[الوطن\ وجواز السفر] حوار

[الوطن وجواز السفر] حوار

كما قال الشاعر

ولي وطن آليت أن لا أبيعه وأن لا أرى غيري له الدهر مالكا؟


( يسألونكَ عن المدينةِ الّتي تسكن , لا عن المدينةِ الّتي تسكنك )

هكذا قالت الأحلام مسغانمي وهكذا يفعلُ الناس في الدول الأخرى

يعترفون بالوطن الذي تسكنهُ لا الذي يسكُنكَ كل الناس لهم وطن يسكنهم الا نحن فلنا وطن يسكننا

كثيرون همْ الذين تركوا أوطانهم ورحلوا بعيداً منهم من ذهبَ ليواري


سوءة صبرهِ على الوطن المُتألم


ومنهم من ذهب للتعلم ولم يعدْ

ومنهم الذين أخذوا جنسيات خارجية وإستقروا بالخارج

والوطنُ تكاثفت لحيتهُ حُزناًعلى أبناءهُ

سؤالنا ؟

ما رأيكم بتغيير الجنسية؟

هل هي ضرورية أم من باب الترف؟

هل تنم عن إنكارك للوطن أم هي حرية شخصية ؟

هل ستغير جنسيتك لو أُتيحت الفرصة لذلك؟


دعوة للحوار الهادف والفكر النير

موضوع خطير مس اريج

ما رأيكم بتغيير الجنسية؟

شوفي هلا بحكي عن حالي انا ..

هلآ نحن معنا [ الوثيقة المصرية ]

يعني مش جواز

و هالوثيقة ما بتدخلنا ولا دولة الحمدلله

لهيك انا بأيد انو الواحد لو صحّلو ياخد الجنسية ما يحكي لا

سواء جنسية البلد الي عايش فيها ، او انو يهاجر لدولة غربية لياخدها ~

هل هي ضرورية أم من باب الترف؟

لا ضرورية كتير ..

هل تنم عن إنكارك للوطن أم هي حرية شخصية ؟

لا طبعا ما بتنم عن انكارنا لوطننا

بس شو نعمل ازا وطننا مو معطينا جواز عدل

هل ستغير جنسيتك لو أُتيحت الفرصة لذلك؟

لة بصحّلي اسافر لأوروبآ و آخد الجنسية ما بئول لأ .. :))

ممكن برضو مروم

منورة حبيبتي

يمكن لانكم انتو شايفين اكتر منا

منتزرة ارائكم :)

ما رأيكم بتغيير الجنسية؟

ممم بصراحة بالنسبة إلي بأيدها وبشدة

خاصة للمتاعيس اللي متلنا نحنا،،

معنا وسيقة مصرية منيلة "دفتر رسم"

مكتوب عليها بالخط العريض (مسموح السفر لكل دول العالم)

وفعلياً ما حدا بدخلك وازا بدك تدخلي بدك تتمرمطي وتتزللي

فأنا اول وحدة بأييد تغير الجنسية و بلا رجعة كمان

هل هي ضرورية أم من باب الترف؟

اه ضرورية بس اكيد مش من باب الترف،، يعني الجواز الاماراتي امتيازاتو حلوة ومنيحة

ويا ريت بصحلي آخدو بس مش منشان الامتيازات،، انا بدي اياه تمشاية حال

لا اكتر ولا أئل

ع الأليلة مشان الواحد ما ينحرم شوفة اهلو بسبب جوازو ولا وسيقتو!!

هل تنم عن إنكارك للوطن أم هي حرية شخصية ؟

لأ مش شرط،، انا مستحيل اتنكر لأصلي،، وشو ما يكون الجواز اللي رح آخدو

بضل احكي انا فلسطينية وما عمري بنكر هالشي،، اصلا انا بشوف حالي بجنسيتي

هل ستغير جنسيتك لو أُتيحت الفرصة لذلك؟

بلا تردد

دعوة للحوار الهادف والفكر النير

ماشي يا نيّرة انتي

منورة يا هبلة

ربنا يفرجها عليكم يارب :)

المشاركة الأصلية كتبت بواسطة القلب النابض

منورة يا هبلة

ربنا يفرجها عليكم يارب :)

ولي انتي ما عم تناقشي

انتي عم تشفئي علينا

ههههههههههههههههههه

شوفي الفكرة كانت عندي غير انا يا دوب

اذا سافرت بروح الاردن وان بعدت سوريا

لهيك كنت متخيلة شي ولما قرات ردودكم تكونت عندي فكرة جديدة :)

انا ما بشفئ يا ياسو بالعكس انتو بالقلب واحنا واحد

انا معي جواز فلسطيني :)

بانتزار ارائكم

سوري اذا وصلك هيك شي

انتي ويت عايشة؟

بس بدك فيزا صح؟

فلسطين نابلس

اه بس تصريح

من رأيي ، هيا بتساعد ، بس حتى لو انت كنت وحابب تنسى اصلك ، ما حتقدر

انا معي جنسية غريبه ، والحمد لله نعمة منه وفضل هاي ، وما حد بغلني بالسفر ، لاي دولة بالعالم

بس هنا مفيده ، اما اليوم مثلا كنت بستخرج سيارة ليا في دولة مصر ، وانا جايبها من الخارج على جواز سفري الغربي
وكانت الامور ماشية واني غربي ومحترميني ، وبساعدوني

صدفت حدثت مشكلة في الاوراق ، فبقولولي انت شو اصلك ، حكيتلهم فلسطيني ،
كاني رميت الماء على النار ، هبوا كلهم ، ولغوا تعب اسبوع كامل ودفعت كتير فلوس ، وحكه حنرجعهم إلك وما حنقبل ندخلها كده ، عصبت ، وانت عمله وانا عشان فلسطيني وكلام كده ، قالولي كلكم نصابين (( على وشك اضربه )) بس شو بدنا نعمل ، الفكرة الي صنعها الفلسطيين في مصر كانت سيئة ،

انا من رأيي اغلب الفلسطينيه إلي استقبلهم الرئيس السابق ( الجحش السابق ) ملعون مو مبارك ، كانه من اختنا حركة فتح الشقيقه ،

عموما ، مهما ضاقت الظروف ، لن اتنازل عن فلسطين ، حتى لو كنت الوحيد ، وفي ارضي سجين

يكفينا يوم القيامة يقول ربنا هؤلاء عبادي ، ومن جاهدوا في سبيلي في وقت اشتدت فيها الازمات ،
يكفيني هذا الشرف من اكناف بيت المقدس