هل كنت صادقاً في كل ما قلتة ...



وبما اني سأختار

رح اختار ابو مجاهد :showoff:

بانتظارك اخي ’’’!


ما تنسى تختار عضو بعدك


نتمنى التفاعل والحمــــــــاس بين الأعضاء

[εïз ملآكـ εïз]

حلو الفكرهـ

نــآطرينـ ابو مجــآهد

ثــآنكس يا قمرهـ

[همسة العشاق~]

بانتظار الاخ ابو مجاهد

[همسة العشاق~]

هلااا ملااااك

نورتي يا عسل

بانتظار ابو مجاهد ,,,! وعقبالك

[الزعيم المدريدي]

فكرة حلوة وجميلة

بانتظار أبو مجاهد

تحياتي

[همسة العشاق~]

هلا الزعيم المدريدي

عقبالك

ما ننحرم

[[ Islam ]]

نآيس أيدياااا

يسلمووو يا بطة :)

بانتظار أبو مجاهد .. ناديله تشيس !

[همسة العشاق~]

هلاا روز مشكورة ع مرورك

ناديتلو بس شكلو بدو جاهه تجيبو

[جاآرة الوادي’’]

حلووو كتييييييييييير

بس وينو ابو مجاهد

هسا انا بساعدك وبعمللو نداء اخر

[nables120]

طيب انا عضو جديد وحاب اعرف اذا بقدر اشارك معكو لبينما يتشرف الاخ ابو مجاهد

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أبومجاهد]

اهلين والله ..

بترعشيلي على الإهداءات برابط غلــط ...:icon28::icon28:

صرت ابحث في مواضيع منبر الحوار الحر حتى وصلت لهنا .. :wacko::wacko:

منورين ...

تسلمي همسة ع التوريط ...

المهم خلينا نشوف شو القصة وراجعلكم ... ^^

[أبومجاهد]

"•° لمـــاذا •°•-

لماذا تعشق الهدوء ... ؟

لأنه في الهدوء بصير عند الواحد راحت بال وطمأنينة وراحة نفسية ...

- لماذا إخترت إسمك المستعار ... ؟

لأن صديق استشهد وكان يكني نفسه بأبومجاهد ،، فأخترت هذا الاسم ... أسأل الله ان يجمعني به

على حوض النبي عليه السلام ..

- لماذا إخترت منتدى شباب فلسطين لتنضم إليه ... ؟

لأنه اول منتدى عرفتــه اول ما دخلت الانترنت ...

•اين

أين تقضي اجمل وقتك ... ؟

مع أهلي ...

- أين تجد راحة البال ... ؟

عندما اتلو القرآن الكريـــمـ،،

- أين تجد نفسك في البيت ... ؟

؟؟؟

- أين تذهب لو أعطيت إجازة اليوم ... ؟


على البحــــر .. :showoff:

•°• مــن •°•

من تقول له انك متكبر من الأعضاء...؟

لا يوجــــد ..

- من علمته الرماية فرماك ... ؟

قليل ،،

- من يعجبك من المنتدى (( عضو واحد فقط )) ... ؟

لا احصي عدهم فكلهم مميزين ...

- من هو صديقك الصدوق ... ؟

.:(خالد):.

- من أى شئ تغضب ... ؟

من ينتهك حرمات الله ...

•°• مـتـى •°•-

متى تبكي بحرقه ... ؟

عندما اخطأ بحق ديني وعبادتي

متى تجلس لوحدك ... ؟

عندما اكون متضايق جدا ً ..

- متى تقول لا ... ؟

للباطل ...

- متى تكون أناني ... ؟

في ديني وعباداتي ..

"""كيف"""

في الصلاة مثلا ً ..

كيف تعيش يومك ... ؟

عادي ، شكل بأيدك

كيف ترى حال الأمة اليوم ... ؟

يا حيــف على أمتنا ، حالها يرثا له ...

- كيف تنظر لمستقبلك ... ؟

استبشر خيرا ً ،،

- كيف تنظر للمرأة (( إذا كنت عضو )) ... ؟

غامضة ، كثيرة الكلام ، عاطفية لأبعد الحدود

"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟

اكويس كثير بس ما تطلع عن حدود الدين والعادات

- ما هو سر نجاحك في الحياة ... ؟

ثقتي بالله عز وجل

- ما أجمل مافي الحياة في نظرك... ؟

تكون كلها لله ،

- ما هو إسمك الحقيقي كما هو مدون بالبطاقة؟ [ليس اجباري]

بــلال ،،

- ما تخصصك في الحياه ...؟

السعي لرضى ربي ثم والدي ،،


•°• هل •°•

هل أنت عاطفي ... ؟

مع الحق ،،

- هل صدمت بالخيانة من أعز اصدقائك ... ؟

كثيـــــــــــــر ،،،

- هل أنت فوضوي ... ؟

مش دايما ًً .. ^^

- هل كنت صادقاً في كل ما قلتة ...

بالله عليكي هذا سؤال .. :b:

الله تعالى أعلى واعلم ،،

كل واحد ومستوى ثقته في غيره ... ^^

[أبومجاهد]

صحيح ،،،

حابب اختـــار الأخ ‏الزعيم المدريدي

بعدي يلي شرفنا هنـــا يا حج .. ^_*

[انتهينا]

فكره كتير حلوه

ماننحرم

[روح الصباح]

فكرة حلوة

ماشاء الله عليك يا ابو مجاهد

ربنا يحفظك

وبإنتظار الزعيم المدريدي

[جاآرة الوادي’’]

ههههههههههههههه

معقول الرابط خطأ... اختي مسطله

ههههههه

معلش

المهم ... نورت خيو العزيز ابو مجاهد ... ولو كل المتورطين متلك

الله يسعد اجاباتك بجننوا


وبانتظار الزعيم المدريدي

[شهيد]

بانتظار الزعيم المدريدي !

[الزعيم المدريدي]

صحيح ،،،


حابب اختـــار الأخ ‏الزعيم المدريدي


بعدي يلي شرفنا هنـــا يا حج .. ^_*



اها هلا حج :icon31:

بشرفكوا بأي وقت :icon11:

وأجوبتك صريحة وجميلة جداً:s (43):

الحين بشوف شغلي مع هالتوريطة :b:

( :icon28: أنا بورجيهن بنات خالتي :icon28: )

ولا يهمك :showoff:

راجع :matrix:

تحياتي :icon26:

[ward]

كتييييييييييييييييييييييييييييير حلو الموضوع عنجد همسة العشاق..
بانتظارك يازعيمنا المدريدي.........

[أبومجاهد]

فكرة حلوة

ماشاء الله عليك يا ابو مجاهد

ربنا يحفظك

وبإنتظار الزعيم المدريدي

يا هلا روح الصباح ...

تسلمي ...

[أبومجاهد]

ههههههههههههههه

معقول الرابط خطأ... اختي مسطله

ههههههه

معلش

المهم ... نورت خيو العزيز ابو مجاهد ... ولو كل المتورطين متلك

الله يسعد اجاباتك بجننوا


وبانتظار الزعيم المدريدي

^^

بعين الله شو اسوي ...

ربنا يرضى عنكـ،، انجل

نورت ٍ

[أبومجاهد]

اها هلا حج :icon31:

بشرفكوا بأي وقت :icon11:

وأجوبتك صريحة وجميلة جداً:s (43):

الحين بشوف شغلي مع هالتوريطة :b:

( :icon28: أنا بورجيهن بنات خالتي :icon28: )

ولا يهمك :showoff:

راجع :matrix:

تحياتي :icon26:

ايوة اشتبكو مع بعض هههههــ

انتو شهرين زمان وتجيبو كل العيلة وتحتلو المنتدى ...

^^

[آيات الشرفاء]

فكره حلوه

يسسسسسسسسسسسسلمو

بإنتظار الزعيم المدريدي

[الزعيم المدريدي]

احم احم
جيت
السلام عليكم ورحمة الله وبركاته

يلا نبدأ نجاوب على بركة الله







"•° لمـــاذا •°•-

لماذا تعشق الهدوء ... ؟
لأنه مصدر للسعادة والراحة الجسمية والنفسية
- لماذا إخترت إسمك المستعار ... ؟
أول شيء بسبب حبي للريال و كان هذا الاسم قديم , وأحبيت تغيره , لكن للأسف الإدارة ما ردت على طلبي ( الله يسامحهم :icon5::b::icon5: )
- لماذا إخترت منتدى شباب فلسطين لتنضم إليه ... ؟
بسبب التفاعل الكبير الي أنــا شفته بهالمنتدى ولإنه فيه تبادل للآراء والإحترام

•اين

أين تقضي اجمل وقتك ... ؟
مع أصدقائي , و أقاربي
- أين تجد راحة البال ... ؟
في الأعمال الي أراها بتجلبيلي الخير
- أين تجد نفسك في البيت ... ؟
؟؟؟؟!!!!
- أين تذهب لو أعطيت إجازة اليوم ... ؟
أتنزه في هالطبيعة , أو لو استطيع الذهاب لزيارة أقاربي في الشمال


•°• مــن •°•

من تقول له انك متكبر من الأعضاء...؟
ما في
- من علمته الرماية فرماك ... ؟
ما أعتقد في حد بهالسهولة
- من يعجبك من المنتدى (( عضو واحد فقط )) ... ؟
جميع الأعضاء متميزين ومحترمين

- من هو صديقك الصدوق ... ؟
في كثير و أغلبهم أو جميعهم بثق فيهم وصادقين بس الأكثر (( فايز ))
- من أى شئ تغضب ... ؟
من غضب الوالدين فهو من غضب الرب

•°• مـتـى •°•-

متى تبكي بحرقه ... ؟
عندما أرتكب خطأ بحق أي شخص وخاصة إذا كان بحق ربي أولاً وبوالدي ثانياً

متى تجلس لوحدك ... ؟
عندما أكون متضايق أو أفكر بشيء خاص
- متى تقول لا ... ؟
للظلم و الباطل
- متى تكون أناني ... ؟
في طاعاتي وفي شيء جلابته وقعت فيه وأخاف للآخريين الوقوع في نفس الشيء فلا أطلعهم عليه

"""كيف"""

كيف تعيش يومك ... ؟
متل هالعالم (( داحلة ))
كيف ترى حال الأمة اليوم ... ؟
حالها يحزن , ويجي النهوض به
- كيف تنظر لمستقبلك ... ؟
أنظر للمستقبل بحفاوة لأحقق مطالبي في الحياة ولا أتوقف عن شيء
- كيف تنظر للمرأة (( إذا كنت عضو )) ... ؟
ما عندي خبرة كبيرة بس المرأة شخص عاطفي جداً ولا يحب الهزيمة أو الإٍستسلام وكمان بحكن كثير


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
إذا كانت في سبيل الخير أو لتحقيق هدف معين لكن ( ضمن الشريعة )
- ما هو سر نجاحك في الحياة ... ؟
التمسك بديني والتفائل بالخير والنظر للمستقبل القريب
- ما أجمل مافي الحياة في نظرك... ؟
أنها تنبيني على أساس السعادة ولإرضاء الله عز وجل
- ما هو إسمك الحقيقي كما هو مدون بالبطاقة؟ [ليس اجباري]
يوسف
- ما تخصصك في الحياه ...؟
تخصصي السعي لنشر ديني وإرضاء ربي ووالدي


•°• هل •°•

هل أنت عاطفي ... ؟
في الأوقات والمواقف المحتاجة للعواطف
- هل صدمت بالخيانة من أعز اصدقائك ... ؟
لا لم يحدث وأتمنى أنه لن يحدث
- هل أنت فوضوي ... ؟
في أوقات بس مو كتير
- هل كنت صادقاً في كل ما قلتة ...

لا بس حبيت امزح معك :icon28::icon28::icon28: ما الي 10 ساعات بكتب علشان تيجي تسأليني هاد السؤال

(( كويس هيك يا بنت خالتي )) ؟؟؟


شوفولي كيف الردود يا جماعة الخير ؟؟؟؟!!!

[الزعيم المدريدي]

كيف يا جماعة الردود ؟؟؟

وأنا رايح أورط بعدي روح الصباح

لإني بشوفها بتتفاعل مع هيك مواضيع :showoff:


يلا تفضلي هون ولا تخجلي جاوبي بصراحة متلي يعني:icon11::icon31:


يلا تحياتي

[جاآرة الوادي’’]

ههههههههههههه

الله يعطيك مليووون عافيه اخي الزعيم المدريدي

اجووبتك تمام التمام ,,, حلوة ومقنعه

نورت التوريطة


بانتظار روح الصباح

[أبومجاهد]

ما شاء الله عليكــ،،

كفيت ووفيت ...

بس بدي اعرف شغلة ..

ممكن حدا يترجم لنا هالسؤال

- أين تجد نفسك في البيت ... ؟

هههههههههههــ

مالنا يا همسة خربطنا انبلش ^^

[جاآرة الوادي’’]

ههههههههههههههههههههه

اين تجد نفسك بالبيت ... على ما اعتقد انها ... شو المكان اللي بتفضلو بالبيت

هاي اختي وانا عارفه تفكيرها

[روح الصباح]

كيف يا جماعة الردود ؟؟؟

وأنا رايح أورط بعدي روح الصباح

لإني بشوفها بتتفاعل مع هيك مواضيع :showoff:


يلا تفضلي هون ولا تخجلي جاوبي بصراحة متلي يعني:icon11::icon31:


يلا تحياتي



شكرا لك يازعيم

شو عرفك اني بتفاعل مع هيك مواضيع شو انا كيماوي

ههههههههـــ

ولا عملت حزر فزر

المهم شكرا لاختيارك اللي

[روح الصباح]

ههههههههههههه

الله يعطيك مليووون عافيه اخي الزعيم المدريدي

اجووبتك تمام التمام ,,, حلوة ومقنعه

نورت التوريطة


بانتظار روح الصباح



يلالا انا هون

وشكرا ع النداء اللي بالتوقيع

[روح الصباح]

"•° لمـــاذا •°•-

لماذا تعشق الهدوء ... ؟


لاني بحس فيو بالراحة

بقدر افكر بصفاء وهودء

اصلا بشكل عام الهدوء حلو


- لماذا إخترت إسمك المستعار ... ؟



لانو حسيتو بيلبقلي

وخاصة انو عن الصباح

يعني . .

روح الصباح بعبر عن كل بالصبح

قبل ماتطلع الشمس والنسمات الباردين . . .



- لماذا إخترت منتدى شباب فلسطين لتنضم إليه ... ؟



لانو حسيت رح ارتاح فيو كتير اكتر من اي منتدى تاني


وبالفعل هاد اللي صار


بكفي انو منتدى اسلامي





•اين

أين تقضي اجمل وقتك ... ؟


يا مع اهلي يا بالبيت اكتر شي بس بهدوء


او ع سجادة الصلاة




- أين تجد راحة البال ... ؟


لما بقعد اصلي مابفكر ب ولا شي



- أين تجد نفسك في البيت ... ؟


يعني يا ع التلفزيون

او غرفة النوم

او الكومبيوتر



- أين تذهب لو أعطيت إجازة اليوم ... ؟


اروح ع بلد مافيها ولا حدا

لانو بجد جاي ع بالي عيش لوحدي

ع القليلة فترة او يوم واحد بكفيني





•°• مــن •°•


من تقول له انك متكبر من الأعضاء...؟

ماحدا


- من علمته الرماية فرماك ... ؟


ناس بس مش كتار


- من يعجبك من المنتدى (( عضو واحد فقط )) ... ؟



مافي حدا معين


- من هو صديقك الصدوق ... ؟



ماحدا


- من أى شئ تغضب ... ؟


بزعل مثلا انو واحد كان هلا عم يحاكيني منيح

وفجاءة بينقلب وبيصير حقود

وبزعل كمان واحد يوكن اناني

واكتر شي يلي خارج عن طاع ربو



•°• مـتـى •°•-


متى تبكي بحرقه ... ؟



لما واحد بيزعلني وببكيني

وانا مابكون غلطانة

واخر شي بيكتشف انو في طرف تالت

راح كذب هالكذبة



متى تجلس لوحدك ... ؟



لما بكون الكل نايم وانا لوحدي



- متى تقول لا ... ؟


عــ الغلط او شي انا مابدي ياه


- متى تكون أناني ... ؟


مافي . .


لاني مابحب الانانية


ومابذكر ولا مرة




"""كيف"""



كيف تعيش يومك ... ؟



عادي متل ماكل هالعالم بتعيش

احيانا بكون نكد ملل زهق

او بمر بسرعة واحيانا بكون حلو




كيف ترى حال الأمة اليوم ... ؟



حال الاامة كل واحد بهالدنيا نايم وشبعان نومــ

ولا داري شو اللي عم يصير




- كيف تنظر لمستقبلك ... ؟




انشاء الله للاحسن


- كيف تنظر للمرأة (( إذا كنت عضو )) ... ؟


انا عضوة


- كيف تنظرين للرجل (( إذا كنتِ عضوة )) ... ؟


مــابعرفــ

بس هالايام مو معروف الولد من البنت




"]•°• ما •°•-[




في عصر العولمة الحالي (( ما رأيك في صداقة الإنترنت )) ... ؟



منيحة كـــ صداقة

غير هيك لا





- ما هو سر نجاحك في الحياة ... ؟


الــصـــمـــتــ

لــغـــة بلا كلمات

واحسن شي الصمت والله اريح

وعــ القليلة الواحد ما بيمسك ع التاني حكي




- ما أجمل مافي الحياة في نظرك... ؟


الابتسامة

يعني الواحد يكون باشد حالات الزعل

والبكي ويبتسم




- ما هو إسمك الحقيقي كما هو مدون بالبطاقة؟ [ليس اجباري]


روحــ الصــبــاحــ

؟ ؟ ؟



- ما تخصصك في الحياه ...؟


؟ ؟ ؟


•°• هل •°•



هل أنت عاطفي ... ؟



بوقت العاطفة اي

بس بوقت الجد اي ولا

يعني . .

