ارضاء الناس غاية لا تدرك !

[اجمل احساس]

إذا تزوجت الفتاة وهي ما زالت تدرس قالوا المفروض أنها لا تتزوج الآن !! فالزواج مع الدراسة متعبان جداً ولن

تستطيع أن توفق بينهما




2- و إذا تزوجت بعد الحصول على الشهادة الجامعية قالوا : ذهبت نضارة شبابها وهي تدرس و من ثم تزوجت وهي كبيرة و من حسن حظها إنها وجدت من يتزوجها


3- إذا سكنت مع أهل زوجها بعد الزواج قالوا مسكينة ضغط جسمي و نفسي و ما بتقدر تأخذ راحتها في حياتها




4- إذا سكنت في بيت لحالها قالوا مسؤولية كبيرة و بتتعب و بتشعر بالملل لوحدها




5- إذا كانت تذهب لزيارة أهلها باستمرار قالوا هي المسيطرة على زوجها و مخليته مثل الخاتم بإصبعها






6- و إذا كانت ما تخرج من بيتها إلا شوي قالوا زوجها معقد ،، و عيشتها معاه صعبه الله يعينها



7- إذا حملت بعد الزواج مباشرة قالوا لسة بكير على الحمل ليش مستعجلة شكلها بدها تامن مستقبلها




8- و إذا ما حملت بعد زواجها مباشرة قالوا أكيد فيها مرض أو إنها مش سعيدة مع زوجها


9- إذا أنجبت بنت قالوا لازم تحمل مرة أخرى بسرعة لتنجب ولد






10 - إذا أنجبت ولد قالوا لازم تحمل مرة أخرى بسرعة لتنجب آخر يؤنس وحدة أخيه


11- إذا حملت مرة أخرى قالوا : ليس عندها إلا الحمل كأنها قطة تنجب أطفال كتير حتى تربط زوجها بها






12- إذا لم تحمل ثانية قالوا أكيد إنها غير سعيدة أو إن زوجها ما ينفق عليها و بيمضي عمرها وهي على طفل واحد




13- إذا تزوجت الأرملة قالوا : كيف تتزوج هي نسيت زوجها السابق ؟
و خانت ذكرياته


14- و إذا ما تزوجت قالوا : ليه ما تتزوج من سيحميها ومن سيصرف عليها وعلى أبنائها و من سيربيهم ؟؟

[ABO ISLAM]

والله الناس لسانهم يا ويلي منوا

بس هدول مو مسلمين ،، لانه المسليمن المفترض ما يتحدثوا عن النسا
ويكونوا حافظين لسانهم

[** بنت فلسطين **]

بسم الله الرحمن الرحيم

ناس غريبة عنجد.....مو لاقيه شغلة تحملها غير النم

ناس ما بعجبها شي...... بحكو عن غيرهم ومو شايفين حالهم

يسلمو أختي (( اجمل احساس ))

موضوع جميل... تسلم دياتك ^_^

** بنت فلسطين **

[سيف العرب]

ههههههههههههههههههههههههههههههههههه هااااااااااااااااي

فعلا ما بتركو حداااا بحالو ......
وما بعجبهم العجب وحتى الصيام في شهر رجب
وقالو للقرعه مين ابوكي ................................... ........

[ameera]

الـواحد يعمل الاشي المقتنـع فييه ..

صح في قواعـد وعادات وتقاليـد .. والواحد لازم يراعيهـا ..

بس اللي برد ع كلام النـاس بتعب ..

وطـالما عامل الاشي قـدام الكل وأهلك راضيين وقبلانيـن الوضع ..

والاشي مش غلط ف بعتقـد أنو مافي ضرورة الـواحد يهتم لحكي العالم ..

وهيك هيك المرأة بـ هالمجتمـع مافي حدا برحمهـا .. كلـو ع راسهـا .. صح ولا غلط ..

في سيطرة ذكورية بالموضوع وكمـان مش بس هيك الستات هما زات نفسهـم البلا بيجي منهـم بحكوا ع بعض ..

يعطيك ٍ ألف عافيهـ على هالطرح المميـز ..

[نسمة دفا]

الناس بيدخلو بمواضيع هما ما الهم دخل فيها

وما الهم الحق انهم يحكو فيها وكل الكلام اللي

حكيتي صح بيسير وموجود في المجتمع

بس هاد الاشي بيدايئ لانو الوحدة حسب

راحتها راح تمشي مو عكيف الناس وازا

حكت زي ما انا حكيت تمشي على اللي بيريحها

راح يحكو وكلام الناس شو يعني؟؟ و اللي بتعملو

مدامو صح ومو حرام هما شو دخلهم اشي بيفئع

ويا ويلهم في الاخرة لانهم بيدخلو بأشياء

هما ما الهم دخل فيها ولا بتهمهم من اصلو


يسلمو كتير ع الموضوع الرمش الحساس ما ننحرم منك يا عسل

:s (43)::icon26::icon26::s (43):

[ابتسامة الحياة]

ازا الواحد بده يوقف عند كلام الناس ورضاهم
بتروح عليه حياته وعمره ما بعيشها زي العالم

طول ما الواحد عايش وكافي الناس شره ومش جايلهم على طرف
ولا آسر حريتهم ولا عامل اشي مدايقهم
فيعيش حياته زي مابده
ويرمي كلام الناس ورا ضهره

يسلمو اجمل احساس
حلو موضوعك زي ما عودتينا