شباب فلسطين

11-24-2008, 04:48 PM

موضوع ناايس ..

اليوم ..

24 - 11- 2008

أخدت شهادتي بالمدرسة تبعت التقويم الأول ..

و الحمد لله طلعت التانية

..

رجعت ع البيت ,,

تغديت و بعدين أعدت ع النت ..

تقريبا من الساعة 3 الضهر ..

و ع الساعة 5 .. ماما صحيت .. و أكلت بهدلة عشاني ما درست أخوي ..

و هيني ضليت آعدة ع المنتدى ,,

من وراها طبعا

لحد هلأ ,,

و بعد شوي .. لح أقوم أدرس أخوي :(

..

بس ..

هاي المذكرات تبعت اليوم ..

ثاانكس ليمار

إلى رجعة

^^

11-24-2008, 05:32 PM

اممم

اليوم الدراسي كان جيدا ً ولا بأس به

روحت ع البيت .. ماما طلعت وسابت بنت أختي الصغيرة عندي

ضليت معها 3 ساعات وانبسطت كتير معها

اجت أختي أخدتها ع الـ 3:5 عصرا ً

^^

صليت العصر ,, اجت اختي من الجامعة

ع الـ 3:35 دقيقة اجت الكهربا

والساعة 5 رجعت قطعت بس مش كتير

وهلأ الساعة 5:32 دقيقة وقاعدة ع النت زي ما انتو شايفين

11-24-2008, 11:32 PM

الاتنين .. 24/11/2008 .. 11:31 PM

اليوم ما صار فيه كل يللي بدي ياه

الجو كان برد كتير .. اتجمدت

درست بس كان لازم ادرس اكتر

هلأ بدي اقوم ادرس للساعة 12

وبعدها انام

ادعولي

11-24-2008, 11:36 PM

موفقة اختي ...

اليوم صاحي من 7 الصبح وحاسس حالي متكسر...

اليوم عن جد تعبت من الحجاج اللهــ يعين ..

نعسان وبدي انام بس مو قادر ..

11-24-2008, 11:45 PM

اليوم يوم عاادي كتير
ماصار شي جديد
بس اللي فرحني بأخر اليوم حكيت تليفون ريحني كتير وحيخليني انام وانا مبسووطه
لاني صرلي فتره كبيره ماعم بدوق النوم بس الحمدلله كلو تمام هلا

ميرسي حبيبتي موضووع كتييير حلوو
ماننحرم ياارب

11-25-2008, 03:23 PM

اليـوم .. 25/11/2008

بالمدرسة ..

يوم عادي ..

درسنا كـل الحصص .. و ما كن عنا ولا عصة فراغ

بابا إجا أخدني متأخر ..

وصلت ع البيت ع ال2 و نص..

تغديت و أعدت أحفظ قرآن ..

و أنا عم بحفظ .. نمت ..

و ضليت نايمة للساعة 5 العصر ..

و هلأ زي ما إنتو شايفين آعدة المنتدى ..

بدي بس أقوم .. أروح أدرس

و بعدين أعد أقرألي كتاب..

و أنخمد أنام

بس..

ان شا الله يكمل اليوم ع خيـر ..

دعواتكـوا ,,

11-25-2008, 04:35 PM

اليــوم ملل :(

مريضه وما رحت عالجامعه ..

درست شوي وزهقت كتير :s

جوعانه وما الي نفس أكل ..

يعني احتمال انزل كيلو بعد هالقعدع بدون أكل ,,

وبتوقع انه يبقى اليوم زهق لأخرو :(

11-25-2008, 04:59 PM

الف سلامه على ئلبك حبيبتي دموع

ما تشوفي شر اتفائلي ياعمري

موفقه حبيبتي مرام

11-25-2008, 05:10 PM

ممممممم

اليوم كان منيح الحمد لله

صحيت عالـ 6 ونص .. لبست وطلعت ع الامتحان ..

الحمد لله قدمت منيح وكان سهل كتير ..

رجعت عيوني مغمضة هههههه

صارلي يومين ما بعرف انام الا بعد الساعة 3 او 4 بالليل

نمت للـ 3 ونص .. وجيت عالـ 4 ع المنتدى

وبعد شوي بدي اقوم ادرس ^^

بكره عندي امتحان جغرافيا :)

11-25-2008, 05:10 PM

وضعي اليوم غير شكل ,,

من الصبح بحالي ,, ما حكيت كتير وما تحركت كتير ,,

بكرهو لهل احساس ,, لانو غريب كتير ,,

الذين يشاهدون محتوى الموضوع الآن : 1 ( الأعضاء 0 والزوار 1)

الإهداءات
إضافة إهداء