بحكي جدا وبدون مزح وعاطفة

واحيانا بكون الامر مستاهل هيك




- هل صدمت بالخيانة من أعز اصدقائك ... ؟


اي للاسف

كانت من احسن رفقاتي

وعتبرتها رفيقتي عن جد


وكنا نحكي لبعض اسرارنا

وطلعت للاسف . . .


فصرت هلا شو مايصير معي احكي لاختي احسن شي





- هل أنت فوضوي ... ؟



لــا الحمد لله مافي هيك شي



- هل كنت صادقاً في كل ما قلتة ... ؟



يتعرفي هاد احلى سؤال





رح ارجع مشان اختار

[روح الصباح]

طــيـــبــ رحــ أخـــتـــار

قــســـامـــيـــ غـــزة

[Yαś]

مـا شـاء الله .. نشـاط حـلوو

يعطيكِ العـافية أختي همـسة ..

و نـروتو القسـم ( أبو مجاهد + زعيم مدريدي + روح الصبـاح )

فـي انتظـار قسـامي ~


و الله يخليكم مـا بدنـا دردشة .. * ^

[همسة العشاق~]

يسلمو انجلو ونابلس ع المرور الرائع

[همسة العشاق~]

انا اسفة ابو مجاهد والله ما نتبهت يا سيدي


مشكور ع المرور والاجابة


ما ننحرم

[همسة العشاق~]

معنى اين تجد نفسك في البيت


يعني في اي مكان بترتاح في المطبخ ..الصالون ........الخ

[همسة العشاق~]

مشكور الزعيم المدريدي ع المرور والاجابة ع الاسئلة


وليش قاعد بتهدد انا شو عملت


ما ننحرم

[همسة العشاق~]

مشكورة روح الصباح ع المرور والاجابة


ما ننحرم

[همسة العشاق~]

بانتظار قسامي غزة

[همسة العشاق~]

مشكور خيو ياسين ع المرور الحلو

ما ننحرم

[Yαś]

أختي همسـة ..

بعـد أذنك .. عدلت فـي العنـوان

عشـان الأعضـاء ينتبهـو .. ^ ^

[جاآرة الوادي’’]

حلوووو

بانتظار قسامي

خيو ياسين ما بتقصر

[الزعيم المدريدي]

ما شاء الله

أجوبتك أختي روح الصباح جميلة ومقنعة

بإنتظار قسامي

تحياتي

[Arabian girl]

موضوع حلو واسئلة جريئة
يلاا بانتظار قسامي غزة ^^

[فلسطينيه والراس مرفوع]

توريطــــة قويـــة :showoff:

وفكرة حلــوي ...

:s (43):

[قسامي غزة]

موضوع حلو
بانتظار قسامي غزة

يعطيكي العافية روح الصبا
انا مورط الان في 3 مواضيع لحتي الان
كل المنتدي مورط قسامي
ههههههههههه
راجعلكم بس اجاوب علي التوريطة الي بقسن الصحة والمجتمع
يعطيكم العافية
ومشكورة روح الصبا

[أســـآمـة]

بانتظار قسامي غزه...!

[جاآرة الوادي’’]

يالله بانتظارك خيو قسامي .. لا تتاخر

[PaLeSt!Ne SouL]

فكرة كتير حلوة

الله يعينك يا قسامي

مين داعي عليك

[شهيد]

متابعين ^^

[همسة العشاق~]

اذنك معك خيو قسامي

بس ما تتأخر كتير بدنا نمشي الموضوع ^^

[nables120]

يا ناس اختارونا ولا احنا مش قد المقام


http://files.shabab.ps/vb/images_cash/up10/090918191235prkn.png

[قسامي غزة]

بسم الله نبدأ علي بركة الله



"•° لمـــاذا •°•-

لماذا تعشق الهدوء ... ؟

اي هوا في احلي من الهدوء الدوشة مزعجة :matrix:

- لماذا إخترت إسمك المستعار ... ؟

لاني بحب القساميين وحبيت استعير اسمهم بس :showoff:

- لماذا إخترت منتدى شباب فلسطين لتنضم إليه ... ؟

لانوا عضو دعاني علي هدا المنتدي ولقيت احلي اعضاء فالدنيا هنا
فحبيت اكون واحد من هاد الاسرة الرائعة


•اين

أين تقضي اجمل وقتك ... ؟

اقضي اجمل اوقاتي في كل مكان في البيت في العمل وفي المسجد

- أين تجد راحة البال ... ؟

بصراحة بكون راحة بالي وانا في المسجد

- أين تجد نفسك في البيت ... ؟

هالسؤال غريب هاد بصراحة في كل مكان بالبيت لاني بكون عراحتي في البيت

- أين تذهب لو أعطيت إجازة اليوم ... ؟

في مكان حلو هادئ او البحر

•°• مــن •°•

من تقول له انك متكبر من الأعضاء...؟

والله كل الاعضاء زي العسل وكلهم خير وبركة

- من علمته الرماية فرماك ... ؟

بصراحة ما علمت حدا الرماية ومشان هيك ما حدا رماني :icon11:

- من يعجبك من المنتدى (( عضو واحد فقط )) ... ؟

كلهم قلق :matrix:

- من هو صديقك الصدوق ... ؟

الذي اذا أخطأت يقول لي ذلك بدون شماتة ويكون يريد مصلحتي

- من أى شئ تغضب ... ؟

اغضب لما تكون الكهربا قاطعة :icon5:

•°• مـتـى •°•-

متى تبكي بحرقه ... ؟

اصلا انا ما بحب ابكي لانوا البكا صفة النساء

متى تجلس لوحدك ... ؟

لما اكون زهقان من كل الي حوليه

- متى تقول لا ... ؟

عندما اري اناس تنافق بعضها ويوقعون ببعضهم

- متى تكون أناني ... ؟

لما اخي يحكيلي روح علي السوق اشتري اكم شغلة بحكيله مش قادر
او بتمعذر بحجة تانية حتي ما اروح :wacko:



"""كيف"""

كيف تعيش يومك ... ؟

احيانا بيكون جدولي مليان واحيانا فاضي يعني طبيعي يومي

كيف ترى حال الأمة اليوم ... ؟

حال الامة متفككة والكل يلهث وراء شهواته

- كيف تنظر لمستقبلك ... ؟

بكل تفائل وان يتغير هالحال ويكون افضل من هيك

- كيف تنظر للمرأة (( إذا كنت عضو )) ... ؟

شريكة الرجل في حياته ولا غني عنها للرجل

"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟

في الوقت الحالي كلمة صداقة تجردت من معانيها واصبحت قليل من نسمع بالصداقة الحقيقية
انا اقصد علي النت فبرايي نادر يكون صداقة حقيقية علي النت

- ما هو سر نجاحك في الحياة ... ؟

اول شي رضا ربي عني وتاني شي رضا امي عني قبل ما تتوفي يعني الحمد لله
توفت وهية راضية عني ووالدي راضي عني الحمد لله

- ما أجمل مافي الحياة في نظرك... ؟

الصداقة الحقيقية والمحبة بدون مقابل

- ما هو إسمك الحقيقي كما هو مدون بالبطاقة؟ [ليس اجباري]

اسمي الحقيقي نهـــــاد

- ما تخصصك في الحياه ...؟

شو يعني تخصصي ما فهمت هالسؤال :wacko:

•°• هل •°•

هل أنت عاطفي ... ؟

كل شخص بيكون بلحظة من اللحظات عاطفي
العاطفة جزء من شخصية الانسان

- هل صدمت بالخيانة من أعز اصدقائك ... ؟

طبعا لا والحمد لله لانوا انا بختار اصدقائي جيدا
ومعظمهم من ابناء المساجد والحمد لله

- هل أنت فوضوي ... ؟

اكره شي عندي الفوضي ما في احلي من النظام

- هل كنت صادقاً في كل ما قلتة ...

عمري ما بحكي شي وانا مش صادق فيه انا شخصيتي في المنتدي
وفي الحقيقية شخصية وحدة يعني اه

ما تنسى تختار عضو بعدك

بدي اختار بعدي ام المشاكل وبعد تغيير اسمها اصبحت دمعة اسي :showoff:

[PaLeSt!Ne SouL]

تسلم يا قسامي عالتوريطة

ما شا الله واثق من نفسك

شوي و راجعة إن شا الله

[اجمل احساس]

يعطيك العافية قسامي ،،، بانتظارك دمعة

[PaLeSt!Ne SouL]

بسم الله الرحمن الرحيم
"•° لمـــاذا •°•-

لماذا تعشق الهدوء ... ؟
لانو الواحد احيانا ما بتحمل حالو فالهدوء بكون أحسن
و الله ما بحبه دايما أحيانا الدوشة أحلى


- لماذا إخترت إسمك المستعار ... ؟
أم المشاكل سماني فيه دكتور بحترمه كتير و هو اسمي بين صحباتي
دمعة أسى هو اسم هادئ و بلبق لشخصيتي بالحياة أكتر

- لماذا إخترت منتدى شباب فلسطين لتنضم إليه ... ؟
من جديد بديت استخدم الإنترنت
حسيت أنو هذا المنتدى مميز و اهم شئ إسلامي و أول ما سجلت بالمنتدى ذكرت أنو معلوماتي بالنت قليلة فوجدت مساعدة من الأعضاء و خاصة ماهيناز العسل ما بتقصر


أين تقضي اجمل وقتك ... ؟

اقضي اجمل اوقاتي في الجامعة و البيت

- أين تجد راحة البال ... ؟

بصراحة بكون راحة بالي و أنا لحالي

- أين تجد نفسك في البيت ... ؟
لكوني البنت الوحيدة بالبيت فالمقر الرئيسي لي هو المطبخ


- أين تذهب لو أعطيت إجازة اليوم ... ؟
بقعد عالنت

•°• مــن •°•

من تقول له انك متكبر من الأعضاء...؟

كلهم ما شا الله عليهم الله بحفظهم

- من علمته الرماية فرماك ... ؟

أنا ما بعرف أرمي فكيف رح أعلمها و لا حد

- من يعجبك من المنتدى (( عضو واحد فقط )) ... ؟

all of them
بفهم بالإنجليزي !!!@_@


- من هو صديقك الصدوق ... ؟
إن أخاك الصدق من كان معك ومن ضر نفسه لينفعك

- من أى شئ تغضب ... ؟
لما النت يخرب و أخواتي ما يزبطوه و الكهربا تقطع


•°• مـتـى •°•-

متى تبكي بحرقه ... ؟

حد يظلمني

متى تجلس لوحدك ... ؟
لما رأسي يؤلمني

- متى تقول لا ... ؟
للشئ الغلط

- متى تكون أناني ... ؟
لما أقعد عالنت ما بحب حد يقومني

"""كيف"""

كيف تعيش يومك ... ؟
عاااااادي يوم هيك و يمو هيك

كيف ترى حال الأمة اليوم ... ؟
أنا ما بعرف أنو في أمة


- كيف تنظر لمستقبلك ... ؟
الله يسترها معاي
و ما توفيقي إلا بالله

- كيف تنظر للمرأة (( إذا كنت عضو )) ... ؟

شو يعني ما أجاوب عليه لأني عضوة

"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
ارتباط بأشخاص و همين إذاما ترجمت للواقع يعني بعض الأعضاء صحاب بالحقيقة و بالنت غير ما يكون النت لحالو


- ما هو سر نجاحك في الحياة ... ؟

رضا الله عز وجل و انا بحاول أرضي والدي هما صعبين الإرضاء على فكرة بس الله محببهم فيا

- ما أجمل مافي الحياة في نظرك... ؟
بضع ريكعات لله يتبعها دعاء من القلب و دموع الخشية


- ما هو إسمك الحقيقي كما هو مدون بالبطاقة؟ [ليس اجباري]

اسمي الحقيقي أسماء

- ما تخصصك في الحياه ...؟

يعني شو بدرس ولا شو
أصول دين

•°• هل •°•

هل أنت عاطفي ... ؟
عندما أكون مع الصغار ما تسأل عن العاطفة و خاصة لو كان بيبكي
الإنسان مشاعر

- هل صدمت بالخيانة من أعز اصدقائك ... ؟
لا لا


- هل أنت فوضوي ... ؟
أنا بحب النظام صح لكن مع الزهق أحيانا بعمل فوضي بكتبي مع خزانة الملابس بس شوي يروح الزهق برجع برتبهم


- هل كنت صادقاً في كل ما قلتة ...
أكيد لأنو اللي بوجهين إنسان ضعيف


بختار بعدي أسامة

[Arabian girl]

نورتو تنيناتكم ^^
يلا بانتظار اسامة :)

[قسامي غزة]

تسلم يا قسامي عالتوريطة

ما شا الله واثق من نفسك

شوي و راجعة إن شا الله



لازم الانسان يكون واثق من نفسه
يمش وهو واثق الخطي
هيك بحكوا
بس شو خلاكي تحكي هيك
هاد يا ياسين مو دردشة
هاد سؤال بس :showoff:

[روان فلسطين]

موضوع كتير حلو

يعطيكم العافيه الي ساعه ورربع فيو من الاول للاخر

بانتظار اسامه

[إيمـان]

ههههههههههههههههههههه اسامه مسكين الله يعنووووووووووو شو الموضوع النايس هموسه..هع

[PaLeSt!Ne SouL]

يا جماعة حد يجيبه

أسااااااااااااامة

[ward]

هينااااااااا هووووووون بنستنا لحد مايجي.....نشوف اخرتها...

[همسة العشاق~]

مشكورين جميعا ع التفاعل الرائع

ما ننحرم

[همسة العشاق~]

ما في مشكلة خيو ياسين انت ما بتقصر

نورت

[همسة العشاق~]

بانتظار اسامة

[همسة العشاق~]

يسلمو دمعة اسى ع الرد

[Arabian girl]

مستر اسامة
بانتزارك :)

[فلسطينيه والراس مرفوع]

ويتنــغ فور يو أســآمة :)

[جاآرة الوادي’’]

اسامه ,,, وينك خيو ـو ~

[PaLeSt!Ne SouL]

و الله مشغول كتير شكلك
أكيد في مباراة مهمة

بالإنتظار

[أســـآمـة]

:matrix::matrix:

لسا توي شفت الموضوع

ان شاء الله راجع

[PaLeSt!Ne SouL]

الحمد لله عالسلامة

[أســـآمـة]

"•° لمـــاذا •°•-

لماذا تعشق الهدوء ... ؟
لأني أكره الضوضاء و الازعاجــ،،:matrix:

- لماذا إخترت إسمك المستعار ... ؟
هادا اسمي الحقيقيــ،،

- لماذا إخترت منتدى شباب فلسطين لتنضم إليه ... ؟
منتدى اسلامي و ملتزمــ و في هذه الأيام انقرضت مثل هذه المنتدياتــ..


•اين

أين تقضي اجمل وقتك ... ؟
في هالمكان و الجامع و البيت..

- أين تجد راحة البال ... ؟
حيث الهدوء..

- أين تجد نفسك في البيت ... ؟
في كل مكان..

- أين تذهب لو أعطيت إجازة اليوم ... ؟
عـ البحر..

•°• مــن •°•

من تقول له انك متكبر من الأعضاء...؟
لا أحد..

- من علمته الرماية فرماك ... ؟
لا أحد..

- من يعجبك من المنتدى (( عضو واحد فقط )) ... ؟
اذا قلت واحد رح أظلم الباقي..لانو الكل بعجبني بلا استثناء..

- من هو صديقك الصدوق ... ؟
هــ الصديق..

- من أى شئ تغضب ... ؟
كتير أشياء..

•°• مـتـى •°•-

متى تبكي بحرقه ... ؟
ما ببكي..

متى تجلس لوحدك ... ؟
لما أكون هادي..

- متى تقول لا ... ؟
عندما لا أقولــ نعمــ..

- متى تكون أناني ... ؟
في بعض الأحيان..

"""كيف"""

كيف تعيش يومك ... ؟
سلطهـ أيام بكون ميش فاضي بالمره فيها و أيام بكون ما عليه اشي..

كيف ترى حال الأمة اليوم ... ؟
أمة المليار و النصف مليار..للأسف معظمهم يجري وراء شهواته و مصلحته الا من رحم ربي..

- كيف تنظر لمستقبلك ... ؟
مستقبل مجهولــ من جميعــ النواحيــ،،


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
صداقه زائفه و غير مقبوله ..

- ما هو سر نجاحك في الحياة ... ؟
الحمد لله كتير أشياء..

- ما أجمل مافي الحياة في نظرك... ؟
ما فيها اشي جميل..

- ما هو إسمك الحقيقي كما هو مدون بالبطاقة؟ [ليس اجباري]
:icon11::icon11:ما بدي أحكيلكم:icon11::icon11:

- ما تخصصك في الحياه ...؟
ابسر.:icon9:

•°• هل •°•

هل أنت عاطفي ... ؟
ميش كتير..

- هل صدمت بالخيانة من أعز اصدقائك ... ؟
يس..

- هل أنت فوضوي ... ؟
لأ..

