للنقاش. تقبلى تتجوزى انسان مبيصليش

الموضوع باختصار هو انك لو ملتزمه او حتى مسلمه ولله الحمد ترضى ترتبط بانسان مبيصليش وتقولى لنفسك لا ما انا بعد ما نتزوج اغيره . ولا ترفضى المبدا وتقولى من شب على شىء شاب عليه . ولا تقررى تضيعه فى اختبار طول فتره الخطوبه

امممممممممممممممممم
والله ما بظن اني رح ارفض المبدأ ممكن اكسب في اجر واخلي يصلي بس اهم شي يكون هو كمان عندو ارادة انو يحاول انو يتغير ويصلي
وشكرا ع الموضوع ميس

هو انا حتجوزه مشان اربيه ؟؟

اكيد مش ممكن اقبل بانسان ما بصلي .. بدي واحد مسلم هاد اقل شي !!

اساسا حتى المدخن برفضه .. و ان كان بصلي

و كمان شغلة تانية مش بس الصلاة هي المبدأ في الاختيار ..

اخلاقة و تعامله مع الغير و امانته بتلعب دور

تعامله مع اهله و عيلته و اخواته كمان .. و في لائحة طويلة بديش اسردها هلأ هههههههه

الصلاة شيء بديهي بالنسبة الي ما بطرح على حالي السؤال اصلا

//

ممكن الشب يتغير بعدين و ربنا يهديه .. لكن مش ممكن اغامر و ادخل في ورطة انا في غنى عنها .. بس عشان مجرد الزواج !!

ياما شفنا بنات اتجوزوا شباب ما بصلوا على امل انهم يتغيروا و ما تغيروا !!

بالعكس صارن البنات هني اللي ما بصلوا كمان !!

الرجال قوامون على النساء ..

و مبدأ القوامة هاد مش ممكن يتطبق مع انسان ما اله صلة اصلا برب العباد ..

الله يعين

يسلموا على الموضوع الحلو ^^

بالعكس صارن البنات هني اللي ما بصلوا كمان !!

كلام سليم ، بحكم الأداة التنفيذية للرجل على المرأة ، فالرجل يغير

والمرأة يصعب ذلك عليها ، لدرجة الأشبه بالمستحيل ..

انا بحترم رأيك اخ شهيد بس ما في شي مستحيل ياما نسوان غيروا ارجال وما في شي صعب يمكن امرأة ع امرأة بتتغير وكمان بالاسلوب فيها اتغيروا
ورح احكيلك تجربة صاحبة امي كان زوجها ما بصلي وما كان يسمعلها بس سبحان الله بعدين اتغير وصار يصلي فهاي المرأة نجحت لانها كان عندها امل انها اتغيرو وغيرتو وبالنهاية كسبت زوجها واخدت اجر عند رب العالمين بس انا بالنسبة الي ازا كانت المرأة تملك القدرة ع ذلك فتستطيع انها اتغيروا

صراحة انا دائما بتفق مع نور في معظم القضايا
ولكن سوف اختلف معها نوعاً ما
برايي هناك نوعين من الناس الي ما بيصلوا
النوع الاول بيكون جاحد وغير مؤمن بالصلاة او بالاسلام
والنوع الثاني بتهاون في الصلاة كسل منه او بدو تشجيع
فأنا برأيي انوا النوع الثاني قابل للتغيير إذا توفرت زوجة غيورة علي دينها
وما بترضي بهيك امور
يعني برايي لو كل صلاة قامت تصلي وهو شافها
اكيد هيستحي من حالوا واكم كلمة تشجيع منو هيتشجع
مثلا لو اول الامر صاروا يصلوا جماعة بالبيت هية وهوا
ولما تحس انوا صار متمسك بالصلاة اكيد هيصلي بالمسجد
وان شاء الله ربنا بكتب الوا الهداية علي ايدها
ويعطيكي العافية اختي علي هالموضوع

انا الصراحة ما بقبل اني اتزوج واحد ما بصلي ..