- هل كنت صادقاً في كل ما قلتة ..؟
بالتأكيد..

مشكوره دمعة أسى عــ استضافتي

وبختار بعدي

angel_s

[همسة العشاق~]

مشكور خيو اسامة ع الاجابة

بانتظار انجل

[روح الصباح]

ماشاء الله عليك نشيط يا اسامة

يلا بإنتظارك همسة

[همسة العشاق~]

تسلمي روح الصباح ع المرور

[PaLeSt!Ne SouL]

بانتظار أنجلز

[Yαś]

فـي انتظـار أختي أنجـل .. ^ ^

نورت الموضوع أخـوي أسـامة ~

[جاآرة الوادي’’]

انا جيت

كمان شوي برد

[جاآرة الوادي’’]

"•° لمـــاذا •°•-

لماذا تعشق الهدوء ... ؟
لانه رائع جدا ... وبشبهني http://www.shabab.ps/vb/images/smilies/icon11.gif


- لماذا إخترت إسمك المستعار ... ؟
صدفة ... بس بفكر اغيرو

- لماذا إخترت منتدى شباب فلسطين لتنضم إليه ... ؟
منتدى اسلامي و ملتزمــ و في هذه الأيام انقرضت مثل هذه المنتدياتــ.. بالضبط تماما


•اين

أين تقضي اجمل وقتك ... ؟
في البيت يوم نكون كلنا متجمعين ... وكمان اماكن كثيرة

- أين تجد راحة البال ... ؟
يوم يكون بهداك المكاان امان

- أين تجد نفسك في البيت ... ؟
كتير اماكن اكتر شي بالثلااجه http://www.shabab.ps/vb/images/smilies/icon11.gifههههههه

- أين تذهب لو أعطيت إجازة اليوم ... ؟
ع البحر..(عليوم) وع اماكن غيرو http://www.shabab.ps/vb/images/smilies/icon11.gif


•°• مــن •°•

من تقول له انك متكبر من الأعضاء...؟
لا أحد..

- من علمته الرماية فرماك ... ؟
لا أحد..

- من يعجبك من المنتدى (( عضو واحد فقط )) ... ؟
كلهم خير وبركة

- من هو صديقك الصدوق ... ؟
حدا

- من أى شئ تغضب ... ؟
كتير أشياء..والاشي اللي بنرفزني

•°• مـتـى •°•-

متى تبكي بحرقه ... ؟
يوم اغضب او ازعل

متى تجلس لوحدك ... ؟
لما احتاج للهدوء ... ويوم اكون متذايقة

- متى تقول لا ... ؟
عندما ارفض

- متى تكون أناني ... ؟
ما بعرف ... يوم يتطلب الامر

"""كيف"""

كيف تعيش يومك ... ؟
متل التانيين ... بصحى بساعد بترتيب البيت بفطر بقعد ع النت بصلي بشرب بسهر بنام وهيك شي

كيف ترى حال الأمة اليوم ... ؟
امه تافهه لا تستحق بأن تكون على قيد الحياه

- كيف تنظر لمستقبلك ... ؟
انشالله خير


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
ما في شي اسمو صداقه نت الا اذا كانت صادقة جدا ومن نفس الجنس يعني (بنت لبنت) (شب لشب)

- ما هو سر نجاحك في الحياة ... ؟
رضى الله ورضى الوالدين ... والاصرار والعزيمة

- ما أجمل مافي الحياة في نظرك... ؟
ما بعرف هذا اذا كان في شي حلو

- ما هو إسمك الحقيقي كما هو مدون بالبطاقة؟ [ليس اجباري]
سجود

- ما تخصصك في الحياه ...؟
طالبة ترفيع اول ثانوي http://www.shabab.ps/vb/images/smilies/icon11.gif


•°• هل •°•

هل أنت عاطفي ... ؟
ما بعرف http://www.shabab.ps/vb/images/smilies/icon11.gifيمكن


- هل صدمت بالخيانة من أعز اصدقائك ... ؟
الحمدلله لا وانشالله ما بيصير هيك شي

- هل أنت فوضوي ... ؟
مش كتير

- هل كنت صادقاً في كل ما قلتة ..؟
لا حبيت امزح انا التانية ... اكيد كنت صادقة

مشكور خيو اسامة ع التوريطة .. بنردلك ياها بالافراح http://www.shabab.ps/vb/images/smilies/icon11.gif

وبختار بعدي

مممممممم

راجعه اختار كمان شوي

[أســـآمـة]

نورتي الموضوع أنجل

و بانتظار الي بعدك

يا ريت تميلي هون شويه

http://shabab.ps/vb/showthread.php?t=100368

[جاآرة الوادي’’]

هلااا خيو اسامه

ميلت قبل ما تحكي هههههههههههه

يسلمو ع التوقيع

[جاآرة الوادي’’]

يالله جاء دور الاختيار

بختار بعدي

واحد


محترم جدا

جدا

جدا

جدا


وطيب


وردودو دايما مميزة


مواضيعو اميز


عنجد انو بنفسو مميز


بخنار



اخي





ياسين

[Yαś]

يالله جاء دور الاختيار

بختار بعدي

واحد


محترم جدا

جدا

جدا

جدا


وطيب


وردودو دايما مميزة


مواضيعو اميز


عنجد انو بنفسو مميز


بخنار



اخي





ياسين

:s (43)::s (43)::s (43):

كـلوو مـن ذوقك أختي أنجـل .. :icon15:

الله يسـعدك .. يـا رب

أنتِ وجودك المميز .. و نفسك طيبة

مـا ننحرم من تواجدك الحـلوو ..

دمتِ بحفظ الرحمـن .. ~


إن شـاء الله راح أرجع و أجـاوب .. :s (43):

[Yαś]

لماذا تعشق الهدوء ... ؟

الهدوء بعطينـي فرصة أفكـر أو أحـلم .. و راحة بـال


لماذا إخترت إسمك المستعار ... ؟

لأنـه اسـمي الحقيقـي .. :icon15:


لماذا إخترت منتدى شباب فلسطين لتنضم إليه ... ؟

لأنـه إسـلامي

.
.

أين تقضي أجمل وقتك ... ؟

فـي البيت أو فـي النـادي


أين تجد راحة البال ... ؟

فـي غرفتـي


أين تجد نفسك في البيت ... ؟

فـي غرفتـي


أين تذهب لو أعطيت إجازة اليوم ... ؟

للبحــر .. ^ . ^

.
.

من تقول له انك متكبر من الأعضاء...؟

×××


من علمته الرماية فرماك ... ؟

×××


من يعجبك من المنتدى (( عضو واحد فقط )) ... ؟

فـي كثيـر .. بـس بدي أذكـر صديقي و أخـوي إيــاد .. :s (43):


من هو صديقك الصدوق ... ؟

صـاحبي طول عمـري محمود .. :s (43):


من أي شئ تغضب ... ؟

مـن كـل أشـي غلط

.
.

متى تبكي بحرقه ... ؟

لمـا يذيق صـدري .. و أكون مخنوق من الدنيـا


متى تجلس لوحدك ... ؟

أغلـب الأوقـات .. :icon31:


متى تقول لا ... ؟

لمـا أشوف الغلط


متى تكون أناني ... ؟

لمـا أفكـر لحـالي و بنسـى اللي حولـي

.
.

كيف تعيش يومك ... ؟

عـادي


كيف ترى حال الأمة اليوم ... ؟

للأسـف .. مفككة

الله يهدينـا أمـتنـا .. آميـن


كيف تنظر لمستقبلك ... ؟

حلـم .. و إن شـاء الله بحققو


كيف تنظر للمرأة (( إذا كنت عضو )) ... ؟

المـرأة نـصف المجتمع .. :icon31:

.
.

في عصر العولمة الحالي (( ما رأيك في صداقة الإنترنت )) ... ؟

برأي أشي جميـل .. إذا كـانت صـادقة


ما هو سر نجاحك في الحياة ... ؟

رضـى الله


ما أجمل ما في الحياة في نظرك ... ؟

أنك تـلاقي نـاس يحبوك و تحبهم .. و تعيش معهم لحـظـات حـلوة


ما هو إسمك الحقيقي كما هو مدون بالبطاقة ؟ [ليس اجباري]

ياسين


ما تخصصك في الحياه ...؟

طـالب

.
.

هل أنت عاطفي ... ؟

مـا بعرف .. :icon9:


هل صدمت بالخيانة من أعز اصدقائك ... ؟

نـعم .. و مـن كثيـر أصدقـاء


هل أنت فوضوي ... ؟

لا


هل كنت صادقاً في كل ما قلتة ...

إن شـاء الله .. ^ . ^

[Yαś]

بحب استضيف أختي مـلاك بعدي

..

شكـراً عـلى التوريطة الحـلوة أختي أنجـل ..

و كمـان الشكـر موصول للأخت همسـة .. ~


فـي أمـان الله

[إيمـان]

ههههههههه مسكينه ملوكه .............الله يعنك

[همسة العشاق~]

يسلمو انجل وياسين ع الاجابة

ما ننحرم من تميزكم

[همسة العشاق~]

بانتظار ملوكة

[εïз ملآكـ εïз]

[B][quote=همسة العشاق~;1300632][font="comic sans ms"]




"•° لمـــاذا •°•-

لماذا تعشق الهدوء ... ؟


[size="3"]لانو فيكـ تفكر بطريقهـ اوضح .. و بتروء اسرع .. و لانو مهما كــآنتـ مصيبتك بتبين ازغر و ابسط و حوآليكـ هدوء


- لماذا إخترت إسمك المستعار ... ؟


مــآ بعرف حسيتو حلـــؤؤ


- لماذا إخترت منتدى شباب فلسطين لتنضم إليه ... ؟


من فترهـ كنت بفتش ع شي منتدى فلسطيني اسجلـ فيهـ و صدف اني لقيت هالمنتدى و عجبني


•اين

أين تقضي اجمل وقتك ... ؟


برآ البيتـ ..


- أين تجد راحة البال ... ؟


مـآ بلآقيهـآ بمكــآنـ بلآقيهــآ بس يكونوا حبـآيبي منـآح و مبسوطينـ و حوآلي


- أين تجد نفسك في البيت ... ؟


و انـآ ع النتـ :icon11:


- أين تذهب لو أعطيت إجازة اليوم ... ؟


ع المـــؤلـ ..


•°• مــن •°•

من تقول له انك متكبر من الأعضاء...؟


للأمــآنهـ و لآ حدآ


- من علمته الرماية فرماك ... ؟


اووهـ كتــآر


- من يعجبك من المنتدى (( عضو واحد فقط )) ... ؟


بينكــؤؤ


- من هو صديقك الصدوق ... ؟


خمسهـ مو وحدهـ .. ما بعرفـ مينـ اختــآر


- من أى شئ تغضب ... ؟


لمن مــآ يصير يلي ببــآلي بفور :icon28:


•°• مـتـى •°•-

متى تبكي بحرقه ... ؟


بس اشتــآقـ للغوآلي و مــآ الاقيهم .. و بس حدآ يظلمني


متى تجلس لوحدك ... ؟


بس ادآيقـ و احسـ الدنيــآ ظلآم


- متى تكون أناني ... ؟


لمنـ يكون في شي بدي يــآهـ و حدآ بدو يشــآركني فيهـ بصير هيكـ


"""كيف"""

كيف تعيش يومك ... ؟


بروتينـ ..


كيف ترى حال الأمة اليوم ... ؟



مــآفي كلآم يوصفـ حــآلهـآ


- كيف تنظر لمستقبلك ... ؟


افضلـ من حــآضري .. و رح يتحقق فيهـ كلـ شي تمنيتو و رسمتو بحيــآتي ..



- كيف تنظر للمرأة (( إذا كنت عضو )) ... ؟


نص المجتمع .. كــآئن ضعيف بحــآجهـ لحمــآيهـ الرجلـ بس بنفس الوقت هيــآ الشي الوحيد يلي بعرف كيف يسير الرجلـ


- كيف تنظرين للرجل (( إذا كنتِ عضوة )) ... ؟


اســآس هالمجتمع .. احسن مــآ فيهـ انو عقلو بطغى على عــآطفتو .. و حيــآتو كلهــآ بتدور حوآلينـ المراهـ هع


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟


مــآ بثق فيهــآ اد الصدآقهـ العــآديهـ



- ما هو سر نجاحك في الحياة ... ؟


صلآتي و توكلي ع ربي ..


- ما أجمل مافي الحياة في نظرك... ؟


تبني حيــآتكـ مع الشخص يلي بتحبو ..



- ما هو إسمك الحقيقي كما هو مدون بالبطاقة؟ [ليس اجباري]



مرآم ..



- ما تخصصك في الحياه ...؟


مــآ اللي تخصص


•°• هل •°•

هل أنت عاطفي ... ؟



لأبعد الحدود ..



- هل صدمت بالخيانة من أعز اصدقائك ... ؟


اووهـ ياما انصدمتـ



- هل أنت فوضوي ... ؟



نوعـــأإا ا بس بطلتـ هالكم يوم ابصر مالي صــآيرهـ تزعجني هع



- هل كنت صادقاً في كل ما قلتة ...


100 %



..


يسلمووو ع التوريطهـ يــآسينـ

بكفي انكـ متزكرني ^^

حــآبهـ ورط بعدي ازهــآر فلسطينـ

[همسة العشاق~]

باتظار التكملة ملاك..

[εïз ملآكـ εïз]

ييه وين رآحت اجوبتي

انــآ جــأإأوبت عليهم كلهم

[همسة العشاق~]

معلش عيديهم واختاري عضو بعدك

الله بعينك

[εïз ملآكـ εïз]

رجعت زبطتهم خلص ^^

[همسة العشاق~]

مشكورة ملاك ع الاجابة

بانتظار ازهار

[Yαś]

نورتي أختي مـلاك .. ^ . ^

في انتظار أختي أزهـار .. ~

[صدى الحب]

فكـــرة الموضـــوع حـــلوة ..

بانتـــظار ازهــــار ....

[همسة العشاق~]

يسلمو ع المرور ما ننحرم

[روح الصباح]

يلا بانتظار ازهار

[جاآرة الوادي’’]

يسلمو ملاك

بانتظار ازهار

[εïз ملآكـ εïз]

تسلمولي كلكم ^^

يــلآ ازهــآرو نــآطرينكـ

[إيمـان]

وين العسل ازهااااااااااااااار

[جاآرة الوادي’’]

نادولها ع الاهداءات

[شهيد]

^^

[همسة العشاق~]

Yslamo 3lmror

bantedar azhar

[[ Islam ]]

جيد !..

يعطيكم العافية :)

[أنين الحزن]

يلا بانتظار أزهار

[إيمـان]

نــدأآ!آا1آا1....ءءءءءءءءء ....ازهاااااااااااااااار

[Arabian girl]

ما شاء الله كل هدول صارو متورطين ^^
يلا بانتظار ازهار :)

[أم ريان]

شووووووووووووووووو هوه كل واحد بيورط لازم كل الاعضاء تعملوووو نداء وينك يا ازهار
بندلعها بركي اجت
زوزو وينك يا زوزو

[waяm heaяt]

يآآويلي !


انـــآ متورطهـ هون صآر الي فترة ومآآمعي خبر ..!!



بعتزر من كل الي انتزروني .. ^^


النت كآآن خربآن هل يومين




رآآجعهـ مع الاجوبهـ ان شا اللهـ ^^

[أنين الحزن]

يلا بانتظارك .....:s (43)::s (43):

[جاآرة الوادي’’]

هلااا ازهااار

بانتظارك يا عسل

[waяm heaяt]

سآآمحوني يآآجمآعهـ ع التأخير .. بس مش بايدي واللهـ ^^






"•° لمـــاذا •°•-



لماذا تعشق الهدوء ... ؟

لانهـ بعطيني فرصهـ افكر بالمستئبل .. وأرآآجع حآلي



- لماذا إخترت إسمك المستعار ... ؟


مآآبعرف .. خطر ع بآلي لمآ سجلت

بس مش عآجبني :wacko:



- لماذا إخترت منتدى شباب فلسطين لتنضم إليه ... ؟


لانهـ عجبني .. والي شجعني انو منتدى فلسطيني اسلآمي


•اين




أين تقضي اجمل وقتك ... ؟

بالبيــت


- أين تجد راحة البال ... ؟

بالبيت بردو :icon11:


- أين تجد نفسك في البيت ... ؟

بغرفتي ..


- أين تذهب لو أعطيت إجازة اليوم ... ؟


ع المول ^^



•°• مــن •°•




من تقول له انك متكبر من الأعضاء...؟

ولاحدآآ


- من علمته الرماية فرماك ... ؟

........

- من يعجبك من المنتدى (( عضو واحد فقط )) ... ؟

كتـــآآر .. :icon31:


- من هو صديقك الصدوق ... ؟

أمــ...ــل



- من أى شئ تغضب ... ؟

من اي شي بزعجني



•°• مـتـى •°•-




متى تبكي بحرقه ... ؟

لحظهـ الفرآق .. لمآآ انظلم

متى تجلس لوحدك ... ؟

لمآآ ازعل او احس بالديئ

- متى تقول لا ... ؟

لمآآ الآئي الوئت المنآآسب بحكيهآآ



- متى تكون أناني ... ؟

يمكن لما يصير موقف معين يخليني اتصرف بأنآآنيهـ

مع انو هل صفهـ مش فيني




"""كيف"""




كيف تعيش يومك ... ؟

عآآدي ..


كيف ترى حال الأمة اليوم ... ؟

يطغوهآآ الفسآد .. للأسف



- كيف تنظر لمستقبلك ... ؟

نزرة تفآآئل وامــل .. بتخيلو احلى من الحآآضر


- كيف تنظر للمرأة (( إذا كنت عضو )) ... ؟

.......

- كيف تنظرين للرجل (( إذا كنتِ عضوة )) ... ؟

هو الأب والابن والزوج والاخ .. باختصآآر هو نص المجتمع ^^



"]•°• ما •°•-[




في عصر العولمة الحالي (( ما رأيك في صداقة الإنترنت )) ... ؟

حلوة .. بس بردو لازم الوآآحد يكون حزر منهآآ

ومآيعطي ثقتو لاي حدآآ


- ما هو سر نجاحك في الحياة ... ؟

رضى اللهـ والوآلديــن


- ما أجمل مافي الحياة في نظرك... ؟

انو يكون الوآآحد مع احبآبو ^^


- ما هو إسمك الحقيقي كما هو مدون بالبطاقة؟ [ليس اجباري]

رؤى


- ما تخصصك في الحياه ...؟

طآآلبهـ ^^



•°• هل •°•




هل أنت عاطفي ... ؟

مآآبعرف:icon9: .. اتوقع انو آه


- هل صدمت بالخيانة من أعز اصدقائك ... ؟

ومن أعز صديقهـ


- هل أنت فوضوي ... ؟

لا :showoff:


- هل كنت صادقاً في كل ما قلتة ...

نعم .. ان شا اللهـ :icon31:





بشكر ملوكهـ :icon26: ع اختيآآرهآ الي .. انبسطت اني بالبآآل ^^



وبحب اختآآر بعدي اخي


تحــ البشر ــدوه

[جاآرة الوادي’’]

بانتظار الاخ تحدوه ...!

[الحلوة]

الموضوع كتير حلو وفكرتو احلى..

يعطيكي الف عافيه همسه.. ويسلم هالايادي يارب..:s (43):


ويعطيكي الف عافيه زهورتنا.. نورتي المنطقه..

بانتظار خيو تحدوه

[تحـ البشر ـدوهـ]

اناااا هووووووون

ويلىى حطووووووو اسميييييييييييي ههههههههههه

::

يشمنو خيتو ازهار فلسطين ع الاختيار

وأجوبتك كانت رائعة الله يرضى عنك

::

وان شاء الله بكون قد التوريطة :)

::

هلأ بجاوب ع الأسئلة تكرم عيونكم

بس حطوووووووو اسمييييييييييييييييي هههههه < بمزح

[أنين الحزن]

يلا بانتظار تحــــ البشر ـــــدوه

[جاآرة الوادي’’]

حطولوا اسمو المسكين ... هع :)

[تحـ البشر ـدوهـ]

بإسم الله نبدأ

::

"•° لمـــاذا •°•-



لماذا تعشق الهدوء ... ؟

ومين قلكم اني بعشقة يعني ههههه

الجميل من الطبيعة هو الهدوء .. وشي طبيعي كل انسان بحب جمال الطبيعة

في الهدوء يبدع الانسان .. وبه يحب

في الهدوء تتلاطم الذكريات .. وبها نشعر

في الهدوء اتذكر تلك العيون .. ولها أحن

::

- لماذا إخترت إسمك المستعار ... ؟

اول إسم الي في عالم الإنترنت كان cold zero

لأسباب غريبة شوي ههه غيرته لـ إقلااااع

وبعدين صار لا يقهر ,,, خخخخ اااخ ع ايام المراهقة ههههه

وهلأ تحدوهـ البشر << قال يعني تغير كتير .

::

- لماذا إخترت منتدى شباب فلسطين لتنضم إليه ... ؟

كنت بلف في جوجل .. وكتبت منتديات فلسطين

طلعلي هاد ومقعد الغزازوة وو وو وو جيت اقارن لقيت هاد افضل منهم والحمد لله

::


•اين




أين تقضي اجمل وقتك ... ؟

في البارك تاع الجامعة .. وأحيانا ع النهر .. و انا ع اللابتوب

::

- أين تجد راحة البال ... ؟

وانا جنب جهازي .. ومتل ما قلت فوق

::

- أين تجد نفسك في البيت ... ؟

هو بيتي كله غرفة ودورات مياه هههههه لأنه سكن جامعي

فطبعا ع سريري او ع مكتبي

::

- أين تذهب لو أعطيت إجازة اليوم ... ؟

ع المسنجر .. :)

وممكن ع الشط لو كان مسنجري فاضي

::


•°• مــن •°•




من تقول له انك متكبر من الأعضاء...؟

أسمراني .. haya-jor

::

- من علمته الرماية فرماك ... ؟

صاحب سعودي .. علمته هـ الشغلة وأول واحد جرب فيه ,, هو أنا ههههه بستاهل

::

- من يعجبك من المنتدى (( عضو واحد فقط )) ... ؟

كـ شخصية واحترام واناقة يعني

امممم

Pink Rose

::

- من هو صديقك الصدوق ... ؟

جرح بملامح انسان

شهيد غزة

::

- من أى شئ تغضب ... ؟

لمن حس بظلم وقهر .. :(

::


•°• مـتـى •°•-




متى تبكي بحرقه ... ؟

عند وفاة شخص عزيز علي .. الله يطول بعمر الكل يا رب

::

متى تجلس لوحدك ... ؟

دائماً

::

- متى تقول لا ... ؟

بحب اناقض ناس كتير .. لأنه بعتقد انه من هيك شي بنتعلم

وكمان .. أحياناً بحكيها للشهوات .. الله يقدرنا ان شاء الله

::

- متى تكون أناني ... ؟

لمن يكون الأمر بدهـ أنانيهـ ,, متل غيرتي ع شيئ معين ,, وبصراحة انا اناي في هيك شي ههههه

::


"""كيف"""




كيف تعيش يومك ... ؟

بصحى من النوم ع الايميل .. باطلع اكل .. برجع ع الايميل .. بدرس .. ع النت .. بدري .. ع الايميل .. بطلع اكل .. برجع ع الايميل .. بدرس .. بنام .. ( طبعا هاي مو متضمنة عباداتي )

::

كيف ترى حال الأمة اليوم ... ؟

يببكًّي .. وكأنك سألتيني عن حال طفل تايه في نص صحراء

::

- كيف تنظر لمستقبلك ... ؟

نظرة أمل ,, وتفاؤل ,, إن شاء الله

::

- كيف تنظر للمرأة (( إذا كنت عضو )) ... ؟

مخلوق عبد لله جل وعلى .. له كرامته ومشاعره الواحب احترامها

انسان ديني قدَّرهـ واعتبرهـ ك جوهرهـ لازم نصونها ,, وبالتالي راح احترم هالشي ان شاء الله

وطبعا هي الأم والأخت والصاحبة ( الزوجة ) .. هي الخالة والعمه والجدهـ .. هي نصف هذا المجتمع

::


"]•°• ما •°•-[


في عصر العولمة الحالي (( ما رأيك في صداقة الإنترنت )) ... ؟

ك أي صداقة خارج الإنترنت ,, ومتل ما حكيتي انه نحنا بعصر العولمة ,, ف بالتالي لازم نكون حذرين برا النت او فيهـ

::

- ما هو سر نجاحك في الحياة ... ؟

تقوى الله .. ومخافته ورضى الوالدين .. والله يقدرنا

ثم يأتي التخطيط السليم للمستقبل .. والله يوفقنا وياكم يا رب

::

- ما أجمل مافي الحياة في نظرك... ؟

سلام على الدنيا اذا لم يكن بها .. صديق صدوق صادق الوعد منصفا

وبزيدهـ لهالشعر بيت وبحكي

وسلام عليها اذا لم يكن بها .. حبيب قريب عن القلب سائلا

::

- ما هو إسمك الحقيقي كما هو مدون بالبطاقة؟ [ليس اجباري]

محمد

::

- ما تخصصك في الحياه ...؟

طالب في جامعة وينجو للطب .. الصين

::



•°• هل •°•




هل أنت عاطفي ... ؟

العاطفة برأيي .. هي طيبة القلب

وطيبتي .. أكبر همومي

::


- هل صدمت بالخيانة من أعز اصدقائك ... ؟

أصدقاء .. نعم

::

- هل أنت فوضوي ... ؟

برأيي ,, بعض المواقف بتحتاج منا اظهار بعض الفوضوية ,, لكن عادتي ,, الحمد لله مو فوضوي

::


- هل كنت صادقاً في كل ما قلتة ... ؟

نعم ,, والله لم أجامل أحد ,, بل كنت صريحاً بإذن الله

::

شكرا يا كاتبة الموضوع ربي ما يحرمنا منك خيتي

::

بختار بعدي ,, اممممم

خيتو

sweet soul

لو مختارينها

ف بيكون

الأخ شهيد غزة

::

هذا والله أعلم والسلام عليكم ورحمة الله وبركاته

::

مؤيد محمد

[waяm heaяt]

حلوة اجوبتكـ خيوو ..

يعطيكـ الـ ع ــآآفيهـ يارب ^^



نآآطرينكـ سويتي ~

[أنين الحزن]

أجوبتك كتيــــــــــر حلوه أخي تحـــــ البشر ــــدوه
يلا بانتظار سويت سول

[همسة العشاق~]

مشكورة ازهار ع الاجابة

[همسة العشاق~]

مشكور خيو تحدوه ع الاجابة

[همسة العشاق~]

مشكورين ع المرور الرائع

[sweet soul]

اوه انا هون والله هلا لنتبهت ليش ماغيرتو الاسم فوء :icon9:

ok anyway sry

=)

لماذا تعشق الهدوء ... ؟

الهدوء بحبو كتير

بس بألمني كتير

بتزكر كتير شغلات بهرب منها طول الوئت

ولما اكون لحالي وبهدوء بتزكرها ع طول

بس مافي احلى من الهدوء ..~

- لماذا إخترت إسمك المستعار ... ؟

كان بالـ 2007 يعبر عني وئتها لهيك اخترتو

بس هلا with out soul بشوفو انسب :icon31:
- لماذا إخترت منتدى شباب فلسطين لتنضم إليه ... ؟

لانو اول منتدى عرفتو وسجلت فيه حبيت اكون بمكان فيه فلسطينيين ^^





أين تقضي اجمل وقتك ... ؟

with someone

:)

- أين تجد راحة البال ... ؟

راحه البال مالئتها لسا


- أين تجد نفسك في البيت ... ؟

بغرفتي

ولاب توبي معي ^^

- أين تذهب لو أعطيت إجازة اليوم ... ؟

عل البحر

ازا اسافر ع غزه على طوووووووووووووووووووووول !
•°• مــن •°•




من تقول له انك متكبر من الأعضاء...؟

مممممم مافي ع بالي حدا هلا

- من علمته الرماية فرماك ... ؟


ههههههه وحدة هبولة ^^

كانت معي بالمدرسة ..

- من يعجبك من المنتدى (( عضو واحد فقط )) ... ؟


ممممممم

الئلب الطيب

:)
- من هو صديقك الصدوق ... ؟

أســـــــــــراء صاحبيتي من 11 سنة وع طول انشاله ^^



- من أى شئ تغضب ... ؟

من كتره الحكي والظلم



•°• مـتـى •°•-




متى تبكي بحرقه ... ؟

لما القدر يحكم عليك تترك الشي الي عايش عشانو ..~

متى تجلس لوحدك ... ؟


كتيــــــــــــــــــــــــــــــــ ر .. دايماً


..!



- متى تقول لا ... ؟

لما هل الكلمه ييجي وئتها بحكيها ^^

- متى تكون أناني ... ؟

بس اكون مع هل الحدا

مابصير مكان ل اي حدا غيرنا

بصير انا وبس ^^

بس طبيعتي مش انانيه




"""كيف"""




كيف تعيش يومك ... ؟

متل هل العالم

ببكي

بنام

بدرس

باكل

وبشرب

بعبد ربنا

طبيعية ماتخافو

p: !!

كيف ترى حال الأمة اليوم ... ؟

ظلم + فساد + ترف + ومع انو عصر التكنو بس انا بشوفها عم ترجع لورا ..جهل :icon8:



- كيف تنظر لمستقبلك ... ؟

بحااااااول

اتفائل

- كيف تنظر للمرأة (( إذا كنت عضو )) ... ؟

.......

- كيف تنظرين للرجل (( إذا كنتِ عضوة )) ... ؟

الرجل ممممم

بحكم عئلو وبخلي ئلبو ع جنب

بتكون المراءة جزء من حياتو

بالمقابل المراة بصير الرجل كل شي وكل ماتملك ..!
"]•°• ما •°•-[




في عصر العولمة الحالي (( ما رأيك في صداقة الإنترنت )) ... ؟


منيحه ... صار معي موقف عرفت انو صاحبات النت احسن واصدق بكتير من الواقع !


وطبعا مش اي حدا بستاهل يتصاحب

يعني لازم الحزر

- ما هو سر نجاحك في الحياة ... ؟

لسا ماحققت شي بستحق هل الكلمة !

انشاله بالمستقبل


- ما أجمل مافي الحياة في نظرك... ؟

الصداقه

الامن

الحب

..
- ما هو إسمك الحقيقي كما هو مدون بالبطاقة؟ [ليس اجباري]

تماضر

toto ^^

- ما تخصصك في الحياه ...؟

طآآلبهـ

•°• هل •°•




هل أنت عاطفي ... ؟

لـ ابعد حدود ..


- هل صدمت بالخيانة من أعز اصدقائك ... ؟

هيك شي

لانها مش اعز صديقه بس صديقه ^^


- هل أنت فوضوي ... ؟

لا ابدا


- هل كنت صادقاً في كل ما قلتة ...

اه والله


يسلمو كتير خيو تحدوه :)

ولصاحبه الموضوع :s (43):

بدي اختار مممممممم

انتهينا ازا اختاروها

rose
:s (43):

[أســـآمـة]

يعطيكمـ،، ألفــ،، عافيهـ،،

و بانتظار روز~

[[ Islam ]]

تسلمي سويت سول .,

مسافة ما اجاوب على الاسئلة ^.^

[[ Islam ]]

لماذا تعشق الهدوء ... ؟

مممم !

لانه بكون في بعيدة عن الناس

وبعيدة عن مشاكلهم

بكون فيه بحالي ولحالي

- لماذا إخترت إسمك المستعار ... ؟

كنت بالأول !BIR! بعدين لانه كتير الاعضاء ما كانوا عارفين شو يعني

واتهموني بالغموض من وراه :icon11:

غيرته لـ Rose .. ما اخترته لشي يعني مجرد انه خطر ببالي ^^

بس مش حباه بالمرة :wacko:

- لماذا إخترت منتدى شباب فلسطين لتنضم إليه ... ؟

ممممممم !

لأنه مش عارفة .. :icon15:

أو عارفة وبديش احكي .. :icon15:

أين تقضي اجمل وقتك ... ؟

ممممم !

بالبيت .. وغالبا قدام الكمبيوتر و ممم وبس اكون لحالي

و... خلص :wacko:

- أين تجد راحة البال ... ؟

اذا القصد مكان فما في مكان بلاقي فيه راحة البال .,

بس بيكون مرتاح بالي لما الوالدة تكون مبسوطة ومرتاحة :icon26:

- أين تجد نفسك في البيت ... ؟

في غرفتي .,

- أين تذهب لو أعطيت إجازة اليوم ... ؟

البحـــــــــــــــــــــــر :icon26::icon26:

•°• مــن •°•

من تقول له انك متكبر من الأعضاء...؟

مممم .. مش رح احكي :icon11:

- من علمته الرماية فرماك ... ؟

ولا حد ..

- من يعجبك من المنتدى (( عضو واحد فقط )) ... ؟

ما هيناز ., :icon26:

- من هو صديقك الصدوق ... ؟

رنا :icon26:

- من أى شئ تغضب ... ؟

من كتير اشياء !!

لما حد يستفزني وازا اللي قدامي بقعد بحكي بالالغاز

وووو ... اشياء كسيرة

•°• مـتـى •°•-

متى تبكي بحرقه ... ؟

بتوقع لما شخص عزيز على قلبي يفارق الحياة

لانه لما استشهد اخوي كانت الدموع تحرق خدي ولحد هلأ :icon5:

متى تجلس لوحدك ... ؟

بأغلب الاوقات

- متى تقول لا ... ؟

على قولت اسامة لما ما احكي نعم :showoff:

- متى تكون أناني ... ؟

بطبيعتي مش انانية .,

"""كيف"""

كيف تعيش يومك ... ؟

حياتي كلها روتين×روتين

ما فيها شي مميز !

كيف ترى حال الأمة اليوم ... ؟

ببكّي .!

- كيف تنظر لمستقبلك ... ؟

متفائلة فيه .,

- كيف تنظرين للرجل (( إذا كنتِ عضوة )) ... ؟

مممممم

مش عارفة :icon11::icon11:

بس اكتر شي بيعجبني بالرجل انه دايما بحكّم عقله قبل قلبه

اصلا قلبه ما بيلزمه كتير :icon11:

"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟

رنا .. صديقة نت !

بس بعد رنا مش كتير بوثق فيهم !

- ما هو سر نجاحك في الحياة ... ؟

توفيق من الله عزوجل

ودعوات الوالدة :icon26:

- ما أجمل مافي الحياة في نظرك... ؟

حنان الام .. ^^

- ما هو إسمك الحقيقي كما هو مدون بالبطاقة؟ [ليس اجباري]

Islam

- ما تخصصك في الحياه ...؟

طآآلبهـ

•°• هل •°•

هل أنت عاطفي ... ؟

بحكم اني انثى اكيد عاطفية :icon31:

بس مش لابعد للحدود ولا درجة الجنون يعني درجة معقولة .,!