يلي ما بصلي ، بكون ما بيعرف بالدين شي ..

أو يمكن بيعرف ، بس عم يتجاهل الأمر !

الصلاة عامود الدين ، ويلي تارك الصلاة ، أو يلي بتهاون فيها ،

معناها ما في صلة بينو وبين ربو !

وانا مش مستعدة اني أتزوج واحد ما بصلي

اتخيلوا انو المرآة تقوم تصلي و هوي قاعد ، طيب الأطفال يلي رح يجوا ..

مش لازم يتعلموا الصلاة ؟

مش رح يكون صعب عليهم إستوعاب .. انو ليش أبوهم ما بصلي ؟

وبالمختصر المفيد .. تارك الصلاة بيسود قلبو

وببطل يعرف الصح من الغلط ، حتى حلاوة الإيمان يلي بالقلب بتزوول ..

لحتى يهديه رب العالمين
,,

واذا بتقولوا انو بعد ما يتزوج يمكن الله يهديه ..

فشو يلي بضمنلي هل شي ؟

..

شكرا ع الموضوع الحلوو ..

و الله يهدي الجميع :)

المشاركة الأصلية كتبت بواسطة قسامي غزة صراحة انا دائما بتفق مع نور في معظم القضايا
ولكن سوف اختلف معها نوعاً ما
برايي هناك نوعين من الناس الي ما بيصلوا
النوع الاول بيكون جاحد وغير مؤمن بالصلاة او بالاسلام
والنوع الثاني بتهاون في الصلاة كسل منه او بدو تشجيع
فأنا برأيي انوا النوع الثاني قابل للتغيير إذا توفرت زوجة غيورة علي دينها
وما بترضي بهيك امور
يعني برايي لو كل صلاة قامت تصلي وهو شافها
اكيد هيستحي من حالوا واكم كلمة تشجيع منو هيتشجع
مثلا لو اول الامر صاروا يصلوا جماعة بالبيت هية وهوا
ولما تحس انوا صار متمسك بالصلاة اكيد هيصلي بالمسجد
وان شاء الله ربنا بكتب الوا الهداية علي ايدها
ويعطيكي العافية اختي علي هالموضوع

بشوف صرنا بنختلف هاليومين ههههههه

والله يا قسامي كل انسان قابل للتغيير

لكن اللي حكيته هو عن تجربة شفتها .. في امي و والدي

تزوجوا و هو ما بصلي مع انه وعدها يتغير

و فعلا في البداية صار يصلي .. لكن اخرته ترك .. و رجع و ترك

انا لهلأ بتذكر حالة التخبط اللي كنت فيها مع خواتي

انه ليش ابونا ما بصلي !!

اي والله صعبة ع الطفل ازا امه مش وراه دائما ..

هلأ صحيح الحمد لله الله هداه و تاب و رجع للصلاة .. لكن بعد ايش

والله معاناة من جانب امي .. و هالشي كان سبب في كثير من المشاكل

نقطة اخرى

مش المرأة اللي بتأثر على الرجل .. الرجل هو اللي يأثر على المرأة في غالب الاحيان

و بعتقد مش ممكن نعمم حالة خاصة - بتكون المرأة فيها قوية الشخصية و الارادة - على سائر النسوان يا قسامي !!

فليش الواحدة تورط حالها ؟

والله تسلم اياديكم للتفاعل والرد

حتمآ لا !

الله لا يبلينا .. يا رب

مع اني مع قول قسامي بأنه ممكن تأثر عليه لو كان هو تاركها كسل

وحابب يصلي ..

بس كمان على قولة نور ليش المغامرة ؟!

هاي الصلاة مش لعبة ..

يعني هاي اقل شغله لازم تكون بالمؤمن !!

الله يهدي الجميع يا رب ..

مشكورة يا قمر