- هل صدمت بالخيانة من أعز اصدقائك ... ؟

لأ

- هل أنت فوضوي ... ؟

مش دايما

- هل كنت صادقاً في كل ما قلتة ...

نعم .. والله على ما اقول شهيد :icon31:

:s (43):

[[ Islam ]]

بختار فلسطينية والراس مرفوع

: )

[waяm heaяt]

يعطيكم الـ ع ــآآفيهـ حبوبآتي روز وسويت


اجوبتكـم حلوة متلكـم ..^^




بانتزآآر فلسطينيهـ

[Arabian girl]

دودو مورطة :icon26:
يا اهلا وسهلا
بانتزارك فلافل:icon26: :icon26:

[فلسطينيه والراس مرفوع]

بختار فلسطينية والراس مرفوع

: )


:icon26:

ركــد جايــه :icon11:

[فلسطينيه والراس مرفوع]

دودو مورطة :icon26:
يا اهلا وسهلا
بانتزارك فلافل:icon26: :icon26:

:icon26::icon26::icon26:

[فلسطينيه والراس مرفوع]

يسلمـــو للي لصــآحبة الموضوع :icon26:

وللي اختـــآرتني :icon26:

وللــي استنونــي :icon26:

وللي نــآدوني :icon11: .. :icon26:

يلا نبــد بالأجوبــة :showoff:

"•° لمـــاذا •°•-

لماذا تعشق الهدوء ... ؟
ممممم .. لأنو بخلي الوآحد ايفكر بروآق .. خلوة مع النفــس يعني .. أو انو بريح الإنســآن .. بعكس الضجيج .. :showoff:

- لماذا إخترت إسمك المستعار ... ؟
ليش يعني .. من انتمــآئي لحبيبتي فلسطيــن :icon26:
يعني ما بشوف اشي افتخـر فيه اكتر من كوني فلسطينيــة :icon31:

- لماذا إخترت منتدى شباب فلسطين لتنضم إليه ... ؟
حبيتــه من أول ما دخلت عليه قبل ما اكون عضـــوة فيــه .. فلسطيني .. وشفت من بعيد لبعيد أعضائه حباابين .. عجبني وسجلت فيـه :icon26:


•اين•

أين تقضي اجمل وقتك ... ؟
وأنا بفكـر لحالي .. او انا وخواتي التنتين :icon26:

- أين تجد راحة البال ... ؟
بردو وأنا لحــآلي .. ما برتاح غير مع حالي ومـع هالحــدآ :icon26:

- أين تجد نفسك في البيت ... ؟
مممم .. فرد من أفرآد العيلــة .. مش هالظهور يعني او التميز بين اخوتي :showoff:
بس بحس حالي بعمل جو أكشن غير ..

- أين تذهب لو أعطيت إجازة اليوم ... ؟
ممممم ..بروح على أي مكااان غير جنيــن :b:


•°• مــن •°•

من تقول له انك متكبر من الأعضاء...؟
مممم .. ما بشوف حدا متكبــر .. بس خلينا نحكي الصرآحــة .. مرات .. مرات يعني بحس محمود مديرنــآ .. متكبــر .. :s ..

- من علمته الرماية فرماك ... ؟
ههههههه ولا حدآ لهلأ :icon11:

- من يعجبك من المنتدى (( عضو واحد فقط )) ... ؟
مممممم .. كتـآر واللهـ ..أنيــن وحدة من الكتـآر :icon26:

- من هو صديقك الصدوق ... ؟
للأســف .. عندي الأصدقــآء الصدوقيـن منقرضيــن :b:
فـش حدآ
ع النت روان فلسطيـن :icon26: بس بالوآقع نو ون :showoff:

- من أى شئ تغضب ... ؟
من كلشي تقريبــآ :icon11:
انا ما بعصب اكتير .. بالمناسبات بس .. من نــآس .. في اكتير بتدايئ من حركــآت .. أو مواقف وتصرفات بتنرفـز .. يعني اكتر اشي بخليني اعصــب .. لما ايرن الموبايل للتنبيه وانا نايمة الصبــح :icon7:

•°• مـتـى •°•-

متى تبكي بحرقه ... ؟
لما حـدآ يجرحني :icon5: .. أو ضميري ايعزبني عشان حــدآ .. او اندم ع موقف اعملتــه :icon5:
او انقهـر :icon5:

متى تجلس لوحدك ... ؟
لما اكون زعلانــة .. وحاسة حالي مخنوقة .. لما ما اطيق اشوف بشــر.. او لما ايكون موضوع بدو تفكير وبخصني انا :showoff:

- متى تقول لا ... ؟
لما ايكون مطلوب مني اعمل اشي اجبــآري ومش بارداتي :matrix:

- متى تكون أناني ... ؟
ممممممم .. الا هــآي .. مش عندي :b:
ما بعــرف .. :showoff:

"""كيف"""

كيف تعيش يومك ... ؟
مــلل وزهــق ونوم وأكل ونت ونكــد .. من الآخر يعني :showoff:

كيف ترى حال الأمة اليوم ... ؟
يييي .. اللهـ يعين .. مــأســآوي .. وكل مالها للأســوأ :showoff:

- كيف تنظر لمستقبلك ... ؟
بخــوف .. مممم أحيانا نظرة تفاؤل وأحيانا تشــآؤم
حسب مزآجي .. بس انشالله خيــر :showoff:.. ما بحب افكر اكتير فيـه .. شغلة بتتعب هاي:showoff:

- كيف تنظرين للرجل (( إذا كنتِ عضوة )) ... ؟
مممممممم .. النـص التاني .. ما في غنى عنو بالنسبة للمرأة وأحيانا .. بكون سبب نكبــآتها :showoff:.. ولو اني بكرهـ جنس آدم :icon11:
بس هاد ما بمنع انـي احكي وجهة نظري الحقيقية فيـه ..


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
ممممممم .. يمكن تكون حقيقية .. حسب الطرف التاني يعني .. بس اكيد ما بتغني عن صداقة الوآقــع .. ولا بتعادل 20% منهــآ ..
بتنتهي بس ايكون الواحد أونلاين وايسير أوفلاين بعدهــآ :showoff:

- ما هو سر نجاحك في الحياة ... ؟
ميــن قال اني نــآجحــة ! :showoff:
يمــكن شخصيتي .. مممم فيي صفــآت بشوف انها مش موجودة بغيري امخليتني انجـح بحياتي او بتعاملي مع النــآس ..

- ما أجمل مافي الحياة في نظرك... ؟
The Real Love :icon26:

- ما هو إسمك الحقيقي كما هو مدون بالبطاقة؟ [ليس اجباري]
ههههههههه فلفــولــة :icon11:

- ما تخصصك في الحياه ...؟
ممممممم .. أعمل قهوة

•°• هل •°•

هل أنت عاطفي ... ؟
اكتيـــــــــــــــر :wacko:

- هل صدمت بالخيانة من أعز اصدقائك ... ؟
مممممممم .. خيانة ع الخفيــف مش مركزة يعني :showoff:

- هل أنت فوضوي ... ؟
لأ هــآدية .. بس الي فيعــآت فوضويــة :icon11:

- هل كنت صادقاً في كل ما قلتة ...
آهـ واللهـ .. ربي يشهـد عليي .. :showoff:

الأسئلــة حلوة وآيـــد وآيــد :showoff:

بس في منها ما عرفت أجاوبها منيح :wacko:

ما ننحرم .. توريطــة عســـل :s (43):

ممممم بدي أورط بعــدي رورو :icon26:

أو arabian Girl :icon26:

[Yαś]

نورتي أختـي فلسطينية ..

الله يسـعدك .. ~


فـي انتظار أختي روان ..

[أســـآمـة]

يعطيكي العافيه

بانتظار روان

[روان فلسطين]

انا هوووون وصلت

سأجاوب على الاسئله


فاصل وونواصل

ميرسي فلالف الموضوووع حلوع التوريطه

[روان فلسطين]

"•° لمـــاذا •°•-

لماذا تعشق الهدوء ... ؟
ممم.. بيرخي الاعصاب وبيساعدنا نستعيد نشاطنا ونروق الازعاج بيوتر كتير

- لماذا إخترت إسمك المستعار ... ؟
لاني بسجل بمنتديات كتير .. فبوحد الاسم مشان اتزكرو هههه

- لماذا إخترت منتدى شباب فلسطين لتنضم إليه ... ؟
ممم.. صدفففففففه .. وبعدها الجو عجبني وبطلت اعيش بلاه




•اين•

أين تقضي اجمل وقتك ... ؟
وأنا ع سريري .. ع طووول بقرا وبفكر وبيكون هدوء وبكون لحالي وما في وراي شي

- أين تجد راحة البال ... ؟
لما اكون مخلصه كل واجباتي تجاه ربي واسرتي .. ولما احس اني ساعدت اي بني ادم

- أين تجد نفسك في البيت ... ؟
مممم .الكبيره .. المهمه ... ايلي الكل بيفخر فيها .. وبيلجئ الها .. وبيستشيرها وبثق فيها





- أين تذهب لو أعطيت إجازة اليوم ... ؟
مممم ... ع البحر .. او ع مكان جبلي فيو تليفريك يا رييييييييييييييت


•°• مــن •°•

من تقول له انك متكبر من الأعضاء...؟
مممم .. كنك بتقوليلي مع مين حابه تعلقي من الاعضاء هههههه.. ع سلامتهم اعضائنا .. بس الكل بلحظه بيبن مغرور وهاد ما بيعكسو هو


- من علمته الرماية فرماك ... ؟
اااااااااااااااااااااااااخ فعلا جبتيها .. بالزبط هاي هيي الكلمه .. الله يسامحها يا رب

- من يعجبك من المنتدى (( عضو واحد فقط )) ... ؟
مممممم .. كتـآر واللهـ ..اكتر من عدد شعرات راسي

- من هو صديقك الصدوق ... ؟

بصراحه عندي اربعه وهدول الاربعه بسلمهم رووووووووحي ع كفهم

(( عين فلسطين & صاحبيتي فاطمه & لمى &مروه ))

وطبعا بالنت كتير بتاقبلي بس المشكله انو علاقات النت بالغصب بتختلف من فتره لفتره




- من أى شئ تغضب ...
الفوضى .. الازعاج ... الازمه ... الوقاحه ... الشمس ....الغباء والتفاهه ... وكم شغله هيك ههه



•°• مـتـى •°•-

متى تبكي بحرقه ... ؟
لما اشعر انو شي بدي اياه يصير مو ممكن يصير .. كل ليله باختبارات التوجيهي .. ولما اشعر انو في انسان مظلوم او مكروب وما قدرت اساعده وخاصه ازا من اصحابي ببكي بحرقه كبيره


متى تجلس لوحدك ... ؟
لما ما يكون عندي حد


- متى تقول لا ... ؟
لكتييييييييييييييييييييييييييير اشياااااا

- متى تكون أناني ... ؟
بصاقاتي .. لما يكون عندي صديقه بحبها كتير .. ما بطئ اسمع انها مع حد غيري ابدا ابدا او تحكيلي عن صاحبه من صاحباتها

"""كيف"""

كيف تعيش يومك ... ؟
مــديني وخلقي ومحبتي للعالم .. وع طووووول مرووووووقه

كيف ترى حال الأمة اليوم ... ؟
نص نص فيها الخير وفيها السوء ولكن الخير فيييوفي امتي الى يوم الدين

- كيف تنظر لمستقبلك ... ؟
بخــوف شدييييييييييييييييييييييييييييييييي ييييييييييييييد رعب اصلا .. كني فايته مدبحه مو جامعه


- كيف تنظرين للرجل (( إذا كنتِ عضوة )) ... ؟
مممممممم .. عادي بعيوني هههههه
لا يعني ما في نظره معينه


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
ممممممم .. ضروريه .. وحلوه .. ومهمه وبتعرفك ع ناس فعلا بتحبيهم وبتعيش معهم

وانا بعتبرها من اهم الصداقات


- ما هو سر نجاحك في الحياة ... ؟
ما حد بيقدر يحكم ع حالو انو ناجح ولا بيكون غرور

بس لو في نسبه نجاح بتكون بسبب طيبتي مع الناس
لانو متل ما بعاملهم ربي بيعطيني مين يعاملني بالاحسن

وكمان ثقتي العاليه بالله عز وجل



- ما أجمل مافي الحياة في نظرك... ؟
الصداقه ... والاسلام

- ما هو إسمك الحقيقي كما هو مدون بالبطاقة؟ [ليس اجباري]
ههههههههه اليوووووم طلعت الهويه

اسمي (لاوان خالد محمد عبدالله ال *****))


- ما تخصصك في الحياه ...؟
اكون مصدر فرح وثقه وراحه لكل من حولي

•°• هل •°•

هل أنت عاطفي ... ؟
اووووووووووووووووووووووووووه عدي تتعدي

- هل صدمت بالخيانة من أعز اصدقائك ... ؟
لا الحمد لله

- هل أنت فوضوي ... ؟
يعني نص نص احيانا اه واحيانا لا

- هل كنت صادقاً في كل ما قلتة ...
الحمد لله


اختاااااار بعدي

فتفووته

وازا حد اختارها

اختااار زيتونه

وازا ما اجت اختااار
كول جيرل

[Pink Rose]

حلوين والله اجوبتكمـ . .

ما شاء الله عليكمـ . .

متابعه انا ^^

يعطيكمـ الف عافية :)

[الحلوة]

يعطيكي الف عافيه روانو استمتعت كتير باجوبتك.. :ShababSmile240::ShababSmile240:

بانتظار الي بعدك..

[أم ريان]

شووووو متىانا بدي اتورط

[شهيد]

^^

جميل جداً

[الفتاة المشرقة]

مشكوره روان على التوريطه

اجاوب ولا انتظر تغير الاسم ؟؟

[الفتاة المشرقة]

السلام عليكم ورحمة الله وبركاته

نبدأ على بركه الله,,


"•° لمـــاذا •°•-

لماذا تعشق الهدوء ... ؟
اجد فيه راحتي ,,

- لماذا إخترت إسمك المستعار ... ؟
اول شي حلوو,, تاني شي لانو اول ايميل الي كان اسمو هيك

- لماذا إخترت منتدى شباب فلسطين لتنضم إليه ... ؟
انا ما اخترتو سألت بنت عمي وهي دلتني عليه وعجبني كثير وكان اول منتدى بشارك فيه


•اين

أين تقضي اجمل وقتك ... ؟
اممم عند الشجره ^^

- أين تجد راحة البال ... ؟
وقت الغروب ^^

- أين تجد نفسك في البيت ... ؟
على النت

- أين تذهب لو أعطيت إجازة اليوم ... ؟
اممم على اي منتزه

•°• مــن •°•

من تقول له انك متكبر من الأعضاء...؟
ما في ان شاء الله

- من علمته الرماية فرماك ... ؟
اممم ما في

- من يعجبك من المنتدى (( عضو واحد فقط )) ... ؟
احراج كلهم خير وبركه

- من هو صديقك الصدوق ... ؟
اخواتي في الله (صديقتان مو وحده)

- من أى شئ تغضب ... ؟
امم انا سريعه الغضب : ( يعني بعصب بسرعه

•°• مـتـى •°•-

متى تبكي بحرقه ... ؟
لما اكون تعبانه :ShababSmile223:

متى تجلس لوحدك ... ؟
اغلب الاوقات

- متى تقول لا ... ؟
لشيئ لا يعجبني او اي شيئ لا ارضى عنه

- متى تكون أناني ... ؟
في القعده على النت كثير انانيه :ShababSmile108:

"""كيف"""

كيف تعيش يومك ... ؟
روتين

كيف ترى حال الأمة اليوم ... ؟
الله يهيدها ولكن في خير

- كيف تنظر لمستقبلك ... ؟
بترقب وخوف


- كيف تنظرين للرجل (( إذا كنتِ عضوة )) ... ؟
من عده جهات عشان هيك اكتفي بالصمت :ShababSmile224:

"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
والله انا كثير عندي صديقات على النت بس الواحد بكون حذر نوعا ما

- ما هو سر نجاحك في الحياة ... ؟
توكلي على ربي

- ما أجمل مافي الحياة في نظرك... ؟
الاخوه
- ما هو إسمك الحقيقي كما هو مدون بالبطاقة؟ [ليس اجباري]
:ShababSmile229:

- ما تخصصك في الحياه ...؟

•°• هل •°•

هل أنت عاطفي ... ؟
جدا:ShababSmile223:
- هل صدمت بالخيانة من أعز اصدقائك ... ؟
لا
- هل أنت فوضوي ... ؟
لالا بكره الفوضى

- هل كنت صادقاً في كل ما قلتة ...
الحمد لله




بختار امممم

تحدوه البشر اذا ما اخترتوو

واذا تم اختياروا بترك المجال لكم

[Pink Rose]

حلوين اجوبتك يا قمر . .

يعطيكي العافية :)

[الفتاة المشرقة]

الله يعافيكِ يارب

مشكوره

[شهيد]

تم اختياره لتحدوه !

أنزر وان

[فلســ الحبيبة ــطين]

فكرة حلوة يلا بستنا عبين ما اتورط

[الفتاة المشرقة]

طيب بنك روووووز

[Yαś]

^ . ^

منـورين ..

[Pink Rose]

تسلميلي حبيبتي ..

شكرا على اختياري ..

ثواني وراجعه اجاوب ^^

[*cool cat*]

ok

[Pink Rose]

http://rooosana.ps/Down.php?d=vJcU4

"•° لمـــاذا •°•-

لماذا تعشق الهدوء ... ؟

فيه الراحة والقدره على التفكير . . هدوء للنفس والروح :)

- لماذا إخترت إسمك المستعار ... ؟

لاني بحب كتير الورد وبحب اللون البينك وبحب البينك روز ^^

وحسيته اسم ناعم وهادي :ShababSmile229:

- لماذا إخترت منتدى شباب فلسطين لتنضم إليه ... ؟

عجبني روح الاعضاء اللي فيه وعنجد لقيت فيه عيلة رائعة بكل معنى الكلمه ..

http://www.shabab.ps/vb/images/icons/Shabab6.gif

• اين

أين تقضي اجمل وقتك ... ؟

مع قرايبي .. وقت النوم .. وعالنت اوقات ^^

- أين تجد راحة البال ... ؟

بين عيلتي والناس اللي بحبهم :ShababSmile10:

- أين تجد نفسك في البيت ... ؟

في كل مكان :ShababSmile222: ما بيستغنوا عني هههههههه

- أين تذهب لو أعطيت إجازة اليوم ... ؟

عالبحر .. هاد لو كان قريب منا :ShababSmile223:

http://www.shabab.ps/vb/images/icons/Shabab6.gif

•°• مــن •°•

من تقول له انك متكبر من الأعضاء...؟

ما في حدا معين .. او خلينا نقول ما في حدا متكبر علي :)

- من علمته الرماية فرماك ... ؟

اختي سوسو :icon11: بالفوتوشوب بس ههههههههه

- من يعجبك من المنتدى (( عضو واحد فقط )) ... ؟

كتار والله ما فيني احكي اسم واحد بس ..

- من هو صديقك الصدوق ... ؟

ماما :icon26: اختي ..

- من أى شئ تغضب ... ؟

الغباء .. الكزب .. :ang59:


http://www.shabab.ps/vb/images/icons/Shabab6.gif

•°• مـتـى •°•-

متى تبكي بحرقه ... ؟

لما انظلم :ShababSmile223:

متى تجلس لوحدك ... ؟

لما اكون متدايقه او معصبه .. ما بحب احكي مع حدا بهيك اوقات ..

- متى تقول لا ... ؟

لو حدا بده يجبرني على شي من غير ما اقتنع فيه :ShababSmile108:

- متى تكون أناني ... ؟

لما اللي اتعامل معه يكون اناني .. بسير انانيه معه انا كمان :)

http://www.shabab.ps/vb/images/icons/Shabab6.gif

"""كيف"""

كيف تعيش يومك ... ؟

هالايام .. مشغولة بالتسجيل للكليه

باقي الوقت عالنت او عالتلفزيون او بالمشي

او بروح زيارة عند بنت عمي ^^

كيف ترى حال الأمة اليوم ... ؟

مؤسف بكل معنى الكلمه !! الله يصلح الحال يا رب ..

- كيف تنظر لمستقبلك ... ؟

هاد اللي مو قادرة اتخيله :ShababSmile11: امنية حياتي اعرف شو حيسير معي بالمستقبل :ShababSmile11:

- كيف تنظرين للرجل (( إذا كنتِ عضوة )) ... ؟

اساس المجتمع .. بقدره بمعنى الكلمة لما يبقى رجل بمعنى الكلمة :)

http://www.shabab.ps/vb/images/icons/Shabab6.gif

"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟

معاها :ShababSmile224: بتساعد كتير الاشخاص اللي صعب يكونوا صداقات بحياتهم العمليه ..

- ما هو سر نجاحك في الحياة ... ؟

لهلأ ما في هالنجاح اللي بيستاهل ينزكر ^^

عمري زغير ما عملت شي لسه :ShababSmile221: فما بعرف سر الحقيقه ..

- ما أجمل مافي الحياة في نظرك... ؟

الصدق :(

- ما هو إسمك الحقيقي كما هو مدون بالبطاقة؟ [ليس اجباري]

اقول ولا لأ :ShababSmile290: خليها حسب رغبة الجمهور ..

ازا بدكم احكيه بحكيه .. ازا ما بهمكم خليه معلومة مشفرة :ShababSmile221:

- ما تخصصك في الحياه ...؟

تخصصي انظلم من العالم !! :ShababSmile223:

http://www.shabab.ps/vb/images/icons/Shabab6.gif

•°• هل •°•

هل أنت عاطفي ... ؟

كتير :ShababSmile183: وهالشي بسببلي مشاكل اوقات :(

- هل صدمت بالخيانة من أعز اصدقائك ... ؟

لا الحمد لله ..

- هل أنت فوضوي ... ؟

ابداً .. ما بحب الفوضى نهائياً .. بتنرفزني :ShababSmile263:

- هل كنت صادقاً في كل ما قلتة ...

ان شاء الله صادقه :ShababSmile338:

http://www.shabab.ps/vb/images/icons/Shabab6.gif

حلوين الاسئلة كتير ..

خلصت بسرعه كان بدي اسئلة اكتر :ShababSmile221:

يسلمو كمان مرة لـ الفتاة المشرقة على اختياري ..

وشكرا لصاحبة الموضوع :)

:ShababSmile303:

http://rooosana.ps/Down.php?d=vJcU4

[εïз ملآكـ εïз]

كالعـآدهـ رآئعة حتى باجوبتك

انا عندي فضولـ قـآتلني لاعرف اسمكـ

لآزم تقوليلي ههههههههههههههه

نــآطرينـ الي بعدكـ

[فلسطينيه والراس مرفوع]

بنـــوكة :ShababSmile221:

انا بحكــي اسمـــك :ShababSmile221:

ههههههههههه ..

منورة :ShababSmile224:

[Pink Rose]

كالعـآدهـ رآئعة حتى باجوبتك

انا عندي فضولـ قـآتلني لاعرف اسمكـ

لآزم تقوليلي ههههههههههههههه

نــآطرينـ الي بعدكـ

حبيبتي انتي الرائعة والله :ShababSmile229:

بحاكيكي ع الايميل وبقولك اسمي :ShababSmile116:

تسلميلي .. ما ننحرم هالطلة :ShababSmile224:

[Pink Rose]

بنـــوكة :ShababSmile221:

انا بحكــي اسمـــك :ShababSmile221:

ههههههههههه ..

منورة :ShababSmile224:

وانا بحكي اسمك :ShababSmile222:

هههههههه

حبيبة قلبي منورة بوجودك :ShababSmile116:

[شهيد]

!

فش خط أغمق شوي عندك :d

يلا ع اللي بعده !

[الاماني الفلسطنية]

ههههههه وانا بحكي اساميكو انتو التنتين :p

[Pink Rose]

!

فش خط أغمق شوي عندك :d

يلا ع اللي بعده !



ههههههههههههههه

عندي بينشافوا ^^

يمكن الشاشة عندك الوانها فاتحه :ShababSmile222:

عالعموم هلأ بغيره

تكـــرم :ShababSmile191:

[Pink Rose]

ههههههه وانا بحكي اساميكو انتو التنتين :p

هووووووووووس :ShababSmile233:

ههههههههههههههه

منورة حبيبتي :ShababSmile229:

[شهيد]

ههههههههههههههه

عندي بينشافوا ^^

يمكن الشاشة عندك الوانها فاتحه :ShababSmile222:

عالعموم هلأ بغيره

تكـــرم :ShababSmile191:

:ShababSmile240: :ShababSmile221:

[Pink Rose]

بختار بعدي { الاماني الفلسطينية }

[تحـ البشر ـدوهـ]

يعطيكي العافية

ويلى يا خيتو اماني

نورينا

[أســـآمـة]

يعطيك العافيه بينك روز~

بانتظار الأماني الفلسطينيه~|

[waяm heaяt]

اجوبتكـ بتجنن يآآئمر ،،

واسمكـ بعرفوو ^^




بانتزآآر امون الحبوب ^^

[الزعيم المدريدي]

يعطيكِ العافية أختي

وأجوبتك صريحة و جميلة

بانتظار الأماني

[الاماني الفلسطنية]

ممممم ماشي يا بنوكة هيك لئطيني :@


بتعرفي انو انا ببعد قدر الامكان عن المواضيع اللي فيها تحئيئ ,,


يلا ان شالله الي رجعه عما قريب ^^

[فلسطينيه والراس مرفوع]

ممممم ماشي يا بنوكة هيك لئطيني :@


بتعرفي انو انا ببعد قدر الامكان عن المواضيع اللي فيها تحئيئ ,,


يلا ان شالله الي رجعه عما قريب ^^

:ShababSmile221:



أحسنتي الاختيــآر بنوووكتي :ShababSmile222:

[Pink Rose]

تحدوه .. اسامه .. ازهار .. الزعيم المدريدي

تسلمو يا رب .. والله يعافيكم .. نورتوا :ShababSmile224:

//

امون .. حظك ونصيبك .. ونصيبك حيصيبك :ShababSmile222:

دودو .. بعجبك انا :ShababSmile116:

[الاماني الفلسطنية]

"•° لمـــاذا •°•-


لماذا تعشق الهدوء ... ؟

انا ما بعشقو .. هو اللي بيعشقني :ShababSmile221:

لا بجد , اي انسان طبيعي .. حتى ولو كان اجتماعي لابعد الحدود ..

الاّ ما تجيه فترات بتحتاج للهدوء وانه يجلس مع حالو ويصفي حساباتو ..



- لماذا إخترت إسمك المستعار ... ؟

مشان اسجّل فيه ههه ^^

فراشتي هيه اختارتلي نك نيمي .. حبيتو كتيرر , لانو بعبر عني ,,

وبحسو شي حالم هيك .. وكل فلسطيني عندو " اماني فلسطينية " :ShababSmile109:

وبيعكس صورتي ,,


- لماذا إخترت منتدى شباب فلسطين لتنضم إليه ... ؟

حبيتو واحلى شي فيه انو الاغلبية هون فلسطينيين .. يعني كلنا فاهمين على بعضنا :ShababSmile116:

وكانوا توين وفراشة الهم فترة مسجلين فيه ابلي وهمه اللي شجعوني ^^

هاي هيه الئصة :ShababSmile250:


• اين

أين تقضي اجمل وقتك ... ؟

في النوم :ShababSmile294:

مع الناس اللي بحبهم ^^


- أين تجد راحة البال ... ؟

على مرجوحة دار عمتو هههه


- أين تجد نفسك في البيت ... ؟

في المطبخ :ShababSmile221:

تحديدا في التلاجة .. اصدي عند التلاجة :ShababSmile235:


- أين تذهب لو أعطيت إجازة اليوم ... ؟

ع البحر .. مع انو كل يوم عندي اجازة وما بروحوا :ShababSmile224:



•°• مــن •°•

من تقول له انك متكبر من الأعضاء...؟

اممم ,, ما بعرف شخصياتهم على ارض الواقع مشان احكم ..


- من علمته الرماية فرماك ... ؟

نو بادي ,


- من يعجبك من المنتدى (( عضو واحد فقط )) ... ؟

ولا حدا :ShababSmile222:


- من هو صديقك الصدوق ... ؟

إمي .. وخواتي


- من أى شئ تغضب ... ؟

من الناس اللي بتتفلسف :ShababSmile243:

.. وانو حدا يستغفلني

والكزب




•°• مـتـى •°•-


متى تبكي بحرقه ... ؟

لما افارئ الناس اللي بحبهم .. ولما احس اني انظلمت


متى تجلس لوحدك ... ؟

ما بحب اعد لحالي ,, حتى لما اكون متدايئة ,,

بجيب توين ع الغرفة وهاتك يا فضافيض ..


- متى تقول لا ... ؟

عند اي شي ما بعجبني ,,


- متى تكون أناني ... ؟

بعمري ما كنت انانية ..

يمكن همه العشئانين بتكون فيهم هاي الصفة :ShababSmile221:



"""كيف"""


كيف تعيش يومك ... ؟

ولا يوم بشبه اللي ئبلو ,,

بكره الروتين ..



كيف ترى حال الأمة اليوم ... ؟

ههه هوه في امة اصلن ,,

الله يصلح حالهم ,,


- كيف تنظر لمستقبلك ... ؟

شي مجهول ,, وبنظرلو بالتفاؤل ^^


- كيف تنظرين للرجل (( إذا كنتِ عضوة )) ... ؟

عماد المجتمع .. والرجال قوّامون على النساء ..^^



"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟

شي حلو كتير انو الواحد يتعرف على ناس صعب يوصلهم ,,

بس بنفس الوئت بحس انو ممكن يكون فيها كزب ,,

ما بتوقع انها تستمر ...


- ما هو سر نجاحك في الحياة ... ؟

ما بعتبر اني انجزت شي لهلأ ,, ب

س اللي مخليني اكون راضية 50 بالمية عن حالي حب الناس الي ^^


- ما أجمل مافي الحياة في نظرك... ؟

الشفافية


- ما هو إسمك الحقيقي كما هو مدون بالبطاقة؟ [ليس اجباري]

اقول .. مئلشي .. انا خايف ائول .. الله عليك يا حليموو :ShababSmile221:




- ما تخصصك في الحياه ...؟

تخصصي افئع اللي حوالي ,,

^^


•°• هل •°•

هل أنت عاطفي ... ؟

:ShababSmile229:


- هل صدمت بالخيانة من أعز اصدقائك ... ؟

لا الحمد لله .. بعرف انتقي صاحباتي منيح ^^


- هل أنت فوضوي ... ؟

بتيجيني حالات بحب اكركب واخرب ..

بس كلو فوء راسي برجع برتبو :ShababSmile221:


...


اخيرا خلصت ..


تسلمي بنوكة على اختيارك الي :ShababSmile162:


وكمان نتوفة جاية اختار حدا بعدي

^^
:ShababSmile250:
[/SIZE][/COLOR][/B]

[مجنونة بس حنونة]

حلووووووو الموضوع كتير

يلا متى بيجي دوري

[PaLeSt!Ne SouL]

و الله توريتطك حلوة يا أماني

بانتظار الي بعدك

[بنيمارو]

ههههههه
حلوة اجوبتك أماني ^^
تعي كل يوم #_^

[Twin]

ما بعرفك حالمه يا بنت كل هل ئد !!


بس عجبتيني ... هازا الشبل اخو زاك الاسد ^^


يلا اختاريلي بنمارو بعدك يا شطوره ...


لانو بشم ريحه تريئه بردووو (-:

[بنيمارو]

ممنوع السوالف يا ... ابن عم

[فلسطينيه والراس مرفوع]

دودو .. بعجبك انا :ShababSmile116:



:ShababSmile116:

:ShababSmile116:

أين تقضي اجمل وقتك ... ؟

في النوم :ShababSmile294:


طالعتلــي أموؤوؤونـــة :ShababSmile229:

بانتظــآر اللي بعــدك

او بينمــآرو ههههه :ShababSmile294:

[الاماني الفلسطنية]

مجنونة يا حنونة انتي .. صفي ع الدور ^^


دمعة اسى .. يا هلا وغلا منورة ...


توين .. بالله جد ,, وانا ما بعرفك حمشة كل هلئد :ShababSmile224:


بنيمارو .. كل ظالم والو يومو ,,


فلفولتي الجميلة .. شو جابك هون :ShababSmile235:,,

بكفي غلبتيني وانا بحط بالرد :ShababSmile222:

منورة يا بطة ^^

[الاماني الفلسطنية]

بناءً على طلب الجماهير ,.


رح اختار بنيمارو الدب :ShababSmile222:


نورت الساحة ^^

[الحلوة]

يعطيكي الف عافيه صاحبه البراءه والطفوله وخفه الدم.. الله يحميكي يارب اديش انك عسل..
ماقدرت ما اعلق عليكي.. :ShababSmile240:

بانتظار خيو بينيمارو..

[الاماني الفلسطنية]

ههه كل هدول انا

:ShababSmile229:

تسلميلي يا حلوة خجلتيني بحكياتك الحلوين ^^

[Arabian girl]

نورتي امون ^^
بانتظار الاخ بينمارو
:)

[Sweet Baby]

يسلمو ايديكي ع الموضوع

وانا كمان بستنا ابو مجاهد

شكرا ^_^

[إيمـان]

مين بل الزبط هع

[الاماني الفلسطنية]

الذين يشاهدون محتوى الموضوع الآن : 2 ( الأعضاء 2 والزوار 0)

‏الاماني الفلسطنية, ‏بنيمارو


امسسسك ,


بكفي تؤل عاد :ShababSmile116:

[zoozo]

ييييييييييييييييييييييييييييييييييي يا ابو مجاهد ايييييييييييييييييييييييين انت نحنو في الانتضار
ولااااااااااااااااا ليكون مش قدهههههههههههههههههههههههههههها
لاء هو مجاهد اككككككككككككككككككيد قدها وقدوددددددددددددددددددددد
ابو مجاهد انتضرككككككككك

[الاماني الفلسطنية]

يؤ يؤ مالو هادا :ShababSmile235:


الدور مش على ابو موجاهد يا اخ زوزو :ShababSmile222:


اتطلع ع العنوان منيح ^^

[zoozo]

سوررررررررررررري انا كنت ع الصفحة الاولى بلله تفهمني وين بطلع اسم المتورط الجديد؟؟؟؟؟؟؟؟؟؟؟؟؟؟؟ظ

[جاآرة الوادي’’]

بانتظار بنيمارو


طيب يا اخ ياسين مدام الموضوع صار وصار ...وعليه اقدام ... ونشيط ... لي ما تثبته ...؟

فقط مجرد استفسار ^^

[بنيمارو]

100 مسى :ShababSmile250:

ثانكس امون :ShababSmile235:

الذين يشاهدون محتوى الموضوع الآن : 2 ( الأعضاء 2 والزوار 0)

‏الاماني الفلسطنية, ‏بنيمارو

امسسسك ,


بكفي تؤل عاد


كل ما ااجي ارد تفصل الكهرب
دبة :ShababSmile108:


نفوت عالاسئلة . .

"•° لمـــاذا •°•-

لماذا تعشق الهدوء ... ؟
اشاعات :ShababSmile233:
بس أي شخص بتمر عليه فترات بيحتاج فيها للهدوء
برأيي انو حاجة لأي انسان
- لماذا إخترت إسمك المستعار ... ؟
لأنو عجبنى :ShababSmile116:
- لماذا إخترت منتدى شباب فلسطين لتنضم إليه ... ؟
اممم
كنت اعرف المنتدى أول
بس ما كنت مشارك فيه
وبعدين عرفوني عليه توين وفراشة وسجلت فيه ^^



•اين

أين تقضي اجمل وقتك ... ؟
مع اصحابي

- أين تجد راحة البال ... ؟
ما زلت ابحث عنها !!
- أين تجد نفسك في البيت ... ؟
الأخ الكبير
- أين تذهب لو أعطيت إجازة اليوم ... ؟
اممم
بحضر متش منشستر ^^

•°• مــن •°•

من تقول له انك متكبر من الأعضاء...؟
نو بدي
- من علمته الرماية فرماك ... ؟
رماني بسحر عنيه التنين :ShababSmile229:
- من يعجبك من المنتدى (( عضو واحد فقط )) ... ؟
Twin :ShababSmile348:
- من هو صديقك الصدوق ... ؟

ابو اليزن
- من أى شئ تغضب ... ؟
حسب . . .
•°• مـتـى •°•-

متى تبكي بحرقه ... ؟
:ShababSmile108: ما ببكي انا !!
متى تجلس لوحدك ... ؟
لما تضيق !!
- متى تقول لا ... ؟
اذا كان الامر بيستحق كلمة لا
- متى تكون أناني ... ؟
وانا بلعب كورة او باسكت !!
ما بعطي حدا :ShababSmile240:

"""كيف"""

كيف تعيش يومك ... ؟
كالاخرين !

كيف ترى حال الأمة اليوم ... ؟
للأسوأ
- كيف تنظر لمستقبلك ... ؟

تفاؤل مصحوب بالقلق !!
- كيف تنظر للمرأة (( إذا كنت عضو )) ... ؟
اممم
اذا كانت المرأة هي اللتي اخرجت اادم من الفردوس
فقد بذلت كل ما في وسعها منذ ذلك الحين للتعويض عليه ^^



"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
موجودة تحت مسمى صداقة نت , بمعنى ما بترتبط الحياة الخاصة فيها
بيحكو النظرة نص الحقيقة , بتضل علاقة مشكوك بامرها !

- ما هو سر نجاحك في الحياة ... ؟
ثقتي بنفسي :showoff:
- ما أجمل مافي الحياة في نظرك... ؟
:icon26:

- ما هو إسمك الحقيقي كما هو مدون بالبطاقة؟ [ليس اجباري]
اسلام
- ما تخصصك في الحياه ...؟
غريب السؤال !!

•°• هل •°•

هل أنت عاطفي ... ؟
مش أوي !!
- هل صدمت بالخيانة من أعز اصدقائك ... ؟
لا
- هل أنت فوضوي ... ؟
نوعا ما :sik:
- هل كنت صادقاً في كل ما قلتة ...

يس

[بنيمارو]

بختار بعدي مشرفة الحوار الجاد
نسيت اسمها :ShababSmile250:
بس حاب اشوف اجوبتها
سي يو :ShababSmile116:

[zoozo]

طب مييييييييين بدك تختار

[Twin]

طب مييييييييين بدك تختار


اظن بدو يختار مشرفه الحوار ... بس مو فاكر اسمها ..


معذور .. ربنا يعينو بدو يفتكر مين ولا مين !


اطلعي ع الاسماء بره بتلاقيها توين ^^


يعني انا ... :ShababSmile222:






انتزرونا

[إيمـان]

هههههههههههههههههههه نهفات يلا بنستناهااا

[PaLeSt!Ne SouL]

بانتظار توين

[الحلوة]

بانتظار عروستنا العسل توين ..

[الاماني الفلسطنية]

يلا توين بكفي تؤل انتي كمان ^.*

[اجمل احساس]

وينك توين يلا حبيبتي بنستناكي :ShababSmile250:

[Twin]

مرحبا يا حلوين ...


اول شي يسلموو للعضو الي اختارني .. مم نسيت اسمووو بلا ما تواخزني :ShababSmile250:


تاني شي سوري لانو مارديت بوئتها ..


كل ما اوصل للنص تطلعلي شي شغله تلهيني :ShababSmile224:


نفوت بالاسئله هلا ::


"•° لمـــاذا •°•-

لماذا تعشق الهدوء ... ؟


ممم يمكن لانو الباب الوحيد لراحه البال وترتيب الافكار


- لماذا إخترت إسمك المستعار ... ؟


لانو بيمثل شخصيتين بيعيشوا بروح وحده ,, انا واختي التونز (-:


- لماذا إخترت منتدى شباب فلسطين لتنضم إليه ... ؟



من 2006 كنت بالامارات ولساتني 17 سنه ما بعرف شي عن بلدي فلسطين


فقررت اجي ادرس فيها .. بالفتره هاي كنت ادور بجوجل عن اي شي عن فلسطين


مدن .. تراث .. ثقافتها .. طلعلي موضوع من هالمنتدى ..


عجبني وسجلت فيه من غير ما اعرف شو كنت بعمل ^^ جديده بعالم النت


•اين

أين تقضي اجمل وقتك ... ؟


بلكونه المطبخ .. بحبها :ShababSmile229:


ههه مع اهلي والناس الي بحبهم اكيد



- أين تجد راحة البال ... ؟


بعد الساعه 12 لما اكون سهرانه


- أين تجد نفسك في البيت ... ؟


هلا بلاقي حالي بالبيت مع اختي الزغيره .. بعد ما اتزوجت فراشه


- أين تذهب لو أعطيت إجازة اليوم ... ؟


هلا اجازه الصيف .. نفسي اروح الامارات .. اشتقتلها بجد


•°• مــن •°•

من تقول له انك متكبر من الأعضاء...؟


المتكبر على نفسو مو علي ^.*


- من علمته الرماية فرماك ... ؟


بسهمه الاول حين احترف


- من يعجبك من المنتدى (( عضو واحد فقط )) ... ؟


^^


- من هو صديقك الصدوق ... ؟


عبير .. ومن النت انجيلا


- من أى شئ تغضب ... ؟


من اللامبالاه .. ومن اي شي بيستفزني ..


•°• مـتـى •°•-

متى تبكي بحرقه ... ؟


لما انقهر
و
لما احس قلبي موجوع من اي شي ..


متى تجلس لوحدك ... ؟

عندما اكون محتاجه للهل شي


- متى تقول لا ... ؟


اي شي ما بيمشي مع افكاري .. او ما اكون مقتنعه ..


- متى تكون أناني ... ؟


عندما يتعدى احد ع شي بخصني ..



"""كيف"""

كيف تعيش يومك ... ؟


ببساطه


كيف ترى حال الأمة اليوم ... ؟


عايشين حياتهم وما بفكروا ببكره .. ولا بجديه


- كيف تنظر لمستقبلك ... ؟


خوف + قلق .. مستمر


- كيف تنظري للرجل ... ؟


النصف الاخر الذي يكمل المرأه


"]•°• ما •°•-[


في عصر العولمة الحالي (( ما رأيك في صداقة الإنترنت )) ... ؟


يجب التعامل معها بحذر شديد


- ما هو سر نجاحك في الحياة ... ؟

سر نجاحي ابتسامتي


وتقبلي للحياة بحلوها ومرها لأنه إذا ما في صعاب او عقبات ما بنحس بحلاوة الحياة



- ما أجمل مافي الحياة في نظرك... ؟


اجمل ما في الحياه التفكير باللحظات التي لم نعشها بعد ..


- ما هو إسمك الحقيقي كما هو مدون بالبطاقة؟ [ليس اجباري]


مم اسمي يعني :: العلو والسمو والارتفاع


او الشيئ البعيد الذي يصعب الوصول اليه


- ما تخصصك في الحياه ...؟


عمليا :: لغه انجليزيه


بالحياة :: باحثه عن السرور في كل مكان و جعل الابتسامه تشرق في قلب من يأس


•°• هل •°•


هل أنت عاطفي ... ؟


جدا .. وحساسه كتير ,, هالشي نفسي ياه يخف


- هل صدمت بالخيانة من أعز اصدقائك ... ؟


للاسف اه .. وكانت اقوى صدمه


- هل أنت فوضوي ... ؟


الكلمه بتجيبلي حساسيه .. مابحب اشوف شي مكركب ئدامي ...


لدرجه لو شفت شعره ما برتاح الا اروح اشيلها ..


- هل كنت صادقاً في كل ما قلتة ...


طبعا .. وربنا يشهد علي




--------------


خلصت والحمد لله .. بحب اختار بعدي


حبيبه البي ameera


جايه عبالي هل يومين كتير :ShababSmile116:

[جاآرة الوادي’’]

twin & بنيمارو

اجاباتكم بتجنن .. الله يسعدكم •

بانتظار اميرة *

[PaLeSt!Ne SouL]

مشكورة توين

و بانتظار أميرة

[ameera]

طيب حطـوا اسمي بالعنـوان ..

عشـان أجاوب ..

:ShababSmile108:


تسلميلي تويتني كلك زوء ولله ..

:ShababSmile229:

[PaLeSt!Ne SouL]

هي اسمك نور الموضوع

[جاآرة الوادي’’]

يالله ستارت اميرة ..

[ameera]

"•° لمـــاذا •°•-

لماذا تعشق الهدوء ... ؟ أنا بمعظـم أوقاتي هـادية ,, طبيعتي هيـك مافي أحلى من الهـدوء والروئـان :ShababSmile229:

- لماذا إخترت إسمك المستعار ... ؟ ولله مـابعرف بس الهـام من رب العالميـن اسم ع مسمى :ShababSmile250:

- لماذا إخترت منتدى شباب فلسطين لتنضم إليه ... ؟

كنت أدور بجوجل ع شغلة وطلعلي المنتـدى سجلت فيهـ بس ماكنت أحبو بالبدايهـ وأجي أطل واروح مابفهم شي جديدة عالنت أزهق وأروح ..



•اين

أين تقضي اجمل وقتك ... ؟ في ماي رووم اما ع سريري أو ع كمبيوتري وازا كان عندي شغل بقضي نص النهار برة البيت :ShababSmile235:

- أين تجد راحة البال ... ؟ لما تكون امي بالبيت وكمان بسريري .. :ShababSmile229:

- أين تجد نفسك في البيت ... ؟ مع ماما حبيبة ئلبي :ShababSmile229:

- أين تذهب لو أعطيت إجازة اليوم ... ؟ بسـافر برات البلـد ع جزيرة بعيـده وبرجع :ShababSmile250:


•°• مــن •°•

من تقول له انك متكبر من الأعضاء...؟ ماحـدا بتكبر على مس أميرة :ShababSmile229:

- من علمته الرماية فرماك ... ؟ ناس بعرفهـم رمـوني بالخناجر :ShababSmile233:

- من يعجبك من المنتدى (( عضو واحد فقط )) ... ؟ كلهم حلوين :ShababSmile108: وخير وبركة ..

- من هو صديقك الصدوق ... ؟ صديقتي هي عارفهـ حالهـا ^^

- من أى شئ تغضب ... ؟ الكزب ,, النفـاق ,, الخـداع ..

•°• مـتـى •°•-

متى تبكي بحرقه ... ؟ لمـا الدنيـا تسكر بوجهي والحـزن يملآ ئلبي وأتزكر مواقف حزينهـ .. :ShababSmile223:

متى تجلس لوحدك ... ؟ معظم الوئت لحـالي .. :ShababSmile223:

- متى تقول لا ... ؟ لما حدا تقيـل دم حابب يتزانخ ,, لما حدا بفرض رايو علي ,, لما بتكون الشغلة اللي قبالي غلط ومش عجباني .. بكل بساطهـ يعني بقول لأآ :ShababSmile229:

- متى تكون أناني ... ؟ مابعمري بكون أنانية مش في هاي الصفهـ اطلاقـاَ ..

"""كيف"""

كيف تعيش يومك ... ؟ روتين طبيعي .. بس في مغامرات وطلعات ونزلات :ShababSmile108:

كيف ترى حال الأمة اليوم ... ؟ الوضع بدو ردع :ShababSmile235: حالها صعبة ولله الله يصلح حال أمتنا العربيهـ والاسلامية ..

- كيف تنظر لمستقبلك ... ؟ بتفاؤل وبروح حلـوه :ShababSmile229:

- كيف تنظر للمرأة (( إذا كنت عضو )) ... ؟

- كيف تنظرين للرجل (( إذا كنتِ عضوة )) ... ؟ مخلوق لآزم يغير في حالو كتيـر ويشتغل ع حالو كويس :ShababSmile225:


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟ الواحد لازم ياخدو حزرو منها كتير

- ما هو سر نجاحك في الحياة ... ؟ امي الله يخليها الي لولاها كان ضعت وبابا الله يرحمو :ShababSmile111:

- ما أجمل مافي الحياة في نظرك... ؟ تكون ئـاعد بين شجر وورد وعارف شو بدك من هالدنيا .. :ShababSmile240:

- ما هو إسمك الحقيقي كما هو مدون بالبطاقة؟ [ليس اجباري] مش ضروري :ShababSmile250:
- ما تخصصك في الحياه ...؟ علوم سياسيهـ :ShababSmile240:

•°• هل •°•

هل أنت عاطفي ... ؟ جـدا جـدا .. :ShababSmile229:

- هل صدمت بالخيانة من أعز اصدقائك ... ؟ آه طبعـا الله يسهل عليهـم .. :ShababSmile223:

- هل أنت فوضوي ... ؟ في غرفتي بس :ShababSmile233:

- هل كنت صادقاً في كل ما قلتة ... من كل ئلبي طالع مافي داعي للكزب أساسا :ShababSmile116:

[همسة العشاق~]

مشكورين ع المرور والاجابات

ما ننحرم من تفاعلكم معنا

دمتم في رعاية الرحمن

[قسامي غزة]

يلا انبسطوا
راح اثبت الكم الموضوع
بس ما بدنا دردشة
ويعطيكم العافية

[PaLeSt!Ne SouL]

حبيبتي أميرة
مشكورة على مرورك الحلو
إختاري عضو/ة بعدك

[همسة العشاق~]

مشكور خيو قسامي غزة

ما ننحرم

[همسة العشاق~]

مشكورين ع الردود

[قسامي غزة]

مشكور خيو قسامي غزة

ما ننحرم

:ShababSmile240::ShababSmile240:

[صدى الحب]

نــورتي التــوريطــة اميـــرة ,,,

اجوبتكـ حــلوة ^^

يعطيكــي العـــافيــة ,,

[Twin]

نورتي اموره ... وبنستنى الضيف الي بعدك ..

[همسة العشاق~]

اختاري عضو بعدك يا اميرة

واذا تاخرتي كمان شوي رح اختار انا

[PaLeSt!Ne SouL]

همسة إختاري عضو

أميرة حبيبتي طولتي علينا سامحينا

[شهيد]

^^

[[ Islam ]]

اختاروا شهيد غزة :p

[ameera]

بختـار عجينة ..

وازا عجينة مختارينهـا ..

بختـار وردة الأقصى ..

وازا مختارينهـا ليمـار ..

[ameera]

هـلا صدوش تسلمي حبيبتي ..

نـورك الله يسعـدك ..

تسلميلي عالرد والمرور ..

ودي ..

[PaLeSt!Ne SouL]

ممكن سؤال مين عجينة؟؟

[ameera]

النـور نـورك ياتوينو ياعسـل ..

تسلمي عالرد والمـرور ..

ومرة تـانية بتشكرك كتير ع اختيارك لالي ..

ودي ..

[ameera]

عجينة = بنت فلسطين المجروحة ..

[ameera]

صبايا كتزا مرة أنا نـاديت على الاهدائات أنو أنا الي توريطين ياريت تروحي تشوفوهم مشانت اختار حدا ..

وماحدا رد علي مشان هيك انا طولت ..

وهيني اخترت ..

سامحونـا ^^

[جاآرة الوادي’’]

نورتي اميرة

بانتظار عجينة ~

[ameera]

هلا أنجـل ..

النور نورك حبيبتي ..

أسعدني وجودك ..

ودي ..

[قسامي غزة]

يا جماعة انا بصراحة مش متابع الموضوع هاد
يعني المتورط الجديد بنت فلسطين المجروحة
حتي احط اسمها فوق
؟؟؟؟

[PaLeSt!Ne SouL]

منور قسامي

هيني غيرت الإسم


بإنتظارك يا بنت فلسطين المجروحة

[همسة العشاق~]

مشكورة اميرة ع الاجابات

بانتظار بنت فلسطين

[أســـآمـة]

بإنتظار بنت فلسطينـــ،،

[أنين الحزن]

بانتظار بنت فلسطين المجروحة

[PaLeSt!Ne SouL]

بانتظار بنت فلسطين المجروحة

[همسة العشاق~]

وينك بنت فلسطين

بانتظارك

[بنت فلسطين المجروحة]

الي رجعة


:)

[بنت فلسطين المجروحة]

السلام عليكم ورحمة الله وبركاته

اولاً : تسلمي اميرة عاختيارك الي..

ويعطيكي العافية همسة عهالموضوع ..



"•° لمـــاذا •°•-

لماذا تعشق الهدوء ... ؟
لانه الهدوء بخليني اختلي بنفسي وكمان بساعدني فدراستي
- لماذا إخترت إسمك المستعار ... ؟
الاسم مش انا اللي اخترته اختي .. وجوابها لانه بجمع بين فلسطين المجروحة من الاحتلال وبنتها لفلسطين المجروحة من الغربة ..
- لماذا إخترت منتدى شباب فلسطين لتنضم إليه ... ؟
رابط الاخوة هو اللي شدني اله .. هالرابط خف هالايام .. بس ملاحظة كتير انو بدا يرجع ..:ShababSmile229:



•اين

أين تقضي اجمل وقتك ... ؟
بين كتبي لما ادرس ومع صحباتي لمانطلع سوااو نقعد قعدة حريم :ShababSmile222:
- أين تجد راحة البال ... ؟
في عمل كل مايرضى الله
- أين تجد نفسك في البيت ... ؟
في غرفتي ..
- أين تذهب لو أعطيت إجازة اليوم ... ؟
عالبحر ..


•°• مــن •°•

من تقول له انك متكبر من الأعضاء...؟
مممم مابعرف .. مش جاي ببالي حد حاليًا
- من علمته الرماية فرماك ... ؟
ولا حدا ..
- من يعجبك من المنتدى (( عضو واحد فقط )) ... ؟

والله .. عن اعضاء كتار من خيرة الناس ولا ازكي على الله أحداً .. بس في أعضاء بجد يعني ماشاء الله عنهم :ShababSmile240:
مابقدر احصرهم بواحد ..

من الشباب القلب الطيب وابونور (زمان )
من البنات مآهيناز .. وأمل

- من هو صديقك الصدوق ... ؟
برة المنتدى .. صاحبة الي اسمها ريم
من المنتدى .. في مجموعة بس اقربهم لقلبي هي ألحان لحرية :ShababSmile229:
- من أى شئ تغضب ... ؟
من تجاوزحرمات الله ..

•°• مـتـى •°•-

متى تبكي بحرقه ... ؟
كلماتذكرت احساسي الدائم بالعجز عن رفع شأن امتنا الاسلامية
متى تجلس لوحدك ... ؟
لما بكون بدي اقعد افكر في موضوع شاغلني بجدية .. ودون تاثير الغير
- متى تقول لا ... ؟
لما يكون المطلوب أو اللي صاير مخالف للدينا الاسلامي
- متى تكون أناني ... ؟
يمكن في دراستي بحب اكون الاولى .. مابعرف اذاهدا يعد انانية :ShababSmile235:


"""كيف"""

كيف تعيش يومك ... ؟
بحاول استفيد منه قد مااقدر .. لاني عارفة انه اليوم اللي بروح مابرجع
كيف ترى حال الأمة اليوم ... ؟
في صحوة اسلامية .. لكن بنفس الوقت في فجور وفسق ماصار ابدا.. وكمان صرنا زي ماحكى الرسول عليه الصلاة والسلام .. غثاء كغثاء السيل مالنا هيبة ولا كلمة :ShababSmile239:
- كيف تنظر لمستقبلك ... ؟
حاليًا انا تايهة ومش عارفة احدد شو بدي للمستقبل .. لكني املي في الله ييسرلي الخير والأفضل:ShababSmile111:
- كيف تنظر للمرأة (( إذا كنت عضو )) ... ؟
- كيف تنظرين للرجل (( إذا كنتِ عضوة )) ... ؟ شر لا بد منه :ShababSmile222:..
بمزح ..الرجل النصف الاكبر
مصدر الامان ولحنان والثقة
وهدول اهم اساسيات الحياة

لكن احيانا بخالف الرجل الفطرة .. وبصير وحش بلا قيم




"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟

كنت لا اؤمن بها .. لكتي حاليا مقتنعة بوجودها لكن الصادق منها نادر جداً و جداً

- ما هو سر نجاحك في الحياة ... ؟
خوفي وخشيتي من رب العالمين ودعاء الوالدين ورضاهم :ShababSmile240:

- ما أجمل مافي الحياة في نظرك... ؟
الشعور برضى وتوفيق الله

- ما هو إسمك الحقيقي كما هو مدون بالبطاقة؟ [ليس اجباري]
اماني

- ما تخصصك في الحياه ...؟
علوم حاسوب



•°• هل •°•

هل أنت عاطفي ... ؟
جدًا
- هل صدمت بالخيانة من أعز اصدقائك ... ؟
لا

- هل أنت فوضوي ... ؟

أحيانًا
- هل كنت صادقاً في كل ما قلتة ...
نعم

خلصت :ShababSmile240:


تسلمو عالاستضافة

بختار بعدي

haya-jor

[الاماني الفلسطنية]

يعطيكي العافية اموووون ,,

انبسطت وانا بقرأ ردك ^^

استشفيت انك بنوتة راكزة وواعية ما شالله عليكي :ShababSmile229:

بانتظار هيوش ^^

[أمل]

من يعجبك من المنتدى (( عضو واحد فقط )) ... ؟

والله .. عن اعضاء كتار من خيرة الناس ولا ازكي على الله أحداً .. بس في أعضاء بجد يعني ماشاء الله عنهم
مابقدر احصرهم بواحد ..

من البنات مآهيناز .. وأمل

:ShababSmile111:

الله يسعدك يا غالية

أخزلتيني يا عشل:ShababSmile229:

أشهد الله أني أحبك في الله:icon26:

الله لا يحرمنا من تواجدك مستر عجينة:ShababSmile221:

ماشاء الله عنك من يوم يومك ذات فكر متزن و عقل راجح الله يحفظك:icon26:

[PaLeSt!Ne SouL]

مشكورة بنت فلسطين المجروحة

و بانتظارك هيا جور

[haya-jor]

انا متورطه هان يلا شووي لما يخلص باب الحاره برجع برد عليكم ^^

[أنين الحزن]

يلا بانتظارك هيوش

[همسات تحت المطر]

هههههههههههههههههههههه
ليكها خلصت باب الحارة
شو ويها الحلوة haya
يللا ياامورة ننتظر اجوبتك الحلوة
<<<على فكرة بنت فلسطين اختي انتي رائعة باجاباتك ماشاء الله عنك ربي يسعدك ويكرمك

[جاآرة الوادي’’]

حلو عجينة

[haya-jor]

"•° لمـــاذا •°•-

لماذا تعشق الهدوء ... ؟
لأنو الهدوء بخليني اتواصل مع عقلي بصفاء .. اراجع نفسي .. واحسب اموري بشكل موزون

- لماذا إخترت إسمك المستعار ... ؟
اسمي نفسو هيا ... وكلمت جور .. تعني الاردن .. وهي بلدي ... بس لو اجيت بدي اختار اسم مستعر بختار بلقيس .. لأنه اكثر شخصيه تارخيه نسائيه بتعجبني


- لماذا إخترت منتدى شباب فلسطين لتنضم إليه ... ؟
منتدى راقي جدا بفكره وطريقته واسلامي وشبابي بنفس الوقت




•اين

أين تقضي اجمل وقتك ... ؟
لما اكون قريبه من امي

- أين تجد راحة البال ... ؟
بحضن الماما

- أين تجد نفسك في البيت ... ؟
بصاله ..

- أين تذهب لو أعطيت إجازة اليوم ... ؟
البحر .. او اكل كباب :ShababSmile240:


•°• مــن •°•

من تقول له انك متكبر من الأعضاء...؟
متكبر ... امممم .. تحدوه البشر

- من علمته الرماية فرماك ... ؟
لا والله ما حدا

- من يعجبك من المنتدى (( عضو واحد فقط )) ... ؟
دموع الرحيل

- من هو صديقك الصدوق ... ؟
اممممم ما بعرف السؤال المقصود منه اصحاب النت ولا خارج النت ... اذا خارج النت
صاحبه سعوديه ... واذا في النت ثنتين آيه وسويت سول وهمسة وفاء

- من أى شئ تغضب ... ؟
امممم.. والله انا عصبيه جدا .. فاكثير امور بتعصبني ...



•°• مـتـى •°•-

متى تبكي بحرقه ... ؟
لما اشعر بوحده .. او بخوف على امي ... ولما اشعر بالندم كمان

متى تجلس لوحدك ... ؟
اوووه .. كثير بجلس لوحدي .. بس متى بكون بحاجه للجلوس لوحدي .. لما اشعر بخنقه وضيقه -

متى تقول لا ... ؟
دائما بقول لا لما احس انو في شي غلط ..

- متى تكون أناني ... ؟
انانيه بدراستي وفي ديني

"""كيف"""

كيف تعيش يومك ... ؟
عادي مثل كل الخلق .. بس ايام الدوام والجامعه ... بكون يومي عباره عن دوام ودراسه ونوم وبس كيف ترى حال الأمة اليوم ... ؟
مززززززررري ... بس في بصيص من الامل ...

- كيف تنظر لمستقبلك ... ؟
مستقبل صعب وبدو شغل بس رح اوصل لكل طموحي بأذن الله


- كيف تنظرين للرجل (( إذا كنتِ عضوة )) ... ؟
والله السؤال هاد الاصعب بالنسبه الي انا كـ هيا مافي بحياتي رجل بمعنى كلمة رجل ... يعني كل الي حولي اشباه رجال ...
بس الرجل هو يعني اساس المجتمع واساس العطا والامان وهو بكون المصدر والملهم لحتى يعطي للمرأه شكل وصوره لحياتها ...


"]•°• ما •°•-[

في عصر العولمة الحالي (( ما رأيك في صداقة الإنترنت )) ... ؟
شي فاشل ببساطه ...

- ما هو سر نجاحك في الحياة ... ؟
والله سر نجاحي اجاني من اصراري انو اكون شيئ في الكون وفي هذه الحياه .. ولاراده بأنه ما اقبل اكون كأي شخص عادي ..

- ما أجمل مافي الحياة في نظرك... ؟
الحياه كلها حلوه ... حلو لما تكون بتعطي ومن الاجمل لما تعيش بألأفه مع الناس ... الناس هما اجمل مافي الحياه ...

- ما هو إسمك الحقيقي كما هو مدون بالبطاقة؟ [ليس اجباري]
هيــــــا

- ما تخصصك في الحياه ...؟
طب اسنان

•°• هل •°•

هل أنت عاطفي ... ؟
لأ ابداً .. انا مش النوع العاطفي .. حتى الاغلبيه الي بحتكو فيني وبعرفو شخصيتي .. بعرف انو انا ابداً ما عندي شي اسمو عاطفه


- هل صدمت بالخيانة من أعز اصدقائك ... ؟
أكثر من مره .. للأسف


- هل أنت فوضوي ... ؟
نوعا ما
- هل كنت صادقاً في كل ما قلتة ...
اممممم ... يس

[haya-jor]

الذين يشاهدون محتوى الموضوع الآن : 2 ( الأعضاء 2 والزوار 0)
‏haya-jor, ‏أبوجهاد الجعبري+

بما انو ابو جهاد بتابع الموضوع ... رح اختار انو هو يتورط بعدي

[PaLeSt!Ne SouL]

مشكورة هيا
سريعة ما شا الله عليكي

بإنتظار ابو جهاد الجعبري

[sweet soul]

صاحبه سعودي- من هو صديقك الصدوق ... ؟
. واذا في النت ثنتين آيه وسويت سول وهمسة وفاء

-



تسلميلي محسنك بس لوانك بتابعيش باب الحاره كان صرتي هيك :ShababSmile240:

:ShababSmile221:

ع فكرا صرنا تلاته مش تنين :ShababSmile222:

:ShababSmile229:

[ابن الخليل]

الذين يشاهدون محتوى الموضوع الآن : 2 ( الأعضاء 2 والزوار 0)
‏haya-jor, ‏أبوجهاد الجعبري+

بما انو ابو جهاد بتابع الموضوع ... رح اختار انو هو يتورط بعدي

على راسي وشكرا لاختياري هسة بتحفكم بردودي

[ابن الخليل]

لماذا تعشق الهدوء ... ؟

هوة انا مش بعشقو بس بحبو جدا لما اكون معصب لانو بخليني ارجع ارتب اوراقي

- لماذا إخترت إسمك المستعار ... ؟

ابوجهاد ممكن لاني احب الجهاد وكمان ابوي اسمو جهاد واما الجعبري فنسبة لعيلتي من الخليل طبعا

- لماذا إخترت منتدى شباب فلسطين لتنضم إليه ... ؟


لانو فلسطيني اسلامي شبابي

أين تقضي اجمل وقتك ... ؟


مش مهم وين المهم اكون مرتاح البال المكان الي برتاح فيه بالي احلى مكان

- أين تجد نفسك في البيت ... ؟

في غرفتي او في المطبخ

- أين تذهب لو أعطيت إجازة اليوم ... ؟

عل البحر دغري

- أين تذهب لو أعطيت إجازة اليوم ... ؟

في عضو اتجادلت انا واياه قبل يومين بس بقولو يا سيدي الله يسامحك ويهديك يا ابو؟؟؟؟؟

- من علمته الرماية فرماك ... ؟

فش حدة بس اتعلمها انا اول ههههههههههههههه

- من يعجبك من المنتدى (( عضو واحد فقط )) ... ؟

يعجبني من الاعضاء الذكور قسامي غزة بحسو رجل كبارة

- من أى شئ تغضب ... ؟

من كتير شغلات بس اجمالا لما حدة يتعدى علية بالظلم بعصب وبكون ردي قاسي وكمان لما لالقي بجنبي شخص عاجز

- من هو صديقك الصدوق ... ؟

في ناس كتير بعتبرهم اصدقاءي سواء من النت او بالواقع بعتبرهم اصدقاء بجد و علالموت معي

متى تبكي بحرقه ... ؟

خوفا من الله اذا حسيت حالي اني كتير قصرت ولما احس انو شغلة حلوة كتير بحياتي واخاف انها تروح مني وايام غزة لاني حسيت بالعجز والحزن البكاء مش عيب دائما برايي لكن طبعا الرجل ببكي مرة بالسنة والبنت كل يوم وانا نادرا جدا ما ابكي

متى تجلس لوحدك ... ؟

لما تكون الدار فاضية او لمن اكون طفران عيشتي او لمن اكون بدي هدوء وتامل

- متى تكون أناني ... ؟

في العبادات والقربات لله انا لازم ابدي نفسي ويمكن احيانا بالاكل ليش اكدي يعني ههههههههههه

كيف تعيش يومك ... ؟

بشكل روتيني لكن كل فترة الروتين يتغير من جامعة لقعدة بالبيت لنشاطات دعوية لطشات مع الشباب

كيف ترى حال الأمة اليوم ... ؟

امتي يا ويح قلبي ما دهاكي دارك الميمون اضحت كالمقابر

- متى تقول لا ... ؟

لمن حدة يفرض علية حاجة انا رافضها وكتير بحكيها

- كيف تنظر لمستقبلك ... ؟

بتفاؤل بس برضو خايف من الحفر والمطبات

- كيف تنظر للمرأة (( إذا كنت عضو )) ... ؟

كائن بشري رقيق وعاطفي بدو معاملة خاصة و بدو فن بالتعامل معو سواء كان امك او اختك او مرتك

في عصر العولمة الحالي (( ما رأيك في صداقة الإنترنت )) ... ؟

زي الصداقة الطبيعية ممكن تكون ناحجة او فاشلة

- ما هو إسمك الحقيقي كما هو مدون بالبطاقة؟ [ليس اجباري]

كمال

- ما هو سر نجاحك في الحياة ... ؟

اي نجاح بحياتي بتوفيق ربنا وبالجهد والتعب ورضا الوالدين من غير هيك فش نجاح ابدا

- ما أجمل مافي الحياة في نظرك... ؟

الجهاد في سبيل الله والحب الصادق بكل انواعو

- ما تخصصك في الحياه ...؟
بدرس محاسبة

- هل صدمت بالخيانة من أعز اصدقائك ... ؟

لهسة خيانة بمنعى الخيانة لا

هل أنت عاطفي ... ؟

نعم

- هل أنت فوضوي ... ؟

كتير واكبر دليل انو ردي هسة عل الموضوع مخربط ومش منسق

- هل كنت صادقاً في كل ما قلتة ...

طبعا مية بالمية

[haya-jor]

تسلميلي محسنك بس لوانك بتابعيش باب الحاره كان صرتي هيك :ShababSmile240:

:ShababSmile221:

ع فكرا صرنا تلاته مش تنين :ShababSmile222:

:ShababSmile229:

ههههههههه .. مالو باب الحاره ولي :ShababSmile108: ... بكفي لهلأ ابو العز فيه :ShababSmile221: ...

اه بالنسبه لتلاته او التنتين ... اقلك شغله في وحده سقطت سهوا ...

[قسامي غزة]

يعجبني من الاعضاء الذكور قسامي غزة بحسو رجل كبارة


هادا كلوا من اصلك والله
وانت والله اخ فاضل والكل يكن لك الاحترام
وربي يكرمك

صحيح اظني لازم تختار حدا بعدك